● ᠷᠢ᠊᠂ ᠰᠡᠴᠡᠨᠳᠤ | | ᠨᠢᠭᠤᠴᠠᠬᠠᠨ ᠮᠦᠷᠳᠡᠭᠡᠨ ᠢᠯᠡᠬᠡᠨ | ᠨᠠᠮᠤᠭᠤᠨ ᠵᠢᠯᠮᠤᠬᠦᠬᠡᠨ ᠦᠳᠡᠰᠢ ᠪᠠᠷ | ᠨᠠᠮᠤᠷ ᠤᠨ ᠮᠦᠯᠢᠭᠡᠷ ᠴᠠᠭᠠᠨ ᠰᠠᠷᠠᠨ | ᠨᠠᠮᠠ ᠶᠢ ᠭᠠᠭᠴᠠᠭᠠᠷ ᠪᠠᠶᠢᠬᠤ ᠳᠤ ᠤᠷᠤᠵᠤ ᠢᠷᠡᠨᠡ | ᠪᠢ ᠬᠡᠴᠢᠨᠡᠭᠡᠨ ᠬᠦᠯᠢᠶᠡᠵᠤ ᠮᠦᠷᠤᠭᠡᠳᠤᠭ᠍ᠰᠡᠨ ᠢᠶᠠᠨ | ᠪᠡᠶᠡ ᠵᠢᠭᠵᠢᠬᠦᠷᠡᠰᠬᠢᠨ ᠰᠠᠨᠠᠵᠤ ᠮᠡᠳᠡᠷᠡᠬᠦ ᠳᠤ | ᠤᠷᠤ ᠬᠦᠨᠵᠢᠯᠡ ᠪᠠᠷ ᠮᠢᠨᠢ ᠨᠢᠭᠡ ᠲᠠᠷᠬᠠᠭᠰᠠᠨ | ᠡᠪᠤᠷ ᠲᠦᠬᠦᠷᠡᠩ ᠬᠦᠢᠳᠡᠨ ᠵᠢᠪᠡᠷ ᠰᠠᠩᠬᠢᠨᠡᠨᠡ | ᠤᠷᠤᠢ ᠲᠡᠭᠡᠷᠡ ᠠᠴᠠ ᠠᠰᠠᠬᠤ ᠰᠠᠷᠠ | ᠤᠷᠤᠭᠠᠳ ᠭᠠᠷᠤᠭᠰᠠᠨ ᠬᠡᠨ ᠨᠢᠭᠡᠨ ᠤ | ᠤᠨᠴᠠ ᠶᠢᠨ ᠬᠠᠯᠠᠭᠤᠨ ᠲᠤᠯᠠᠭᠠᠨ | ᠢᠨᠠᠭ ᠰᠡᠳᠬᠢᠯ ᠤᠨ ᠢᠯᠴᠢ ᠶᠢ ᠦᠭᠡᠶᠢᠯᠡᠬᠦᠯᠤᠨᠡ | ᠢᠷᠡᠮᠡᠷᠬᠡᠨ ᠪᠠᠶᠢᠭᠰᠠᠨ ᠲᠡᠬᠦᠨ ᠤ ᠮᠢᠨᠢ | ᠢᠳᠡᠭᠡᠯ ᠤᠨ ᠭᠠᠭᠴᠠ ᠲᠦᠯᠤᠭᠡᠯᠡᠯ ᠪᠤᠯᠵᠤ | ᠲᠡᠷᠭᠡᠯ ᠴᠠᠭᠠᠨ ᠰᠠᠷᠠᠨ ᠨᠢ ᠡᠷᠬᠡ ᠦᠭᠡᠢ | ᠲᠡᠷᠳᠡᠭᠡ ᠲᠠᠯᠠ ᠳᠤ ᠬᠢᠷᠠᠭᠤ ᠲᠠᠢ ᠮᠡᠯᠴᠠᠶᠢᠨᠠ᠃ | | ᠬᠦᠮᠤᠨ ᠴᠢᠯᠠᠭᠤ | | ᠦᠷᠯᠤᠭᠡ ᠪᠤᠯᠭᠠᠨ ᠤ ᠨᠠᠷᠠ | ᠡᠮᠤᠨᠡ ᠠᠴᠠ ᠮᠢᠨᠢ ᠢᠷᠡᠵᠤ ᠲᠤᠰᠤᠨᠠ | ᠦᠷᠤᠨᠡ ᠶᠢᠨ ᠤᠶᠢᠳᠬᠠᠷᠳᠤ ᠴᠡᠩᠬᠡᠷ ᠰᠠᠯᠬᠢ | ᠡᠳᠤᠷ ᠡᠳᠤᠷ ᠨᠠᠮᠠ ᠶᠢ ᠴᠢᠯᠤᠭᠡᠯᠡᠬᠦ ᠭᠡᠵᠤ | ᠡᠬᠦᠯᠡᠰ ᠪᠤᠷᠤᠭᠠᠨ ᠲᠠᠢ ᠪᠠᠨ | ᠦᠷᠬᠦᠯᠵᠢᠯᠡᠭᠰᠡᠨ ᠤᠨ ᠵᠠᠭᠤᠨ | ᠦᠭᠡᠳᠡᠰᠤᠨ ᠰᠡᠬᠦᠳᠡᠷ ᠢ ᠮᠢᠨᠢ ᠴᠤ | ᠥᠨᠥᠴᠢᠷᠡᠩᠭᠦᠢ ᠲᠠᠯᠠ ᠳᠠᠭᠠᠨ | ᠴᠤᠷ ᠤᠨ ᠭᠠᠭᠴᠠ ᠬᠠᠨᠢ ᠪᠤᠯᠭᠠᠨ ᠠᠷᠭᠠᠳᠠᠵᠤ | ᠴᠢᠨᠤ ᠠ᠂ ᠬᠠᠷᠢᠶᠡ ᠬᠤᠶᠠᠷ ᠳᠠᠭᠠᠨ ᠵᠠᠬᠢᠵᠠᠢ | ᠤᠷᠳᠤ ᠶᠢᠨ ᠲᠠᠭᠤᠤ ᠰᠢᠬ ᠴᠡᠩᠬᠡᠷ ᠵᠡᠷᠭᠡᠯᠭᠡ | ᠤᠷᠤᠰᠤᠨ ᠲᠡᠬᠦᠯᠢᠵᠤ᠂ ᠲᠡᠷᠭᠡᠳᠡᠬᠦᠷ ᠭᠠᠷᠤᠨᠠ | ᠦᠷᠯᠦᠭ ᠲᠡᠤᠭᠡᠳᠤ ᠰᠦᠰᠤ ᠵᠤᠷᠢᠭ ᠮᠢᠨᠢ | ᠦᠰᠢᠯ ᠦᠰᠢᠨ ᠬᠠᠳᠠᠭᠤᠵᠢᠨ ᠲᠢᠩᠭᠠᠨᠠᠵᠤ | ᠦᠬᠦᠯ ᠦᠭᠡᠢ ᠮᠦᠩᠬᠡ ᠶᠢᠨ ᠤᠯᠠᠷᠢᠯ | ᠦᠩᠭᠡ ᠶᠢᠨ ᠴᠡᠴᠡᠭᠡᠰ ᠡᠷᠪᠡᠭᠡᠢ | ᠬᠤᠶᠠᠷ ᠲᠠᠢ ᠪᠠᠨ ᠨᠢᠯᠬᠠᠷᠠᠨᠠ | ᠡᠳᠤᠷ ᠪᠦᠬᠦᠳᠡ ᠶᠢᠨ ᠡ᠊ᠩᠬᠡ ᠶᠢᠨ ᠮᠡᠨᠳᠤ | ᠡᠷᠡᠬᠦᠤ ᠴᠠᠭᠠᠨ ᠪᠤᠯᠵᠤᠮᠤᠷ ᠨᠢ ᠵᠢᠷᠭᠢᠯᠳᠤᠨᠡ | ᠦᠰᠬᠦ ᠠᠴᠠ ᠡᠬᠢᠯᠡᠭᠰᠡᠨ ᠴᠠᠭ ᠬᠤᠭᠤᠴᠠᠭᠠ | ᠡᠮᠤᠨᠡ ᠮᠢᠨᠢ ᠢᠷᠡᠵᠤ ᠰᠢᠷᠤᠢ ᠲᠤᠭᠤᠰᠤ ᠬᠤᠷᠠᠨᠠ | ᠨᠠᠳᠠᠳᠤ ᠡᠬᠦᠷᠢᠳᠤᠯ ᠭᠡᠵᠤ ᠪᠠᠶᠢᠬᠤ ᠦᠭᠡᠢ | ᠨᠠᠷᠠ᠂ ᠨᠠᠮᠠ ᠶᠢ ᠲᠠᠳᠠᠵᠤ ᠪᠤᠰᠬᠤ ᠭᠡᠵᠤ | ᠨᠠᠶᠠᠨ ᠲᠦᠮᠡᠨ ᠰᠠᠴᠤᠷᠠᠭ ᠭᠡᠷᠡᠯ ᠢᠶᠠᠷ ᠢᠶᠠᠨ ᠪᠤᠯᠢᠶᠠᠯᠳᠤᠨ | ᠨᠠᠶᠠᠨ ᠲᠦᠮᠡᠨ ᠵᠢᠯ ᠴᠢᠳᠠᠯ ᠮᠡᠬᠦᠰᠬᠡᠨ ᠪᠦᠬᠦ᠋ᠢᠨᠡ | ᠮᠢᠨᠤ ᠶᠠᠪᠤᠬᠤ ᠴᠠᠭ ᠬᠦᠯᠢᠶᠡᠯᠳᠡ ᠪᠦᠬᠦᠨ ᠤ ᠲᠡᠬᠦᠰᠭᠡᠯ | ᠮᠠᠨ ᠤ ᠭᠠᠷᠠᠭ ᠤᠨ ᠬᠦᠮᠤᠰ ᠤᠷᠴᠢᠯᠠᠩ ᠢ ᠤᠷᠬᠢᠬᠤ ᠴᠠᠭ | ᠮᠠᠷᠭᠠᠰᠢ ᠭᠡᠪᠡᠴᠤ ᠪᠠᠰᠠ ᠪᠠᠶᠢᠭᠰᠠᠭᠠᠷ | ᠮᠠᠯ ᠰᠦᠷᠦᠭ ᠠᠭᠤᠯᠠ ᠲᠠᠯᠠ ᠳᠠᠭᠠᠨ ᠪᠤᠴᠠᠨᠠ᠃ | | ᠪᠤᠯᠤᠮᠵᠢ | | ᠮᠤᠷᠢᠳ ᠬᠠᠶᠠ ᠲᠠᠳᠠᠯᠭᠠᠨ ᠪᠢᠴᠢᠯᠭᠡ ᠰᠢᠭ | ᠮᠢᠷᠡᠯᠵᠠᠭᠠᠨ ᠲᠤᠮᠳᠠ ᠪᠠᠨ ᠦᠰᠦᠭᠯᠡᠵᠤ ᠬᠠᠷᠠᠭᠳᠠᠨᠠ | ᠮᠠᠳᠠᠷ ᠬᠠᠶᠠ ᠤᠯᠠᠭᠠᠨ ᠬᠤᠭᠤᠷᠮᠠᠭ ᠰᠢᠭ᠋ | ᠮᠦᠯᠬᠦᠭᠡᠨ ᠲᠤᠮᠳᠡ ᠪᠠᠨ ᠰᠢᠪᠠᠷᠰᠢᠵᠤ ᠬᠠᠷᠠᠭᠳᠠᠨᠠ | | ᠮᠤᠳᠤᠳ ᠬᠠᠶᠠ ᠭᠠᠵᠠᠷ ᠤᠨ ᠲᠤᠭ ᠰᠢᠬ | ᠮᠠᠩᠬᠠᠨ ᠲᠤᠮᠳᠡ ᠪᠠᠨ ᠲᠠᠷᠴᠠᠭᠯᠠᠵᠤ ᠬᠠᠷᠠᠭᠳᠠᠨᠠ | ᠮᠦᠭᠡᠷ ᠬᠠᠶᠠ ᠬᠡᠭᠡᠰᠤ ᠲᠠᠢ ᠰᠠᠷᠠ ᠰᠢᠭ᠋ | ᠮᠦᠰᠤᠨ ᠲᠡᠭᠡᠷᠡ ᠪᠠᠨ ᠭᠡᠷᠡᠯᠳᠤᠵᠤ ᠬᠠᠷᠠᠭᠳᠠᠨᠠ | | ᠮᠠᠨᠠᠨ ᠬᠠᠶᠠ ᠤᠢ ᠶᠢᠨ ᠵᠡᠬᠦᠳᠤ ᠰᠢᠭ | ᠤᠷᠬᠢᠯ ᠲᠤᠮᠳᠠ ᠪᠠᠨ ᠵᠠᠮᠬᠠᠷᠠᠵᠤ ᠬᠠᠷᠠᠭᠳᠠᠨᠠ | ᠮᠠᠷᠠᠯ ᠬᠠᠶᠠ ᠦᠳᠡᠰᠢ ᠶᠢᠨ ᠤᠴᠢ ᠰᠢᠭ᠋ | ᠤᠭᠳᠠᠷᠭᠤᠢ ᠲᠤᠮᠳᠠ ᠪᠠᠨ ᠭᠢᠯᠠᠯᠵᠠᠵᠤ ᠬᠠᠷᠠᠭᠳᠠᠨᠠ | | ᠮᠠᠶᠢᠬᠠᠨ ᠬᠠᠶᠠ ᠲᠠᠯᠠ ᠶᠢᠨ ᠵᠠᠭᠠᠨ ᠰᠢᠭ᠋ | ᠬᠠᠳᠤᠯᠠᠩ ᠲᠤᠮᠳᠠ ᠪᠠᠨ ᠪᠡᠯᠴᠢᠵᠤ ᠬᠠᠷᠠᠭᠳᠠᠨᠠ | ᠮᠠᠨᠠᠭᠤᠯ ᠬᠠᠶᠠ ᠪᠤᠤᠬᠠᠢ ᠶᠢᠨ ᠰᠦᠨᠡᠰᠤ ᠰᠢᠭ | ᠬᠤᠳᠠᠨ ᠵᠠᠬᠠ ᠳᠤ ᠮᠢᠷᠢᠶᠠᠵᠤ ᠬᠠᠷᠠᠭᠳᠠᠨᠠ | | ᠮᠠᠵᠠᠭᠠᠯᠠᠢ ᠬᠠᠶᠠ ᠨᠤᠤᠰᠤᠨ ᠪᠦᠮᠪᠦᠭᠡ ᠰᠢᠭ | ᠡᠯᠡᠰᠤᠨ ᠲᠤᠮᠳᠠ ᠪᠠᠨ ᠲᠡᠭᠳᠡᠵᠤ ᠬᠠᠷᠠᠭᠳᠠᠨᠠ | ᠮᠦᠨᠳᠤᠢ ᠬᠠᠶᠠ ᠮᠤᠤᠲ᠋ᠤ ᠴᠠᠭᠠᠰᠤ ᠰᠢᠭ᠋ | ᠡᠵᠡᠬᠦᠢ ᠲᠤᠮᠳᠡ ᠪᠠᠨ ᠬᠤᠶᠢᠯᠠᠷᠠᠵᠤ ᠬᠠᠷᠠᠭᠳᠠᠨᠠ᠃ | | | | |