● ᠬᠠᠶᠢᠷᠭᠤᠴᠠᠢ | | ᠬᠦᠳᠡᠯᠮᠤᠷᠢ ᠪᠠᠶᠠ ᠮᠠᠬᠠᠪᠤᠳ ᠢ ᠴᠢᠬᠢᠷᠠᠭᠵᠢᠭᠤᠯᠳᠠᠭ ᠰᠢᠳᠢ ᠲᠠᠢ | ᠬᠦᠳᠡᠯᠮᠤᠷᠢ ᠠᠵᠢᠯ ᠦᠢᠯᠡᠰ ᠢ ᠦᠭᠡᠳᠡᠯᠡᠭᠦᠯᠳᠡᠭ ᠤᠬᠠᠭᠠᠨ ᠲᠠᠢ | ᠬᠦᠳᠡᠯᠮᠤᠷᠢ ᠠᠶᠢᠯ ᠡᠷᠤᠭᠡ ᠶᠢ ᠪᠠᠶᠠᠵᠢᠭᠤᠯᠳᠠᠭ ᠤᠪᠠᠳᠢᠰ ᠲᠠᠢ | ᠬᠦᠳᠡᠯᠮᠤᠷᠢ ᠲᠠᠮᠢᠷ ᠬᠦᠴᠤ ᠶᠢ ᠰᠡᠯᠪᠢᠳᠡᠭ ᠴᠢᠳᠠᠯ ᠲᠠᠢ | | | ᠰᠠᠭᠠᠯᠢᠴᠢᠨ ᠡᠵᠢ ᠦᠨᠢᠶᠠᠨ ᠵᠡᠯᠡᠨ ᠲᠡᠭᠡᠷᠠ ᠪᠠᠨ | ᠰᠠᠭᠠᠭᠰᠠᠨ ᠰᠦ ᠪᠠᠨ ᠬᠦᠨᠦᠭ ᠲᠦᠭᠦᠷᠡᠩ ᠪᠢᠯᠬᠠᠭᠤᠯᠵᠤ | ᠡᠷᠳᠡ ᠶᠢᠨ ᠨᠠᠷᠠ ᠶᠢ ᠰᠦᠨ ᠳᠡᠭᠡᠨ ᠮᠡᠯᠳᠡᠭᠡᠨᠡᠭᠦᠯᠵᠤ | ᠢᠷᠡᠵᠤ ᠶᠠᠪᠤᠬᠤ ᠨᠢ ᠬᠦᠳᠡᠯᠮᠤᠷᠢ ᠶᠢᠨ ᠤᠷᠠ | | | ᠬᠤᠯᠠ ᠶᠢᠨ ᠪᠡᠯᠴᠢᠭᠡᠷ ᠠᠴᠠ ᠠᠳᠤᠭᠤᠳ ᠢᠶᠠᠨ ᠨᠠᠭᠠᠰᠢᠯᠠᠭᠤᠯᠬᠤ | ᠠᠪᠤ ᠶᠢᠨ ᠮᠢᠨᠢ ᠤᠷᠳᠤ ᠤᠷᠭᠠ ᠠᠴᠠ ᠰᠤᠯᠤᠩᠭᠠ ᠲᠠᠳᠠᠵᠤ | ᠬᠤᠯᠠᠨ ᠴᠢᠬᠢᠳᠤ ᠡᠷᠳᠡᠨᠢ ᠶᠢᠨ ᠬᠦᠯᠦᠭ ᠤᠨ ᠬᠢᠨᠢ | ᠠᠯᠬᠤᠭᠠ ᠬᠦᠶᠤᠳᠠᠯ ᠠᠴᠠ ᠬᠦᠳᠡᠯᠮᠤᠷᠢ ᠶᠢᠨ ᠪᠦᠳᠤᠭᠡᠯ ᠲᠤᠪᠴᠢᠯᠠᠭᠳᠠᠨᠠ | | ᠬᠠᠤᠬᠢᠨ ᠭᠤᠶᠠᠳᠠᠬᠤ ᠤᠯᠠᠭᠠᠨ ᠰᠠᠯᠬᠢᠨ ᠢ ᠴᠢᠳᠤᠷᠯᠠᠵᠤ | ᠬᠠᠯᠬᠠᠪᠴᠢ ᠤᠢ ᠲᠠᠷᠢᠨ ᠡᠭᠡ ᠨᠤᠳᠤᠭ ᠢᠶᠠᠨ ᠬᠠᠮᠠᠭᠠᠯᠠᠬᠤ ᠨᠢ ᠬᠦᠳᠡᠯᠮᠤᠷᠢ | ᠬᠠᠷᠠᠭᠠᠨ ᠤ ᠦᠵᠤᠭᠦᠷ ᠲᠤ ᠨᠤᠮᠢᠨ ᠲᠠᠪᠠᠯᠭᠠᠨ ᠬᠠᠶᠠᠯᠠᠬᠤ ᠨᠢ ᠰᠠᠶᠢᠬᠠᠨ | ᠬᠠᠯᠠᠭᠤᠨ ᠵᠤᠷᠢᠭ ᠢᠶᠠᠷ ᠡᠷᠴᠢᠯᠡᠨ ᠬᠦᠳᠡᠯᠮᠤᠷᠢᠯᠡᠭᠦ ᠨᠢ ᠪᠠᠶᠠᠰᠤᠯ ᠲᠠᠢ | | ᠰᠢᠵᠢᠷ ᠬᠢᠯᠪᠠᠭᠠᠨ ᠰᠠᠴᠤᠷᠠᠭᠤᠯᠤᠭᠰᠠᠨ ᠬᠦᠳᠡᠯᠮᠤᠷᠢ ᠶᠢᠨ ᠢᠨᠢᠶᠡᠮᠰᠦᠭᠯᠡᠯ | ᠰᠢᠨᠠ ᠪᠦᠭᠦᠢ ᠲᠦᠷᠢ ᠲᠦᠷᠭᠦ ᠲᠠᠢ ᠪᠠᠨ ᠴᠢᠮᠠ ᠤᠷᠤᠭᠤ ᠲᠦᠭᠦᠨᠠ | ᠱᠸᠡᠭ ᠱᠸᠡᠭ ᠠᠯᠳᠠ ᠮᠦᠡᠭᠭᠦ ᠡᠳ᠋ ᠡᠷᠳᠡᠨᠢᠰ ᠲᠠᠢ ᠪᠠᠨ ᠢᠷᠡᠨᠠ | ᠰᠢᠨᠡᠴᠢᠯᠡᠵᠤ ᠲᠡᠭᠦᠨ ᠢ ᠠᠰᠢᠭᠯᠠᠵᠤ ᠭᠡᠷᠡᠭᠯᠡᠵᠤ ᠴᠢᠳᠠᠪᠠᠯ ᠪᠤᠶᠠᠨ ᠲᠡᠷᠡ | | ᠬᠦᠳᠡᠯᠮᠤᠷᠢ ᠦᠡᠭᠭᠡ ᠭᠡᠷᠡᠯ ᠲᠠᠢ ᠬᠦᠳᠡᠯᠮᠤᠷᠢ ᠬᠦᠮᠤᠨ ᠢ ᠪᠦᠳᠤᠭᠡᠳᠡᠭ | ᠬᠦᠭᠡ ᠲᠡᠭᠷᠢ ᠶᠢᠨ ᠬᠤᠷᠠ ᠪᠤᠷᠤᠭᠠᠨ ᠳᠤ ᠲᠦᠮᠡᠨ ᠪᠤᠳᠠᠰ ᠠᠮᠢᠯᠠᠨᠠ | ᠬᠦᠭᠵᠢᠯ ᠴᠠᠯᠬᠢᠯᠤᠭᠰᠠᠨ ᠬᠦᠳᠡᠯᠮᠤᠷᠢ ᠠᠴᠠ ᠭᠡᠰᠢᠭ ᠲᠡᠯᠭᠡᠷᠡᠨ ᠦᠷᠠ ᠰᠠᠭᠤᠨᠠ | ᠬᠦᠮᠤᠨ ᠪᠦᠭᠦᠳᠡᠭᠡᠷ ᠬᠦᠳᠡᠯᠮᠤᠷᠢ ᠶᠢ ᠬᠠᠶᠢᠷᠠᠯᠠᠨ ᠬᠦᠭᠵᠢᠭᠦᠯᠦᠶᠠ᠃ | |