ᠮᠤᠩᠭᠤᠯᠴᠤᠳ ᠴᠢᠯᠠᠭᠤ᠂ ᠮᠤᠳᠤ᠂ ᠪᠤᠷᠭᠠᠰᠤ᠂ ᠵᠦᠯᠭᠡ᠂ ᠰᠢᠷᠤᠢ᠂ ᠲᠤᠭᠤᠰᠬᠠ ᠪᠠ ᠴᠠᠰᠤ ᠪᠠᠷ ᠤᠪᠤᠭᠠ ᠪᠤᠰᠬᠠᠵᠦ᠂ ᠲᠡᠭᠷᠢ᠂ ᠭᠠᠵᠠᠷ᠂ ᠯᠤᠤᠰ᠂ ᠠᠭᠤᠯᠠ | ᠣᠰᠣᠨ ᠤ ᠨᠠᠪᠳᠠᠭ ᠰᠠᠪᠳᠠᠭ ᠢ ᠰᠢᠲᠦᠨ ᠲᠠᠬᠢᠳᠠᠭ ᠵᠠᠩ ᠦᠢᠯᠡ᠃ ᠣᠪᠣᠭᠠ ᠪᠤᠯ ᠮᠤᠩᠭᠤᠯᠴᠤᠳ ᠤᠨ ᠡᠷᠲᠡ ᠢᠵᠠᠭᠤᠷ ᠤᠨ ᠡᠪᠦᠭᠡ ᠳᠡᠭᠡᠳᠦᠰ ᠠᠴᠠ | ᠤᠯᠠᠮᠵᠢᠯᠠᠬᠳᠠᠬᠰᠠᠨ ᠵᠦᠭ ᠴᠢᠭ᠂ ᠠᠭᠤᠯᠠ ᠣᠰᠣᠨ ᠤ ᠬᠠᠭᠠᠯᠪᠤᠷᠢ᠂ ᠭᠤᠤ ᠭᠠᠩᠭᠠ ᠪᠡᠷᠬᠡ ᠪᠠᠷᠲᠠᠭᠠᠨ ᠤ ᠲᠡᠮᠳᠡᠭ ᠶᠤᠮ᠃ ᠮᠦᠨ ᠴᠦ ᠮᠤᠩᠭᠤᠯᠴᠤᠳ ᠤᠨ ᠦᠨᠦ | ᠣᠳᠠᠭᠠᠨ ᠤ ᠲᠡᠭᠷᠢ᠂ ᠭᠠᠵᠠᠷ᠂ ᠯᠤᠤᠰ᠂ ᠪᠤᠷᠬᠠᠨ ᠰᠠᠬᠢᠭᠤᠯᠰᠤᠨ ᠳᠤ ᠲᠠᠬᠢᠯ ᠲᠠᠪᠢᠭ ᠡᠷᠭᠦᠳᠡᠭ ᠶᠠᠨᠳᠠᠷ ᠪᠤᠯᠤᠨᠠ᠃ ᠲᠡᠳᠡᠨᠦᠰ ᠴᠢᠯᠠᠭᠤ᠂ ᠮᠤᠳᠤ᠂ ᠪᠤᠷᠭᠠᠰᠤ᠂ ᠵᠦᠯᠭᠡ᠂ | ᠰᠢᠷᠤᠢ᠂ ᠲᠤᠭᠤᠰᠬᠠ ᠪᠠ ᠴᠠᠰᠤ ᠶᠢ ᠤᠪᠤᠭᠠᠯᠠᠵᠦ ᠤᠪᠤᠭᠠ ᠪᠤᠰᠬᠠᠳᠠᠭ᠃ ᠮᠤᠩᠭᠤᠯᠴᠤᠳ ᠤᠨ ᠡᠷᠲᠡᠨ ᠤ ᠡᠪᠦᠭᠡ ᠳᠡᠭᠡᠳᠦᠰ ᠠᠭᠤᠯᠠ ᠣᠰᠣ᠂ ᠪᠡᠷᠬᠡ ᠪᠠᠷᠲᠠᠭᠠ᠂ | ᠭᠠᠴᠠᠭᠠ ᠪᠠᠷ ᠵᠤᠷᠴᠢᠬᠤ ᠳᠠᠭᠠᠨ ᠬᠡᠳᠦᠨ ᠴᠢᠯᠠᠭᠤ ᠮᠤᠳᠤ ᠤᠪᠤᠭᠠᠯᠠᠵᠦ ᠲᠡᠮᠳᠡᠭ ᠪᠤᠯᠭᠠᠵᠦ ᠲᠠᠯᠪᠢᠳᠠᠭ ᠪᠠᠶᠢᠵᠠᠢ᠃ ᠪᠠᠰᠠ ᠲᠡᠭᠷᠢ᠂ ᠭᠠᠵᠠᠷ ᠪᠤᠯᠤᠨ ᠪᠠᠶᠢᠭᠠᠯᠢ ᠶᠢᠨ | ᠶᠠᠩᠵᠦ ᠪᠦᠷᠢ ᠶᠢᠨ ᠦᠵᠡᠭᠳᠡᠯ ᠢ ᠡᠯᠳᠡᠪ ᠢᠶᠠᠷ ᠲᠠᠭᠠᠮᠠᠬᠯᠠᠵᠦ᠂ ᠲᠡᠭᠦᠨ ᠢ ᠪᠦᠷ ᠨᠢᠭᠤᠴᠠ ᠳᠠᠯᠳᠠ ᠶᠢᠨ ᠷᠢᠳᠢ ᠰᠢᠳᠢ ᠲᠠᠢ ᠡᠵᠡᠳ ᠰᠠᠬᠢᠭᠤᠯᠰᠤᠨ ᠲᠠᠢ ᠭᠡᠵᠦ | ᠲᠦᠰᠦᠭᠡᠯᠡᠵᠦ ᠢᠲᠡᠭᠡᠭᠡᠳ ᠭᠡᠳᠦᠨ ᠴᠢᠯᠠᠭᠤ ᠤᠪᠤᠭᠠᠯᠠᠵᠦ ᠪᠠᠯᠠᠷᠯᠢᠭ ᠦᠶᠡ ᠶᠢᠨ ᠲᠠᠬᠢᠯ ᠮᠦᠷᠭᠦᠯ ᠦᠢᠯᠡᠳᠴᠦ ᠪᠠᠶᠢᠵᠠᠢ᠃ ᠢᠩᠬᠢᠭᠡᠳ ᠡᠨᠡ ᠬᠦ ᠤᠪᠤᠭᠠ ᠨᠢ | ᠮᠤᠩᠭᠤᠯᠴᠤᠳ ᠤᠨ ᠲᠡᠭᠷᠢ᠂ ᠭᠠᠵᠠᠷ᠂ ᠯᠤᠤᠰ ᠢ ᠰᠢᠲᠦᠵᠦ ᠲᠠᠬᠢᠬᠤ ᠶᠠᠨᠳᠠᠷ ᠪᠤᠯᠵᠠᠢ᠃ ᠮᠤᠩᠭᠤᠯᠴᠤᠳ ᠤᠨ ᠤᠪᠤᠭᠠ ᠲᠠᠬᠢᠯᠭᠠ ᠨᠢ ᠮᠦᠨ ᠴᠦ ᠠᠭᠤᠯᠠ ᠬᠠᠶᠢᠷᠬᠠᠨ᠂ | ᠭᠤᠤᠯ ᠣᠰᠣ᠂ ᠡᠪᠡᠰᠦ ᠮᠤᠳᠤ ᠪᠠᠨ ᠬᠠᠶᠢᠷᠠᠯᠠᠨ ᠬᠠᠮᠠᠭᠠᠯᠠᠬᠰᠠᠨ ᠴᠢᠬᠤᠯᠠ ᠠᠵᠢᠯᠯᠠᠭᠠᠨ ᠪᠤᠯᠬᠤ ᠶᠤᠮ᠃ ᠮᠤᠩᠭᠤᠯᠴᠤᠳ ᠤᠨ ᠣᠪᠤᠭᠠ ᠪᠤᠰᠬᠠᠵᠦ ᠲᠠᠬᠢᠯ ᠲᠠᠪᠢᠭ | ᠡᠷᠭᠦᠳᠡᠭ ᠵᠠᠩ ᠦᠢᠯᠡ ᠬᠡᠳᠦᠨ ᠮᠢᠩᠭᠠᠨ ᠵᠢᠯ ᠤᠨ ᠲᠡᠤᠬᠡ ᠲᠠᠢ ᠪᠤᠯᠵᠠᠢ᠃ ᠡᠷᠲᠡ ᠢᠵᠠᠭᠤᠷ ᠠᠴᠠ ᠮᠤᠩᠭᠤᠯᠴᠤᠳ ᠤᠨ ᠡᠪᠦᠭᠡ ᠳᠡᠭᠡᠳᠦᠰ ᠤᠨ ᠣᠷᠣᠰᠢᠨ | ᠨᠤᠲᠤᠬᠰᠢᠵᠦ ᠪᠠᠶᠢᠬᠰᠠᠨ ᠭᠤᠯᠤᠮᠲᠠ ᠨᠤᠲᠤᠭ ᠳᠡᠭᠡᠷᠡ ᠤᠯᠠᠷᠢᠨ ᠬᠤᠪᠢᠷᠠᠵᠦ ᠮᠠᠨᠳᠤᠨ ᠮᠦᠬᠦᠵᠦ ᠪᠠᠶᠢᠬᠰᠠᠨ ᠡᠷᠲᠡᠨ ᠤ ᠤᠮᠠᠷᠠᠲᠤ ᠦᠨᠳᠦᠰᠦᠲᠡᠨ ᠨᠦᠭᠦᠳ | ᠠᠭᠤᠯᠠ ᠬᠠᠶᠢᠷᠬᠠᠨ ᠢᠶᠠᠨ ᠲᠠᠬᠢᠵᠦ ᠪᠠᠶᠢᠬᠰᠠᠨ ᠤᠯᠠ ᠮᠦᠷ ᠰᠤᠷᠪᠤᠯᠵᠢ ᠪᠢᠴᠢᠭ ᠤᠨ ᠲᠡᠮᠳᠡᠭᠯᠡᠯ ᠳᠤ ᠢᠯᠡᠷᠡᠵᠦ ᠪᠤᠢ᠃ ︽ᠰᠤᠳᠤᠷ ᠲᠡᠮᠳᠡᠭᠯᠡᠯ᠂ ᠡᠾᠢᠦ᠋ᠩᠨᠦ ᠶᠢᠨ | ᠨᠠᠮᠳᠠᠷ︾ ᠲᠤ᠄ ︽ᠲᠠᠪᠤᠳᠤᠭᠠᠷ ᠰᠠᠷᠠ ᠳᠤ ᠯᠦᠩᠴᠧᠩ ᠬᠤᠲᠠᠨ ᠳᠡᠭᠡᠷᠡ ᠶᠡᠭᠡ ᠴᠢᠭᠤᠯᠭᠠᠨ ᠪᠤᠯᠵᠦ ᠲᠡᠳᠡᠨ ᠤ ᠡᠪᠦᠭᠡ ᠳᠡᠭᠡᠳᠦᠰ ᠲᠡᠭᠷᠢ ᠭᠠᠵᠠᠷ ᠣᠷᠣᠨ | ᠰᠠᠬᠢᠭᠤᠯᠰᠤᠨ ᠢᠶᠠᠨ ᠲᠠᠬᠢᠮᠤᠢ︾ ᠭᠡᠵᠡᠢ᠃ ᠪᠠᠰᠠ ︽ ᠵᠡᠭᠦᠨ ᠬᠠᠨ ᠤᠯᠤᠰ ᠤᠨ ᠪᠢᠴᠢᠭ︾ ᠲᠤ᠄ ︽ᠡᠾᠢᠩᠨᠤᠴᠤᠳ ᠴᠠᠭᠠᠨ ᠰᠠᠷᠠ᠂ ᠲᠠᠪᠤᠨ ᠰᠠᠷᠠ᠂ ᠶᠢᠰᠦᠨ ᠰᠠᠷᠠ | ᠳᠤ ᠴᠢᠭᠤᠯᠭᠠᠨ ᠪᠤᠯᠵᠦ ᠲᠠᠬᠢᠯᠭᠠ ᠬᠢᠬᠦ ᠳᠡᠭᠡᠨ ᠮᠤᠷᠢ ᠲᠠᠪᠬᠢᠭᠤᠯᠵᠦ ᠲᠡᠮᠡᠭᠡ ᠤᠷᠤᠯᠳᠤᠳᠠᠭ︾ ᠭᠡᠰᠡᠨ ᠲᠡᠮᠳᠡᠭᠯᠡᠯ ᠲᠠᠢ᠃ ︽ᠤᠮᠠᠷᠠᠲᠤ ᠶᠢᠨ ᠲᠡᠤᠬᠡ᠂ ᠭᠤᠤᠴᠧ | ᠶᠢᠨ ᠨᠠᠮᠳᠠᠷ︾ ᠲᠤ᠄ ︽5 ᠳ᠋ᠤᠭᠠᠷ ᠵᠠᠭᠤᠨ ᠤ ᠳᠤᠮᠳᠠᠴᠢ ᠪᠠᠷ ᠣᠮᠠᠷᠠᠲᠤ ᠸᠧᠢ ᠣᠯᠣᠰ ᠤᠨ ᠸᠧᠨ ᠶᠢᠨ ᠬᠠᠭᠠᠨ ᠤ ᠦᠶᠡ ᠳᠤ ︿ᠲᠠᠪᠤᠨ ᠠᠶᠢᠮᠠᠭ ᠭᠤᠤᠴᠧ | ᠤᠬᠰᠠᠭᠠᠲᠠᠨ﹀ ᠴᠢᠭᠤᠯᠭᠠᠨ ᠪᠤᠯᠵᠦ ᠲᠡᠭᠷᠢ ᠳᠤ ᠲᠠᠬᠢᠯᠭᠠ ᠡᠷᠭᠦᠬᠦ ᠳᠤ ᠬᠡᠳᠦᠨ ᠲᠦᠮᠡᠨ ᠬᠦᠮᠦᠨ ᠬᠤᠷᠠᠵᠦ᠂ ᠮᠤᠷᠢ ᠣᠷᠣᠯᠳᠤᠨ᠂ ᠮᠠᠯ ᠨᠢᠳᠦᠯᠵᠦ᠂ ᠳᠠᠭᠤᠯᠠᠨ | ᠨᠠᠶᠢᠷᠯᠠᠵᠦ᠂ ᠴᠡᠩᠭᠡᠯᠳᠦᠨ ᠪᠦᠵᠢᠭᠯᠡᠪᠡ︾ ᠭᠡᠵᠦ ᠲᠡᠮᠳᠡᠭᠯᠡᠵᠡᠢ᠃ ᠲᠠᠩ ᠣᠯᠣᠰ ᠤᠨ ᠶᠡᠭᠡ ᠡᠷᠳᠡᠮᠲᠡᠨ ᠶᠠᠨ ᠰᠢ ᠬᠦ᠋ ᠡᠾᠢᠦ᠋ᠩᠨᠦ ᠶᠢᠨ ᠵᠠᠩᠰᠢᠯ ᠢ ᠲᠠᠶᠢᠯᠪᠤᠷᠢᠯᠠᠬᠤ | ᠳᠠᠭᠠᠨ᠄ ︽ᠮᠤᠳᠤᠨ ᠦᠭᠡᠢ ᠪᠤᠯᠪᠠᠰᠤ ᠣᠳᠠ ᠪᠤᠷᠭᠠᠰᠤᠨ ᠤ ᠨᠠᠮᠠᠭᠠ ᠶᠢ ᠬᠠᠳᠬᠤᠵᠦ ᠣᠷᠣᠯᠠᠭᠤᠯᠤᠮᠤᠢ᠂ ᠤᠯᠠᠨ ᠮᠤᠷᠢᠲᠠᠨ ᠭᠤᠷᠪᠠᠨᠲᠠ ᠲᠤᠭᠤᠷᠢᠬᠰᠠᠨ ᠤ ᠳᠠᠷᠠᠭᠠ | ᠵᠤᠬᠰᠤᠮᠤᠢ᠂ ᠡᠨᠡ ᠪᠤᠯᠪᠠᠰᠤ ᠲᠡᠳᠡᠨ ᠤ ᠤᠯᠠᠮᠵᠢᠯᠠᠯᠲᠤ ᠵᠠᠩᠰᠢᠯ ᠪᠤᠯᠤᠮᠤᠢ︾ ᠭᠡᠵᠡᠢ᠃ 7 — 8 ᠳ᠋ᠤᠭᠠᠷ ᠵᠠᠭᠤᠨ ᠤ ᠦᠶᠡ ᠳᠤ ᠣᠷᠬᠤᠨ ᠤ ᠲᠦᠷᠺᠴᠤᠳ ᠪᠤᠯᠭᠠᠨ | ᠤ ᠬᠦᠬᠡᠨᠡ ᠬᠠᠨ ᠢ ᠲᠠᠬᠢᠵᠦ ᠪᠠᠶᠢᠬᠰᠠᠨ ᠮᠡᠳᠡᠭᠡ ᠪᠤᠢ᠃ 13 ᠳ᠋ᠣᠭᠠᠷ ᠵᠠᠭᠤᠨ ᠤ ᠦᠶᠡ ᠳᠤ ᠴᠢᠩᠬᠢᠰ ᠬᠠᠭᠠᠨ ᠴᠦ ᠲᠡᠭᠷᠢ ᠭᠠᠵᠠᠷ᠂ ᠠᠭᠤᠯᠠ ᠣᠰᠣ ᠶᠢ ᠲᠠᠬᠢᠵᠦ | ᠪᠠᠶᠢᠵᠠᠢ᠃ ᠡᠨᠡ ᠲᠤᠬᠠᠢ ︽ ᠮᠤᠩᠭᠤᠯ ᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠤ 103 ᠳ᠋ᠣᠭᠠᠷ ᠵᠦᠢᠯ ᠳᠤ᠄ ︽ᠪᠤᠷᠬᠠᠨ ᠬᠠᠯᠳᠤᠨ ᠠᠭᠤᠯᠠ ᠶᠢ ᠦᠷᠯᠦᠭᠡ ᠪᠦᠷᠢ | ᠮᠢᠯᠢᠶᠠᠰᠤᠭᠠᠢ᠂ ᠡᠳᠦᠷ ᠪᠦᠷᠢ ᠦᠴᠢᠶᠡ᠂ ᠦᠶᠡ ᠶᠢᠨ ᠦᠶᠡ ᠳᠡᠭᠡᠨ ᠦᠨᠢᠲᠡ ᠲᠠᠬᠢᠰᠤᠭᠠᠢ︾ ᠭᠡᠵᠦ ᠲᠡᠮᠳᠡᠭᠯᠡᠵᠡᠢ᠃ ᠬᠠᠯᠬᠠ ᠳᠠᠬᠢ ᠭᠡᠷᠦᠯᠦᠨ ᠤ ᠪᠠᠶᠠᠨ ᠣᠯᠠᠭᠠᠨ | ᠣᠷᠬᠢᠯ ᠳᠡᠭᠡᠷᠡ ᠴᠢᠩᠬᠢᠰ ᠬᠠᠭᠠᠨ ᠤ ᠬᠤᠷᠢᠨ ᠳᠤᠯᠤᠭᠠᠨ ᠨᠠᠰᠤᠨ ᠳᠡᠭᠡᠷᠡ ᠪᠠᠨ ᠬᠠᠭᠠᠨ ᠰᠠᠭᠤᠬᠰᠠᠨ ᠢ ᠪᠡᠯᠭᠡᠯᠡᠵᠦ ᠪᠤᠰᠬᠠᠬᠰᠠᠨ ᠬᠤᠷᠢᠨ ᠳᠣᠯᠤᠭᠠᠨ ᠣᠪᠣᠭᠠ ᠨᠢ | ᠣᠳᠣ ᠪᠤᠯᠲᠠᠯᠠ ᠪᠠᠶᠢᠬᠰᠠᠭᠠᠷ᠃ ᠮᠦᠩᠬᠡ ᠬᠠᠭᠠᠨ ᠬᠦᠭᠡ ᠪᠠᠷᠰ ᠵᠢᠯ ︵1254 ᠣᠨ︶ ᠬᠦᠬᠡᠨᠠᠭᠤᠷ ᠤᠨ ᠵᠡᠭᠦᠨᠳᠡᠬᠢ ᠨᠠᠷᠠᠨ ᠰᠠᠷᠠᠨ ᠬᠠᠶᠢᠷᠬᠠᠨ ᠪᠠ ᠬᠦᠬᠡᠨᠠᠭᠤᠷ ᠢ | ᠲᠠᠬᠢᠬᠰᠠᠨ ᠪᠠᠶᠢᠨᠠ᠃ ᠴᠠᠬᠠᠷ ᠤᠨ ᠮᠢᠩᠭᠠᠨ ᠬᠦᠯᠦ ᠴᠠᠭᠠᠨ ᠤ ᠨᠤᠲᠤᠭ ᠲᠤ ᠬᠤᠪᠢᠯᠠᠢ ᠬᠠᠭᠠᠨ ᠤ ᠬᠠᠲᠤᠨ ᠬᠡᠣᠬᠡᠳ ᠤᠨ ᠢᠶᠠᠨ ᠬᠦᠢᠰᠦ ᠶᠢ ᠠᠪᠣᠬᠰᠠᠨ ᠭᠠᠵᠠᠷ | ᠲᠤ ᠲᠡᠮᠳᠡᠭ ᠪᠤᠯᠭᠠᠵᠦ ᠪᠤᠰᠬᠠᠭᠰᠠᠨ ︽ᠬᠦᠢᠰᠦ ᠣᠪᠣᠭᠠ︾ ᠣᠳᠣ ᠪᠤᠯᠲᠠᠯᠠ ᠪᠠᠶᠢᠬᠰᠠᠭᠠᠷ᠃ ᠱᠠᠩᠳᠦ ᠪᠠᠯᠠᠭᠤᠨ ᠠᠴᠠ ᠡᠮᠦᠨᠡ ᠬᠦᠯᠢᠶᠡᠨ ᠨᠠᠭᠤᠷ ᠤᠨ ᠣᠷᠴᠢᠮ | ᠪᠠᠶᠢᠬᠤ ᠰᠠᠭᠠᠳᠠᠭ ᠤᠨ ᠣᠪᠣᠭᠠ ᠪᠤᠯ ᠴᠢᠩᠬᠢᠰ ᠬᠠᠭᠠᠨ ᠤ ᠰᠠᠶᠢᠷ ᠬᠡᠭᠡᠷᠡ ᠳᠤ ᠴᠡᠷᠢᠭᠯᠡᠵᠦ ᠶᠠᠪᠤᠬᠤ ᠳᠠᠭᠠᠨ ᠰᠠᠭᠠᠷᠠᠬᠰᠠᠨ ᠨᠤᠮᠤ ᠰᠠᠭᠠᠳᠠᠭ ᠢᠶᠠᠨ ᠲᠠᠨᠢᠵᠦ ᠲᠠᠬᠢᠵᠦ | ᠪᠤᠰᠬᠠᠬᠰᠠᠨ ᠣᠪᠣᠭᠠ ᠭᠡᠵᠦ ᠲᠡᠨᠳᠡᠬᠢ ᠨᠤᠲᠤᠭ ᠤᠨ ᠬᠦᠮᠦᠰ ᠬᠠᠭᠤᠴᠢᠯᠠᠳᠠᠭ᠃ ᠴᠠᠬᠠᠷ ᠠᠷᠠᠳ ᠤᠨ ᠶᠠᠷᠢᠶᠠᠨ ᠳᠤ ᠪᠠᠰᠠ ᠬᠤᠪᠢᠯᠠᠢ ᠬᠠᠭᠠᠨ ᠲᠦᠷᠦ ᠶᠢᠨ ᠶᠡᠭᠡ | ᠪᠠᠭᠰᠢ ᠫᠠᠭᠪᠠ ᠯᠠᠮᠠ ᠠᠴᠠ ᠶᠡᠭᠡ ᠬᠦᠯᠭᠡᠨ ᠰᠤᠳᠤᠷ ᠭᠠᠨᠵᠤᠤᠷ ᠤᠨ ᠭᠦᠨ ᠣᠳᠬᠠ ᠶᠢ ᠰᠣᠨᠣᠰᠴᠦ ᠪᠢᠰᠢᠷᠡᠭᠡᠳ ᠱᠠᠩᠳᠦ ᠪᠠᠯᠠᠭᠤᠨ ᠡᠷᠬᠢᠨ ᠲᠤᠭᠤᠷᠢᠨ ᠳᠤ | ᠭᠠᠨᠵᠤᠤᠷ ᠤᠨ ᠪᠤᠳᠢ ᠶᠢᠨ ᠲᠤᠭᠠ ᠪᠠᠷ ᠵᠠᠭᠤ ᠨᠠᠢᠮᠠᠨ ᠰᠦᠮᠡ ᠪᠠᠶᠢᠭᠤᠯᠵᠦ᠂ ᠵᠠᠭᠤ ᠨᠠᠢᠮᠠᠨ ᠤᠪᠤᠭᠠ ᠪᠤᠰᠬᠠᠵᠠᠢ ᠬᠡᠳᠡᠭ᠃ ᠴᠢᠩᠬᠢᠰ ᠪᠠ ᠶᠤᠸᠠᠨ ᠣᠯᠣᠰ ᠤᠨ | ᠦᠶᠡ ᠳᠤ ᠦᠷᠦᠨᠡ ᠵᠦᠭ ᠲᠤ ᠳᠠᠶᠢᠳᠣᠵᠦ ᠪᠠᠶᠢᠬᠰᠠᠨ ᠴᠡᠷᠢᠭ ᠨᠢ ᠶᠠᠪᠤᠬᠤ ᠵᠠᠮ ᠳᠠᠭᠠᠨ ᠮᠤᠳᠤ ᠴᠢᠯᠠᠭᠤ ᠪᠠᠷ ᠪᠢᠰᠢᠬᠦᠢ ᠤᠯᠠᠨ ᠤᠪᠤᠭᠠ ᠪᠤᠰᠬᠠᠵᠦ ᠵᠦᠭ ᠴᠢᠭ | ᠪᠠ ᠪᠤᠴᠠᠬᠤ ᠵᠠᠮ ᠤᠨ ᠲᠡᠮᠳᠡᠭ ᠪᠤᠯᠭᠠᠵᠦ ᠪᠠᠶᠢᠬᠰᠠᠨ ᠢ ᠰᠣᠷᠪᠤᠯᠵᠢ ᠪᠢᠴᠢᠭ ᠲᠤ ᠲᠡᠮᠳᠡᠭᠯᠡᠵᠦ ᠪᠠᠶᠢᠳᠠᠭ᠃ ᠴᠢᠩᠬᠢᠰ ᠤᠨ ᠴᠡᠷᠢᠭ ᠶᠠᠮᠠᠷ ᠨᠢᠭᠡᠨ ᠣᠴᠢᠷ ᠢᠶᠠᠷ ᠬᠤᠷᠠᠨ | ᠴᠤᠬᠯᠠᠵᠦ ᠲᠠᠷᠡ ᠭᠠᠵᠠᠷ ᠲᠠᠭᠠᠨ ᠪᠤᠰᠬᠠᠬᠰᠠᠨ ︽ᠬᠤᠷᠠᠬᠤ ᠣᠪᠣᠭᠠᠨ︾ ᠤ ᠵᠠᠷᠢᠮ ᠨᠢ ᠮᠤᠩᠭᠤᠯ ᠣᠷᠣᠨ ᠳᠤ ᠣᠳᠣ ᠪᠤᠯᠲᠠᠯᠠ ᠦᠯᠡᠳᠡᠭᠰᠡᠭᠡᠷ ᠪᠠᠶᠢᠳᠠᠭ᠃ | ᠬᠤᠶᠢᠲᠤ ᠶᠤᠸᠠᠨ ᠣᠯᠣᠰ ᠤᠨ ᠦᠶᠡ ᠳᠤ ᠲᠡᠭᠷᠢ ᠠᠭᠤᠯᠠ ᠶᠢᠨ ᠠᠷᠤ᠂ ᠲᠠᠩᠨᠤ ᠣᠷᠢᠶᠠᠩᠬᠠᠢ᠂ ᠰᠡᠯᠡᠩᠭᠡ ᠮᠦᠷᠡᠨ ᠤ ᠳᠤᠮᠳᠠ ᠰᠠᠪᠠ ᠭᠠᠵᠠᠷ᠂ ᠠᠯᠳᠠᠢ ᠶᠢᠨ | ᠨᠢᠷᠤᠭᠤᠨ ᠤ ᠪᠠᠷᠠᠭᠤᠨ ᠬᠤᠶᠢᠲᠤ ᠬᠠᠪᠢ ᠪᠠᠷ ᠪᠠᠶᠢᠬᠰᠠᠨ ᠮᠤᠩᠭᠤᠯᠴᠤᠳ ᠡᠮᠦᠨᠡᠰᠢ ᠨᠡᠭᠦᠵᠦ ᠴᠠᠭᠠᠨ ᠬᠡᠷᠡᠮ ᠠᠴᠠ ᠣᠶᠢᠷᠠᠯᠴᠠᠭᠠ ᠰᠠᠭᠤᠵᠠᠢ᠃ ᠡᠮᠦᠨᠡᠰᠢ ᠨᠡᠭᠦᠵᠦ | ᠢᠷᠡᠭᠰᠡᠨ ᠮᠤᠩᠭᠤᠯᠴᠤᠳ ᠲᠤ ᠣᠯᠠᠨ ᠣᠪᠣᠭ ᠠᠶᠢᠮᠠᠭ ᠤᠨ ᠬᠦᠮᠦᠰ ᠪᠠᠶᠢᠵᠠᠢ᠃ ᠲᠡᠳᠡᠨᠦᠰ ᠳᠤᠲᠤᠬᠰᠢ ᠰᠢᠯᠵᠢᠨ ᠨᠤᠲᠤᠬᠯᠠᠬᠤ ᠳᠠᠭᠠᠨ ᠤᠪᠤᠭ ᠠᠶᠢᠮᠠᠭ ᠢᠶᠠᠷ ᠢᠶᠠᠨ | ᠣᠪᠣᠭᠠ ᠪᠤᠰᠬᠠᠵᠦ ᠦᠪᠡᠷᠰᠡᠳ ᠤᠨ ᠲᠤᠭ ᠰᠦᠯᠲᠡ ᠪᠠᠨ ᠪᠤᠶᠤ ᠶᠡᠬᠡᠰ ᠳᠡᠭᠡᠳᠦᠰ ᠢᠶᠠᠨ ᠳᠠᠬᠢᠨ ᠰᠢᠲᠦᠵᠦ ᠪᠠᠶᠢᠵᠠᠢ᠃ ᠢᠩᠬᠢᠵᠦ ᠡᠮᠦᠨᠡᠰᠢ ᠰᠢᠯᠵᠢᠭᠰᠡᠨ | ᠮᠤᠩᠭᠤᠯᠴᠤᠳ ᠤᠨ ᠨᠢᠭᠡ ᠬᠡᠰᠡᠭ ᠨᠢ ᠬᠤᠶᠢᠲᠤ ᠶᠤᠸᠠᠨ ᠤᠯᠤᠰ ᠤᠨ ᠪᠠᠷᠠᠭᠤᠨ ᠭᠠᠷ ᠲᠦᠮᠡᠨ ᠤ ᠨᠢᠭᠡ ᠪᠤᠯᠬᠤ ᠣᠷᠳᠣᠰ ᠲᠦᠮᠡᠨ ᠪᠤᠯᠤᠨᠠ᠃ ᠣᠷᠳᠣᠰᠴᠤᠳ | ᠪᠠᠰᠠ ᠮᠢᠩ ᠣᠯᠣᠰ ᠤᠨ ᠨᠤᠷᠠᠵᠦ ᠪᠠᠯᠠᠷᠠᠬᠰᠠᠨ ᠴᠠᠭᠠᠨ ᠬᠡᠷᠡᠮ ᠤᠨ ᠨᠠᠭᠠᠭᠤᠷ ᠵᠠᠬᠠ ᠬᠢᠯᠢ ᠶᠢᠨ ᠲᠡᠮᠳᠡᠭ ᠣᠪᠣᠭᠠ ᠪᠤᠰᠬᠠᠵᠦ ᠪᠠᠶᠢᠵᠠᠢ᠃ ᠬᠢᠩᠭᠠᠨ ᠳᠠᠪᠠᠭᠠᠨ ᠤ | ᠡᠩᠭᠡᠷ ᠢᠶᠠᠷ ᠪᠠᠶᠢᠬᠰᠠᠨ ᠬᠤᠷᠴᠢᠨ ᠠᠶᠢᠮᠠᠭ ᠴᠦ ᠮᠠᠨᠵᠦ ᠲᠠᠢ ᠬᠢᠯᠢ ᠨᠡᠶᠢᠯᠡᠵᠦ ᠪᠠᠶᠢᠬᠰᠠᠨ ᠵᠠᠬᠠ ᠬᠡᠴᠡ ᠪᠠᠷ ᠢᠶᠠᠨ ᠤᠪᠤᠭᠠ ᠪᠤᠰᠬᠠᠵᠦ ᠪᠠᠶᠢᠵᠠᠢ᠃ ᠲᠦᠮᠡᠳ ᠤᠨ | ᠠᠯᠲᠠᠨ ᠬᠠᠨ᠂ ᠣᠷᠳᠣᠰ ᠤᠨ ᠪᠣᠱᠤᠬᠲᠤ ᠵᠢᠨᠤᠩ ᠠᠴᠠ ᠭᠤᠷᠪᠠᠳᠤᠭᠠᠷ ᠳᠦᠷᠢ ᠶᠢᠨ ᠳᠠᠯᠠᠢ ᠯᠠᠮᠠ ᠶᠢ ᠵᠠᠯᠠᠵᠦ᠂ ᠰᠦᠮᠡ ᠬᠡᠶᠢᠳ ᠪᠠᠷᠢᠵᠦ ᠡᠬᠢᠯᠡᠭᠰᠡᠨ ᠠᠴᠠ | ᠮᠤᠩᠭᠤᠯ ᠣᠷᠣᠨ ᠳᠤ ᠰᠦᠮᠡ ᠬᠡᠶᠢᠳ ᠤᠨ ᠣᠪᠣᠭᠠ ᠪᠤᠢ ᠪᠤᠯᠵᠠᠢ᠃ | ᠮᠠᠨᠵᠦ ᠲᠠᠶᠢᠴᠢᠩ ᠬᠦᠷᠦᠨ ᠤ ᠦᠶᠡ ᠳᠤ ᠮᠤᠩᠭᠤᠯ ᠣᠷᠣᠨ ᠤ ᠴᠢᠭᠤᠯᠭᠠᠨ ᠤ ᠪᠠ ᠬᠤᠰᠢᠭᠤᠳ ᠤᠨ ᠣᠪᠣᠭᠠ ᠣᠯᠠᠨ ᠪᠤᠰᠬᠠᠭᠳᠠᠵᠠᠢ᠂ ᠪᠠᠰᠠ ᠨᠡᠷᠡ | ᠠᠯᠳᠠᠷᠲᠠᠢ ᠶᠡᠭᠡ ᠭᠡᠭᠡᠨ ᠬᠤᠪᠢᠯᠠᠭᠤᠨ ᠲᠤ ᠱᠠᠪᠢ ᠨᠠᠷ ᠠᠶᠢᠯ ᠡᠷᠦᠬᠡ ᠲᠤᠬᠢᠷᠠᠭᠤᠯᠤᠬᠰᠠᠨ ᠠᠴᠠ ᠱᠠᠪᠢ ᠨᠠᠷ ᠠᠶᠢᠯ ᠤᠨ ᠣᠪᠣᠭᠠ ᠪᠤᠢ ᠪᠤᠯᠵᠠᠢ᠃ ᠣᠯᠠᠨ ᠦᠷᠲᠡᠭᠡ | ᠪᠠᠶᠢᠭᠤᠯᠵᠦ᠂ ᠦᠷᠲᠡᠭᠡᠨ ᠳᠡᠭᠡᠨ ᠪᠢᠰᠢᠬᠦᠢ ᠣᠯᠠᠨ ᠠᠶᠢᠯ ᠡᠷᠦᠬᠡ ᠲᠠᠲᠠᠵᠦ ᠰᠠᠭᠤᠯᠭᠠᠬᠰᠠᠨ ᠠᠴᠠ ᠦᠷᠲᠡᠭᠡᠨ ᠤ ᠣᠪᠣᠭᠠ ᠪᠤᠢ ᠪᠤᠯᠵᠠᠢ᠃ ᠮᠠᠨᠵᠦ ᠶᠢᠨ ᠦᠶᠡ ᠳᠤ | ᠪᠤᠷᠬᠠᠨ ᠱᠠᠰᠢᠨ ᠮᠤᠩᠭᠤᠯᠴᠤᠳ ᠤᠨ ᠳᠣᠮᠳᠠ ᠶᠡᠭᠡ ᠪᠠᠷ ᠳᠡᠯᠭᠡᠷᠡᠭᠰᠡᠨ ᠠᠴᠠ ᠪᠢᠰᠢᠬᠦᠢ ᠣᠯᠠᠨ ᠰᠦᠮᠡ ᠬᠡᠶᠢᠳ ᠤᠨ ᠣᠪᠣᠭᠠ᠂ ᠭᠡᠭᠡᠨ ᠬᠤᠪᠢᠯᠠᠭᠤᠨ ᠤᠨ ᠣᠪᠣᠭᠠ | ᠪᠤᠢ ᠪᠤᠯᠵᠠᠢ᠃ ᠬᠤᠰᠢᠭᠤ ᠬᠤᠪᠢᠶᠠᠵᠦ ᠬᠡᠰᠡᠭᠯᠡᠨ ᠵᠠᠬᠢᠷᠤᠬᠰᠠᠨ ᠠᠴᠠ ᠮᠤᠩᠭᠤᠯᠴᠤᠳ ᠲᠤᠰ ᠲᠤᠰ ᠤᠨ ᠬᠤᠰᠢᠭᠤᠨ ᠤ ᠨᠤᠲᠤᠭ ᠤᠨ ᠬᠡᠪᠴᠢᠶᠡᠨ ᠳᠡᠭᠡᠨ ᠯᠠ | ᠨᠡᠭᠦᠳᠡᠯᠯᠡᠨ ᠮᠠᠯᠵᠢᠬᠤ ᠪᠤᠯᠵᠦ᠂ ᠲᠦᠷᠦᠯ ᠰᠠᠲᠤᠨ ᠢᠶᠠᠷ ᠢᠶᠠᠨ ᠪᠤᠶᠤ ᠲᠠᠨᠢᠯ ᠠᠬᠠ ᠳᠡᠭᠦᠦ ᠠᠶᠢᠮᠠᠭ ᠢᠶᠠᠷ ᠢᠶᠠᠨ ᠨᠡᠶᠢᠯᠡᠵᠦ ᠰᠠᠭᠤᠬᠤ ᠠᠶᠢᠯ ᠬᠤᠲᠠ ᠤᠯᠠᠰᠢᠷᠠᠬᠰᠠᠨ | ᠠᠴᠠ ᠠᠶᠢᠯ ᠣᠰᠣᠨ ᠤ ᠣᠪᠣᠭᠠ ᠴᠦ ᠠᠷᠪᠢᠳᠴᠠᠢ᠃ ᠡᠭᠦᠨ ᠤ ᠬᠠᠮᠲᠤ ᠴᠢᠭᠤᠯᠭᠠᠨ ᠬᠤᠭᠤᠷᠤᠨᠳᠤ ᠪᠠᠨ ᠪᠤᠶᠤ ᠬᠤᠰᠢᠭᠤ ᠬᠤᠭᠤᠷᠤᠨᠳᠤ ᠪᠠᠨ ᠭᠠᠵᠠᠷ ᠨᠤᠲᠤᠭ | ᠢᠶᠠᠨ ᠲᠤᠳᠤᠯᠠᠬᠰᠠᠨ ᠵᠠᠬᠠ ᠬᠡᠴᠠ ᠶᠢᠨ ᠣᠪᠣᠭᠠ ᠴᠦ ᠠᠷᠪᠢᠳᠴᠠᠢ᠃ ᠣᠪᠣᠭᠠᠨ ᠲᠠᠬᠢᠯᠭᠠ ᠶᠢᠨ ᠵᠠᠩᠰᠢᠯ ᠳᠤ ᠴᠢᠭᠤᠯᠭᠠᠨ ᠤ ᠣᠪᠣᠭᠠᠨ ᠳᠤ ᠭᠠᠷᠬᠤ ᠳᠤ ᠵᠠᠰᠠᠭ | ᠨᠣᠶᠠᠳ ᠲᠦᠰᠢᠮᠡᠳ ᠲᠦᠷᠦ ᠶᠢᠨ ᠵᠢᠬᠰᠠᠭᠠᠯ ᠶᠤᠰᠤᠯᠠᠯ ᠢᠶᠠᠷ ᠶᠠᠪᠤᠬᠤ᠂ ᠣᠪᠣᠭᠠᠨ ᠳᠤ ᠲᠠᠪᠤᠨ ᠦᠩᠭᠡ ᠶᠢᠨ ᠵᠠᠯᠠ ᠬᠡᠶᠢᠮᠤᠷᠢ ᠬᠡᠶᠢᠰᠭᠡᠬᠦ᠂ ᠤᠪᠤᠭᠠᠨ ᠰᠠᠩ ᠳᠠᠷᠤᠬᠤ | ᠵᠡᠷᠭᠡ ᠡᠯᠳᠡᠪ ᠶᠤᠰᠤ ᠪᠤᠢ ᠪᠤᠯᠵᠦ᠂ ᠣᠪᠣᠭᠠᠨ ᠤ ᠨᠠᠶᠢᠷ ᠬᠢᠬᠦ ᠨᠢ ᠨᠡᠶᠢᠳᠡᠮ ᠤᠨ ᠴᠢᠨᠠᠷ ᠲᠠᠢ ᠵᠠᠩᠰᠢᠯ ᠪᠤᠯᠵᠠᠢ᠃ ᠣᠪᠣᠭᠠᠨ ᠲᠠᠬᠢᠯᠭᠠ ᠳᠤ ᠣᠪᠣᠭᠠ ᠪᠠ ᠲᠡᠭᠦᠨ ᠤ | ᠲᠦᠷᠦᠯ ᠵᠦᠢᠯ᠂ ᠣᠪᠣᠭᠠ ᠪᠣᠰᠬᠠᠬᠤ ᠶᠤᠰᠤᠨ᠂ ᠣᠪᠣᠭᠠ ᠲᠠᠬᠢᠬᠤ ᠶᠤᠰᠤᠨ᠂ ᠤᠪᠤᠭᠠᠨ ᠨᠠᠶᠢᠷ᠂ ᠤᠪᠤᠭᠠᠨ ᠲᠠᠬᠢᠯᠭᠠ ᠶᠢᠨ ᠴᠡᠭᠡᠷ ᠪᠠ ᠣᠪᠣᠭᠠᠨ ᠰᠤᠳᠤᠷ ᠭᠡᠬᠦ ᠮᠡᠲᠦ | ᠠᠭᠤᠯᠭᠠ ᠶᠢ ᠪᠠᠭᠲᠠᠭᠠᠳᠠᠭ᠃ ᠣᠪᠣᠭᠠᠨ ᠤ ᠲᠦᠷᠦᠯ ᠮᠤᠩᠭᠤᠯᠴᠤᠳ ᠤᠨ ᠣᠪᠣᠭᠠ ᠳᠤ ᠲᠠᠬᠢᠯᠭᠠ ᠲᠠᠢ ᠣᠪᠣᠭᠠ ᠪᠠ ᠲᠠᠬᠢᠯᠭᠠ ᠦᠭᠡᠢ ᠣᠪᠣᠭᠠ ᠭᠡᠬᠦ | ᠬᠤᠶᠠᠷ ᠵᠦᠢᠯ ᠪᠠᠶᠢᠳᠠᠭ᠃ ᠡᠨᠡ ᠬᠤᠶᠠᠷ ᠵᠦᠢᠯ ᠤᠨ ᠣᠪᠣᠭᠠᠨ ᠤ ᠳᠤᠲᠤᠷᠠ ᠪᠠᠰᠠ ᠠᠳᠠᠯᠢ ᠪᠤᠰᠤ ᠵᠤᠷᠢᠯᠭᠠ ᠪᠠᠷ ᠪᠤᠰᠬᠠᠬᠳᠠᠬᠰᠠᠨ ᠣᠯᠠᠨ ᠵᠦᠢᠯ ᠤᠨ ᠣᠪᠣᠭᠠ | ᠪᠠᠶᠢᠳᠠᠭ᠃ ᠡᠭᠦᠨ ᠳᠤ ᠲᠡᠭᠷᠢ ᠶᠢᠨ ᠣᠪᠣᠭᠠ᠂ ᠤᠪᠤᠭ ᠠᠶᠢᠮᠠᠭ ᠤᠨ ᠣᠪᠣᠭᠠ᠂ ᠵᠠᠩᠵᠤᠨ ᠤ ᠣᠪᠣᠭᠠ᠂ ᠳᠤᠷᠠᠰᠬᠠᠯ ᠤᠨ ᠣᠪᠣᠭᠠ᠂ ᠬᠤᠷᠠᠬᠤ ᠣᠪᠣᠭᠠ᠂ ᠤᠩᠭᠤᠨ | ᠣᠪᠣᠭᠠ᠂ ᠠᠯᠪᠠᠨ ᠤ ᠤᠪᠤᠭᠠ᠂ ᠰᠦᠮᠡ ᠬᠡᠶᠢᠳ ᠤᠨ ᠣᠪᠣᠭᠠ᠂ ᠰᠦᠯᠳᠡ ᠣᠪᠣᠭᠠ᠂ ᠨᠣᠶᠠᠨ ᠤ ᠣᠪᠣᠭᠠ᠂ ᠠᠶᠢᠯ ᠣᠰᠣᠨ ᠤ ᠣᠪᠣᠭᠠ᠂ ᠬᠠᠷᠢᠶᠠᠯ ᠤᠨ ᠣᠪᠣᠭᠠ᠂ | ᠵᠢᠷᠤᠬᠠᠢ ᠶᠢᠨ ᠣᠪᠣᠭᠠ᠂ ᠨᠠᠭᠤᠷ ᠣᠰᠣᠨ ᠤ ᠤᠪᠤᠭᠠ᠂ ᠲᠡᠮᠳᠡᠭ ᠣᠪᠣᠭᠠ᠂ ᠬᠡᠤᠬᠡᠳ ᠤᠨ ᠣᠪᠣᠭᠠ᠂ ᠮᠠᠯ ᠤᠨ ᠣᠪᠣᠭᠠ᠂ ᠠᠪᠠ ᠠᠩᠨᠠᠭᠤᠷ ᠤᠨ ᠣᠪᠣᠭᠠ᠂ ᠠᠮᠢᠲᠠᠨ | ᠣᠷᠭᠤᠮᠠᠯ ᠤᠨ ᠣᠪᠣᠭᠠ᠂ ᠲᠠᠩᠭᠠᠷᠢᠭ ᠣᠪᠣᠭᠠ᠂ ᠰᠢᠯᠢ ᠶᠢᠨ ᠰᠠᠶᠢᠨ ᠡᠷᠡᠴᠤᠤᠯ ᠤᠨ ᠣᠪᠣᠭᠠ ᠵᠡᠷᠭᠡ ᠪᠠᠶᠢᠳᠠᠭ᠃ ᠡᠳᠡᠭᠡᠷ ᠣᠪᠣᠭᠠ ᠨᠤᠭᠤᠳ ᠢ ᠪᠦᠲᠦᠴᠡ | ᠪᠠᠶᠢᠷᠢᠯᠠᠯ ᠢᠶᠠᠷ ᠨᠢ ᠳᠦᠭᠦᠷᠡᠩ ᠣᠪᠣᠭᠠ᠂ ᠬᠤᠶᠠᠷ ᠤᠪᠤᠭᠠ᠂ ᠭᠤᠷᠪᠠᠨ ᠣᠪᠣᠭᠠ᠂ ᠳᠦᠷᠪᠡᠨ ᠣᠪᠣᠭᠠ᠂ ᠲᠠᠪᠤᠨ ᠣᠪᠣᠭᠠ᠂ ᠳᠤᠯᠣᠭᠠᠨ ᠣᠪᠣᠭᠠ᠂ ᠶᠢᠰᠦᠨ ᠣᠪᠣᠭᠠ᠂ | ᠠᠷᠪᠠᠨ ᠭᠤᠷᠪᠠᠨ ᠣᠪᠣᠭᠠ᠂ ᠬᠤᠷᠢᠨ ᠳᠤᠯᠤᠭᠠᠨ ᠣᠪᠣᠭᠠ᠂ ᠭᠤᠴᠢᠨ ᠭᠤᠷᠪᠠᠨ ᠣᠪᠣᠭᠠ᠂ ᠣᠯᠠᠨ ᠣᠪᠣᠭᠠ ᠭᠡᠬᠦ ᠮᠡᠲᠦ ᠤ ᠠᠩᠬᠢᠯᠠᠳᠠᠭ᠃ ᠡᠭᠦᠨ ᠳᠤ ᠳᠦᠭᠦᠷᠡᠩ | ᠣᠪᠣᠭᠠ ᠠᠴᠠ ᠪᠤᠰᠤᠳ ᠤᠯᠠᠨ ᠣᠪᠣᠭᠠ ᠨᠢ ᠭᠤᠤᠯ ᠣᠪᠣᠭᠠ ᠪᠠ ᠪᠠᠭᠠ ᠣᠪᠣᠭᠠ ᠪᠠᠷ ᠪᠦᠷᠢᠯᠳᠦᠨᠡ᠃ ᠭᠤᠤᠯ ᠣᠪᠣᠭᠠ ᠶᠢ ᠪᠠᠰᠠ ᠶᠡᠭᠡ ᠣᠪᠣᠭᠠ᠂ ᠪᠦᠳᠦᠭᠦᠨ | ᠣᠪᠣᠭᠠ᠂ ᠨᠣᠶᠠᠨ ᠣᠪᠣᠭᠠ᠂ ᠵᠠᠩᠵᠤᠨ ᠣᠪᠣᠭᠠ᠂ ᠲᠦᠪ ᠣᠪᠣᠭᠠ ᠭᠡᠳᠡᠭ᠃ ᠪᠠᠭᠠ ᠣᠪᠣᠭᠠ ᠶᠢ ᠪᠠᠰᠠ ᠱᠠᠪᠢ ᠣᠪᠣᠭᠠ᠂ ᠭᠤᠴᠤᠭ ᠣᠪᠣᠭᠠ᠂ ᠬᠠᠷᠠᠭᠤᠯ ᠣᠪᠣᠭᠠ᠂ | ᠬᠤᠶᠠᠭ ᠣᠪᠣᠭᠠ᠂ ᠰᠦᠪᠡᠭᠡ ᠣᠪᠣᠭᠠ᠂ ᠳᠠᠭᠠᠯᠲᠠ ᠣᠪᠣᠭᠠ ᠭᠡᠳᠡᠭ᠃ ᠠᠷᠠᠳ ᠤᠨ ᠶᠠᠷᠢᠶᠠᠨ ᠳᠤ ᠤᠯᠠᠩᠬᠢ ᠳᠠᠭᠠᠨ ᠱᠠᠪᠢ ᠣᠪᠣᠭᠠ ᠭᠡᠵᠦ ᠬᠡᠯᠡᠳᠡᠭ᠃ | | | | | | |