ᠰᠢᠯᠦᠭ ᠪᠤᠯ — | ᠴᠢᠮᠠ ᠨᠠᠮᠠ ᠶᠢ ᠬᠦᠭᠰᠡᠬᠦᠯᠬᠦ ᠤᠶᠠᠩᠭᠠ ᠶᠢᠨ ᠬᠤᠷᠸᠠ | ᠴᠡᠭᠡ ᠰᠡᠳᠬᠢᠯ ᠢᠶᠠᠷ ᠢᠳᠡᠭᠡᠰᠢᠬᠦ ᠡᠵᠢ ᠶᠢᠨ ᠴᠠᠢ | ᠴᠡᠭᠡᠵᠢᠨ ᠲᠠᠮᠢᠷ ᠢ ᠴᠢᠬᠢᠷᠠᠭᠵᠢᠭᠤᠯᠬᠤ ᠮᠡᠳᠡᠯᠭᠡ ᠶᠢᠨ ᠰᠠᠩ | ᠴᠠᠳᠢᠭ ᠲᠡᠦᠬᠡᠨ ᠳᠤ ᠲᠡᠮᠳᠡᠭᠯᠡᠭᠳᠡᠬᠦ ᠡᠷᠳᠡᠨᠢ ᠶᠢᠨ ᠬᠠᠭᠤᠳᠠᠰᠤ | ᠰᠢᠯᠦᠭ ᠪᠤᠯ — | ᠰᠡᠳᠬᠢᠯ ᠰᠠᠨᠠᠭᠠ ᠶᠢ ᠪᠠᠶᠠᠰᠬᠠᠬᠤ ᠰᠤᠨᠤᠷ ᠤᠨ ᠬᠠᠩᠭᠠᠢ | ᠰᠠᠶᠢᠨ ᠦᠢᠯᠡᠰ ᠢ ᠬᠦᠭᠵᠢᠬᠦᠯᠬᠦ ᠰᠤᠯᠤᠩᠭᠠᠨ ᠬᠦᠬᠦᠷᠭᠡ | ᠰᠦᠭ ᠰᠦᠯᠳᠡ ᠶᠢ ᠰᠡᠷᠭᠦᠬᠡᠬᠦ ᠪᠠᠳᠠᠷᠠᠯ ᠤᠨ ᠡᠯᠴᠢᠨ | ᠰᠦᠨᠢ ᠲᠤᠵᠢ ᠭᠡᠭᠡᠷᠡᠬᠦ ᠲᠡᠷᠭᠡᠯ ᠰᠠᠷᠠᠨ | ᠰᠢᠯᠦᠭ ᠪᠤᠯ — | ᠤᠬᠠᠭᠠᠨ ᠰᠠᠨᠠᠭᠠ ᠶᠢ ᠲᠡᠷᠭᠡᠯᠰᠢᠬᠦᠯᠬᠦ ᠤᠶᠤᠨ ᠤ ᠲᠡᠵᠢᠭᠡᠯ | ᠤᠷᠳᠤ ᠶᠢᠨ ᠲᠠᠭᠤᠤ ᠲᠠᠢ ᠤᠶᠠᠩᠭᠠᠷᠠᠬᠤ ᠴᠤᠭᠤᠷ ᠤᠨ ᠡᠭᠡᠰᠢᠭ | ᠤᠨᠠᠭᠰᠠᠨ ᠬᠠᠵᠠᠶᠢᠭᠰᠠᠨ ᠢ ᠲᠡᠳᠬᠦᠬᠦ ᠬᠠᠶᠢᠷᠠ ᠶᠢᠨ ᠢᠪᠢᠯᠭᠡ | ᠤᠳᠤᠮ ᠤᠭᠰᠠᠭᠠ ᠶᠢ ᠵᠠᠯᠭᠠᠮᠵᠢᠯᠠᠬᠤ ᠠᠯᠳᠠᠨ ᠤᠷᠤᠭ | ᠰᠢᠯᠦᠭ ᠪᠤᠯ — | ᠬᠠᠷᠠᠭᠠᠨ ᠰᠤᠨᠤᠷ ᠢ ᠭᠡᠶᠢᠬᠦᠯᠬᠦ ᠭᠡᠷᠡᠯᠳᠦ ᠴᠠᠮᠬᠠᠭ | ᠬᠠᠨᠠᠭᠠᠷ ᠲᠠᠯᠠ ᠪᠠᠷ ᠲᠤᠪᠳᠤᠯᠭᠠᠬᠤ ᠬᠤᠷᠳᠤᠨ ᠬᠦᠯᠦᠭ | ᠬᠠᠶᠢᠷᠠ ᠶᠢᠨ ᠬᠠᠶᠢᠷᠠ ᠪᠠᠷ ᠢᠨᠠᠭᠯᠠᠬᠤ ᠵᠠᠯᠠᠭᠤᠬᠠᠨ ᠨᠠᠰᠤ | ᠬᠠᠨᠢ ᠨᠦᠭᠦᠷᠯᠡᠯ ᠢ ᠵᠤᠵᠠᠭᠠᠳᠬᠠᠬᠤ ᠦᠨᠢᠳᠡ ᠶᠢᠨ ᠬᠤᠯᠪᠤᠭᠠᠰᠤ | ᠰᠢᠯᠦᠭ ᠪᠤᠯ — | ᠦᠷᠭᠡᠨ ᠬᠠᠩᠭᠠᠢ ᠳᠤ ᠰᠦᠭᠯᠡᠶᠢᠬᠦ ᠡᠪᠦᠭᠡᠨ ᠬᠠᠶᠢᠯᠠᠰᠤ | ᠦᠷᠦᠴᠡ ᠴᠡᠭᠡᠵᠢᠨ ᠳᠤ ᠬᠠᠳᠠᠩᠰᠢᠬᠤ ᠰᠤᠶᠤᠯ ᠤᠨ ᠰᠢᠮᠡ | ᠢᠳᠡᠭᠡᠯ ᠪᠢᠰᠢᠷᠡᠯ ᠢ ᠴᠢᠩᠭᠠᠷᠠᠭᠤᠯᠬᠤ ᠠᠯᠤᠰ ᠤᠨ ᠵᠤᠷᠢᠯᠳᠠ | ᠢᠰᠡᠭᠡᠢ ᠭᠡᠷ ᠢ ᠲᠤᠯᠠᠭᠠᠴᠠᠭᠤᠯᠬᠤ ᠲᠤᠯᠭᠠ ᠶᠢᠨ ᠴᠤᠭ | ᠰᠢᠯᠦᠭ ᠪᠤᠯ — | ᠦᠷᠯᠦᠭ ᠮᠤᠩᠭᠤᠯ ᠢ ᠮᠠᠠᠳᠤᠭᠤᠯᠬᠤ ᠮᠦᠩᠭᠦᠨ ᠲᠦᠷᠦᠭᠡ | ᠦᠯᠢᠬᠡᠷ ᠲᠡᠦᠬᠡ ᠶᠢ ᠲᠤᠪᠴᠢᠶᠠᠯᠠᠬᠤ ᠠᠯᠳᠠᠨ ᠬᠦᠮᠦᠷᠭᠡ | ᠦᠭᠡ ᠶᠠᠷᠢᠶᠠ ᠪᠠᠷ ᠰᠤᠯᠤᠩᠭᠠᠷᠠᠬᠤ ᠮᠤᠩᠭᠤᠯ ᠤᠨ ᠤᠷᠠᠯᠢᠭ | ᠦᠡᠳᠦᠷ ᠤᠭᠳᠠᠷᠭᠤᠢ ᠪᠠᠷ ᠲᠡᠭᠦᠯᠢᠬᠦ ᠤᠮᠤᠭᠳᠤ ᠪᠦᠷᠭᠦᠳ | ᠰᠢᠯᠦᠭ ᠪᠤᠯ — | ᠲᠠᠪᠠᠭ ᠫᠢᠯᠠᠨ ᠳᠤ ᠦᠷᠦᠭᠳᠡᠬᠦ ᠬᠦᠷᠳᠡᠭᠡᠯ ᠤᠨ ᠲᠡᠭᠡᠵᠢ | ᠲᠠᠨᠠᠨ ᠭᠡᠷ ᠠᠴᠠ ᠰᠤᠪᠤᠷᠠᠬᠤ ᠠᠷᠭᠠᠯ ᠤᠨ ᠤᠳᠤᠭᠠ | ᠲᠠᠶᠢᠪᠤᠩ ᠠᠮᠢᠳᠤᠷᠠᠯ ᠢ ᠡᠳ᠋ᠯᠡᠬᠦᠯᠬᠦ ᠭᠡᠭᠡᠨᠴᠢᠷ ᠭᠤᠯᠤᠮᠳᠠ | ᠲᠠᠪᠤᠨ ᠬᠤᠰᠢᠭᠤᠳᠤ ᠶᠢ ᠪᠡᠯᠴᠢᠬᠡᠷᠯᠡᠬᠦᠯᠬᠦ ᠦᠵᠡᠰᠭᠦᠯᠡᠩᠳᠤ ᠲᠠᠯᠠ | ᠰᠢᠯᠦᠭ ᠪᠤᠯ — | ᠪᠤᠰᠤᠭᠠ ᠦᠰᠦᠭ ᠢᠶᠠᠷ ᠬᠡᠶᠢᠮᠦᠷᠢᠯᠡᠬᠤ ᠲᠡᠭᠷᠢ ᠶᠢᠨ ᠪᠢᠴᠢᠭ | ᠪᠤᠳᠤᠯ ᠤᠬᠠᠭᠠᠨ ᠢ ᠰᠠᠷᠠᠭᠤᠯᠵᠢᠭᠤᠯᠬᠤ ᠭᠡᠭᠡᠷᠡᠯ ᠤᠨ ᠴᠤᠩᠬᠤ | ᠪᠢᠯᠢᠭ ᠤᠶᠤᠨ ᠢ ᠨᠡᠭᠡᠭᠡᠭᠳᠡᠬᠦᠯᠭᠦ ᠠᠯᠳᠠᠨ ᠲᠦᠯᠬᠢᠬᠦᠷ | ᠪᠠᠬᠢ ᠬᠤᠳᠤᠭ ᠢ ᠨᠡᠮᠡᠭᠳᠡᠭᠦᠯᠭᠦ ᠪᠤᠶᠠᠨ ᠤ ᠬᠤᠷᠠ | ᠰᠢᠯᠦᠭ ᠪᠤᠯ — | ᠬᠦᠨ ᠤᠬᠠᠭᠠᠨ ᠳᠤ ᠰᠡᠶᠢᠯᠦᠭᠳᠡᠬᠦ ᠬᠤᠯᠠ ᠶᠢᠨ ᠪᠤᠳᠤᠯᠭᠠ | ᠬᠦᠷᠦ ᠦᠡᠳᠦᠰᠦᠳᠡᠨ ᠢᠶᠠᠨ ᠤᠶᠠᠩᠭᠠᠯᠠᠬᠤ ᠷᠢᠳᠢ ᠰᠢᠳᠢ | ᠬᠦᠷᠡᠩ ᠵᠢᠷᠦᠬᠡ ᠶᠢ ᠠᠮᠢᠯᠠᠭᠤᠯᠬᠤ ᠴᠢᠰᠤᠨ ᠯᠤᠭᠰᠢᠯᠭᠠ | ᠬᠦᠷᠦᠰᠦᠨ ᠰᠢᠮᠡ ᠪᠠᠷ ᠰᠤᠷᠭᠤᠭᠵᠢᠬᠤ ᠦᠩᠭᠡᠳᠦ ᠰᠠᠷᠭᠠᠢ | ᠰᠢᠯᠦᠭ ᠪᠤᠯ — | ᠭᠠᠤᠯᠢᠨ ᠲᠤᠭᠤᠭᠠᠨ ᠠᠴᠠ ᠰᠠᠪᠰᠠᠯᠠᠬᠤ ᠰᠢᠭᠦᠰᠦ ᠶᠢᠨ ᠦᠨᠦᠷ | ᠭᠠᠯᠪᠠ ᠲᠡᠯᠡᠬᠡᠢ ᠶᠢ ᠡᠷᠭᠡᠰᠢᠶᠡᠬᠦ ᠮᠤᠩᠭᠤᠯ ᠤᠨ ᠰᠦᠯᠳᠡ | ᠭᠠᠷᠠᠭ ᠤᠳᠤᠳ ᠢ ᠡᠵᠡᠮᠳᠡᠬᠦ ᠨᠢᠭᠤᠴᠠ ᠶᠢᠨ ᠨᠢᠭᠤᠴᠠ | ᠭᠠᠭᠴᠠᠬᠠᠨ ᠰᠡᠳᠬᠢᠯ ᠢ ᠠᠷᠭᠠᠮᠵᠢᠬᠤ ᠨᠤᠳᠤᠭ ᠤᠨ ᠨᠤᠳᠤᠭ | ᠰᠢᠯᠦᠭ ᠪᠤᠯ — | ᠦᠨᠦ ᠮᠠᠷᠭᠠᠰᠢ ᠶᠢ ᠤᠭᠳᠤᠬᠤ ᠪᠠᠶᠠᠷ ᠤᠨ ᠮᠦᠰᠢᠶᠡᠳᠦ | ᠦᠭᠡᠳᠡᠷᠭᠡᠭ ᠨᠠᠷᠠᠨ ᠰᠢᠭ᠋ ᠲᠤᠶᠠᠭᠠᠷᠠᠬᠤ ᠰᠠᠴᠤᠷᠠᠭ ᠤᠨ ᠢᠯᠴᠢ | ᠢᠷᠡᠭᠡᠳᠦᠢ ᠶᠢᠨ ᠰᠠᠶᠢᠬᠠᠨ ᠢ ᠵᠦᠩᠨᠡᠬᠦ ᠤᠤᠭᠠᠯ ᠲᠡᠮᠡᠤᠯᠣᠯ | ᠢᠯᠠᠭᠤᠭᠰᠠᠨ ᠮᠤᠩᠭᠤᠯ ᠢᠶᠠᠨ ᠲᠡᠭᠡᠳᠦᠯᠡᠬᠦ ᠦᠨᠡᠨ ᠤ ᠬᠠᠶᠢᠷᠠ | ᠰᠢᠯᠦᠭ ᠪᠤᠯ — | ᠵᠡᠭᠦᠳᠦᠨ ᠬᠤᠷᠸᠠ ᠳᠤ ᠬᠤᠨᠤᠭᠰᠢᠬᠤ ᠮᠠᠨ ᠤ ᠬᠡᠯᠡ | ᠵᠠᠭᠤᠨ ᠵᠠᠭᠤᠨ ᠢᠶᠠᠷ ᠮᠦᠩᠬᠡᠵᠢᠬᠦ ᠦᠪᠡᠷ ᠰᠤᠶᠤᠯ | ᠵᠠᠪᠠᠯ ᠪᠠᠶᠠᠯᠠᠵᠤ ᠬᠦᠰᠡᠯ ᠲᠡᠷᠭᠡᠯᠰᠢᠬᠦ ᠪᠠᠭᠠᠳᠤᠷ ᠲᠤᠤᠯᠢᠰ | ᠵᠠᠩ ᠢᠶᠠᠷ ᠢᠶᠠᠨ ᠤᠷᠤᠰᠢᠬᠤ ᠮᠤᠩᠭᠤᠯ ᠲᠦᠮᠡᠨ ᠤ ᠠᠮᠢᠨ ᠬᠦᠨᠡᠰᠦ ᠡ︕ | | | |