ᠳᠦᠷᠥ ᠶᠢᠨ ᠦᠷᠯᠥᠭ ᠵᠠᠪᠠ ᠨᠤᠶᠠᠨ ᠤ ᠬᠤᠶᠢᠴᠢᠰ | ᠳᠦᠬᠦᠮᠭᠡᠨ ᠭᠡᠯᠡᠪᠡᠯ ᠪᠠᠰᠤᠳ ᠬᠠᠷᠢᠶᠠ ᠶᠢᠨ ᠠᠷᠠᠳ | ᠳᠦᠷᠪᠡᠨ ᠬᠦᠯᠳᠥ ᠴᠠᠭᠠᠨ ᠳᠤᠭ ᠢ ᠳᠤᠭᠰᠢᠭᠤᠯᠤᠭᠰᠠᠨ | ᠳᠡᠯᠭᠡᠷ ᠬᠤᠷᠠᠬᠤ ᠳᠡᠭᠡᠳᠥ ᠶᠢᠨ ᠳᠠᠬᠢᠯᠭᠠ ᠰᠢᠳᠥᠭᠡᠨ ᠲᠠᠢ | | | ᠳᠤᠩᠳᠤᠯᠤᠭᠠᠢ ᠨᠤᠳᠤᠭ ᠲᠠᠭᠠᠨ ᠳᠤᠩᠰᠤᠯᠭᠠᠵᠤ ᠪᠠᠶᠢᠭᠰᠠᠨ ᠡᠷᠡ | ᠳᠤᠭᠤᠷᠢᠬᠤ ᠳᠦᠷᠪᠡᠨ ᠵᠦᠭ ᠲᠤ ᠮᠠᠭᠳᠠᠭᠳᠠᠵᠤ ᠶᠠᠪᠤᠭᠰᠠᠨ ᠬᠦᠮᠥᠨ | ᠳᠦᠷᠥᠯ ᠰᠠᠳᠤᠨ ᠠᠶᠢᠮᠠᠭ ᠲᠠᠭᠠᠨ ᠳᠦᠰᠢᠭ ᠪᠤᠯᠤᠨ ᠵᠠᠶᠠᠭᠠᠭᠰᠠᠨ | ᠳᠦᠷᠥᠭᠰᠡᠨ ᠠᠴᠢᠷ ᠭᠡᠥᠭᠡᠳ ᠲᠡᠭᠡᠨ ᠨᠡᠷᠡ ᠪᠤᠯᠤᠭᠰᠠᠨ ᠠᠪᠤ | | | ᠭᠡᠷᠭᠡᠢ᠂ ᠭᠡᠥᠭᠡᠳ ᠪᠦᠬᠦᠨ ᠳᠡᠭᠡᠨ ᠢᠳᠡᠭᠡᠯ ᠤᠯᠭᠤᠭᠰᠠᠨ ᠦᠮᠥᠭ | ᠭᠡᠷ ᠵᠠᠭᠤᠷᠠ ᠶᠢᠨ ᠠᠵᠢᠯ ᠢ ᠭᠠᠷ ᠤᠨ ᠠᠶᠠ ᠪᠠᠷ ᠡᠷᠬᠢᠬᠦᠯᠥᠭᠴᠢ | ᠭᠡᠭᠡᠷᠡ ᠭᠠᠳᠠᠨᠠ ᠶᠢᠨ ᠤᠳᠤᠷ ᠨᠡᠬᠦᠳᠡᠯ ᠳᠤ ᠶᠠᠪᠤᠵᠤ ᠪᠠᠭᠤᠬᠤ ᠳᠠᠭᠠᠨ | ᠭᠡᠵᠢᠶᠠᠳᠠ ᠨᠢᠮᠪᠠᠢ ᠪᠤᠳᠤᠯᠬᠢᠯᠠᠳᠠᠭ ᠭᠡᠷᠰᠡᠤ ᠤᠬᠠᠭᠠᠨ ᠲᠠᠢ ᠬᠦᠮᠥᠨ | | | ᠠᠷᠠᠳ ᠤᠨ ᠨᠢᠭᠡᠳᠤᠯ ᠢ ᠠᠩᠬᠠ ᠪᠠᠶᠢᠭᠤᠯᠬᠤ ᠳᠡᠷᠡ ᠦᠶᠡ ᠳᠤ | ᠠᠳᠤᠭᠤ ᠮᠠᠯ ᠢᠶᠠᠨ ᠡᠷᠬᠦᠭᠰᠡᠨ ᠦᠭᠯᠢᠭᠡᠴᠢ ᠬᠦᠮᠥᠨ ᠤ ᠨᠢᠭᠡ | ᠠᠵᠢᠯ ᠦᠢᠯᠡᠰ ᠲᠤ ᠰᠢᠭᠤᠷᠬᠠᠶᠢᠯᠠᠨ ᠬᠤᠰᠢᠭᠤᠴᠢᠯᠠᠳᠠᠭ ᠪᠤᠯᠬᠤᠷ | ᠠᠯᠳᠠᠨ ᠮᠧᠳᠠᠯ ᠢᠶᠠᠷ ᠡ᠊ᠩᠬᠡᠷ ᠢᠶᠠᠨ ᠮᠢᠯᠢᠶᠠᠯᠭᠠᠭᠰᠠᠨ ᠢᠳᠡᠪᠬᠢᠳᠡᠨ | | | ᠤᠳᠤᠭ᠂ ᠦᠥᠰᠢᠨ ᠬᠤᠶᠠᠷ ᠬᠤᠰᠢᠭᠤᠨ ᠤ ᠰᠢᠯᠢ ᠬᠦᠳᠡᠭᠡ ᠪᠠᠷ | ᠤᠷᠭᠠ ᠳᠤᠬᠤᠶᠢᠯᠠᠨ ᠠᠳᠤᠭᠤ ᠪᠠᠨ ᠬᠠᠷᠢᠭᠤᠯᠤᠨ ᠶᠠᠪᠤᠬᠤ ᠳᠠᠭᠠᠨ | ᠣᠷᠳᠣᠰ ᠠᠷᠠᠳ ᠤᠨ ᠳᠠᠭᠤᠤ ᠪᠠᠨ ᠬᠠᠩᠬᠢᠨᠠᠭᠤᠯᠤᠨ ᠳᠠᠭᠤᠯᠠᠵᠤ | ᠤᠶᠠᠩᠭᠠᠨ ᠡᠭᠡᠰᠢᠭ ᠢᠶᠠᠷ ᠨᠤᠳᠤᠭ ᠢᠶᠠᠨ ᠪᠠᠶᠠᠰᠬᠠᠳᠠᠭ ᠳᠠᠭᠤᠴᠢᠨ | | | ᠮᠢᠩᠭᠠᠨ ᠠᠳᠤᠭᠤᠨ ᠤ ᠤᠩᠭᠤᠨ ᠮᠤᠯᠤᠷ ᠳᠤᠯᠤᠭᠠᠢ ᠳᠤ | ᠮᠢᠨᠳᠡᠰᠤᠨ ᠴᠠᠯᠮᠠ ᠪᠠᠨ ᠬᠠᠶᠠᠯᠠᠨ ᠪᠠᠷᠢᠯᠠᠬᠤ ᠪᠦᠷᠢ ᠳᠡᠭᠡᠨ | ᠮᠠᠯᠴᠢᠨ ᠮᠤᠩᠭᠤᠯ ᠤᠨ ᠤᠷᠠ ᠠᠪᠢᠶᠠᠰ ᠪᠦᠬᠦᠨ ᠢᠶᠠᠨ | ᠮᠠᠰᠢ ᠭᠤᠶᠢᠳᠠ ᠦᠵᠡᠬᠦᠯᠳᠡᠭ ᠬᠤᠪᠤᠷᠬᠠᠨ ᠴᠢᠳᠠᠯᠳᠠᠨ ᠤ ᠨᠢᠭᠡᠨ | | | ᠦᠵᠡᠮᠵᠢᠳᠤ ᠰᠠᠶᠢᠬᠠᠨ ᠳᠠᠷᠬᠠᠨ ᠨᠤᠳᠤᠭ ᠤᠰᠤᠨ ᠳᠠᠭᠠᠨ | ᠦᠪᠡᠷ ᠤᠨ ᠪᠠᠶᠠ ᠪᠠᠷ ᠦᠯᠢᠭᠡᠷ ᠵᠢᠱᠢᠶᠡ ᠦᠵᠡᠬᠦᠯᠥᠨ | ᠦᠩᠰᠡᠭ ᠳᠤᠷᠨᠢᠭᠤᠨ ᠳᠠᠪᠤᠨ ᠬᠤᠰᠢᠭᠤ ᠮᠠᠯ ᠰᠦᠷᠥᠭ ᠢᠶᠠᠨ | ᠦᠨᠢᠷ ᠦᠰᠭᠡᠭᠰᠡᠨ ᠠᠷᠠᠳ ᠤᠨ ᠨᠢᠭᠡᠳᠥᠯ ᠤᠨ ᠬᠠᠰᠢᠷ ᠮᠠᠯᠴᠢᠨ | | | ᠢᠵᠠᠭᠤᠷ ᠮᠤᠩᠭᠤᠯ ᠰᠣᠶᠤᠯ ᠤᠨ ᠭᠡᠭᠡᠨ ᠮᠠᠯᠮᠠᠢ ᠪᠠᠷ | ᠡᠷᠳᠡ᠂ ᠡᠳᠥᠭᠡ ᠶᠢ ᠪᠠᠷᠠᠯᠠᠨ ᠪᠠᠷᠠᠯᠠᠨ ᠶᠠᠪᠤᠬᠤ ᠳᠠᠭᠠᠨ | ᠡᠷᠳᠡᠮ ᠮᠡᠳᠡᠯᠭᠡ ᠶᠢᠨ ᠡᠷᠬᠢᠮ ᠠᠯᠳᠠᠨ ᠵᠢᠯᠤᠭᠤ ᠶᠢ | ᠡ᠊ᠩᠬᠦᠷᠡᠢ ᠦᠷᠡᠰ ᠲᠡᠭᠡᠨ ᠠᠳᠬᠤᠭᠤᠯᠵᠤ ᠦᠭᠭᠦᠭᠰᠡᠨ ᠠᠪᠤ | | | ᠤᠮᠤᠭᠳᠤ ᠬᠦᠯᠥᠭ ᠤᠨ ᠪᠤᠰᠤᠭᠠ ᠳᠠᠯ ᠳᠡᠭᠡᠷᠡ | ᠦᠢᠯᠡᠰ ᠪᠦᠳᠥᠭᠡᠯ ᠢᠶᠠᠨ ᠪᠠᠶᠢᠭᠤᠯᠤᠭᠰᠠᠨ ᠠᠳᠤᠭᠤᠴᠢᠨ | ᠤᠷᠴᠢᠯᠠᠩ ᠳᠤ ᠵᠠᠶᠠᠭᠠᠭᠰᠠᠨ ᠮᠢᠨᠤ ᠭᠠᠭᠴᠠᠬᠠᠨ ᠠᠪᠤ | ᠤᠬᠠᠭᠠᠨᠳᠤ ᠦᠷᠯᠥᠭ ᠵᠡᠪᠡ ᠶᠢᠨ ᠬᠠᠷᠪᠤᠭᠰᠠᠨ ᠰᠤᠮᠤ ᠮᠠᠳᠤ᠃ | | |