| ᠭᠡᠭᠡᠷ ᠮᠣᠷᠢ ᠲᠠᠢ ᠨᠢᠭᠡᠨ ᠵᠠᠯᠠᠭᠤ ᠭᠡᠩᠭᠦᠯᠵᠡᠵᠦ ᠶᠠᠪᠣᠨᠠ | ᠭᠡᠭᠡᠷᠡ ᠲᠠᠯᠠ ᠶᠢᠨ ᠢᠶᠠᠨ ᠲᠣᠷᠭᠠᠨ ᠵᠢᠪᠠᠷ ᠢ ᠵᠠᠯᠭᠢᠯᠠᠵᠣ ᠶᠠᠪᠣᠨᠠ | ᠲᠠᠩᠰᠤᠭ ᠰᠠᠶᠢᠬᠠᠨ ᠨᠣᠳᠤᠭ ᠤᠨ ᠢᠶᠠᠨ ᠡᠯᠢᠭᠡᠨ ᠳᠤ ᠪᠠᠶᠠᠷᠯᠠᠵᠣ ᠶᠠᠪᠣᠨᠠ | ᠲᠠᠭᠠᠲᠠᠢ ᠢᠳᠡᠰᠢᠯᠡᠬᠦ ᠰᠦᠷᠦᠭ ᠢᠶᠠᠨ ᠬᠠᠷᠠᠨ ᠲᠣᠭᠳᠣᠯᠵᠣ ᠶᠠᠪᠣᠨᠡ | ᠬᠤᠯᠠ ᠭᠠᠷᠣᠭᠰᠠᠨ ᠣᠷᠢᠳᠣᠭᠢ ᠵᠢᠯ ᠤᠳ ᠢᠶᠠᠨ ᠰᠠᠨᠠᠵᠣ ᠶᠠᠪᠣᠨᠠ | ᠬᠤᠳᠠ ᠣᠷᠣᠭᠠᠳ ᠭᠢᠭᠰᠡᠨ ᠠᠵᠢᠯ ᠢᠶᠠᠨ ᠡᠷᠭᠢᠴᠡᠭᠦᠯᠵᠣ ᠶᠠᠪᠣᠨᠠ | ᠬᠦᠯᠦᠰᠦᠨ ᠳᠤ ᠲᠡᠪᠳᠦᠭᠰᠡᠨ ᠬᠦᠨᠳᠦ ᠬᠦᠳᠡᠯᠮᠦᠷᠢ ᠶᠢ ᠪᠣᠳᠣᠵᠣ ᠶᠠᠪᠣᠨᠠ | ᠬᠤᠨᠤᠭ ᠤᠨ ᠨᠦᠢᠷ ᠲᠤ ᠨᠣᠳᠤᠭ ᠢᠶᠠᠨ ᠵᠡᠭᠦᠳᠦᠯᠡᠳᠡᠭ ᠢᠶᠠᠨ ᠲᠣᠷᠠᠰᠴᠣ ᠶᠠᠪᠣᠨᠠ | ᠭᠠᠩ ᠤᠨ ᠨᠠᠷᠠ ᠲᠠᠢ ᠲᠡᠷᠡ ᠵᠣᠨ ᠭᠡᠭᠡᠷᠡ ᠲᠠᠯᠠ ᠬᠠᠯᠴᠠᠭᠠᠢ | ᠭᠠᠴᠢᠭᠳᠠᠭᠰᠠᠨ ᠢᠶᠠᠨ ᠭᠠᠷᠭᠠᠶᠠ ᠭᠡᠭᠦ ᠳᠤ ᠨᠢᠯᠪᠣᠰᠣ ᠬᠠᠷᠠᠬᠠᠨ ᠣᠯᠳᠠᠬᠤ ᠦᠭᠡᠢ | ᠮᠦᠯᠬᠦᠮᠡᠷ ᠮᠦᠯᠬᠦᠮᠡᠷ ᠮᠠᠯ ᠣᠨᠤᠭᠠ ᠵᠢᠷᠦᠬᠡ ᠡᠪᠡᠳᠦᠮᠡ ᠲᠣᠷᠠᠩᠬᠠᠢ | ᠮᠦᠩᠭᠦ ᠲᠠᠢ ᠬᠦᠮᠦᠰ ᠠᠴᠠ ᠵᠢᠭᠡᠯᠡᠶᠡ ᠬᠡᠬᠦ ᠳᠤ ᠨᠢᠳᠦᠨ ᠳᠡᠭᠡᠨ ᠴᠦ ᠬᠠᠪᠴᠢᠬᠤ ᠦᠭᠡᠢ | ᠬᠦᠮᠦᠨ ᠤ ᠭᠠᠵᠠᠷ ᠠᠴᠠ ᠵᠣᠭᠤᠰ ᠣᠯᠵᠣ ᠡᠪᠦᠷᠯᠡᠭᠦ ᠭᠡᠭᠴᠢ | ᠬᠦᠴᠢᠷ ᠪᠡᠷᠭᠡ ᠬᠡᠴᠢᠨᠡᠬᠡᠨ ᠶᠡᠭᠡ ᠶᠢ ᠠᠵᠢᠯ ᠭᠢᠵᠦ ᠯᠡ ᠪᠠᠶᠢᠵᠣ ᠮᠡᠳᠡᠷᠡᠨᠡ | ᠡᠵᠡᠨᠳᠡᠨ ᠤ ᠭᠠᠷ ᠠᠴᠠ ᠴᠠᠯᠢᠩ ᠢᠶᠠᠨ ᠪᠦᠳᠦᠨ ᠲᠣᠰᠬᠤ ᠭᠡᠳᠡᠭ | ᠡᠷᠭᠡ ᠴᠢᠯᠦᠭᠡ ᠶᠠᠮᠠᠷᠬᠠᠨ ᠰᠠᠶᠢᠬᠠᠨ ᠢ ᠵᠠᠷᠣᠭᠳᠠᠵᠣ ᠯᠡ ᠪᠠᠶᠢᠵᠣ ᠣᠶᠢᠯᠠᠭᠠᠨᠠ | ᠲᠠᠯᠠᠢ ᠲᠣᠳᠣᠷᠠ ᠠᠴᠠ ᠣᠷᠭᠤᠵᠣ ᠪᠠᠶᠢᠬᠤ ᠰᠢᠭ᠋ ᠨᠠᠷᠠ ᠶᠢ ᠬᠠᠷᠠᠬᠤ ᠳᠤ | ᠲᠠᠯᠠᠩ ᠲᠠᠢ ᠠᠷᠭᠠᠯ ᠲᠡᠭᠡᠷᠡ ᠠᠴᠠ ᠮᠠᠨᠳᠣᠵᠣ ᠪᠣᠢ ᠮᠡᠳᠦ ᠨᠠᠷᠠ ᠪᠠᠨ ᠰᠠᠨᠠᠨᠠ | ᠡᠷᠢᠨ ᠡᠷᠢᠨ ᠤ ᠬᠤᠭᠤᠯᠠ ᠨᠣᠭᠤᠭᠠ ᠶᠢᠨ ᠰᠢᠭᠢᠷᠯᠢᠭ ᠢ ᠵᠠᠵᠢᠯᠬᠤ ᠳᠤ | ᠡᠵᠢ ᠶᠢᠨ ᠭᠢᠭᠰᠡᠨ ᠡᠭᠡᠵᠡᠭᠡᠢ ᠬᠤᠷᠣᠳ ᠰᠢᠯᠦᠰᠣ ᠬᠤᠷᠠᠭᠤᠯᠵᠣ ᠬᠠᠷᠠᠭᠳᠠᠨᠠ | ᠬᠠᠷᠢᠬᠤ ᠰᠠᠨ ᠭᠡᠰᠡᠨ ᠰᠢᠭᠤᠳᠤᠮᠠᠭᠠᠢ ᠪᠣᠳᠣᠯ ᠳᠤ ᠨᠣᠳᠤᠭ ᠤᠨ ᠲᠦᠷᠭᠦ ᠦᠵᠡᠭᠳᠡᠨᠡ | ᠬᠦᠷ ᠬᠦᠷ ᠭᠡᠵᠦ ᠭᠠᠯᠳᠦ ᠲᠡᠷᠭᠡ ᠶᠠᠭᠠᠭᠢᠭᠰᠠᠨ ᠣᠳᠠᠭᠠᠨ ᠪᠣᠢ | ᠮᠦᠭᠡᠷᠡᠯᠳᠦᠨ ᠮᠠᠶᠢᠯᠠᠯᠳᠣᠭᠰᠠᠨ ᠮᠠᠯ ᠣᠨᠤᠭᠠ ᠨᠢᠳᠦᠨ ᠲᠣᠣᠷᠠᠬᠠᠨ ᠬᠠᠷᠠᠭᠳᠠᠨᠠ | ᠮᠦᠩᠭᠦᠨ ᠤ ᠠᠭᠤᠯᠤᠭᠳᠠᠴᠠ ᠲᠠᠢ ᠨᠣᠳᠤᠭ ᠠᠴᠠ ᠪᠠᠨ ᠶᠠᠭᠤᠨ ᠳᠤ ᠬᠤᠯᠠᠳᠠᠬᠤ ᠪᠣᠢ | ᠲᠣᠭᠠᠨ ᠤ ᠬᠤᠪᠢᠷᠠᠯᠳᠠ ᠠᠴᠠ ᠴᠢᠨᠠᠷ ᠤᠨ ᠬᠤᠪᠢᠷᠠᠯᠳᠠ ᠳᠤ ᠭᠦᠷᠭᠦ ᠴᠢᠬᠤᠯᠠ | ᠣᠳᠣᠮᠰᠢᠯ ᠤᠨ ᠠᠷᠭᠠ ᠬᠤᠴᠣᠷᠣᠩᠭᠤᠢ ᠰᠠᠶᠢᠨ ᠡᠭᠦᠯᠳᠡᠷ ᠢ ᠪᠠᠭ᠋ᠠᠰᠢᠶᠠᠪᠠ | ᠦᠢᠯᠡᠰ ᠠᠮᠵᠢᠯᠳᠠ ᠭᠡᠵᠣ ᠭᠡᠯᠡᠭᠦ ᠠᠴᠠ ᠪᠢᠰᠢ ᠭᠢᠬᠦ ᠪᠠᠷ ᠢᠷᠡᠵᠦ ᠪᠦᠳᠦᠳᠡᠭ ᠳ᠋ᠦᠩ | ᠲᠣᠭᠤᠯ ᠲᠣᠷᠨᠢᠭᠤᠨ ᠰᠡᠳᠬᠢᠯ ᠲᠡᠨᠢᠭᠦᠨ ᠡᠷᠴᠢ ᠬᠦᠴᠦᠨ ᠪᠠᠳᠠᠷᠠᠩᠭᠤᠢ | ᠭᠡᠭᠡᠷ ᠮᠣᠷᠢ ᠲᠠᠢ ᠨᠢᠭᠡᠨ ᠵᠠᠯᠠᠭᠤ ᠭᠡᠩᠭᠦᠯᠵᠡᠵᠦ ᠶᠠᠪᠣᠨᠠ | ᠭᠡᠳᠦ ᠶᠢᠨ ᠰᠠᠶᠢᠬᠠᠨ ᠠᠮᠢᠳᠣᠷᠠᠯ ᠤᠨ ᠢᠶᠠᠨ ᠲᠦᠯᠦᠭᠡ ᠣᠷᠮᠠᠰᠢᠵᠣ ᠶᠠᠪᠣᠨᠠ | ᠨᠣᠳᠤᠭ ᠤᠨ ᠢᠶᠠᠨ ᠬᠦᠷᠦᠰᠦᠨ ᠲᠡᠭᠡᠷᠡ ᠪᠠᠶᠢᠭᠤᠯᠵᠣ ᠴᠢᠳᠠᠬᠤ ᠵᠢᠷᠭᠠᠯ ᠯᠡ | ᠨᠣᠶᠠᠨ ᠣᠷᠭᠢᠯ ᠲᠡᠭᠡᠷᠡ ᠠᠴᠠ ᠨᠠᠷᠠ ᠶᠢ ᠣᠭᠳᠣᠭᠰᠠᠨ ᠰᠢᠭ᠋ ᠣᠮᠣᠭᠰᠢᠵᠣ ᠶᠠᠪᠣᠨᠠ︕ | | | |