ᠪᠢ ᠬᠠᠷᠭᠠᠨᠠ ᠲᠤᠳᠤᠷᠠ ᠠᠴᠠ ᠠᠯᠳᠠᠨ ᠬᠠᠷᠭᠠᠨᠠ ᠶᠢ ᠢᠯᠡᠬᠦᠦ ᠰᠤᠨᠢᠷᠬᠠᠳᠠᠭ᠃ ᠲᠡᠭᠦᠨ ᠤ ᠲᠦᠷᠦᠯ ᠳᠤ ᠢᠮᠠᠭᠠᠨ ᠬᠠᠷᠭᠠᠨᠠ᠂ ᠬᠦᠭᠡ ᠬᠠᠷᠭᠠᠨᠠ᠂ | ᠮᠦᠡᠭᠭᠡ ᠬᠠᠷᠭᠠᠨᠠ ᠬᠡᠵᠤ ᠪᠠᠶᠢᠳᠠᠭ ᠴᠤ ᠨᠠᠳᠠ ᠳᠤ ᠠᠯᠳᠠᠨ ᠬᠠᠷᠭᠠᠨᠠ ᠯᠡ ᠲᠦᠯᠬᠢᠬᠦᠦ ᠲᠠᠭᠠᠯᠠᠭᠳᠠᠳᠠᠭ ᠰᠠᠨ᠃ | ᠵᠢᠯ ᠪᠦᠷᠢ ᠶᠢᠨ ᠲᠠᠪᠤᠳᠤᠭᠠᠷ ᠰᠠᠷᠠ ᠶᠢᠨ ᠰᠡᠭᠦᠯᠴᠢ ᠵᠢᠷᠭᠤᠳᠤᠭᠠᠷ ᠰᠠᠷᠠ ᠶᠢᠨ ᠡᠬᠢ ᠪᠠᠷ ᠬᠠᠷᠭᠠᠨᠠ ᠴᠡᠴᠡᠭᠯᠡᠬᠦ ᠳᠤ ᠠᠯᠳᠠᠨ ᠬᠠᠷᠭᠠᠨᠠ ᠴᠤ ᠭᠠᠯ ᠰᠢᠷᠭᠠᠯ | ᠴᠡᠴᠡᠭ ᠢᠶᠠᠷ ᠭᠠᠵᠠᠷ ᠲᠡᠯᠡᠭᠡᠢ ᠶᠢ ᠦᠡᠭᠭᠡᠯᠡᠨ᠂ ᠲᠡᠷᠡ ᠬᠠᠪᠢ ᠶᠢ ᠰᠢᠷᠠ ᠦᠡᠭᠭᠡ ᠪᠠᠷ ᠪᠤᠳᠤᠭᠰᠠᠨ ᠶᠤᠮ ᠰᠢᠭ ᠪᠤᠯᠭᠠᠳᠠᠭ ᠨᠢ ᠰᠠᠶᠢᠬᠠᠨ᠃ ᠬᠠᠷᠭᠠᠨᠠ ᠶᠢᠨ ᠴᠡᠴᠡᠭ | ᠪᠦᠬᠦᠳᠡ ᠠᠯᠳᠠᠨ ᠰᠢᠷᠭᠠᠯ ᠦᠡᠭᠭᠡ ᠲᠠᠢ ᠴᠤ ᠠᠯᠳᠠᠨ ᠬᠠᠷᠭᠠᠨᠠ ᠲᠡᠷᠡ ᠴᠢᠭ ᠢᠶᠠᠷ ᠢᠶᠠᠨ ᠠᠯᠳᠠᠨ ᠰᠢᠷᠭᠠᠯ᠂ ᠲᠡᠭᠦᠨ ᠤ ᠡᠰᠢ ᠨᠢ ᠠᠯᠳᠠᠨ ᠰᠢᠷᠭᠠᠯ᠂ ᠨᠠᠪᠴᠢ ᠨᠢ | ᠴᠤ ᠠᠯᠳᠠᠨ ᠰᠢᠷᠭᠠᠯ᠂ ᠴᠡᠴᠡᠭ ᠲᠠᠰᠤᠳᠠᠨ ᠢᠳᠡᠭᠰᠡᠨ ᠮᠠᠯ ᠤᠨ ᠤᠷᠤᠭᠤᠯ ᠠᠯᠳᠠᠨ ᠰᠢᠷᠭᠠᠯ᠃ ᠠᠯᠳᠠᠨ ᠬᠠᠷᠭᠠᠨᠠ ᠲᠠᠪᠠᠭᠯᠠᠵᠤ᠂ ᠨᠢᠭᠡ ᠦᠨᠳᠦᠰᠦ ᠠᠴᠠ ᠤᠯᠠᠨ | ᠰᠢᠯᠤᠭᠤᠨ ᠰᠠᠯᠠᠭᠠ ᠭᠠᠷᠤᠨᠠ᠃ ᠰᠠᠯᠠᠭᠠ ᠪᠦᠷᠢ ᠠᠴᠠ ᠨᠢ ᠤᠯᠠᠨ ᠮᠦᠴᠢᠷ ᠭᠠᠷᠴᠤ᠂ ᠮᠦᠴᠢᠷ ᠪᠦᠷᠢ ᠠᠴᠠ ᠨᠢ ᠤᠯᠠᠨ ᠨᠠᠪᠴᠢ ᠨᠠᠬᠢᠶᠠᠯᠠᠨᠠ᠃ ᠨᠠᠪᠴᠢ ᠨᠢ | ᠤᠷᠳᠤᠯᠵᠢᠨ ᠵᠤᠤᠪᠠᠨᠭ᠌ ᠬᠡᠯᠪᠡᠷᠢ ᠲᠠᠢ᠃ ᠴᠡᠴᠡᠭᠡᠰ ᠨᠢ ᠬᠠᠭᠠᠰ ᠰᠠᠷᠠ ᠯᠡ ᠠᠯᠳᠠᠨ ᠠᠮᠢ ᠲᠠᠢ ᠪᠠᠶᠢᠵᠤ᠂ ᠰᠢᠵᠢᠷ ᠠᠯᠳᠠᠨ ᠴᠠᠭ ᠨᠢ ᠦᠡᠭᠭᠡᠷᠡᠬᠦ ᠪᠠᠷ ᠬᠤᠷᠪᠤᠶᠢᠵᠤ | ᠠᠭᠠᠵᠢᠮ ᠠᠭᠠᠵᠢᠮ ᠢᠶᠠᠷ ᠬᠠᠳᠠᠵᠦ ᠵᠢᠪᠠᠷ ᠤᠨ ᠠᠶᠠ ᠪᠠᠷ ᠤᠨᠠᠨᠠ᠃ ᠴᠡᠴᠡᠭ ᠤᠷᠭᠤᠭᠰᠠᠨ ᠭᠠᠵᠠᠷ ᠠᠴᠠ ᠢᠳᠡᠭᠡ ᠰᠠᠭᠤᠵᠤ᠂ ᠲᠡᠭᠦᠨ ᠢ ᠨᠢ ᠪᠤᠷᠳᠤᠭᠤ ᠬᠡᠳᠡᠭ᠃ | ᠪᠤᠷᠳᠤᠭᠤ ᠪᠦᠷᠢ ᠨᠢ ᠭᠤᠷᠪᠠ ᠠᠴᠠ ᠲᠦᠷᠪᠡᠨ ᠦᠷᠡ ᠲᠠᠢ᠃ ᠪᠤᠷᠤ ᠪᠤᠷᠴᠠᠭ ᠤᠨ ᠢᠳᠡᠭᠡ ᠲᠠᠢ ᠠᠳᠠᠯᠢ ᠲᠠᠭᠠᠷᠴᠤᠭᠯᠠᠭᠰᠠᠨ ᠬᠠᠯᠢᠰᠤ ᠶᠢ ᠨᠢ ᠮᠠᠨ ᠤ ᠨᠤᠳᠤᠭ ᠲᠤ | ᠪᠤᠷᠳᠤᠭᠤ ᠬᠡᠳᠡᠭ ᠰᠠᠨ᠃ ᠨᠠᠮᠤᠷ ᠤᠷᠤᠢ ᠪᠤᠯᠬᠤ ᠳᠤ ᠪᠤᠷᠳᠤᠭᠤ ᠪᠤᠯᠪᠠᠰᠤᠷᠠᠵᠤ᠂ ᠰᠠᠯᠠᠭᠠ ᠮᠦᠴᠢᠷ ᠠᠴᠠ ᠲᠠᠰᠤᠷᠠᠨ ᠭᠠᠵᠠᠷ ᠤᠨᠠᠵᠤ᠂ ᠬᠤᠷᠪᠤᠶᠢᠨ ᠬᠠᠳᠠᠬᠤ ᠪᠠᠷ | ᠠᠮᠠ ᠨᠢ ᠠᠩᠭᠠᠶᠢᠨ ᠦᠷᠡ ᠨᠢ ᠰᠠᠴᠤᠭᠳᠠᠨ ᠭᠠᠷᠴᠤ ᠪᠤᠯᠠᠭᠳᠠᠨ᠂ ᠠᠮᠢ ᠠᠮᠢᠵᠢᠷᠠᠯ ᠢᠶᠠᠨ ᠲᠠᠷᠠᠭᠠ ᠬᠠᠪᠤᠷ ᠠᠴᠠ ᠡᠬᠢᠯᠡᠨ ᠬᠦᠭᠡᠭᠡᠴᠡᠯᠳᠦᠬᠦ ᠨᠢ ᠲᠡᠷᠡ᠃ ᠲᠡᠭᠦᠨ ᠤ | ᠪᠤᠷᠳᠤᠭᠤ ᠠᠵᠤ ᠠᠬᠤᠢ ᠶᠢᠨ ᠦᠨᠳᠦᠷ ᠦᠷᠡ ᠠᠰᠢᠭ ᠲᠠᠢ ᠪᠠᠶᠢᠵᠤ᠂ ᠵᠢᠩ ᠪᠦᠷᠢ ᠳᠡᠭᠡᠨ ᠠᠷᠪᠠᠨ ᠬᠡᠳᠦᠨ ᠲᠦᠭᠦᠷᠢᠭ ᠬᠦᠷᠦᠨᠡ᠃ ᠲᠡᠭᠦᠭᠰᠡᠨ ᠪᠤᠷᠳᠤᠭᠤ ᠪᠠᠨ | ᠡᠭᠡᠭ ᠭᠠᠵᠠᠷ ᠲᠡᠯᠭᠡᠨ ᠬᠠᠳᠠᠭᠠᠬᠤ ᠳᠤ ︽ᠫᠦᠰ︕︾ ᠬᠡᠰᠡᠨ ᠬᠠᠭᠠᠷᠠᠬᠤ ᠲᠠᠭᠤ ᠭᠠᠷᠴᠤ ᠲᠡᠭᠡᠷᠡ ᠲᠡᠭᠡᠷᠡ ᠦᠰᠦᠷᠦᠨᠡ᠃ | ᠠᠯᠳᠠᠨ ᠬᠠᠷᠭᠠᠨᠠ ᠪᠤᠯ ᠮᠠᠯ ᠤᠨ ᠰᠢᠮᠡᠳᠦ ᠲᠡᠵᠢᠭᠡᠯ ᠶᠤᠮ᠃ ᠠᠯᠳᠠᠨ ᠬᠠᠷᠭᠠᠨᠠ ᠲᠠᠢ ᠪᠡᠯᠴᠢᠭᠡᠷ ᠬᠡᠵᠢᠶᠡᠳᠡ ᠪᠠᠨ ᠦᠡᠭᠰᠡᠭ᠃ ᠭᠠᠨᠭ᠌ ᠳᠤ ᠲᠡᠰᠪᠤᠷᠢᠳᠡᠢ᠂ | ᠡᠪᠦᠯ ᠳᠡᠭᠡᠨ ᠨᠦᠮᠦᠷᠢ ᠲᠠᠢ᠃ ᠬᠦᠢᠳᠡᠨ ᠰᠠᠯᠬᠢ ᠰᠢᠭᠤᠷᠭᠠ ᠪᠤᠰᠤᠯᠠ ᠬᠡᠳ ᠲᠡᠭᠦᠨ ᠤ ᠨᠦᠮᠦᠷᠢ ᠳᠤ ᠬᠡᠪᠳᠡᠭᠰᠡᠨ ᠮᠠᠯ ᠲᠠᠶᠢᠪᠤᠭᠤ ᠬᠡᠪᠢᠨ᠂ ᠦᠯᠦ ᠲᠤᠭᠤᠨᠠ᠃ | ᠰᠠᠬᠤᠯᠢᠭ ᠮᠦᠷᠳᠡᠭᠡᠨ ᠦᠨᠳᠦᠷ ᠤᠷᠭᠤᠵᠤ᠂ ᠤᠯᠠᠩᠬᠢ ᠨᠢ ᠲᠡᠮᠡᠭᠡᠨ ᠠᠴᠠ ᠴᠤ ᠦᠨᠳᠦᠷ᠃ ᠪᠦᠳᠦᠬᠦᠨ ᠪᠦᠳᠦᠬᠦᠨ ᠠᠳᠠᠨ ᠲᠡᠮᠡᠭᠡ ᠲᠡᠭᠷᠢ ᠪᠠᠭᠠᠨᠠᠳᠠᠭᠰᠠᠨ ᠠᠯᠳᠠᠨ | ᠬᠠᠷᠭᠠᠨᠠ ᠶᠢᠨ ᠰᠤᠪᠰᠠᠭ ᠨᠠᠷᠢᠨ ᠮᠦᠭᠡᠷᠰᠦ ᠶᠢ ᠨᠢ ᠲᠠᠭᠠᠷᠢᠬᠤ ᠬᠡᠵᠤ ᠬᠦᠵᠦᠭᠦᠦ ᠰᠤᠩᠭᠠᠨ ᠤᠷᠤᠭᠤᠯ ᠢᠶᠠᠨ ᠱᠤᠪᠤᠯᠵᠠᠭᠤᠯᠤᠨ᠂ ᠢᠳᠡᠭᠦ ᠬᠡᠵᠤ ᠬᠦᠷᠴᠦ ᠶᠠᠳᠠᠨ | ᠦᠨᠳᠡᠶᠢᠬᠦ ᠨᠢ ᠬᠦᠷᠳᠡᠯᠡ ᠰᠠᠶᠢᠬᠠᠨ᠃ ᠠᠯᠳᠠᠨ ᠬᠠᠷᠭᠠᠨᠠ ᠶᠢᠨ ᠠᠴᠢ ᠪᠠᠷ ᠡᠪᠦᠯ ᠢ ᠲᠤᠭᠤᠯᠵᠤ ᠬᠠᠪᠤᠷ ᠲᠠᠢ ᠵᠤᠯᠭᠠᠭᠰᠠᠨ ᠮᠠᠯ ᠡᠷᠳᠡ ᠬᠦᠷᠯᠡᠨᠡ᠂ ᠲᠠᠭᠠᠬᠢ | ᠦᠰᠦ ᠠᠴᠠ ᠪᠠᠨ ᠡᠷᠳᠡ ᠰᠠᠯᠤᠨᠠ᠂ ᠮᠦᠨ ᠴᠤ ᠡᠷᠳᠡ ᠬᠦᠨᠳᠡᠶᠢᠷᠡᠨᠡ᠃ ᠬᠠᠳᠠᠭᠤ ᠶᠢᠨ ᠮᠠᠯ ᠶᠠᠭᠠᠬᠢᠬᠤ ᠴᠤ ᠪᠤᠯᠤᠭᠠ ᠦᠭᠡᠢ ᠪᠠᠶᠢᠬᠤ ᠳᠤ ᠠᠯᠳᠠᠨ | ᠬᠠᠷᠭᠠᠨᠠ ᠲᠠᠢ ᠪᠡᠯᠴᠢᠭᠡᠷ ᠤᠨ ᠮᠠᠯ ᠬᠦᠷᠯᠡᠴᠢᠭᠡᠭᠰᠡᠨ᠂ ᠲᠡᠨᠳᠡᠬᠢ ᠶᠢᠨ ᠠᠶᠢᠯ ᠤᠳ ᠠᠶᠢᠷᠠᠭ ᠰᠦ ᠤᠤᠭᠤᠴᠢᠬᠠᠭᠰᠠᠨ ᠰᠡᠩᠬᠢᠨᠡᠬᠦᠯᠵᠤ ᠶᠠᠪᠤᠨᠠ᠃ ᠦᠨᠳᠦᠷ ᠢ ᠨᠢ | ᠪᠤᠳᠠ ᠮᠠᠯ ᠲᠠᠭᠠᠷᠢᠵᠤ᠂ ᠪᠤᠭᠤᠨᠢ ᠶᠢ ᠨᠢ ᠪᠤᠭ ᠮᠠᠯ ᠢᠳᠡᠭᠰᠡᠭᠡᠷ ᠪᠠᠶᠢᠳᠠᠭ ᠴᠤ ᠠᠯᠳᠠᠨ ᠬᠠᠷᠭᠠᠨᠠ ᠵᠢᠯ ᠤᠨ ᠲᠤᠷᠰᠢ ᠦᠨᠢᠷ ᠤᠷᠭᠤᠨᠠ᠃ ᠲᠡᠭᠦᠨ ᠤ ᠨᠠᠷᠢᠨ | ᠰᠤᠪᠰᠠᠭ ᠦᠵᠦᠬᠦᠷ ᠢ ᠲᠠᠭᠠᠷᠢᠵᠤ ᠬᠠᠳᠤᠨ᠂ ᠨᠡᠶᠢᠯᠡᠮᠡᠯ ᠲᠡᠵᠢᠭᠡᠯ ᠪᠤᠷᠳᠤᠭᠠ ᠪᠤᠯᠭᠠᠵᠤ ᠮᠠᠯ ᠲᠡᠵᠢᠭᠡᠪᠡᠯ ᠬᠦᠴᠦᠯᠡᠬᠦ ᠨᠢ ᠬᠤᠷᠳᠤᠨ᠂ ᠮᠢᠬᠠ ᠨᠢ ᠰᠢᠮᠡ ᠰᠠᠶᠢᠳᠠᠢ᠂ | ᠰᠤᠳᠤᠨ ᠠᠮᠳᠠᠳᠠᠢ ᠪᠠᠶᠢᠳᠠᠭ᠃ ᠲᠡᠷᠡ ᠵᠢᠯ ᠰᠤᠮᠤ ᠶᠢᠨ ᠬᠢᠨ ᠠᠯᠳᠠᠨ ᠬᠠᠷᠭᠠᠨᠠ ᠪᠠᠨ ᠬᠠᠮᠠᠭᠠᠯᠠᠨᠠ ᠬᠡᠵᠤ ᠲᠡᠮᠤᠷ ᠤᠳᠠᠰᠤᠨ ᠲᠤᠤᠷ ᠲᠠᠳᠠᠵᠤ ᠭᠡᠨᠡ᠃ ᠠᠩᠬᠠᠨ ᠤ | ᠵᠢᠯ ᠴᠤ ᠦᠨᠢᠷ ᠤᠷᠭᠤᠵᠤ ᠰᠤᠮᠤ ᠶᠢᠨ ᠬᠢᠨ ᠢ ᠬᠠᠭᠠ ᠪᠠᠶᠠᠷᠯᠠᠭᠤᠯᠵᠤ ᠬᠡᠨᠡ᠃ ᠲᠠᠷᠠᠭᠠ ᠵᠢᠯ ᠠᠴᠠ ᠤᠷᠭᠤᠴᠠ ᠨᠢ ᠰᠤᠯᠠᠷᠠᠵᠤ᠂ ᠭᠤᠷᠪᠠᠳᠤᠭᠠᠷ ᠵᠢᠯ ᠪᠤᠯᠬᠤ ᠳᠤ | ᠡᠬᠢᠯᠡᠨ ᠬᠠᠳᠠᠵᠤ ᠦᠭᠦᠬᠦ ᠪᠠᠷ ᠰᠤᠮᠤᠨ ᠤ ᠬᠢᠨ ᠪᠤᠷᠤᠭᠤᠳᠠᠭᠰᠠᠨ ᠢᠶᠠᠨ ᠮᠡᠳᠡᠵᠤ ᠤᠳᠠᠰᠤᠨ ᠬᠦᠷᠢᠶᠡ ᠪᠠᠨ ᠴᠤᠴᠠᠯᠠᠵᠤ ᠠᠪᠬᠤ ᠪᠠᠷ ᠠᠯᠳᠠᠨ ᠬᠠᠷᠭᠠᠨᠠ ᠠᠬᠢᠭᠠᠳ | ᠯᠡ ᠴᠤᠭ ᠵᠢᠪᠬᠤᠭᠠ ᠪᠠᠨ ᠰᠡᠷᠭᠦᠭᠡᠭᠰᠡᠨ ᠶᠤᠮ ᠬᠡᠵᠤ ᠠᠬᠠᠮᠠᠳ ᠬᠠᠭᠤᠴᠢᠯᠠᠵᠤ ᠪᠠᠶᠢᠭᠰᠠᠨ ᠢ ᠰᠤᠨᠤᠰᠬᠤ ᠳᠤ ᠮᠠᠯ ᠤᠨᠤᠭᠠ ᠡᠪᠡᠰᠦ ᠤᠷᠭᠤᠮᠠᠯ ᠬᠤᠶᠠᠷ ᠬᠡᠭᠴᠢ | ᠡᠶᠢᠮᠦ ᠯᠡ ᠮᠦᠡᠭᠭᠡ ᠶᠢᠨ ᠪᠠᠷᠢᠯᠳᠤᠯᠭᠠ ᠲᠠᠢ ᠪᠠᠶᠢᠭᠰᠠᠨ ᠠᠵᠢ᠃ ᠡ᠊ᠨᠳᠡᠬᠢ ᠶᠢᠨ ᠮᠠᠯ ᠲᠠᠮᠢᠷ ᠰᠠᠶᠢᠳᠠᠢ᠂ ᠪᠡᠶᠡ ᠰᠠᠶᠢᠳᠠᠢ᠂ ᠮᠢᠬᠠ ᠰᠠᠶᠢᠳᠠᠢ᠃ ᠴᠢᠨᠠᠬᠤ ᠳᠤ | ᠱᠦᠯᠦ ᠲᠠᠢ᠂ ᠠᠮᠳᠠ ᠰᠠᠶᠢᠳᠠᠢ ᠪᠠᠶᠢᠳᠠᠭ ᠨᠢ ᠰᠤᠨᠢᠨ᠃ | ᠬᠠᠳᠠᠵᠤ ᠬᠤᠪᠠᠭ᠋ᠠᠶᠢᠷᠠᠭᠰᠠᠨ ᠠᠯᠳᠠᠨ ᠬᠠᠷᠭᠠᠨᠠ ᠪᠠᠷ ᠬᠤᠷᠤᠭᠠ ᠬᠤᠳᠠ ᠪᠠᠷᠢᠵᠤ ᠪᠤᠯᠬᠤ ᠮᠦᠷᠳᠡᠭᠡᠨ ᠬᠠᠪᠤᠳᠠᠢ ᠰᠠᠶᠢᠨ ᠲᠦᠯᠡᠰᠢ ᠪᠤᠯᠳᠠᠭ ᠶᠤᠮ᠃ ᠠᠯᠳᠠᠨ | ᠬᠠᠷᠭᠠᠨᠠ ᠪᠠᠷ ᠪᠠᠷᠢᠭᠰᠠᠨ ᠬᠤᠷᠤᠭᠠ ︽ᠵᠤᠨ ᠳᠠᠭᠠᠨ ᠰᠡᠷᠢᠭᠦᠨ᠂ ᠡᠪᠦᠯ ᠳᠡᠭᠡᠨ ᠲᠤᠯᠠᠭᠠᠬᠠᠨ︾᠃ ᠬᠠᠪᠤᠷ ᠤᠨ ᠰᠠᠯᠬᠢ ᠬᠠᠪᠢᠷᠭᠠ ᠨᠡᠪᠳᠡ ᠴᠤ ᠲᠡᠭᠦᠨ ᠤ | ᠨᠦᠮᠦᠷᠢ ᠨᠦᠭᠡᠯᠭᠡ ᠳᠤ ᠬᠡᠪᠳᠡᠭᠰᠡᠨ ᠮᠠᠯ ᠭᠤᠷᠪᠠ ᠵᠢᠰᠦ ᠶᠢᠨ ᠬᠦᠢᠳᠡᠨ ᠢ ᠴᠤ ᠲᠤᠭᠤᠬᠤ ᠦᠭᠡᠢ᠃ ︽ᠰᠠᠷᠭᠠᠢ ᠴᠡᠴᠡᠭ ᠰᠤᠳᠤᠬᠠᠨ ᠴᠤ ᠦᠨᠳᠦᠰᠦ ᠶᠢ ᠨᠢ | ᠬᠢᠴᠢᠶᠡᠭᠡᠷᠡᠢ︾ ᠬᠡᠰᠡᠨ ᠦᠭᠡ ᠪᠠᠶᠢᠳᠠᠭ᠃ ᠠᠯᠳᠠᠨ ᠬᠠᠷᠭᠠᠨᠠ ᠶᠢᠨ ᠡᠰᠢ ᠰᠠᠯᠠᠭᠠᠨ ᠳᠤ ᠴᠤ ᠦᠷᠭᠡᠰᠦ ᠲᠠᠢ ᠪᠤᠯᠬᠤᠷ ᠭᠠᠷ ᠬᠤᠷᠤᠭᠤ ᠶᠢ ᠠᠮᠠᠷᠬᠠᠨ ᠬᠠᠳᠬᠤᠨᠠ᠃ | ᠲᠡᠭᠦᠬᠦ ᠳᠡᠭᠡᠨ ᠡᠨᠡ ᠪᠦᠬᠦᠨ ᠢ ᠠᠩᠬᠠᠷᠬᠤ ᠦᠭᠡᠢ ᠪᠤᠯ ᠵᠢᠵᠢᠭᠭᠡᠨ ᠦᠷᠭᠡᠰᠦ ᠨᠢ ᠮᠢᠬᠠᠨ ᠳᠤ ᠰᠢᠬᠢᠳᠴᠤ ᠨᠢᠭᠡ ᠮᠡᠳᠡᠬᠦ ᠳᠤ ᠪᠤᠭᠯᠠᠴᠢᠬᠠᠭᠰᠠᠨ᠂ ᠵᠤᠪᠠᠭᠤᠷᠢ | ᠲᠠᠭᠤᠳᠠᠨᠠ᠃ ᠤᠨᠠᠵᠤ ᠬᠤᠭᠤᠷᠠᠭᠰᠠᠨ ᠠᠯᠳᠠᠨ ᠬᠠᠷᠭᠠᠨᠠ ᠶᠢ ᠲᠡᠭᠦᠵᠤ ᠲᠦᠯᠡᠬᠦ ᠳᠤ ᠢᠯᠴᠢ ᠰᠠᠶᠢᠳᠠᠢ᠃ ᠬᠦᠷᠴᠢᠬᠢᠨᠡᠳᠡᠯᠡ ᠨᠤᠴᠤᠵᠤ ᠭᠠᠯ ᠤᠯᠠᠭᠠᠨ ᠲᠦᠯᠦ | ᠪᠠᠳᠠᠷᠠᠨ ᠬᠡᠷ ᠲᠦᠳᠡᠭᠡᠨ ᠬᠠᠯᠠᠭᠤ ᠤᠷᠬᠢᠨᠡ᠃ ᠬᠡᠤᠭᠡᠳ ᠤᠨ ᠪᠠᠭᠤᠤ ᠬᠢᠷᠢ ᠪᠦᠳᠦᠬᠦᠨ ᠮᠤᠳᠤᠯᠢᠭ ᠰᠠᠯᠠᠭᠠ ᠮᠦᠴᠢᠷ ᠨᠢ ᠤᠷᠳᠤ ᠮᠦᠷᠳᠡᠭᠡᠨ ᠪᠦᠭᠡᠯᠢᠭ ᠪᠠᠶᠢᠵᠤ᠂ | ᠨᠠᠷᠢᠨ ᠢᠶᠠᠷ ᠨᠢ ᠬᠦᠷᠦᠮᠡᠯ ᠬᠢᠵᠤ ᠴᠤ ᠪᠤᠯᠳᠠᠭ᠃ ᠬᠤᠳᠠ ᠬᠤᠷᠤᠭᠠ ᠶᠢᠨ ᠠᠮᠠ ᠬᠠᠭᠠᠬᠤ᠂ ᠲᠠᠭᠯᠠᠭᠠ ᠡᠨᠡ ᠲᠡᠷᠡ ᠵᠠᠰᠠᠬᠤ ᠳᠤ ᠰᠠᠶᠢᠨ ᠡᠳ᠋ ᠶᠤᠮ᠃ ᠦᠬᠢᠷᠡᠭᠰᠡᠨ | ᠂ ᠤᠨᠠᠭᠰᠠᠨ ᠬᠠᠷᠭᠠᠨᠠ ᠶᠢ ᠲᠡᠭᠦᠵᠤ ᠴᠤᠭᠯᠠᠭᠤᠯᠤᠨ ᠲᠦᠷᠪᠡᠯᠵᠢᠯᠡᠬᠦᠯᠦᠨ ᠦᠨᠳᠦᠷ ᠬᠤᠷᠢᠶᠠᠵᠤ ᠲᠠᠯᠪᠢᠬᠤ ᠨᠢ ᠠᠶᠢᠯ ᠤᠨ ᠭᠠᠳᠠᠨᠠ ᠴᠢᠮᠡᠭ ᠪᠤᠯᠬᠤ ᠮᠦᠷᠳᠡᠭᠡᠨ | ᠲᠦᠯᠡᠭᠡ ᠲᠦᠯᠡᠰᠢ ᠪᠤᠯᠤᠨᠠ᠃ ᠬᠤᠷᠢᠶᠠᠭᠰᠠᠨ ᠲᠦᠯᠡᠭᠡ ᠮᠤᠳᠤᠨ ᠠᠴᠠ ᠡᠨᠡ ᠠᠶᠢᠯ ᠤᠨ ᠴᠡᠪᠡᠷ ᠴᠡᠮᠴᠡᠭᠡᠷ᠂ ᠠᠵᠢᠯᠰᠠᠭ ᠬᠢᠴᠢᠶᠡᠩᠭᠦᠢ ᠨᠢ ᠮᠡᠳᠡᠭᠳᠡᠨᠡ᠃ | ᠡᠯᠡᠰᠦᠷᠭᠡᠭ ᠭᠠᠵᠠᠷ ᠲᠤ ᠤᠷᠭᠤᠳᠠᠭ ᠲᠠᠭᠠᠨ ᠲᠡᠷᠡ ᠶᠤᠮ ᠤᠤ᠂ ᠠᠯᠳᠠᠨ ᠬᠠᠷᠭᠠᠨᠠ ᠪᠠᠶᠢᠭᠰᠠᠨ ᠭᠠᠵᠠᠷ ᠲᠤ ᠮᠠᠩᠬᠠ ᠪᠤᠰᠬᠤ ᠦᠭᠡᠢ᠂ ᠭᠠᠵᠠᠷ ᠤᠨ | ᠬᠦᠷᠦᠰᠦ ᠬᠦᠪᠰᠦᠭᠡᠷ ᠵᠦᠭᠡᠯᠡᠨ ᠪᠠᠶᠢᠳᠠᠭ᠃ ᠲᠡᠭᠦᠨ ᠤ ᠡᠷᠡᠰ ᠴᠢᠩᠭᠠ ᠠᠮᠢᠵᠢᠷᠠᠯ ᠤᠨ ᠬᠦᠴᠦᠨ ᠳᠤ ᠡᠯᠡᠰᠦ ᠮᠠᠩᠬᠠ ᠲᠠᠷᠤᠭᠳᠠᠵᠤ᠂ ᠬᠦᠷᠦᠰᠦ ᠰᠢᠷᠤᠢ | ᠰᠠᠶᠢᠵᠢᠷᠠᠨ᠂ ᠴᠤᠯᠢᠭᠡᠷ ᠰᠤᠯᠢ ᠤᠷᠭᠤᠵᠤ ᠪᠠᠶᠢᠳᠠᠭ ᠨᠢ ᠠᠯᠳᠠᠨ ᠬᠠᠷᠭᠠᠨᠠ ᠳᠤ ᠲᠦᠷᠢᠮᠡᠭᠡᠢ ᠴᠢᠨᠠᠷ ᠪᠠᠶᠢᠳᠠᠭ ᠦᠭᠡᠢ ᠶᠢᠨ ᠬᠢ ᠪᠢᠵᠠ︖ ᠪᠤᠰᠤᠳ ᠲᠦᠷᠦᠯ ᠤᠨ | ᠡᠪᠡᠰᠦ ᠨᠤᠭᠤᠭᠠ ᠲᠠᠢ ᠬᠠᠮᠳᠤᠳᠠ ᠡᠪ ᠨᠠᠶᠢᠷᠰᠠᠭ ᠭᠠᠵᠠᠷ ᠦᠡᠭᠭᠡᠯᠡᠨᠡ᠃ | ᠠᠯᠳᠠᠨ ᠬᠠᠷᠭᠠᠨᠠ ᠶᠢ ᠤᠯᠠᠮ ᠴᠤ ᠤᠮᠤᠭ ᠰᠦᠷ ᠲᠠᠢ ᠪᠤᠯᠭᠠᠳᠠᠭ ᠨᠢ ᠰᠢᠷᠡ ᠬᠦᠷᠡᠭᠡ ᠶᠤᠮ᠃ ᠡᠪᠡᠰᠦ ᠪᠤᠳᠠᠨ ᠤ ᠲᠤᠮᠳᠠᠭᠤᠷ ᠰᠦᠷ ᠰᠠᠷ ᠬᠡᠮᠡᠨ | ᠬᠦᠶᠦᠳᠡᠭ ᠮᠦᠯᠬᠦᠭᠴᠢ ᠲᠡᠷᠡ ᠠᠮᠢᠳᠠᠨ ᠬᠤᠨᠢᠨ ᠬᠦᠷᠪᠡᠯ ᠠᠴᠠ ᠪᠠᠭᠠ ᠯᠡ ᠶᠡᠭᠡ ᠮᠦᠷᠳᠡᠭᠡᠨ ᠤᠷᠳᠤ ᠪᠤᠯᠪᠠᠴᠤ ᠤᠨᠢᠭᠠᠷ ᠨᠢᠳᠤ᠂ ᠤᠷᠳᠤᠯᠵᠢᠨ ᠲᠤᠯᠤᠭᠠᠢ᠂ | ᠴᠤᠬᠤᠷ ᠭᠠᠯ ᠰᠢᠷᠭᠠᠯ ᠪᠡᠶᠡ ᠨᠢ ᠬᠠᠷᠬᠢᠰ ᠲᠤᠭᠰᠢᠨ ᠬᠠᠷᠠᠭᠳᠠᠨᠠ᠃ ᠬᠤᠳᠠᠴᠢ ᠨᠤᠬᠠᠢ ᠮᠡᠳᠦ ᠠᠯᠳᠠᠨ ᠬᠠᠷᠭᠠᠨᠠ ᠪᠠᠷ ᠨᠤᠳᠤᠭᠯᠠᠨ ᠬᠠᠯᠳᠠᠰᠢ ᠬᠠᠶᠢᠵᠤ | ᠠᠭᠤᠷ ᠢ ᠨᠢ ᠬᠦᠷᠭᠡᠪᠡᠯ ᠬᠦᠮᠦᠨ ᠮᠠᠯ ᠢ ᠬᠦᠭᠡᠭᠡᠵᠤ ᠲᠠᠭᠤᠨ᠂ ᠬᠠᠯᠠᠭᠤᠨ ᠡᠯᠡᠰᠦᠨ ᠲᠡᠭᠡᠷᠡ ᠲᠡᠯᠪᠡᠷᠡᠭᠡᠳ ᠦᠰᠦᠷᠦᠭᠰᠡᠨ ᠲᠤᠰᠤᠯ ᠨᠢ ᠪᠡᠶᠡ ᠳᠤ ᠬᠦᠷᠪᠡᠯ ᠬᠠᠪᠤᠳᠠᠷ | ᠪᠤᠯᠳᠠᠭ ᠬᠡᠰᠡᠨ᠃ ᠲᠦᠯᠡᠭᠡ ᠮᠤᠳᠤ ᠲᠡᠭᠦᠵᠤ ᠤᠶᠢᠷᠠᠳᠬᠤ ᠳᠤ ᠬᠠᠷᠭᠠᠨᠠ ᠶᠢᠨ ᠲᠤᠳᠤᠷᠠ ᠠᠴᠠ ᠤᠨᠢᠭᠠᠷ ᠬᠤᠶᠠᠷ ᠨᠢᠳᠤ ᠪᠠᠷ ᠦᠭᠡᠳᠡ ᠴᠢᠨᠢ ᠴᠤᠭᠤᠷᠠᠳᠠᠯᠠ | ᠰᠢᠷᠳᠡᠵᠤ ᠪᠠᠶᠢᠬᠤ ᠳ᠋ᠠ᠃ ᠡᠨᠡ ᠦᠶᠡ ᠳᠤ ᠲᠤᠳᠤᠷᠠ ᠵᠢᠷᠢᠰ ᠬᠡᠵᠤ᠂ ᠠᠶᠤᠬᠤ ᠦᠭᠡᠢ ᠬᠡᠰᠡᠨ ᠴᠤ ᠠᠶᠠ ᠦᠭᠡᠢ ᠬᠡᠭᠴᠢ ᠪᠤᠯᠤᠨᠠ᠃ | ᠪᠢ ᠬᠠᠷᠭᠠᠨᠠ ᠶᠢᠨ ᠲᠤᠳᠤᠷᠠ ᠠᠴᠠ ᠠᠯᠳᠠᠨ ᠬᠠᠷᠭᠠᠨᠠ ᠶᠢ ᠢᠯᠡᠬᠦᠦ ᠪᠠᠭ᠋ᠠᠷᠬᠠᠳᠠᠭ ᠨᠢ ᠦᠨᠡᠨ᠃ ᠲᠡᠭᠦᠨ ᠳᠤ ᠡᠶᠢᠮᠦ ᠡᠷᠬᠢᠮᠰᠦᠭ ᠴᠢᠨᠠᠷ ᠪᠠᠶᠢᠳᠠᠭ ᠲᠤ᠂ | ᠡᠰᠡᠬᠦᠯᠡ ᠮᠢᠨᠤ ᠨᠤᠳᠤᠭ ᠲᠤ ᠤᠯᠠᠨ ᠤᠷᠭᠤᠳᠠᠭ ᠲᠤ ᠪᠤᠯᠪᠠ ᠤᠤ︖ ᠲᠡᠷᠡ ᠪᠤᠯ ᠲᠡᠯᠡᠭᠡᠢ ᠴᠢᠮᠡᠭᠰᠡᠨ ᠤᠷᠳᠤ ᠨᠠᠰᠤᠳᠠᠢ ᠤᠷᠭᠤᠮᠠᠯ᠃ ᠬᠦᠮᠦᠨ ᠮᠠᠯ ᠤᠨ | ᠬᠠᠶᠢᠷᠠ ᠶᠢ ᠪᠤᠯᠢᠶᠠᠭᠰᠠᠨ ᠪᠤᠳᠠ ᠶᠤᠮ᠃ ᠶᠡᠷᠦ ᠨᠢ ᠡᠨᠡ ᠲᠡᠯᠡᠭᠡᠢ ᠳᠤ ᠬᠡᠷᠡᠭ ᠦᠭᠡᠢ᠂ ᠢᠯᠡᠬᠦᠴᠡ᠂ ᠦᠨᠡ ᠦᠭᠡᠢ ᠶᠠᠭᠤᠮᠠ ᠪᠠᠶᠢᠳᠠᠭ ᠶᠤᠮ ᠤᠤ︖ ᠤᠷᠤᠰᠢᠨ | ᠲᠤᠭᠳᠠᠬᠤ ᠲᠡᠷᠡ ᠪᠤᠯᠭᠠᠨ ᠳᠤ ᠦᠪᠡᠷ ᠦᠪᠡᠷ ᠤᠨ ᠬᠡᠬᠦ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ᠂ ᠲᠤᠰᠢᠶᠠᠯ ᠮᠢᠨᠳᠠᠭ ᠢ ᠲᠡᠭᠷᠢ ᠭᠠᠵᠠᠷ ᠲᠡᠭᠦᠨ ᠳᠤ ᠲᠠᠭᠤ ᠦᠭᠡᠢ | ᠤᠯᠭᠤᠴᠢᠬᠠᠭᠰᠠᠨ ᠪᠠᠶᠢᠳᠠᠭ ᠨᠢ ᠦᠨᠡᠨ ᠰᠠᠨ᠃ | |