ᠬᠥᠩᠭᠡᠨ ᠮᠠᠰᠢᠨ ᠤ ᠰᠢᠩᠭᠡᠨ ᠲᠣᠭᠤᠰᠣ ᠪᠠᠷ ᠦᠳᠡ ᠶᠢᠨ ᠨᠠᠷᠠ ᠶᠢ ᠤᠭᠳᠤᠵᠤ ᠪᠠᠭᠤᠬᠤ ᠳᠤ ᠲᠣᠯᠣᠭᠠᠨ ᠥᠩᠭᠡ ᠪᠠᠷ ᠡᠮᠵᠢᠶᠡᠷᠢᠯᠡᠭᠰᠡᠨ ᠴᠡᠩᠬᠡᠷ ᠬᠠᠩᠭᠠᠢ | ᠵᠡᠭᠡᠷᠡ ᠬᠤᠯᠠᠨ ᠤ ᠰᠦᠷᠦᠭᠯᠡᠯ ᠲᠠᠢ ᠨᠡᠶᠢᠯᠡᠭᠡᠳ ᠠᠪᠤ ᠶᠢᠨ ᠮᠢᠨᠢ ᠴᠠᠬᠢᠭᠤᠷ ᠫᠤᠤ ᠲᠠᠢ ᠠᠪᠠᠯᠠᠭᠰᠠᠨ ᠠᠷᠤ ᠶᠢᠨ ᠥᠨᠳᠥᠷ ᠠᠭᠤᠯᠠ ᠮᠥᠩᠬᠦᠨ ᠬᠤᠶᠠᠭ ᠨᠥᠮᠥᠷᠦᠨ | ᠲᠠᠶᠢᠪᠤᠩ ᠰᠦᠭᠯᠡᠶᠢᠨᠡ᠃ ᠠᠭᠲᠠ ᠶᠢᠨ ᠲᠤᠭᠤᠷᠠᠢ ᠪᠠᠷ ᠲᠠᠮᠠᠭᠠᠯᠠᠭᠰᠠᠨ ᠨᠣᠮᠢᠨ ᠲᠠᠯᠠ ᠶᠢᠨ ᠲᠤᠮᠳᠠᠭᠤᠷ ᠷᠠᠰᠢᠶᠠᠨ ᠭᠤᠣᠯ ᠠᠪᠤ ᠶᠢᠨ ᠮᠢᠨᠢ ᠨᠢᠭᠤᠴᠠᠬᠠᠨ | ᠬᠠᠶᠢᠷᠠ ᠲᠠᠢ ᠤᠶᠠᠰᠤᠨ ᠬᠤᠯᠠ ᠶᠢᠨ ᠬᠤᠯᠠ ᠤᠭᠠᠯᠵᠠᠯᠠᠨ ᠠᠶᠠᠷᠯᠠᠨᠠ᠃ | ᠬᠠᠴᠠᠷ ᠢᠯᠪᠢᠨ ᠠᠷᠭᠠᠳᠠᠬᠤ ᠵᠦᠭᠡᠯᠡᠨ ᠬᠤᠩᠭᠤᠷ ᠰᠠᠯᠬᠢ ᠠᠳᠤᠭᠤᠨ ᠤ ᠪᠡᠯᠴᠢᠭᠡᠷ ᠲᠤ ᠬᠥᠯᠥᠭ ᠤᠨ ᠨᠢᠷᠤᠭᠤᠨ ᠲᠡᠭᠡᠷᠡ ᠢᠰᠬᠡᠷᠴᠦ᠂ ᠬᠦᠳᠡᠭᠡ ᠶᠢᠨ | ᠲᠣᠭᠤᠰᠣ ᠶᠢ ᠡᠪᠬᠡᠵᠦ ᠶᠠᠪᠤᠳᠠᠭ ᠠᠪᠤ ᠶᠢᠨ ᠮᠢᠨᠢ ᠡᠷᠡ ᠴᠡᠩᠭᠡᠯ ᠲᠠᠭᠤ ᠶᠢ ᠦᠪᠡᠷ ᠤᠨ ᠡᠷᠬᠡ ᠦᠭᠡᠢ ᠰᠠᠨᠠᠭᠳᠠᠭᠤᠯᠤᠨ᠂ ᠠᠷᠤ ᠶᠢᠨ ᠦᠨᠳᠤᠷ ᠬᠠᠶᠢᠷᠬᠠᠨ ᠰᠢᠬ | ᠬᠠᠩᠬᠠᠭᠠᠷ ᠨᠢᠷᠤᠭᠤᠨ ᠳᠤᠨᠢ ᠨᠦᠢᠷᠮᠣᠭᠯᠠᠵᠤ᠂ ᠠᠩᠭᠠᠷᠬᠠᠢ ᠥᠮᠥᠳᠦ ᠲᠠᠢ ᠠᠯᠢᠶᠠᠯᠠᠵᠤ ᠶᠠᠪᠤᠭᠰᠠᠨ ᠪᠣᠳᠣᠯ ᠤᠨ ᠬᠤᠩᠭᠤᠷ ᠲᠤᠷᠠᠰᠤᠮᠵᠢ ᠶᠢ ᠲᠣᠳᠣᠷᠠᠭᠤᠯᠤᠨᠠ᠃ | ᠠᠪᠤ ᠮᠢᠨᠢ ᠢᠰᠡᠭᠡᠢ ᠭᠤᠳᠣᠯ ᠤᠨ ᠤᠯᠡ ᠪᠠᠷ ᠣᠲᠣᠷ ᠤᠨ ᠪᠡᠯᠴᠢᠭᠡᠷ ᠢ ᠳᠠᠮᠠᠭᠠᠯᠠᠵᠤ ᠶᠠᠪᠤᠬᠤ ᠳᠠᠭᠠᠨ ᠬᠠᠭᠢᠷ ᠬᠦᠢᠲᠡᠨ ᠠᠴᠠ ᠬᠠᠯᠠᠰᠢᠷᠠᠭᠰᠠᠨ ᠦᠭᠡᠢ᠂ | ᠬᠠᠯᠠᠭᠤᠨ ᠨᠠᠷᠠᠨ ᠠᠴᠠ ᠵᠢᠷᠦᠭᠡᠰᠢᠶᠡᠭᠰᠡᠨ ᠦᠭᠡᠢ᠂ ᠥᠭᠡ ᠦᠭᠡᠢ ᠬᠠᠳᠠᠭᠤᠬᠠᠨ ᠬᠠᠶᠢᠷᠠ ᠪᠠᠷ ᠢᠶᠠᠨ ᠠᠷᠤ ᠭᠡᠷ ᠤᠨ ᠢᠶᠠᠨ ᠠᠵᠢᠯ ᠠᠮᠢᠳᠤᠷᠠᠯ ᠤᠨ ᠢᠶᠠᠨ ᠲᠦᠯᠦᠭᠡ | ᠵᠢᠳᠭᠦᠵᠤ᠂ ᠰᠠᠨᠴᠢᠭ ᠲᠤᠨᠢ ᠬᠢᠷᠠᠭᠤ ᠪᠠᠭᠤᠵᠤ᠂ ᠲᠡᠩᠭᠡᠭᠡ ᠮᠠᠭᠤᠳᠠᠵᠤ ᠲᠠᠮᠢᠷ ᠲᠣᠷᠦ᠋ᠢᠳᠠᠭᠰᠠᠨ ᠢ ᠴᠢᠨᠢ ᠲᠠᠩᠴᠣ ᠲᠤᠮᠤᠭᠠ ᠦᠬᠡᠢ ᠶᠠᠪᠤᠭᠰᠠᠨ ᠦᠷᠡ ᠴᠢᠨᠢ | ᠠᠨᠵᠢᠶᠠᠷᠠᠭᠰᠠᠨ ᠦᠭᠡᠢ ᠶᠢ ᠶᠠᠭᠠᠬᠢᠯᠲᠠᠢ ᠪᠢᠯᠡ᠃ | ᠭᠤᠨᠠᠨ ᠦᠭᠡᠷ ᠤᠨ ᠡᠪᠡᠷ ᠬᠠᠭᠠ ᠭᠥᠯᠳᠡᠮᠡᠷ ᠭᠤᠷᠪᠠ ᠶᠢᠰᠤ ᠶᠢᠨ ᠬᠦᠢᠳᠡᠨ ᠳᠤ ᠪᠠᠷᠢᠭᠠᠳᠠ ᠶᠢᠨ ᠵᠢᠩ ᠤᠨ ᠲᠡᠮᠡᠭᠡᠨ ᠤ ᠠᠴᠢᠶᠠ ᠬᠦᠷ ᠴᠠᠰᠤᠨ ᠳᠤ | ᠪᠤᠭᠤᠭᠳᠠᠭᠠᠳ ᠭᠠᠷᠴᠤ ᠴᠢᠳᠠᠬᠤ ᠦᠬᠡᠢ ᠪᠣᠯᠬᠤᠷ ᠠᠪᠤ ᠮᠢᠨᠢ ᠬᠤᠭᠤᠯᠠ ᠬᠦᠨᠡᠰᠤ ᠦᠭᠡᠢ ᠲᠣᠯᠤᠭᠠ ᠬᠤᠨᠣᠭᠰᠠᠨ ᠰᠤᠷᠭᠠᠭᠤᠯᠢ ᠶᠢᠨ ᠬᠡᠦᠭᠡᠳ ᠤᠳ ᠲᠤ ᠬᠦᠨᠡᠰᠦ᠂ | ᠡᠪᠣᠯ ᠤᠨ ᠬᠤᠪᠴᠠᠰᠤ ᠶᠢ ᠨᠢ ᠵᠠᠯᠭᠠᠭᠤᠯᠬᠤ ᠪᠠᠷ ᠵᠠᠭᠤᠭᠠᠳ ᠰᠤᠮᠠᠯ ᠲᠠᠢ ᠬᠥᠨᠡᠰᠤ ᠶᠢ ᠨᠢᠭᠡ ᠨᠢᠭᠡ ᠰᠤᠮᠠᠯ ᠢᠶᠠᠷ ᠨᠢ ᠡᠭᠦᠷᠴᠤ ᠬᠦᠷᠭᠡᠬᠦ ᠳᠡᠭᠡᠨ ᠬᠠᠳᠠ ᠲᠠᠢ ᠴᠡᠩᠭᠡᠷ | ᠬᠠᠯᠳᠣᠷᠢᠭᠠ ᠲᠠᠢ ᠵᠠᠮ ᠢᠶᠠᠷ ᠠᠷᠠᠯ ᠤᠨ ᠱᠠᠷ ᠰᠢᠭ᠋ ᠵᠢᠳᠭᠦᠵᠤ ᠶᠠᠪᠤᠬᠤ ᠳᠠᠭᠠᠨ ᠶᠠᠳᠠᠷᠠᠯᠠ ᠭᠡᠰᠡᠨ ᠦᠬᠡ ᠶᠢ ᠬᠡᠨ ᠳᠤ ᠴᠦ ᠴᠤᠬᠤᠶᠢᠯᠭᠠᠭᠰᠠᠨ ᠦᠭᠡᠢ᠃ ᠨᠡᠩ ᠴᠤ | ᠤᠨᠤᠭᠠ ᠪᠠᠷ ᠡᠳᠤᠷ ᠤᠨ ᠭᠠᠵᠠᠷ ᠶᠠᠪᠤᠳᠠᠭ ᠵᠠᠮ ᠢᠶᠠᠷ ᠬᠦᠨᠡᠰᠤ ᠡᠭᠦᠷᠴᠤ ᠬᠦᠯᠦᠰᠤ ᠪᠠᠨ ᠤᠷᠤᠰᠬᠠᠵᠤ ᠶᠠᠪᠤᠬᠤ ᠳᠠᠭᠠᠨ ᠠᠷᠠᠳ ᠲᠦᠮᠡᠨ ᠤ ᠬᠡᠦᠭᠡᠳ ᠢ ᠨᠢᠭᠡ ᠡᠳᠤᠷ | ᠴᠤ ᠦᠯᠦᠰᠭᠡᠵᠦ ᠲᠠᠭᠠᠷᠠᠭᠤᠯᠬᠤ ᠦᠭᠡᠢ ᠰᠡᠳᠭᠢᠯ ᠠᠮᠤᠷ ᠰᠣᠷᠣᠯᠴᠠᠭᠤᠯᠬᠤ ᠶᠢᠨ ᠲᠦᠯᠦᠭᠡ ᠵᠠᠮ ᠤᠨ ᠬᠤᠯᠠ ᠶᠢ ᠬᠤᠯᠠ ᠭᠡᠵᠤ ᠭᠡᠯᠡᠭᠡ ᠦᠭᠡᠢ᠂ ᠬᠦᠴᠢᠷ ᠤᠨ | ᠡᠮᠦᠨᠡ ᠡᠪᠦᠳᠦᠭ ᠨᠤᠭᠤᠷᠠᠭᠠ ᠦᠭᠡᠢ᠂ ᠪᠡᠷᠭᠡᠰᠢᠶᠠᠯ ᠤᠨ ᠡᠮᠦᠨᠡ ᠲᠣᠯᠣᠭᠠᠢ ᠪᠦᠬᠦ᠋ᠢᠭᠡ ᠦᠭᠡᠢ᠂ ᠢᠰᠡᠭᠡᠢ ᠬᠡᠶᠢᠯᠢᠭ ᠤᠨ ᠮᠥᠷᠦ ᠨᠢ ᠬᠠᠭᠠᠷᠠᠲᠠᠯᠠ᠂ ᠪᠤᠯᠢᠭᠠᠷᠢ | ᠭᠤᠳᠣᠯ ᠤᠨ ᠤᠯᠠ ᠴᠣᠭᠤᠷᠠᠲᠠᠯᠠ ᠡᠬᠦᠷᠴᠤ᠂ ᠣᠳᠣᠳ ᠤᠨ ᠬᠡᠷᠡᠯ ᠢᠶᠠᠷ ᠵᠣᠯᠠ ᠪᠣᠯᠭᠠᠵᠤ ᠴᠠᠰᠤᠨ ᠤ ᠴᠠᠮᠬᠠᠭ ᠢᠶᠠᠷ ᠤᠮᠳᠠ ᠪᠤᠯᠭᠠᠨ ᠵᠢᠳᠭᠦᠵᠤ ᠡᠳᠤᠷ ᠰᠦᠨᠢ | ᠭᠤᠷᠪᠠ ᠪᠣᠯᠬᠤ ᠳᠤ ᠪᠡᠶᠡ ᠨᠢ ᠲᠠᠮᠢᠷᠳᠠᠵᠤ ᠬᠠᠯᠠᠭᠤᠷᠠᠭᠠᠳ ᠠᠭᠤᠰᠬᠢᠨ ᠳᠤᠨᠢ ᠠᠷᠬᠠᠭ ᠰᠠᠭᠤᠭᠰᠠᠨ ᠢ ᠭᠡᠨ ᠳᠤ ᠴᠤ ᠬᠡᠯᠡᠯ ᠦᠭᠡᠢ᠂ ᠪᠡᠶᠡ ᠪᠠᠷ ᠢᠶᠠᠨ ᠠᠵᠢᠯ ᠤᠨ | ᠬᠠᠲᠠᠭᠤ ᠶᠢ ᠲᠤᠭᠤᠯᠵᠤ ᠢᠷᠡᠭᠰᠡᠨ ᠪᠠᠶᠢᠵᠠᠢ᠃ | ᠤᠷᠢᠬᠠᠨ ᠬᠠᠪᠤᠷ ᠤᠨ ᠰᠠᠯᠬᠢ ᠲᠠᠯᠠ ᠨᠤᠳᠤᠭ ᠲᠤ ᠰᠠᠭᠠᠲᠠᠵᠤ᠂ ᠤᠰᠤᠨ ᠤ ᠰᠢᠪᠠᠭᠤᠳ ᠨᠠᠭᠤᠷ ᠲᠠᠭᠠᠨ ᠪᠤᠴᠠᠬᠤ ᠳᠤ ᠵᠠᠮ ᠪᠥᠭᠯᠡᠵᠦ ᠠᠭᠤᠯᠠ | ᠬᠠᠰᠢᠭᠰᠠᠨ ᠴᠠᠰᠤ ᠬᠠᠶᠢᠯᠵᠤ᠂ ᠬᠠᠶᠢᠯ ᠤᠨ ᠤᠰᠤ ᠬᠤᠷᠴᠢᠬᠢᠨᠠᠨ᠂ ᠴᠠᠭᠢᠯᠳᠠᠭ ᠤᠨ ᠥᠩᠭᠡ ᠨᠣᠮᠢᠨᠳᠠᠬᠤ ᠳᠤ ᠰᠤᠷᠭᠠᠭᠤᠯᠢ ᠴᠢᠯᠦᠭᠡ ᠲᠠᠯᠪᠢᠵᠤ ᠭᠡᠦᠭᠡᠳ ᠤᠳ ᠭᠡᠷ | ᠭᠡᠷ ᠲᠡᠭᠡᠨ ᠬᠠᠷᠢᠵᠠᠭᠠᠯᠠ᠃ ᠤᠷᠢᠨ ᠲᠤᠯᠠᠭᠠᠨ ᠪᠣᠯᠵᠤ ᠢᠰᠡᠭᠡᠢ ᠦᠷᠬᠦᠭᠡ ᠶᠢᠨ ᠳᠡᠭᠡᠪᠦᠷ ᠲᠤᠭᠤᠷᠭᠠ ᠳᠤ ᠬᠠᠪᠤᠷ ᠬᠡᠦᠬᠡᠨ ᠪᠠᠶᠠᠰᠤᠯ ᠠᠶᠠᠯᠠᠨ ᠰᠠᠭᠠᠲᠠᠬᠤ ᠳᠤ ᠠᠪᠤ | ᠮᠢᠨᠢ ᠴᠠᠯᠮᠠ ᠶᠢᠨ ᠲᠡᠭᠡᠰᠤ ᠪᠠᠨ ᠭᠠᠨᠵᠤᠭᠠᠯᠠᠭᠠᠳ ᠮᠣᠷᠳᠠᠳᠠᠭ ᠰᠠᠯᠬᠢᠨ ᠰᠢᠷᠭᠠ ᠶᠢᠨ ᠢᠶᠠᠨ ᠪᠣᠯᠢᠭᠠᠷᠢ ᠡᠮᠡᠭᠡᠯ ᠤᠨ ᠵᠡᠰ ᠳᠥᠷᠥᠭᠡ ᠳᠤ ᠬᠥᠯ ᠨᠢ ᠬᠦᠷᠬᠦ ᠪᠠᠨ | ᠪᠠᠶᠢᠴᠢᠬᠠᠭᠰᠠᠨ ᠪᠠᠶᠢᠯᠠ᠃ ᠡᠨᠡ ᠦᠶᠡ ᠠᠴᠠ ᠡᠬᠢᠯᠡᠭᠡᠳ ᠠᠪᠤ ᠮᠢᠨᠢ ᠪᠠᠶᠢᠨ ᠪᠠᠶᠢᠨ ᠣᠭᠰᠢᠭᠤᠯᠤᠨ ᠬᠠᠨᠢᠶᠠᠵᠤ᠂ ᠢᠰᠡᠭᠡᠢ ᠦᠷᠬᠦᠭᠡ ᠶᠢᠨ ᠬᠠᠶᠠᠭᠠ ᠶᠢ ᠲᠦᠰᠢᠵᠦ | ᠠᠳᠤᠭᠤᠨ ᠤ ᠪᠡᠯᠴᠢᠭᠡᠷ᠂ ᠣᠳᠣᠷ ᠤᠨ ᠲᠠᠯᠠ ᠪᠠᠨ ᠪᠠᠷᠠᠯᠠᠭᠠᠳ ᠪᠠᠶᠢᠨ ᠳᠠᠬᠢᠨ ᠤᠷᠲᠤ ᠰᠡᠬᠦᠷᠡᠰᠣ ᠠᠯᠳᠠᠬᠤ ᠪᠤᠯᠵᠠᠢ᠃ ᠲᠡᠭᠡᠭᠡᠳ ᠯᠠ ᠠᠪᠤ ᠮᠢᠨᠢ ᠣᠨ ᠵᠢᠯ ᠤᠨ | ᠬᠠᠳᠠᠭᠤ ᠠᠮᠢᠳᠤᠷᠠᠯ ᠠᠴᠠ ᠬᠤᠷᠠᠮᠳᠣᠭᠤᠯᠵᠣ ᠢᠷᠡᠭᠰᠡᠨ ᠶᠢᠷᠳᠢᠨᠴᠣ ᠶᠢᠨ ᠠᠯᠢᠪᠠ ᠪᠦᠬᠦᠨ ᠤ ᠨᠢᠭᠤᠴᠠᠬᠠᠨ ᠲᠤᠷᠰᠢᠯᠭᠠ ᠪᠠᠨ ᠦᠭᠡ ᠦᠭᠡᠢ ᠢᠨᠢᠶᠠᠮᠰᠣᠭ᠍ᠯᠡᠭᠰᠡᠨ | ᠬᠠᠷᠠᠴᠠ ᠪᠠᠷ ᠢᠶᠠᠨ ᠲᠠᠪᠡᠨᠡ ᠰᠦᠪᠡᠯᠡᠬᠦ ᠠᠴᠠ ᠲᠡᠩᠨᠡᠭᠡ ᠠᠴᠢᠶᠠ ᠬᠦᠷᠳᠡᠯᠡ ᠵᠡᠬᠦᠦ ᠶᠢᠨ ᠰᠦᠪᠡ ᠦᠭᠡᠢ ᠲᠠᠶᠢᠯᠪᠤᠷᠢᠯᠠᠵᠤ᠂ ᠦᠷᠡ ᠨᠠᠳᠠ ᠳᠠᠭᠠᠨ ᠵᠢᠭᠠᠵᠤ ᠪᠢᠯᠡ᠃ | ᠨᠠᠷᠠ ᠰᠠᠷᠠ ᠨᠢᠭᠤᠷᠳᠠᠨ ᠵᠣᠯᠭᠠᠭᠰᠠᠨ ᠨᠢᠭᠡᠨ ᠦᠷᠯᠦᠭᠡ ᠠᠪᠤ ᠮᠢᠨᠢ ᠦᠤᠷ ᠤᠨ ᠴᠣᠯᠮᠣᠨ ᠲᠠᠢ ᠵᠡᠷᠭᠡᠴᠡᠨ ᠪᠣᠰᠣᠭᠠᠳ ᠡᠳᠣᠷ ᠤᠨ ᠠᠵᠢᠯ ᠢᠶᠠᠨ | ᠡᠬᠢᠯᠡᠭᠦᠯᠳᠡᠭ ᠪᠠᠶᠢᠭᠰᠠᠨ ᠨᠢ ᠬᠠᠷᠢᠨ ᠡᠨᠡ ᠦᠷᠯᠦᠭᠡ ᠨᠠᠷᠠ ᠢᠰᠡᠭᠡᠢ ᠦᠷᠭᠦᠭᠡ ᠶᠢᠨ ᠲᠣᠭᠤᠨᠣ ᠶᠢ ᠲᠠᠭᠠᠯᠠᠭᠰᠠᠨ ᠪᠠᠶᠢᠳᠠᠯᠠ ᠪᠠᠰᠠ ᠯᠠ ᠪᠣᠰᠤᠭᠠ ᠦᠭᠡᠢ ᠪᠠᠶᠢᠯᠠ᠃ | — ᠠᠪᠤ ᠡ ᠭᠡᠰᠡᠨ ᠠᠬᠠ ᠲᠡᠭᠦᠦ ᠠᠷᠪᠠ ᠶᠢᠨ ᠴᠡᠴᠡᠷᠬᠢᠯᠡᠭᠰᠡᠨ ᠲᠠᠭᠤ ᠳᠤ ᠢᠰᠡᠭᠡᠢ ᠦᠷᠭᠦᠭᠡ ᠳᠦᠷᠭᠢᠵᠦ᠄ | — ᠪᠤᠰᠤᠭᠠᠴᠢ ᠡ ᠭᠡᠰᠡᠨ ᠲᠠᠭᠤ ᠨᠢᠯᠪᠤᠰᠤᠨ ᠳᠣᠰᠣᠯ ᠢᠶᠠᠷ ᠣᠬᠢᠶᠠᠭᠳᠠᠵᠤ᠂ ᠠᠳᠤᠭᠤ ᠢᠨᠴᠠᠭᠠᠭᠰᠠᠨ ᠣᠳᠣᠷ ᠤᠨ ᠲᠠᠯᠠ ᠬᠤᠭᠤᠰᠣᠨ ᠬᠦᠩᠬᠦ᠋ᠢᠨ᠂ | ᠵᠡᠭᠡᠷᠡ ᠲᠣᠭᠯᠠᠭᠰᠠᠨ ᠨᠣᠮᠢᠨ ᠬᠠᠶᠢᠷᠬᠠᠨ ᠲᠣᠭᠤᠶᠢᠬᠠᠨ ᠰᠦᠭᠯᠡᠶᠢᠭᠡᠳ ᠴᠠᠭᠢᠭᠤᠷ ᠫᠣᠣ ᠲᠠᠢ ᠠᠪᠠᠯᠠᠳᠠᠭ ᠴᠠᠩᠬᠢᠷᠠ ᠶᠢᠨ ᠤᠷᠤᠢ ᠪᠠᠷ ᠬᠦᠷᠡᠩ ᠡᠷᠢᠶᠡᠨ ᠪᠦᠷᠭᠦᠳ | ᠬᠠᠯᠢᠨ ᠡᠷᠭᠢᠯᠳᠦᠵᠤ ᠪᠠᠶᠢᠯᠠ᠃ | |