ᠡᠷᠳᠡ ᠤᠵᠤᠭᠤᠷ ᠠᠴᠠ ᠠᠪᠤᠭᠠᠳ ᠲᠡᠭᠷᠢ ᠡᠴᠢᠭᠡᠳᠤ ᠮᠤᠩᠭᠤᠯᠴᠤᠳ ᠮᠠᠨᠢ ᠦᠨᠳᠤᠷ ᠭᠠᠵᠠᠷ ᠰᠢᠳᠤᠭᠡᠨ ᠤᠪᠤᠭᠠ ᠪᠠᠨ ᠪᠤᠰᠬᠠᠵᠤ ᠡᠴᠢᠭᠡ | ᠲᠡᠭᠷᠢ ᠲᠠᠢ ᠪᠠᠨ ᠬᠠᠷᠢᠴᠠᠨ᠂ ᠦᠷᠭᠡᠨ ᠲᠠᠯᠠ ᠳᠤ ᠮᠤᠩᠭᠤᠯ ᠭᠡᠷ ᠢᠶᠠᠨ ᠪᠠᠶᠢᠭᠤᠯᠵᠤ᠂ ᠮᠠᠯᠵᠢᠬᠤ ᠠᠮᠢᠳᠤᠷᠠᠯ ᠢᠶᠠᠨ ᠡᠷᠬᠢᠯᠡᠭᠡᠳ ᠬᠦᠯᠦᠭ ᠤᠨ ᠨᠢᠷᠤᠭᠤᠨ ᠲᠡᠭᠡᠷᠠ | ᠬᠦᠮᠤᠨ ᠤ ᠶᠢᠷᠳᠢᠨᠴᠤ ᠶᠢ ᠬᠤᠷᠢᠶᠠᠵᠤ ᠶᠠᠪᠤᠬᠰᠠᠨ ᠢᠷᠠᠭᠤ ᠠᠯᠳᠠᠷᠳᠤ ᠲᠡᠤᠭᠡ ᠲᠠᠢ ᠶᠤᠮ᠃ | ᠤᠪᠤᠭᠠ ᠪᠤᠯ ᠮᠤᠩᠭᠤᠯᠴᠤᠳ ᠤᠨ ᠡᠷᠳᠡ ᠢᠵᠠᠭᠤᠷ ᠤᠨ ᠡᠪᠦᠭᠡ ᠲᠡᠭᠡᠳᠤᠰ ᠠᠴᠠ ᠤᠯᠠᠮᠵᠢᠯᠠᠬᠰᠠᠨ ᠵᠦᠭ ᠴᠢᠭᠯᠡᠯ᠂ ᠠᠭᠤᠯᠠ ᠤᠰᠤᠨ ᠤ ᠬᠠᠭᠤᠯᠪᠤᠷᠢ᠂ | ᠭᠤᠤ ᠭᠠᠨᠭ᠍ᠭᠠ᠂ ᠪᠡᠷᠭᠡ ᠪᠠᠷᠳᠠᠭᠠᠨ ᠤ ᠲᠡᠮᠳᠡᠭ ᠶᠤᠮ᠂ ᠮᠦᠨ ᠴᠤ ᠮᠤᠩᠭᠤᠯᠴᠤᠳ ᠤᠨ ᠦᠨᠢ ᠤᠳᠠᠭᠠᠨ ᠤ ᠲᠡᠭᠷᠢ ᠭᠠᠵᠠᠷ᠂ ᠤᠰᠤ ᠯᠤᠤᠰ᠂ ᠪᠤᠷᠬᠠᠨ | ᠰᠠᠬᠢᠭᠤᠯᠰᠤᠨ ᠳᠤ ᠲᠠᠬᠢᠯ ᠲᠠᠪᠢᠭ ᠡᠷᠭᠦᠳᠡᠭ ᠶᠠᠨᠳᠠᠷ ᠪᠤᠯᠤᠨᠠ᠃ ᠡᠷᠳᠡᠨ ᠳᠡᠭᠡᠨ ᠮᠤᠩᠭᠤᠯᠴᠤᠳ ᠠᠭᠤᠯᠠ ᠤᠰᠤ᠂ ᠪᠠᠷᠭᠡ ᠪᠠᠷᠳᠠᠭᠠ᠂ ᠭᠠᠳᠠᠭᠠ ᠪᠠᠷ | ᠵᠤᠷᠴᠢᠬᠤ ᠳᠠᠭᠠᠨ ᠬᠡᠳᠤᠨ ᠴᠢᠯᠠᠭᠤ ᠮᠤᠳᠤ ᠤᠪᠤᠭᠠᠯᠠᠵᠤ ᠲᠡᠮᠳᠡᠭ ᠲᠠᠯᠪᠢᠳᠠᠭ ᠪᠠᠶᠢᠵᠠᠢ᠃ ᠪᠠᠰᠠ ᠲᠡᠭᠷᠢ ᠭᠠᠵᠠᠷ ᠪᠤᠶᠤ ᠪᠠᠶᠢᠭᠠᠯᠢ ᠶᠢᠨ ᠶᠠᠩᠵᠤ ᠪᠦᠷᠢ ᠶᠢᠨ | ᠦᠵᠡᠭᠳᠡᠯ ᠢ ᠡᠯᠳᠡᠪ ᠢᠶᠠᠷ ᠲᠠᠭᠠᠮᠠᠬᠯᠠᠵᠤ᠂ ᠲᠠᠭᠦᠨ ᠢ ᠪᠦᠷ ᠨᠢᠭᠤᠴᠠ ᠲᠠᠯᠳᠠ ᠶᠢᠨ ᠷᠢᠳᠢ ᠰᠢᠳᠢ ᠲᠠᠢ ᠡᠵᠡᠳ ᠰᠠᠬᠢᠭᠤᠯᠰᠤᠨ ᠲᠠᠢ ᠬᠡᠵᠤ ᠲᠦᠰᠦᠭᠡᠯᠡᠵᠤ | ᠢᠳᠡᠭᠡᠭᠡᠳ ᠬᠡᠳᠤᠨ ᠴᠢᠯᠠᠭᠤ ᠤᠪᠤᠭᠠᠯᠠᠵᠤ ᠪᠠᠯᠠᠷᠯᠢᠭ ᠦᠶᠠ ᠶᠢᠨ ᠲᠠᠬᠢᠯ ᠮᠦᠷᠭᠦᠯ ᠦᠢᠯᠡᠳᠴᠤ ᠪᠠᠶᠢᠵᠠᠢ᠃ ᠮᠤᠩᠭᠤᠯᠴᠤᠳ ᠤᠨ ᠤᠪᠤᠭᠠᠨ ᠲᠠᠬᠢᠯᠭᠠ ᠪᠤᠯ | ᠮᠦᠨᠴᠤ ᠠᠭᠤᠯᠠ ᠬᠠᠶᠢᠷᠠᠬᠠᠨ᠂ ᠭᠤᠤᠯ ᠤᠰᠤ᠂ ᠡᠪᠡᠰᠤ ᠮᠤᠳᠤ ᠪᠠᠨ ᠬᠠᠶᠢᠷᠠᠯᠠᠨ ᠬᠠᠮᠠᠭᠠᠯᠠᠬᠰᠠᠨ ᠴᠢᠬᠤᠯᠠ ᠠᠵᠢᠯᠯᠠᠭᠠᠨ ᠪᠤᠯᠬᠤ ᠶᠤᠮ᠃ | ᠤᠪᠤᠭᠠᠨ ᠲᠠᠬᠢᠯᠭᠠ ᠪᠤᠯ ᠪᠦᠭᠡ ᠶᠢᠨ ᠱᠠᠰᠢᠨ ᠢ ᠰᠢᠳᠤᠳᠡᠭ ᠮᠤᠩᠭᠤᠯᠴᠤᠳ ᠤᠨ ᠤᠵᠤᠭᠤᠷ ᠰᠤᠶᠤᠯ ᠮᠦᠨ᠃ ᠮᠤᠩᠭᠤᠯᠴᠤᠳ ᠪᠦᠭᠡ ᠶᠢ ᠲᠡᠭᠷᠢ ᠶᠢᠨ | ᠡᠯᠴᠢ᠂ ᠲᠡᠭᠷᠢ ᠪᠠ ᠬᠦᠮᠤᠨ ᠤ ᠬᠤᠭᠤᠷᠤᠨᠳᠤᠬᠢ ᠵᠠᠭᠤᠴᠢ ᠬᠡᠵᠤ ᠦᠵᠡᠳᠡᠭ᠃ ᠪᠦᠭᠡ ᠶᠢᠨ ᠦᠭᠡ ᠪᠤᠯ ᠲᠠᠷᠤᠢ ᠠᠯᠢᠪᠠ ᠶᠢ ᠪᠦᠳᠦᠭᠡᠭᠴᠢ ᠲᠡᠭᠷᠢ ᠶᠢ | ᠲᠦᠯᠦᠭᠡᠯᠡᠭᠰᠡᠨ ᠦᠭᠡ ᠬᠡᠨᠠ᠃ ᠲᠤᠬᠠᠢ ᠶᠢᠨ ᠦᠶᠠ ᠶᠢᠨ ᠪᠦᠭᠡ ᠪᠤᠯ ᠬᠦᠮᠤᠰ ᠤᠨ ᠰᠡᠳᠬᠢᠯ ᠳᠤ ᠬᠠᠮᠤᠭ ᠪᠢᠰᠢᠷᠠᠭᠦᠰᠢᠳᠡᠢ ᠶᠡᠭᠡ ᠡᠷᠳᠡᠮᠳᠡᠨ ᠮᠦᠨ᠃ ᠲᠡᠳᠡᠭᠡᠷ | ᠠᠯᠳᠠᠷ ᠬᠦᠨᠳᠤᠳᠠᠢ ᠪᠦᠭᠡ ᠨᠠᠷ ᠨᠢ ᠡᠪᠡᠳᠴᠢᠨ ᠦᠵᠡᠭᠦ᠂ ᠵᠠᠶᠠᠭᠠ ᠪᠤᠳᠤᠬᠤ᠂ ᠲᠦᠯᠭᠡ ᠦᠵᠡᠭᠦ ᠪᠠ ᠡᠳᠤᠷ ᠦᠵᠡᠭᠦ ᠂ ᠤᠳᠤᠨ ᠤᠷᠤᠨ᠂ ᠨᠠᠷᠠᠨ ᠰᠠᠷᠠᠨ ᠤ | ᠪᠠᠶᠢᠳᠠᠯ ᠢ ᠰᠢᠨᠵᠢᠭᠦ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠪᠠᠶᠢᠵᠠᠢ᠃ ᠪᠦᠭᠡ ᠶᠢᠨ ᠱᠠᠰᠢᠨ ᠤ ᠨᠦᠯᠦᠭᠡ ᠶᠢ ᠬᠦᠨ ᠬᠦᠷᠳᠡᠭᠰᠡᠨ ᠬᠤᠷᠴᠢᠨ ᠮᠤᠩᠭᠤᠯᠴᠤᠳ ᠲᠦᠮᠠᠨ ᠪᠤᠳᠠᠰ ᠢ ᠪᠦᠷ | ᠰᠦᠭ ᠰᠦᠨᠠᠰᠤ ᠲᠠᠢ᠂ ᠪᠦᠷ ᠨᠠᠪᠳᠠᠭ ᠰᠠᠪᠳᠠᠭ ᠤᠷᠤᠰᠢᠵᠤ ᠬᠦᠮᠤᠨ ᠠᠮᠢᠳᠠᠨ ᠤ ᠬᠦᠭᠵᠢᠯ ᠪᠠᠳᠠᠷᠠᠯ ᠢ ᠢᠪᠡᠭᠡᠨ ᠰᠤᠶᠤᠷᠬᠠᠵᠤ᠂ ᠬᠡᠮᠵᠢᠶᠠᠯᠠᠰᠢ ᠦᠭᠡᠢ ᠲᠠᠷᠬᠠᠨ | ᠤᠡᠭᠭᠤᠨ ᠷᠢᠳᠢ ᠰᠢᠳᠢ ᠲᠠᠢ ᠬᠡᠵᠤ ᠰᠢᠳᠤᠨ ᠪᠢᠰᠢᠷᠠᠭᠡᠳ᠂ ᠦᠨᠳᠤᠷ ᠭᠠᠵᠠᠷ᠂ ᠠᠭᠤᠯᠠ ᠬᠦᠳᠤᠯ᠂ ᠵᠠᠮ ᠤᠨ ᠠᠭᠤᠯᠵᠠᠷ᠂ ᠡᠭᠡᠷᠡᠮᠠ ᠲᠠᠯᠠ ᠲᠡᠭᠡᠷᠠ ᠤᠪᠤᠭᠠ | ᠪᠤᠰᠬᠠᠭᠠᠳ ᠲᠤᠬᠠᠢ ᠶᠢᠨ ᠭᠠᠵᠠᠷ ᠤᠨ ᠡᠵᠡᠳ ᠰᠠᠬᠢᠭᠤᠯᠰᠤᠨ ᠢ ᠤᠨᠴᠠᠯᠠᠨ ᠬᠦᠨᠳᠤᠳᠭᠡᠨ ᠲᠠᠬᠢᠳᠠᠭ᠃ ᠰᠢᠷᠠ ᠶᠢᠨ ᠱᠠᠰᠢᠨ ᠮᠤᠩᠭᠤᠯ ᠤᠷᠤᠨ ᠳᠤ ᠲᠡᠯᠭᠡᠷᠡᠭᠰᠡᠨ ᠤ | ᠲᠠᠷᠠᠭᠠ ᠪᠦᠭᠡ ᠮᠦᠷᠭᠦᠯ ᠤᠨ ᠰᠢᠳᠦᠯᠭᠡ ᠶᠢᠨ ᠪᠠᠶᠢᠷᠢ ᠰᠠᠭᠤᠷᠢ ᠲᠤᠷᠤᠬᠰᠢᠯᠠᠵᠤ᠂ ᠤᠪᠤᠭᠠᠨ ᠲᠠᠬᠢᠯᠭᠠ ᠶᠢ ᠪᠦᠭᠡ ᠢᠳᠤᠭᠡᠨ ᠨᠠᠷ ᠡᠷᠬᠢᠯᠡᠨ ᠬᠢᠳᠡᠭ ᠪᠠᠶᠢᠬᠰᠠᠨ ᠠᠴᠠ | ᠯᠠᠮᠠ ᠨᠠᠷ ᠡᠷᠬᠢᠯᠨᠨ ᠬᠢᠬᠦ ᠪᠤᠯᠤᠬᠰᠠᠨ ᠪᠠᠶᠢᠨᠠ᠃ | | ᠤᠪᠤᠭᠠᠨ ᠲᠠᠬᠢᠯᠭᠠ ᠶᠢᠨ ᠶᠤᠰᠤᠨ ᠤ ᠡᠭᠦᠰᠤᠯ | ᠡᠷᠳᠡ ᠢᠵᠡᠭᠤᠷ ᠠᠴᠠ ᠮᠤᠩᠭᠤᠯᠴᠤᠳ ᠤᠨ ᠡᠪᠦᠭᠡ ᠲᠠᠭᠡᠳᠤᠰ ᠤᠷᠤᠰᠢᠯ ᠨᠤᠳᠤᠭ᠂ ᠭᠤᠯᠤᠮᠳᠠ ᠭᠠᠵᠠᠷ ᠲᠡᠭᠡᠷᠠ ᠪᠠᠨ ᠦᠶᠠ ᠶᠢᠨ ᠦᠶᠠ᠂ ᠠᠴᠢ ᠶᠢᠨ | ᠠᠴᠢ ᠳᠤ ᠠᠵᠤ ᠲᠦᠷᠦᠨ ᠠᠮᠢᠳᠤᠷᠠᠨ ᠤᠷᠤᠰᠢᠬᠤ ᠳᠠᠭᠠᠨ ᠠᠭᠤᠯᠠ ᠬᠠᠶᠢᠷᠠᠬᠠᠨ ᠤ ᠡᠵᠡᠳ ᠰᠡᠬᠢᠭᠤᠯᠰᠤᠨ᠂ ᠭᠠᠵᠠᠷ ᠤᠰᠤᠨ ᠤ ᠨᠠᠪᠳᠠᠭ ᠰᠠᠪᠳᠠᠭ ᠢᠶᠠᠨ ᠡᠷᠡᠭᠦᠯ | ᠡᠩᠭᠡ᠂ ᠦᠭᠡᠳᠡᠯᠡᠯ ᠲᠡᠭᠵᠢᠷᠡᠯ᠂ ᠰᠠᠶᠢᠨ ᠰᠠᠶᠢᠬᠠᠨ ᠤ ᠦᠮᠦᠭ ᠲᠦᠰᠢᠭ ᠬᠡᠵᠤ ᠦᠵᠡᠨ ᠲᠠᠰᠤᠷᠠᠯᠳᠠ ᠦᠭᠡᠢ ᠲᠠᠬᠢᠵᠤ ᠪᠠᠶᠢᠬᠰᠠᠨ ᠮᠦᠷ ᠤᠯᠠᠪᠠᠭᠠ ᠨᠢ ᠲᠠᠤᠭᠡᠨ | ᠰᠤᠷᠪᠤᠯᠵᠢ ᠪᠢᠴᠢᠭ ᠤᠳ ᠲᠤ ᠤᠯᠠᠨ ᠬᠠᠷᠠᠬᠳᠠᠳᠠᠭ ᠪᠠᠶᠢᠨᠠ᠃ ︽ᠰᠤᠳᠤᠷ ᠲᠡᠮᠳᠡᠭᠯᠡᠯ᠂ ᠡᡁᠦ᠋ᠡᠭᠨᠤ ᠶᠢᠨ ᠨᠠᠮᠳᠠᠷ︾ ᠲᠤ ︽ᠲᠠᠪᠤᠳᠤᠭᠠᠷ ᠰᠠᠷᠠ ᠳᠤ ᠯᠦᠡᠭᠴᠸᠡᠭ | ᠬᠤᠳᠠ ᠳᠤ ᠶᠡᠭᠡ ᠴᠢᠭᠤᠯᠭᠠᠨ ᠪᠤᠯᠵᠤ ᠲᠡᠳᠡᠨ ᠤ ᠡᠪᠦᠭᠡ ᠲᠡᠭᠡᠳᠤᠰ ᠲᠡᠭᠷᠢ ᠭᠠᠵᠠᠷ ᠤᠷᠤᠨ ᠰᠠᠬᠢᠭᠤᠯᠰᠤᠨ ᠢᠶᠠᠨ ᠲᠠᠬᠢᠮᠤᠢ︾ ᠬᠡᠵᠠᠢ᠃ ︽ᠵᠡᠭᠦᠨ ᠬᠠᠨ | ᠤᠯᠤᠰ ᠤᠨ ᠪᠢᠴᠢᠭ︾ ᠲᠤ ︽ᠡᡁᠦ᠋ᠡᠭᠨᠤᠴᠤᠳ ᠴᠠᠭᠠᠨ ᠰᠠᠷᠠ᠂ ᠲᠠᠪᠤᠨ ᠰᠠᠷᠠ᠂ ᠶᠢᠰᠤᠨ ᠰᠠᠷᠠ ᠳᠤ ᠴᠢᠭᠤᠯᠭᠠᠨ ᠪᠤᠯᠵᠤ ᠲᠠᠬᠢᠯᠭᠠ ᠬᠢᠬᠦ ᠳᠡᠭᠡᠨ ᠮᠤᠷᠢ | ᠲᠠᠪᠬᠢᠭᠤᠯᠵᠤ᠂ ᠲᠡᠮᠡᠭᠡ ᠤᠷᠤᠯᠳᠤᠭᠤᠯᠳᠠᠭ︾ ᠬᠡᠵᠠᠢ᠃ ︽ᠤᠮᠠᠷᠠᠳᠤ ᠲᠡᠤᠭᠡ ᠂ ᠭᠤᠤᠴᠧ ᠶᠢᠨ ᠨᠠᠮᠳᠠᠷ︾ ᠲᠤ ︽ᠲᠠᠪᠤᠳᠤᠭᠠᠷ ᠵᠠᠭᠤᠨ ᠤ ᠲᠤᠮᠳᠠᠴᠢ ᠪᠠᠷ | ᠤᠮᠠᠷᠠᠳᠤ ᠸᠧᠢ ᠤᠯᠤᠰ ᠤᠨ ᠸᠤᠨ ᠠᠨ ᠬᠠᠭᠠᠨ ᠤ ᠦᠶᠠ ᠳᠤ ︿ᠲᠠᠪᠤᠨ ᠠᠶᠢᠮᠠᠭ ᠭᠤᠤᠴᠧ ᠤᠬᠰᠠᠭᠠᠳᠠᠨ﹀ ᠴᠢᠭᠤᠯᠭᠠᠨ ᠪᠤᠯᠵᠤ ᠲᠡᠭᠷᠢ ᠳᠤ ᠲᠠᠬᠢᠯᠭᠠ ᠡᠷᠭᠦᠭᠦ ᠳᠤ | ᠬᠡᠳᠤᠨ ᠲᠦᠮᠠᠨ ᠬᠦᠮᠤᠨ ᠬᠤᠷᠠᠵᠤ᠂ ᠮᠤᠷᠢ ᠤᠷᠤᠯᠳᠤᠨ᠂ ᠮᠠᠯ ᠭᠠᠷᠭᠠᠵᠤ᠂ ᠲᠠᠭᠤᠯᠠᠨ ᠨᠠᠶᠢᠷᠯᠠᠵᠤ᠂ ᠴᠡᠩᠭᠡᠯᠳᠤᠨ ᠪᠦᠵᠢᠭᠯᠡᠪᠡ︾ ᠬᠡᠵᠡᠢ᠃ ᠲᠤᠰ ᠨᠤᠮ ᠳᠤ | ᠪᠠᠰᠠ ᠬᠠᠯᠬᠠ ᠳᠠᠬᠢ ᠬᠡᠷᠤᠯᠤᠨ ᠤ ᠪᠠᠶᠠᠨ ᠤᠯᠠᠭᠠᠨ ᠤ ᠤᠷᠬᠢᠯ ᠲᠡᠭᠡᠷᠠ ᠴᠢᠩᠬᠢᠰ ᠬᠠᠭᠠᠨ ᠤ ᠬᠤᠷᠢᠨ ᠲᠤᠯᠤᠭᠠᠨ ᠨᠠᠰᠤᠨ ᠲᠡᠭᠡᠷᠠ ᠪᠠᠨ ᠬᠠᠭᠠᠨ ᠰᠠᠭᠤᠬᠰᠠᠨ ᠢ | ᠪᠡᠯᠭᠡᠯᠡᠵᠤ ᠪᠤᠰᠬᠠᠬᠰᠠᠨ ᠬᠤᠷᠢᠨ ᠲᠤᠯᠤᠭᠠᠨ ᠤᠪᠤᠭᠠ ᠨᠢ ᠤᠳᠤ ᠪᠤᠯᠳᠠᠯᠠ ᠪᠠᠶᠢᠬᠰᠠᠭᠠᠷ ᠬᠡᠵᠤ ᠲᠡᠮᠳᠡᠭᠯᠡᠵᠠᠢ᠃ ᠯᠤᠪᠰᠠᠩᠴᠦ᠋ᠢᠳᠠᠨ ᠤ ︽ᠮᠤᠩᠭᠤᠯ ᠤᠨ ᠵᠠᠩ | ᠠᠭᠠᠯᠢ ᠶᠢᠨ ᠦᠢᠯᠡᠪᠤᠷᠢ︾ ᠳᠡᠭᠡᠨ ︽ᠤᠪᠤᠭᠠ ᠲᠠᠬᠢᠬᠰᠠᠨ ᠤᠴᠢᠷ ᠪᠤᠯᠪᠠᠰᠤ ᠶᠡᠭᠡ ᠡᠷᠳᠡ ᠴᠠᠭ ᠲᠡᠭᠷᠢ ᠶᠢ ᠰᠢᠳᠤᠵᠤ ᠠᠭᠤᠯᠠ ᠤᠰᠤᠨ ᠳᠤᠷ ᠠᠯᠢᠪᠠ ᠶᠢ | ᠲᠠᠭᠠᠳᠬᠠᠨ ᠶᠠᠪᠤᠵᠤ ᠪᠠᠶᠢᠬᠰᠠᠨ ᠴᠠᠭ᠂ ᠤᠯᠠᠨ ᠡᠳᠤᠷ ᠴᠢᠭᠤᠯᠭᠠᠨ ᠪᠤᠯᠵᠤ ᠠᠭᠤᠯᠠ ᠪᠤᠶᠤ ᠶᠡᠭᠡ ᠮᠦᠷᠠᠨ ᠭᠤᠤᠯ ᠡᠰᠠ ᠪᠦᠭᠡᠰᠤ ᠶᠡᠭᠡ ᠨᠠᠭᠤᠷ ᠪᠤᠢ᠂ ᠡᠳᠡᠭᠡᠷ | ᠭᠠᠵᠠᠷ ᠢ ᠰᠤᠩᠭᠤᠵᠤ ᠲᠠᠬᠢᠯᠭᠠ ᠶᠢᠨ ᠤᠷᠤᠨ ᠪᠤᠯᠭᠠᠵᠤ ᠶᠡᠭᠡ ᠬᠦᠨᠳᠤᠳᠭᠡᠮᠤᠢ︾ ᠬᠡᠰᠡᠨ ᠪᠠᠶᠢᠨᠠ᠃ ᠡᠳᠡᠭᠡᠷ ᠲᠡᠤᠭᠡᠨ ᠰᠤᠷᠪᠤᠯᠵᠢ ᠲᠡᠮᠳᠡᠭᠯᠡᠯ ᠠᠴᠠ ᠪᠢᠳᠠ | ᠤᠪᠤᠭᠠᠨ ᠲᠠᠬᠢᠯᠭᠠ ᠶᠢᠨ ᠶᠤᠰᠤᠨ ᠤ ᠡᠭᠦᠰᠤᠯ ᠴᠠᠭ ᠦᠶᠠ ᠶᠢ ᠲᠤᠯᠤᠭᠠ᠂ ᠨᠠᠢᠮᠠᠳᠤᠭᠠᠷ ᠵᠠᠭᠤᠨ ᠬᠡᠭᠦ ᠪᠤᠶᠤ ᠡᠭᠦᠨ ᠠᠴᠠ ᠨᠠᠩ ᠡᠷᠳᠡ ᠦᠶᠠ ᠳᠤ ᠴᠤ ᠪᠠᠶᠢᠵᠤ | ᠮᠡᠳᠡᠨᠠ ᠬᠡᠵᠤ ᠤᠢᠢᠯᠠᠭᠠᠨᠠ᠃ | | ᠤᠪᠤᠭᠠᠨ ᠤ ᠲᠦᠷᠦᠯ ᠵᠦᠢᠯ | ᠲᠠᠬᠢᠯᠭᠠ ᠶᠢᠨ ᠤᠪᠤᠭᠠᠨ ᠤ ᠲᠦᠷᠦᠯ ᠵᠦᠢᠯ ᠤᠯᠠᠨ ᠪᠠᠶᠢᠳᠠᠭ᠃ ᠶᠠᠷᠦᠩᠭᠡᠢ ᠳᠤᠨᠢ ᠬᠤᠷᠢᠶᠠᠩᠭᠤᠢᠢᠯᠠᠵᠤ ᠦᠵᠡᠪᠡᠯ᠂ ᠲᠡᠭᠷᠢ ᠶᠢᠨ ᠤᠪᠤᠭᠠ᠂ ᠬᠦᠮᠤᠨ ᠤ | ᠤᠪᠤᠭᠠ᠂ ᠰᠠᠪᠳᠠᠭ ᠤᠨ ᠤᠪᠤᠭᠠ᠂ ᠲᠡᠮᠳᠡᠭ ᠤᠪᠤᠭᠠ ᠬᠡᠵᠤ ᠬᠡᠳᠤ ᠬᠤᠪᠢᠶᠠᠵᠤ ᠪᠤᠯᠤᠨᠠ᠃ ᠤᠪᠤᠭᠠ ᠶᠢᠨ ᠪᠦᠳᠦᠴᠠ ᠪᠠᠷ ᠨᠢ ᠰᠢᠷᠤᠢ ᠶᠢᠨ ᠤᠪᠤᠭᠠ᠂ | ᠲᠤᠭᠤᠰᠬᠠᠨ ᠤᠪᠤᠭᠠ᠂ ᠴᠢᠯᠠᠭᠤᠨ ᠤᠪᠤᠭᠠ᠂ ᠮᠤᠳᠤᠨ ᠤᠪᠤᠭᠠ ᠬᠡᠵᠤ ᠬᠤᠪᠢᠶᠠᠳᠠᠭ᠃ ᠮᠤᠩᠭᠤᠯᠴᠤᠳ ᠤᠤᠯ ᠨᠢ ᠭᠠᠭᠴᠠ ᠤᠪᠤᠭᠠ ᠲᠠᠬᠢᠳᠠᠭ ᠪᠠᠶᠢᠵᠠᠢ᠃ | ᠰᠡᠭᠦᠯᠡᠷ ᠨᠢ ᠲᠦᠭᠦᠷᠡᠩ ᠤᠪᠤᠭᠠ᠂ ᠬᠤᠶᠠᠷ ᠤᠪᠤᠭᠠ᠂ ᠭᠤᠷᠪᠠᠨ ᠤᠪᠤᠭᠠ᠂ ᠲᠦᠷᠪᠠᠨ ᠤᠪᠤᠭᠠ᠂ ᠲᠠᠪᠤᠨ ᠤᠪᠤᠭᠠ᠂ ᠲᠤᠯᠤᠭᠠᠨ ᠤᠪᠤᠭᠠ᠂ ᠶᠢᠰᠤᠨ ᠤᠪᠤᠭᠠ | ᠂ ᠠᠷᠪᠠᠨ ᠭᠤᠷᠪᠠᠨ ᠤᠪᠤᠭᠠ᠂ ᠬᠤᠷᠢᠨ ᠲᠤᠯᠤᠭᠠᠨ ᠤᠪᠤᠭᠠ᠂ ᠤᠯᠠᠨ ᠤᠪᠤᠭᠠ ᠬᠡᠵᠤ ᠠᠩᠬᠢᠯᠠᠳᠠᠭ ᠪᠠ ᠲᠦᠭᠦᠷᠡᠩ ᠤᠪᠤᠭᠠ ᠠᠴᠠ ᠪᠤᠰᠤᠳ ᠨᠢ ᠭᠤᠤᠯ | ᠤᠪᠤᠭᠠ ᠪᠠ ᠪᠠᠭᠠ ᠤᠪᠤᠭᠠ ᠬᠡᠵᠤ ᠪᠠᠶᠢᠨᠠ᠃ ᠭᠤᠤᠯ ᠤᠪᠤᠭᠠ ᠶᠢ ᠨᠢ ᠨᠤᠶᠠᠨ ᠤᠪᠤᠭᠠ᠂ ᠵᠠᠩᠵᠤᠨ ᠤᠪᠤᠭᠠ᠂ ᠶᠡᠭᠡ ᠤᠪᠤᠭᠠ᠂ ᠪᠦᠳᠦᠭᠦᠨ ᠤᠪᠤᠭᠠ᠂ | ᠲᠦᠪ ᠤᠪᠤᠭᠠ ᠬᠡᠵᠤ ᠨᠠᠷᠠᠯᠡᠳᠡᠭ᠃ ᠪᠠᠭᠠ ᠤᠪᠤᠭᠠ ᠶᠢ ᠨᠢ ᠪᠰᠠ ᠱᠠᠪᠢ ᠤᠪᠤᠭᠠ᠂ ᠭᠤᠴᠤᠭ ᠤᠪᠤᠭᠠ᠂ ᠬᠠᠷᠠᠭᠤᠯ ᠤᠪᠤᠭᠠ᠂ ᠬᠤᠶᠠᠭ ᠤᠪᠤᠭᠠ᠂ ᠰᠦᠪᠡᠭᠡ | ᠤᠪᠤᠭᠠ᠂ ᠲᠠᠭᠠᠯᠳᠠ ᠤᠪᠤᠭᠠ ᠬᠡᠵᠤ ᠬᠡᠯᠡᠳᠡᠭ᠃ ︽ᠲᠦᠭᠦᠷᠡᠩ ᠤᠪᠤᠭᠠ︾ ᠪᠤᠯ ᠦᠨᠡᠨᠳᠡᠭᠡᠨ ᠭᠠᠭᠴᠠ ᠤᠪᠤᠭᠠ ᠶᠢ ᠵᠢᠭᠠᠵᠤ ᠪᠠᠶᠢᠨᠠ᠃ ᠬᠡᠪᠡᠴᠤ ︽ᠮᠤᠩᠭᠤᠯ | ᠬᠦᠮᠤᠨ ᠪᠡᠯᠭᠡ ᠪᠠᠷ︾ ᠬᠡᠵᠤ ᠭᠠᠭᠴᠠ ᠪᠤᠶᠤ ᠨᠢᠭᠡ ᠬᠡᠭᠦ ᠠᠴᠠ ᠵᠠᠶᠢᠯᠠᠭᠤᠯᠵᠤ ᠲᠦᠭᠦᠷᠡᠩ ᠬᠡᠵᠤ ᠨᠡᠷᠡᠯᠡᠭᠰᠡᠨ ᠪᠠᠶᠢᠨᠠ᠃ ᠡᠶᠢᠨᠭᠦ ᠤᠤᠯ ᠤᠨ ᠭᠠᠭᠴᠠ ᠤᠪᠤᠭᠠ | ᠲᠠᠬᠢᠳᠠᠭ ᠪᠠᠶᠢᠬᠰᠠᠨ ᠠᠴᠠ ᠪᠠᠨ ︽ᠲᠤᠤᠷᠠ ᠭᠤᠴᠢᠨ ᠭᠤᠷᠪᠠᠨ ᠲᠡᠭᠷᠢ ᠡᠳᠤᠭᠡᠨ ᠡᠭᠡ︾ ᠶᠢ ᠰᠢᠳᠤᠵᠤ ᠭᠤᠴᠢᠨ ᠭᠤᠷᠪᠠᠨ ᠤᠪᠤᠭᠠ ᠪᠠᠶᠢᠬᠰᠠᠨ ᠪᠠ ᠬᠤᠪᠢᠯᠠᠢ | ᠰᠠᠴᠠᠨ ᠬᠠᠭᠠᠨ ᠲᠦᠪᠡᠳ ᠤᠨ ᠫᠠᠭᠪᠠ ᠯᠠᠮᠠ ᠠᠴᠠ ᠶᠡᠭᠡ ᠬᠦᠯᠭᠡᠨ ᠰᠤᠳᠤᠷ ᠤᠨ ᠬᠦᠨ ᠤᠳᠬᠠ ᠶᠢ ᠰᠤᠨᠤᠰᠴᠤ ᠮᠠᠰᠢᠳᠠ ᠪᠢᠰᠢᠷᠠᠨ ᠱᠠᠩᠳᠤ ᠪᠠᠯᠭᠠᠳ ᠤᠨ ᠡᠷᠬᠢᠨ | ᠲᠤᠭᠤᠷᠢᠨ ᠳᠤ ᠵᠠᠭᠤ ᠨᠠᠢᠮᠠᠨ ᠤᠪᠤᠭᠠ ᠪᠤᠰᠬᠠᠵᠠᠢ ᠬᠡᠳᠡᠭ᠃ | ᠲᠡᠭᠷᠢ ᠶᠢᠨ ᠤᠪᠤᠭᠠ ᠪᠤᠯ ᠪᠦᠭᠡ ᠮᠦᠷᠬᠦᠯ ᠶᠢᠨ ᠱᠠᠰᠢᠨ ᠤ ᠨᠦᠯᠦᠭᠡ ᠪᠠᠷ ︽ᠮᠦᠡᠭᠭᠡ ᠲᠡᠭᠷᠢ ᠶᠢᠨ ᠬᠦᠴᠤᠨᠳᠤᠷ ᠁︾ ᠬᠡᠵᠤ ᠲᠡᠭᠷᠢ ᠶᠢ ᠰᠢᠳᠤᠳᠡᠭ | ᠮᠤᠩᠭᠤᠯᠴᠤᠳ ᠤᠨ ᠪᠦᠬᠦ᠋ᠢᠯᠡ ᠲᠠᠬᠢᠯᠭᠠ ᠶᠢᠨ ᠤᠪᠤᠭᠠᠨ ᠤ ᠲᠤᠳᠤᠷᠠᠬᠢ ᠬᠠᠮᠤᠭ ᠤᠨ ᠠᠩᠬᠠᠨ ᠤ ᠤᠪᠤᠭᠠ ᠳᠤ ᠲᠤᠭᠠᠴᠠᠬᠳᠠᠬᠤ ᠶᠤᠮ᠃ ᠲᠡᠭᠷᠢ ᠶᠢᠨ | ᠤᠪᠤᠭᠠᠨ ᠳᠤ ᠰᠦᠯᠳᠡ ᠲᠡᠭᠷᠢ ᠶᠢᠨ ᠤᠪᠤᠭᠠ᠂ ᠤᠡᠭᠭᠤᠨ ᠲᠡᠭᠷᠢ ᠶᠢᠨ ᠤᠪᠤᠭᠠ᠂ ᠲᠤᠬᠰᠢᠨ ᠲᠡᠭᠷᠢ ᠶᠢᠨ ᠤᠪᠤᠭᠠ ᠁ ᠬᠡᠵᠤ ᠤᠯᠠᠨ ᠵᠦᠢᠯ ᠪᠠᠶᠢᠳᠠᠭ᠃ | ᠲᠠᠬᠢᠳᠠᠭ ᠲᠡᠭᠷᠢ ᠨᠢ ᠶᠡᠷᠦᠨᠢ ᠶᠠᠷᠢ ᠶᠢᠰᠤᠨ ᠲᠡᠭᠷᠢ ᠪᠠᠷᠠᠭᠤᠨ ᠲᠠᠪᠢᠨ ᠲᠠᠪᠤᠨ ᠲᠡᠭᠷᠢ᠂ ᠵᠡᠭᠦᠨ ᠲᠦᠴᠢᠨ ᠲᠦᠷᠪᠡᠨ ᠲᠡᠭᠷᠢ ᠪᠠᠶᠢᠬᠤ ᠪᠠ ᠲᠡᠭᠡᠷᠠ ᠶᠡᠷᠢ ᠶᠢᠰᠤᠨ | ᠮᠦᠡᠭᠭᠡ ᠲᠡᠭᠷᠢ ᠶᠢᠨ ᠰᠠᠬᠢᠭᠤᠯᠰᠤᠨ ᠲᠠᠢ ᠬᠡᠵᠤ ᠦᠵᠡᠨᠠ᠃ ᠲᠤᠬᠠᠢᠢᠯᠠᠪᠠᠯ᠂ ᠡᠳ ᠬᠦᠷᠦᠩᠭᠡ ᠶᠢ ᠨᠡᠮᠡᠭᠳᠡᠭᠦᠯᠵᠤ᠂ ᠠᠳᠤᠭᠤ ᠮᠠᠯ ᠦᠷᠡᠵᠢᠭᠦᠯᠦᠭᠴᠢ ︽ᠡᠯᠪᠡᠭᠰᠡᠭᠦᠢ | ᠲᠡᠭᠷᠢ︾᠂ ᠤᠢ ᠤᠬᠠᠭᠠᠨ ᠢ ᠨᠡᠮᠡᠭᠳᠡᠭᠦᠯᠦᠭᠴᠢ ︽ᠰᠦᠳᠡᠨ ᠲᠡᠭᠷᠢ︾᠂ ᠠᠡᠭ ᠬᠦᠷᠦᠭᠡ ᠤᠯᠭᠤᠳᠠᠭ ︽ᠮᠠᠨᠠᠬᠠᠨ ᠲᠡᠭᠷᠢ︾᠂ ᠡᠷᠡᠭᠦᠯ ᠰᠠᠶᠢᠬᠠᠨ ᠢ ᠬᠠᠮᠠᠭᠠᠯᠠᠬᠤ ︽ | ᠠᠨᠠᠷᠪᠠ ᠲᠡᠭᠷᠢ︾᠂ ︽ᠲᠠᠷᠢᠶᠠ ᠶᠢ ᠠᠷᠪᠢᠳᠬᠠᠬᠴᠢ ᠲᠡᠭᠷᠢ︾᠂ ︽ᠬᠤᠷᠠ ᠪᠠᠭᠤᠯᠭᠠᠬᠴᠢ ᠲᠡᠭᠷᠢ︾ ᠬᠡᠭᠦ ᠵᠡᠷᠭᠡ ᠪᠤᠢ᠃ | ᠬᠦᠮᠤᠨ ᠤ ᠤᠪᠤᠭᠠ ᠳᠤ ᠬᠠᠭᠠᠨ ᠢᠵᠠᠭᠤᠷᠳᠠᠨ ᠤ ᠲᠠᠬᠢᠳᠠᠭ ︽ᠠᠯᠳᠠᠨ ᠤᠪᠤᠭᠠ︾ ᠬᠡᠵᠤ ᠪᠠᠶᠢᠨᠠ᠃ | ᠬᠠᠭᠠᠨ ᠬᠦᠮᠤᠨ ᠤ ᠤᠪᠤᠭᠠ ᠶᠢ ᠦᠨᠳᠤᠷ ᠠᠭᠤᠯᠠᠨ ᠤ ᠤᠷᠬᠢᠯ ᠪᠤᠰᠬᠠᠳᠠᠭ᠃ ᠦᠨᠳᠤᠰᠤᠳᠡᠨ ᠤᠬᠰᠠᠭᠠᠳᠠᠨ ᠤ ᠪᠠᠨ ᠂ ᠠᠶᠢᠮᠠᠭ ᠲᠦᠷᠦᠯ ᠤᠨ ᠢᠶᠠᠨ ᠶᠠᠮᠠᠷ | ᠨᠢᠭᠡᠨ ᠦᠷᠡᠭᠳᠡᠭᠰᠡᠨ ᠪᠠᠭᠠᠳᠤᠷ ᠬᠦᠮᠤᠨ ᠢ ᠲᠤᠷᠠᠰᠬᠠᠵᠤ᠂ ᠬᠡᠷᠡᠭᠯᠡᠵᠤ ᠦᠡᠭᠭᠡᠷᠡᠭᠰᠡᠨ ᠵᠠᠷ ᠵᠡᠪᠰᠡᠭ᠂ ᠬᠤᠪᠴᠠᠰᠤ ᠬᠤᠨᠠᠷ ᠪᠤᠶᠤ ᠱᠠᠷᠢᠯ ᠪᠠᠶᠠ ᠶᠢ ᠨᠢ ᠤᠷᠤᠰᠢᠭᠤᠯᠵᠤ | ᠤᠪᠤᠭᠠ ᠪᠤᠰᠬᠠᠨ ︽ ᠪᠠᠭᠠᠳᠤᠷ ᠤᠨ ᠤᠪᠤᠭᠠ︾ ᠬᠡᠳᠡᠭ᠃ ᠬᠤᠷᠴᠢᠨ ᠲᠤᠭᠤᠷᠢᠭ ᠤᠨ ᠠᠷᠤ ᠳᠤ ᠪᠠᠶᠢᠭᠤᠯᠤᠬᠰᠠᠨ ︽ᠬᠠᠰᠠᠷ ᠤᠨ ᠤᠪᠤᠭᠠ︾ ᠪᠤᠯ ᠡᠨᠡ | ᠲᠦᠷᠦᠯ ᠤᠨ ᠤᠪᠤᠭᠠᠨ ᠳᠤ ᠲᠤᠭᠠᠴᠠᠬᠳᠠᠨᠠ᠃ ᠬᠦᠮᠤᠨ ᠤ ᠤᠪᠤᠭᠠ ᠳᠤ ᠪᠠᠰᠠ ᠤᠡᠭᠭᠤᠨ ᠤᠪᠤᠭᠠ᠂ ᠰᠢᠯᠢ ᠶᠢᠨ ᠡᠷᠠ ᠶᠢᠨ ᠤᠪᠤᠭᠠ᠂ ᠲᠤᠷᠠᠰᠬᠠᠯ ᠤᠨ ᠤᠪᠤᠭᠠ | ᠵᠡᠷᠭᠡ ᠠᠳᠠᠯᠢ ᠪᠤᠰᠤ ᠶᠢᠨ ᠵᠤᠷᠢᠯᠭᠠ ᠲᠠᠢ ᠠᠳᠠᠯᠢ ᠪᠤᠰᠤ ᠶᠢᠨ ᠬᠦᠰᠡᠯ ᠰᠡᠳᠬᠢᠯᠭᠡ ᠶᠢ ᠢᠯᠡᠳᠭᠡᠭᠰᠡᠨ ᠲᠠᠬᠢᠯᠭᠠ ᠶᠢᠨ ᠤᠪᠤᠭᠠ ᠪᠠᠶᠢᠳᠠᠭ᠃ | ᠬᠤᠷᠴᠢᠨ ᠮᠤᠩᠭᠤᠯᠴᠤᠳ ᠤᠨ ︽ᠨᠠᠶᠢᠨᠠᠢ ᠶᠢᠨ ᠤᠪᠤᠭᠠ︾ ᠲᠠᠬᠢᠬᠤ ᠨᠢ ᠶᠠᠭ ᠤᠳᠤ ᠶᠢᠨ ᠵᠢᠷᠭᠤᠭᠠᠨ ᠰᠠᠷᠠ ᠶᠢᠨ ᠨᠢᠭᠡᠨ ᠤ ᠬᠡᠤᠭᠡᠳ ᠤᠨ ᠪᠠᠶᠠᠷ ᠤᠨ | ᠡᠳᠤᠷ ᠢᠶᠠᠨ ᠪᠡᠯᠭᠡᠯᠠᠭᠦ ᠮᠠᠳᠤ ᠪᠠᠭᠠᠴᠤᠳ ᠬᠡᠤᠭᠡᠳ ᠤᠨ ᠬᠠᠮᠤᠭ ᠤᠨ ᠬᠦᠷ ᠬᠦᠭᠵᠢᠶᠠᠨᠳᠠᠢ ᠨᠠᠶᠢᠷ ᠨᠠᠭᠠᠳᠤᠮ ᠤᠨ ᠰᠢᠨᠵᠢ ᠲᠠᠢ ᠪᠠᠶᠢᠵᠤ᠂ ᠬᠡᠤᠭᠡᠳ ᠤᠨ ᠡᠷᠡᠭᠦᠯ | ᠡᠩᠭᠡ ᠦᠰᠤᠨ ᠪᠤᠶᠢᠵᠢᠯᠳᠠ ᠶᠢ ᠵᠦᠡᠭᠭᠨᠡᠨ ᠪᠡᠯᠭᠡᠰᠢᠶᠡᠭᠰᠡᠨ ᠪᠠᠶᠢᠨᠠ᠃ ︽ᠨᠠᠶᠢᠨᠠᠢ ᠶᠢᠨ ᠤᠪᠤᠭᠠ︾ ᠲᠠᠬᠢᠬᠤ ᠡᠳᠤᠷ ᠲᠤ ᠠᠶᠢᠯ ᠠᠶᠢᠮᠠᠭ ᠤᠨ ᠲᠤᠮᠳᠠ ᠪᠠᠨ | ᠬᠠᠮᠤᠭ ᠤᠨ ᠦᠨᠳᠤᠷ ᠨᠠᠰᠤᠳᠠᠢ᠂ ᠡᠯᠢᠭᠡ ᠪᠦᠳᠦᠨ᠂ ᠬᠠᠷᠠ ᠴᠠᠭᠠᠨ ᠦᠷᠠ ᠠᠴᠢ ᠲᠡᠭᠰᠢ᠂ ᠢᠳᠡᠭᠡᠯ ᠬᠦᠨᠳᠤ ᠲᠠᠢ ᠡᠮᠡᠭᠡᠨ ᠡᠵᠢ ᠶᠢ ᠵᠠᠯᠠᠵᠤ ᠲᠠᠬᠢᠯᠭᠠ ᠶᠢᠨ ᠡᠵᠡᠨ | ᠪᠤᠯᠭᠠᠨᠠ᠃ ᠠᠷᠪᠠᠨ ᠭᠤᠷᠪᠠᠨ ᠨᠠᠰᠤᠨ ᠠᠴᠠ ᠲᠤᠷᠤᠬᠰᠢᠬᠢ ᠬᠡᠤᠭᠡᠳ ᠠᠯᠢ ᠰᠠᠶᠢᠬᠠᠨ ᠬᠤᠪᠴᠠᠰᠤ ᠪᠠᠨ ᠡᠮᠤᠰᠴᠤ ᠤᠪᠤᠭᠠᠨ ᠲᠡᠭᠡᠷᠠ ᠴᠤᠬᠯᠠᠷᠠᠨ ᠢᠷᠡᠨᠠ᠃ ᠡᠨᠡ | ᠦᠶᠠ ᠳᠤ ᠬᠡᠤᠭᠡᠳ ᠤᠨ ᠵᠢᠯᠭᠡ ᠡᠪᠡᠳᠴᠢᠨ ᠢ ᠰᠠᠷᠭᠡᠶᠢᠯᠡᠵᠤ ᠭᠠᠷ ᠤᠨ ᠬᠠᠷᠢᠳᠤ ᠲᠡᠭᠡᠷᠠ ᠬᠤᠸᠠᠷ ᠬᠦᠷᠦᠰᠦᠯᠡᠵᠤ᠂ ᠮᠠᠩᠨᠠᠢ ᠶᠢᠨ ᠭᠤᠤᠯ ᠳᠤ ᠬᠦ ᠲᠦᠷᠬᠢᠵᠤ | ᠴᠢᠳᠭᠦᠷ ᠰᠢᠮᠨᠤᠰ ᠤᠨ ᠬᠤᠤᠷᠯᠠᠯ ᠠᠴᠠ ᠵᠠᠶᠢᠯᠠᠭᠤᠯᠵᠤ ᠲᠤᠮ ᠰᠢᠪᠰᠢᠯᠭᠡ ᠬᠢᠵᠤ ᠨᠠᠶᠢᠨᠠᠢ ᠶᠢᠨ ᠤᠪᠤᠭᠠ ᠶᠢᠨ ᠲᠠᠬᠢᠯᠭᠠ ᠳᠤ ᠤᠷᠤᠯᠴᠠᠳᠠᠭ᠃ ᠤᠪᠤᠭᠠ ᠪᠠᠨ | ᠰᠢᠨᠡᠳᠭᠡᠨ ᠵᠠᠰᠠᠵᠤ᠂ ᠲᠤᠷᠭᠠᠨ ᠬᠢᠪ ᠢᠶᠠᠷ ᠯᠡᠪᠷᠢ ᠪᠤᠯᠭᠠᠨ ᠴᠢᠮᠡᠭᠡᠳ ᠴᠠᠭᠠᠨ ᠢᠷᠭᠡ ᠬᠤᠨᠢ ᠶᠢᠨ ᠪᠦᠬᠦᠯᠢ ᠪᠠᠷ ᠲᠠᠬᠢᠨᠠ᠃ | ᠡᠮᠡᠭᠡᠨ ᠡᠵᠢ ᠤᠪᠤᠭᠠ ᠶᠢᠨ ᠤᠷᠤᠢ ᠳᠤ ᠭᠠᠷᠤᠭᠠᠳ ᠭᠠᠵᠠᠷ ᠨᠤᠳᠤᠭ ᠤᠨ ᠡᠵᠡᠳ ᠰᠠᠬᠢᠭᠤᠯᠰᠤᠨ ᠳᠤ ᠲᠠᠬᠢᠯᠭᠠ | ᠡᠷᠭᠦᠨ ᠬᠡᠤᠭᠡᠳ ᠤᠨ ᠬᠡᠰᠢᠭ ᠪᠤᠶᠠᠨ ᠢ ᠬᠤᠷᠦ᠋ᠢᠯᠠᠨ | ᠤᠮ ᠰᠠᠶᠢᠨ ᠠᠮᠤᠭᠤᠯᠠᠩ ᠪᠤᠯᠳᠤᠭᠠᠢ | ᠠᠮᠢ ᠨᠠᠰᠤ ᠴᠢᠨᠢ ᠤᠷᠳᠤᠳᠬᠤ ᠪᠤᠯᠳᠤᠭᠠᠢ | ᠮᠦᠡᠭᠭᠡ ᠨᠠᠰᠤ ᠶᠢ ᠨᠠᠰᠤᠯᠠᠬᠤ ᠪᠤᠯᠳᠤᠭᠠᠢ | ᠭᠠᠨᠭ᠍ᠭᠠ ᠲᠡᠷᠡᠰᠤ ᠶᠢᠨ ᠴᠠᠭᠠᠨ ᠠᠷᠰᠯᠠᠨ ᠮᠠᠳᠤ | ᠤᠮᠤᠭ ᠬᠦᠴᠦ ᠶᠡᠭᠡᠳᠡᠢ | ᠭᠠᠯᠪᠢᠷ ᠽᠠᠨᠳᠠᠨ ᠤ ᠰᠠᠯᠠᠭᠠ ᠮᠠᠳᠤ | ᠪᠤᠶᠠᠨ ᠬᠡᠰᠢᠭ ᠶᠡᠭᠡᠳᠡᠢ | ᠲᠡᠭᠷᠢ ᠠᠴᠠ ᠲᠡᠭᠰᠢ ᠰᠠᠶᠢᠬᠠᠨ ᠵᠠᠶᠠᠭᠠᠳᠠᠢ | ᠤᠳᠤᠨ ᠠᠴᠠ ᠤᠯᠠᠨ ᠰᠠᠶᠢᠬᠠᠨ ᠲᠦᠷᠦᠯ ᠲᠠᠢ | ᠤᠷᠴᠢᠯᠠᠩ ᠠᠴᠠ ᠲᠦᠭᠦᠷᠡᠩ ᠰᠠᠶᠢᠬᠠᠨ ᠪᠤᠶᠠᠨ ᠲᠠᠢ | ᠲᠡᠭᠷᠢ ᠶᠢᠨ ᠠᠭᠠᠷ ᠲᠤ ᠲᠠᠳᠠᠬᠰᠠᠨ | ᠲᠠᠪᠤᠨ ᠦᠡᠭᠭᠡ ᠶᠢᠨ ᠰᠤᠯᠤᠩᠭᠠ ᠠᠴᠠ | ᠭᠤᠶᠤ ᠰᠠᠶᠢᠬᠠᠨ ᠦᠵᠡᠰᠭᠦᠯᠠᠩ ᠲᠠᠢ | ᠲᠦᠪ ᠰᠠᠶᠢᠬᠠᠨ ᠲᠦᠷᠦ ᠲᠤᠮᠳᠠ | ᠲᠡᠭᠦᠯᠳᠡᠷ ᠶᠡᠭᠡ ᠪᠤᠶᠠᠨ ᠤ ᠲᠤᠮᠳᠠ | ᠲᠦᠪᠰᠢᠨ ᠲᠦᠷᠦ ᠶᠢᠨ ᠲᠡᠷᠢᠭᠦᠨ ᠳᠤ | ᠲᠦᠷᠦ ᠨᠠᠶᠢᠷ ᠤᠨ ᠲᠤᠮᠳᠠ | ᠲᠡᠭᠦᠰ ᠠᠮᠤᠭᠤᠯᠠᠩ ᠵᠢᠷᠭᠠᠬᠤ ᠪᠤᠯᠳᠤᠭᠠᠢ ᠬᠡᠵᠤ ᠵᠦᠡᠭᠨᠡᠨ ᠢᠷᠦᠭᠡᠭᠡᠳ ᠠᠶᠢᠯ ᠠᠶᠢᠮᠠᠭ ᠤᠨ ᠬᠤᠪᠢ ᠤᠷᠤᠵᠤ ᠨᠡᠶᠢᠯᠡᠭᠦᠯᠦᠭᠰᠡᠨ ᠤᠪᠤᠭᠠᠨ ᠰᠠᠴᠤᠯᠢ᠂ | ᠲᠠᠬᠢᠯᠭᠠ ᠶᠢᠨ ᠬᠡᠰᠢᠭ ᠠᠴᠠ ᠤᠪᠤᠭᠠ ᠶᠢᠨ ᠤᠷᠤᠢ ᠲᠡᠭᠡᠷᠠ ᠠᠴᠠ ᠨᠠᠯᠠᠤ ᠤᠷᠤᠭᠤ ᠬᠦᠴᠦᠯᠠᠨ ᠰᠠᠴᠤᠬᠤ ᠳᠤ ᠤᠯᠠᠨ ᠬᠡᠤᠭᠡᠳ ᠪᠤᠯᠢᠶᠠᠯᠳᠤᠨ ᠲᠡᠭᠦᠨ ᠢᠳᠡᠨᠠ᠃ | ᠡᠭᠦᠨ ᠢ ᠬᠤᠷᠴᠢᠨ ᠨᠤᠳᠤᠭ ᠲᠤ ︽ᠨᠠᠶᠢᠨᠠᠢ ᠶᠢᠨ ᠪᠤᠤᠪᠤ ᠬᠠᠶᠠᠬᠤ︾ ᠬᠡᠳᠡᠭ᠃ | ᠰᠠᠪᠳᠠᠭ ᠤᠨ ᠤᠪᠤᠭᠠ ᠪᠤᠯ ᠬᠤᠰᠢᠭᠤ ᠨᠤᠳᠤᠭ ᠠᠴᠠ ᠪᠤᠶᠤ ᠠᠶᠢᠯ ᠠᠶᠢᠮᠠᠭ ᠠᠴᠠ ᠤᠷᠤᠰᠢᠨ ᠰᠠᠭᠤᠭᠠ ᠨᠤᠳᠤᠭ ᠤᠰᠤᠨ ᠤ ᠨᠠᠪᠳᠠᠭ ᠰᠠᠪᠳᠠᠭ᠂ ᠡᠵᠡᠳ | ᠰᠠᠬᠢᠭᠤᠯᠰᠤᠨ ᠢᠶᠠᠨ ᠪᠠᠶᠠᠰᠬᠠᠬᠤ ᠬᠡᠵᠤ ᠦᠨᠳᠦᠷᠯᠢᠭ ᠭᠠᠵᠠᠷ ᠢ ᠰᠤᠩᠭᠤᠵᠤ ᠪᠤᠰᠬᠠᠬᠰᠠᠨ ᠤᠪᠤᠭᠠ ᠪᠤᠯᠤᠨᠠ᠃ | ᠲᠡᠮᠳᠡᠭ ᠤᠪᠤᠭᠠ ᠪᠤᠯ ᠨᠠᠭᠤᠷ ᠤᠰᠤᠨ ᠤ ᠬᠦᠪᠡᠭᠡ᠂ ᠪᠠᠷᠳᠠᠭᠠ ᠲᠠᠪᠠᠭᠠᠨ ᠤ ᠬᠦᠳᠤᠯ᠂ ᠵᠠᠮ ᠤᠨ ᠠᠭᠤᠯᠵᠠᠷ᠂ ᠵᠠᠬᠠ ᠬᠢᠯᠢ ᠶᠢᠨ ᠦᠵᠦᠭᠦᠷ᠂ ᠡᠭᠡᠷᠡᠮᠠ | ᠲᠠᠯᠠ ᠶᠢᠨ ᠲᠤᠮᠳᠠ ᠵᠡᠷᠭᠡ ᠭᠠᠵᠠᠷ ᠤᠳ ᠲᠤ ᠪᠤᠰᠬᠠᠵᠤ ᠲᠡᠮᠳᠡᠭ ᠪᠤᠯᠭᠠᠬᠰᠠᠨ ᠤᠪᠤᠭᠠ ᠶᠢ ᠬᠡᠯᠡᠨᠠ᠃ ᠲᠠᠪᠠᠭᠠᠨ ᠤᠪᠤᠭᠠ ᠨᠢ ︽ᠴᠠᠭᠠᠨ ᠮᠦᠷ ᠲᠠᠢ᠂ ᠴᠢᠨᠳᠠᠮᠤᠨᠢ | ᠬᠡᠰᠢᠭ ᠲᠠᠢ︾ ᠪᠠᠶᠢᠭᠠ ᠪᠠᠨ ᠪᠡᠯᠭᠡᠳᠡᠵᠤ᠂ ᠪᠠᠷᠳᠠᠭᠠᠳᠤ ᠲᠠᠪᠠᠭᠠ ᠶᠢ ᠠᠶᠤᠯ ᠦᠭᠡᠢ ᠡᠷᠡᠭᠦᠯ ᠡᠩᠭᠡ ᠪᠠᠷ ᠲᠤᠭᠤᠯᠤᠨ ᠭᠠᠷᠤᠬᠰᠠᠨ ᠳᠠᠭᠠᠨ ᠲᠠᠪᠠᠭᠠᠨ ᠤ ᠨᠠᠪᠳᠠᠭ | ᠰᠠᠪᠳᠠᠭ ᠳᠠᠭᠠᠨ ᠲᠠᠭᠠᠳᠬᠠᠵᠤ ᠪᠤᠰᠬᠠᠬᠰᠠᠨ ᠪᠠᠶᠢᠳᠠᠭ︔ ᠵᠠᠬᠠ ᠬᠢᠯᠢ ᠶᠢᠨ ᠤᠪᠤᠭᠠ ᠨᠢ ᠠᠶᠢᠯ᠂ ᠬᠤᠰᠢᠭᠤ ᠶᠢᠨ ᠬᠤᠭᠤᠷᠤᠨᠳᠤ ᠪᠠᠨ ᠵᠠᠬᠠ ᠬᠢᠯᠢ ᠪᠠᠨ | ᠲᠤᠳᠤᠳᠬᠠᠬᠰᠠᠨ ᠤᠪᠤᠭᠠ ᠪᠤᠯᠬᠤ ᠶᠤᠮ ︔ ᠵᠦᠭ ᠴᠢᠭ ᠤᠨ ᠤᠪᠤᠭᠠ ᠪᠤᠯ ᠵᠠᠮ ᠤᠨ ᠠᠭᠤᠯᠵᠠᠷ᠂ ᠡᠭᠡᠷᠡᠮᠠ ᠲᠠᠯᠠ ᠶᠢᠨ ᠲᠤᠮᠳᠠ ᠪᠤᠰᠬᠠᠵᠤ᠂ ᠠᠶᠠᠨ ᠲᠠᠶᠢᠨ | ᠤᠳᠤᠷ ᠨᠡᠭᠦᠳᠠᠯ ᠬᠢᠵᠤ ᠶᠠᠪᠤᠬᠤ ᠶᠢᠨ ᠵᠦᠭ ᠴᠢᠭ ᠢᠶᠠᠨ ᠢᠯᠭᠠᠵᠤ ᠪᠤᠰᠬᠠᠵᠠᠢ᠃ ᠲᠡᠮᠳᠡᠭ ᠤᠨ ᠤᠪᠤᠭᠠ ᠶᠢ ᠪᠤᠰᠬᠠᠬᠤ ᠳᠠᠭᠠᠨ ᠡᠩ ᠶᠡᠷᠦᠮᠳᠡᠭ ᠤᠨ ᠪᠠᠶᠢᠵᠤ | ᠲᠡᠭᠡᠵᠤ ᠰᠠᠩ ᠪᠦᠳᠦᠭᠡᠨ ᠰᠢᠳᠤᠭᠡᠨ ᠠᠮᠢᠯᠠᠭᠤᠯᠳᠠᠭ ᠦᠭᠡᠢ᠃ | | | ᠤᠪᠤᠭᠠ ᠪᠤᠰᠬᠠᠬᠤ ᠪᠠ ᠲᠠᠬᠢᠬᠤ ᠶᠤᠰᠤᠨ | ᠤᠪᠤᠭᠠ ᠪᠤᠰᠬᠠᠬᠤ ᠨᠢ ᠤᠪᠤᠭᠠ ᠪᠤᠰᠬᠠᠬᠤ ᠭᠠᠵᠠᠷ ᠢ ᠰᠢᠨᠵᠢᠨ ᠰᠤᠩᠭᠤᠬᠤ ᠠᠴᠠ ᠡᠬᠢᠯᠡᠳᠡᠭ᠃ ᠤᠪᠤᠭᠠ ᠪᠤᠰᠬᠠᠬᠤ ᠭᠠᠵᠠᠷ ᠢ ᠰᠢᠨᠵᠢᠨ ᠰᠤᠩᠭᠤᠬᠤ | ᠬᠦᠮᠤᠰ ᠲᠤ ᠪᠦᠭᠡ ᠢᠳᠤᠭᠠᠨ᠂ ᠲᠦᠯᠭᠡᠴᠢ ᠯᠠᠮᠠ᠂ ᠨᠤᠶᠠᠳ ᠲᠦᠰᠢᠮᠡᠳ ᠪᠤᠶᠤ ᠨᠤᠳᠤᠭ ᠤᠰᠤᠨ ᠤ ᠨᠠᠰᠤᠳᠠᠨ ᠲᠤᠮᠤᠭᠠᠳᠠᠢ ᠬᠦᠮᠤᠰ ᠪᠠᠶᠢᠯᠴᠠᠳᠠᠭ᠃ | ᠲᠠᠬᠢᠯᠭᠠᠳᠤ ᠤᠪᠤᠭᠠ ᠶᠢ ᠪᠤᠰᠬᠠᠬᠤ ᠳᠠᠭᠠᠨ ᠪᠦᠭᠡ ᠢᠳᠤᠭᠠᠨ ᠨᠠᠷ ᠠᠴᠠ ᠲᠡᠭᠷᠢ ᠭᠠᠵᠠᠷ ᠤᠨ ᠤᠡᠭᠭᠤᠳ ᠰᠠᠬᠢᠭᠤᠰᠤ᠂ ᠨᠠᠪᠳᠠᠭ ᠰᠠᠪᠳᠠᠭ ᠤᠷᠤᠩᠨᠠᠬᠰᠠᠨ ᠠᠭᠤᠯᠠ | ᠬᠠᠶᠢᠷᠠᠬᠠᠨ ᠢ ᠰᠤᠩᠭᠤᠵᠤ᠂ ᠢᠯᠳᠤ ᠪᠠ ᠲᠠᠶᠠᠭ ᠢᠶᠠᠷ ᠢᠶᠠᠨ ᠵᠢᠭᠠᠨ ᠵᠢᠷᠤᠬᠰᠠᠨ ᠭᠠᠵᠠᠷ ᠤᠪᠤᠭᠠ ᠪᠤᠰᠬᠠᠳᠠᠭ ᠪᠠᠶᠢᠬᠰᠠᠨ ᠬᠡᠳᠡᠭ᠃ ᠲᠠᠬᠢᠯᠭᠠ ᠦᠭᠡᠢ ᠤᠪᠤᠭᠠ ᠶᠢ | ᠪᠤᠰᠬᠠᠬᠤ ᠳᠤ ᠠᠭᠤᠯᠠ ᠤᠰᠤᠨ ᠤ ᠨᠠᠪᠳᠠᠭ ᠰᠠᠪᠳᠠᠭ ᠮᠡᠳᠤᠰ ᠢ ᠲᠡᠭᠡᠵᠤ ᠶᠡᠭᠡ ᠴᠢᠬᠤᠯᠠᠴᠢᠯᠠᠳᠠᠭ ᠦᠭᠡᠢ᠃ ᠲᠠᠬᠢᠯᠭᠠ ᠶᠢᠨ ᠤᠪᠤᠭᠠ ᠶᠢ ᠪᠤᠰᠬᠠᠬᠤ ᠠᠴᠠ | ᠡᠮᠤᠨᠠ ᠰᠠᠩ ᠲᠠᠷᠤᠬᠤ ᠦᠢᠯᠡ ᠶᠠᠪᠤᠬᠳᠠᠳᠠᠭ᠃ ᠤᠪᠤᠭᠠᠨ ᠤ ᠰᠠᠩ ᠲᠠᠷᠤᠬᠤ ᠦᠢᠯᠡ ᠳᠤ ᠭᠠᠵᠠᠷ ᠲᠡᠭᠡᠷᠠ ᠲᠠᠷᠤᠬᠤ ᠪᠠ ᠭᠠᠵᠠᠷ ᠲᠤᠤᠷᠠ ᠲᠠᠷᠤᠬᠤ ᠬᠡᠵᠤ | ᠬᠤᠶᠠᠷ ᠵᠦᠢᠯ ᠤᠨ ᠬᠡᠯᠪᠠᠷᠢ ᠪᠠᠶᠢᠳᠠᠭ ᠪᠦᠭᠡᠳ ᠭᠠᠵᠠᠷ ᠲᠤᠤᠷᠠ ᠰᠠᠩ ᠲᠠᠷᠤᠬᠤ ᠳᠤ ᠪᠠᠰᠠ ᠶᠡᠭᠡ ᠰᠠᠩ ᠲᠠᠷᠤᠬᠤ ᠪᠠ ᠪᠠᠭᠠ ᠰᠠᠩ ᠲᠠᠷᠤᠬᠤ ᠬᠡᠵᠤ ᠬᠤᠶᠠᠷ ᠵᠦᠢᠯ | ᠪᠠᠶᠢᠳᠠᠭ᠃ ᠡᠭᠦᠨ ᠳᠤ ᠤᠪᠤᠭᠠᠨ ᠤ ᠲᠤᠤᠷᠠ ᠤᠷᠢᠳᠠᠪᠠᠷ ᠨᠦᠭᠡ ᠮᠠᠯᠳᠠᠵᠤ ᠰᠠᠩ ᠲᠠᠷᠤᠬᠤ ᠶᠢ ᠨᠢ ᠭᠠᠵᠠᠷ ᠲᠤᠤᠷᠠ ᠰᠠᠩ ᠲᠠᠷᠤᠬᠤ ᠬᠡᠵᠤ᠂ ᠭᠠᠵᠠᠷ ᠲᠡᠭᠡᠷᠠ | ᠯᠠᠮᠠ ᠪᠠᠷ ᠲᠠᠷᠨᠢᠳᠠᠭᠤᠯᠤᠬᠰᠠᠨ ᠲᠠᠪᠤᠨ ᠲᠠᠷᠢᠶᠠ ᠶᠢᠨ ᠦᠷᠠ᠂ ᠮᠠᠯ ᠤᠨ ᠬᠡᠰᠢᠭ᠂ ᠮᠠᠨᠢ ᠶᠢᠨ ᠦᠰᠦᠭ ᠲᠠᠢ ᠲᠠᠷᠴᠤᠭ ᠵᠡᠷᠭᠡ ᠶᠠᠭᠤᠮᠠᠰ ᠢ ᠲᠠᠯᠪᠢᠭᠠᠳ ᠤᠪᠤᠭᠠ | ᠪᠤᠰᠬᠠᠬᠤ ᠶᠢ ᠭᠠᠵᠠᠷ ᠲᠡᠭᠡᠷᠠ ᠰᠠᠩ ᠲᠠᠷᠤᠬᠤ ᠬᠡᠳᠡᠭ᠃ ᠭᠠᠵᠠᠷ ᠲᠤᠤᠷᠠ ᠶᠡᠭᠡ ᠰᠠᠩ ᠲᠠᠷᠤᠬᠤ ᠶᠢ ᠪᠠᠰᠠ ᠶᠡᠭᠡ ᠰᠠᠩ ᠪᠦᠳᠦᠭᠡᠭᠦ ᠬᠡᠵᠤ ᠶᠠᠷᠢᠳᠠᠭ ᠪᠦᠭᠡᠳ | ᠲᠠᠷᠠ ᠨᠢ ᠤᠯᠠᠩᠬᠢ ᠳᠠᠭᠠᠨ ᠶᠡᠭᠡ ᠬᠡᠪᠴᠢᠶᠠᠨ ᠤ ᠤᠪᠤᠭᠠᠨ ᠲᠠᠬᠢᠯᠭᠠ ᠳᠤ ᠬᠤᠯᠪᠤᠬᠳᠠᠳᠠᠭ᠃ | ᠰᠠᠩ ᠲᠠᠷᠤᠬᠤ ᠦᠢᠯᠡ ᠲᠠᠭᠤᠰᠤᠬᠰᠠᠨ ᠤ ᠲᠠᠷᠠᠭᠠ ᠤᠪᠤᠭᠠ ᠪᠤᠰᠬᠠᠬᠤ ᠦᠢᠯᠡ ᠡᠬᠢᠯᠡᠨᠠ᠃ ᠡᠭᠦᠨ ᠳᠤ ᠤᠪᠤᠭᠠ ᠶᠢᠨ ᠲᠦᠷᠦᠯ ᠵᠦᠢᠯ ᠤᠨ ᠠᠳᠠᠯᠢ | ᠪᠤᠰᠤ ᠠᠴᠠ ᠪᠤᠯᠵᠤ ᠤᠪᠤᠭᠠ ᠪᠤᠰᠬᠠᠬᠤ ᠶᠤᠰᠤ ᠨᠢ ᠴᠤ ᠠᠳᠠᠯᠢ ᠦᠭᠡᠢ ᠪᠠᠶᠢᠳᠠᠭ᠃ ᠵᠢᠱᠢᠶᠠᠯᠠᠪᠠᠯ᠂ ᠴᠢᠯᠠᠭᠤᠨ ᠤᠪᠤᠭᠠ ᠪᠤᠰᠬᠠᠬᠤ ᠶᠤᠰᠤᠨ᠂ ᠲᠤᠭᠤᠰᠬᠠᠨ | ᠤᠪᠤᠭᠠ ᠪᠤᠰᠬᠠᠬᠤ ᠶᠤᠰᠤᠨ᠂ ᠮᠤᠳᠤᠨ ᠤᠪᠤᠭᠠ ᠪᠤᠰᠬᠠᠬᠤ ᠶᠤᠰᠤᠨ ᠵᠡᠷᠭᠡ ᠨᠢ ᠪᠦᠷ ᠬᠤᠪᠢ ᠬᠤᠪᠢ ᠶᠢᠨ ᠤᠨᠴᠠᠯᠢᠭ ᠲᠠᠢ ᠪᠠᠶᠢᠳᠠᠭ᠃ ᠴᠢᠯᠠᠭᠤᠨ ᠤᠪᠤᠭᠠ | ᠪᠤᠰᠬᠠᠬᠤ ᠶᠤᠰᠤᠨ ᠤ ᠲᠤᠬᠠᠢ ︽ᠮᠤᠩᠭᠤᠯ ᠵᠠᠩ ᠦᠢᠯᠡ ᠶᠢᠨ ᠨᠡᠪᠳᠡᠷᠭᠡᠢ ᠲᠤᠯᠢ︾ ᠳᠤ ︽ᠤᠪᠤᠭᠠᠨ ᠰᠠᠩ ᠪᠦᠳᠦᠭᠡᠭᠰᠡᠨ ᠭᠠᠵᠠᠷ ᠢᠶᠠᠨ ᠰᠠᠶᠢᠬᠠᠨ ᠲᠡᠭᠰᠢᠯᠡᠵᠤ | ᠲᠡᠭ ᠭᠤᠤᠯ ᠳᠤᠨᠢ ᠲᠤᠭ ᠤᠨ ᠮᠤᠳᠤ ᠪᠠᠨ ᠴᠢᠯᠠᠭᠤ ᠰᠢᠷᠤᠢ ᠪᠠᠷ ᠢᠪᠠᠨ ᠪᠤᠰᠬᠠᠵᠤ ᠰᠠᠭᠤᠷᠢ ᠶᠢᠨ ᠴᠢᠯᠠᠭᠤ ᠪᠠᠨ ᠵᠢᠷᠭᠤᠭᠠ ᠪᠤᠶᠤ ᠨᠠᠢᠮᠠᠨ ᠬᠠᠨᠠ ᠲᠠᠢ ᠮᠤᠩᠭᠤᠯ | ᠭᠡᠷ ᠤᠨ ᠪᠠᠭᠤᠴᠠ ᠶᠢᠨ ᠬᠢᠷᠢ ᠲᠤᠮᠤ ᠭᠤᠷᠪᠠᠨ ᠲᠤᠬᠤᠢ ᠬᠢᠷᠢ ᠵᠡᠷᠭᠡᠯᠡᠵᠤ ᠪᠤᠰᠬᠠᠭᠠᠳ ᠲᠤᠳᠤᠷᠠ ᠨᠢ ᠴᠢᠯᠠᠭᠤ ᠪᠤᠶᠤ ᠰᠢᠷᠤᠢ ᠬᠢᠵᠤ ᠲᠦᠭᠦᠷᠭᠡᠨ ᠲᠡᠭᠰᠢᠯᠡᠵᠤ | ᠰᠠᠭᠤᠷᠢ ᠶᠢᠨ ᠲᠡᠭᠳᠡᠷ ᠢ ᠭᠠᠷᠭᠠᠨᠠ᠃ ᠬᠤᠶᠠᠳᠠᠬᠢ ᠲᠡᠭᠳᠡᠷ ᠢ ᠰᠠᠭᠤᠷᠢ ᠶᠢᠨ ᠲᠡᠭᠳᠡᠷ ᠠᠴᠠ ᠲᠤᠳᠤᠬᠰᠢ 1.5 ᠲᠤᠬᠤᠢ ᠪᠠᠭᠠᠰᠬᠠᠵᠤ᠂ 2 ᠲᠤᠬᠤᠢ ᠦᠨᠳᠤᠷ | ᠲᠦᠭᠦᠷᠢᠭ ᠢᠶᠠᠷ ᠵᠡᠷᠭᠡᠯᠡᠵᠤ ᠪᠤᠰᠬᠠᠨᠠ᠃ ᠡᠨᠡ ᠲᠡᠭᠳᠡᠷ ᠲᠤ ᠲᠤᠭ ᠤᠨ ᠮᠤᠳᠤᠨ ᠠᠴᠠ ᠭᠠᠳᠠᠭᠤᠷ ᠲᠤᠬᠤᠢ ᠢᠯᠡᠭᠦᠦ ᠵᠠᠶᠢᠳᠠᠢ ᠡᠷᠬᠢᠨ ᠲᠤᠭᠤᠷᠢᠨ ᠳᠤᠨᠢ ᠪᠤᠷᠭᠠᠰᠤ | ᠬᠠᠳᠬᠤᠬᠤ ᠬᠤᠨᠭ᠍ᠬᠢᠯ ᠭᠠᠷᠭᠠᠵᠤ ᠪᠠᠶᠢᠳᠠᠭ᠃ ᠭᠤᠳᠠᠭᠠᠷ ᠲᠡᠭᠳᠡᠷ ᠢ ᠪᠠᠷᠢᠬᠤ ᠳᠤ ᠲᠤᠭ ᠤᠨ ᠮᠤᠳᠤ ᠪᠠᠨ ᠲᠤᠭᠤᠷᠢᠭᠤᠯᠤᠨ ᠪᠠᠭᠠ ᠴᠢᠯᠠᠭᠤ ᠤᠪᠤᠭᠠᠯᠠᠪᠠᠯ | ᠪᠤᠯᠴᠢᠬᠠᠳᠠᠭ᠃ ᠤᠯᠠᠩᠬᠢ ᠭᠠᠵᠠᠷ ᠲᠤ ᠤᠪᠤᠭᠠᠨ ᠤ ᠪᠠᠨ ᠭᠤᠷᠪᠠᠨ ᠲᠡᠭᠳᠡᠷ ᠢ ᠪᠤᠰᠬᠠᠬᠰᠠᠨ ᠤ ᠲᠠᠷᠠᠭᠠ᠂ ᠰᠠᠭᠤᠷᠢ ᠴᠢᠯᠠᠭᠤᠨ ᠤ ᠨᠠᠷᠠᠨ ᠲᠠᠯᠠ ᠳᠤ ᠨᠢ ᠰᠠᠩ | ᠲᠠᠯᠪᠢᠬᠤ ᠪᠤᠶᠤ ᠲᠡᠭᠡᠵᠢ ᠡᠷᠭᠦᠭᠦ ᠲᠠᠯᠪᠢᠭᠤᠷ ᠵᠠᠰᠠᠳᠠᠭ︾ ᠬᠡᠭᠦᠴᠢᠯᠠᠨ ᠲᠡᠮᠳᠡᠭᠯᠡᠵᠤ ᠪᠤᠢ᠃ | ᠵᠢᠯ ᠪᠦᠷᠢ ᠶᠢᠨ ᠤᠪᠤᠭᠠᠨ ᠲᠠᠬᠢᠯᠭᠠ ᠳᠤ ᠯᠠᠮᠠ ᠨᠠᠷ ᠶᠢ ᠵᠠᠯᠠᠵᠤ ᠡᠳᠤᠷ ᠦᠵᠡᠭᠦᠯᠦᠨᠠ᠃ ᠲᠠᠷᠤᠢ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠲᠠᠪᠤᠨ ᠰᠠᠷᠠ ᠶᠢᠨ ᠶᠢᠰᠤᠨ᠂ | ᠠᠷᠪᠠᠨ ᠭᠤᠷᠪᠠᠨ᠂ ᠬᠤᠷᠢᠨ ᠲᠠᠪᠤᠨ ᠪᠤᠶᠤ ᠵᠢᠷᠭᠤᠭᠠᠨ ᠰᠠᠷᠠ ᠶᠢᠨ ᠬᠤᠷᠢᠨ ᠲᠠᠪᠤᠨ᠂ ᠬᠤᠷᠢᠨ ᠵᠢᠷᠭᠤᠭᠠᠨ ᠡᠰᠡᠭᠦᠯᠠ ᠲᠤᠯᠤᠭᠠᠨ ᠰᠠᠷᠠ ᠶᠢᠨ ᠠᠷᠪᠠᠨ ᠲᠠᠪᠤᠨ ᠤ | ᠡᠳᠤᠷ ᠲᠤ ᠲᠤᠬᠢᠶᠠᠯᠳᠤᠭᠤᠯᠵᠤ ᠲᠠᠬᠢᠵᠠᠭᠠᠳᠠᠭ᠃ ᠵᠠᠷᠢᠮ ᠳᠠᠭᠠᠨ ᠭᠠᠨᠭ᠌ ᠬᠠᠭᠰᠠᠷᠭᠠᠨ ᠪᠤᠯᠬᠤ᠂ ᠮᠠᠯ ᠰᠦᠷᠦᠭ ᠲᠤ ᠡᠪᠡᠳᠴᠢᠨ ᠤᠷᠤᠬᠤ᠂ ᠲᠠᠷᠢᠶᠠ ᠲᠦᠮᠦᠰᠤ | ᠬᠤᠷᠤᠬᠠᠢᠢᠳᠠᠬᠤ ᠵᠡᠷᠭᠡ ᠭᠠᠢ ᠭᠠᠮᠰᠢᠭ ᠲᠤᠬᠢᠶᠠᠯᠳᠤᠪᠠᠯ ᠪᠦᠷ ᠤᠪᠤᠭᠠ ᠲᠠᠬᠢᠵᠤ ᠭᠠᠢ ᠪᠠᠷᠴᠢᠳ ᠢ ᠠᠷᠢᠯᠭᠠᠵᠤ ᠦᠭᠭᠦ ᠶᠢ ᠲᠠᠭᠠᠳᠬᠠᠳᠠᠭ᠃ ᠤᠪᠤᠭᠠ ᠲᠠᠬᠢᠬᠤ ᠶᠢ | ᠬᠠᠮᠢᠶᠠᠷᠳᠠᠭ ᠲᠤᠰᠬᠠᠢ ᠬᠦᠮᠤᠨ ᠢ ᠨᠢᠷᠪᠠ ᠬᠡᠨᠠ᠃ ᠡᠨᠡ ᠨᠢᠷᠪᠠ ᠨᠢ ᠤᠪᠤᠭᠠᠨ ᠲᠠᠬᠢᠯᠭᠠ ᠶᠢᠨ ᠪᠡᠯᠡᠳᠭᠡᠯ ᠠᠵᠢᠯ ᠢ ᠬᠦᠢᠴᠡᠳᠭᠡᠨ ᠡᠩ ᠲᠡᠷᠢᠭᠦᠨ ᠳᠤ ᠤᠪᠤᠭᠠᠨ ᠤ | ᠲᠡᠷᠭᠡᠳᠠ ᠭᠡᠷ ᠲᠡᠷᠭᠡ ᠵᠡᠷᠭᠡ ᠶᠢ ᠪᠠᠶᠢᠭᠤᠯᠵᠤ᠂ ᠲᠠᠬᠢᠨ ᠵᠠᠷᠤᠳᠠᠯ ᠬᠡᠷᠡᠭᠰᠡᠯ ᠤᠨ ᠵᠤᠭᠤᠰ ᠮᠦᠡᠭᠬᠦ᠂ ᠢᠳᠡᠭᠡ ᠰᠢᠭᠦᠰᠤ ᠶᠢ ᠤᠢᠢᠷᠠ ᠤᠷᠴᠢᠮ ᠤᠨ ᠠᠶᠢᠯ ᠡᠷᠦᠭᠡ ᠪᠠᠷ | ᠪᠠᠳᠢᠷᠯᠠᠵᠤ ᠬᠤᠷᠠᠮᠳᠤᠭᠤᠯᠤᠨᠠ᠃ ᠡᠰᠡᠭᠦᠯᠠ ᠮᠠᠯ ᠬᠦᠷᠦᠩᠭᠡ ᠵᠤᠵᠠᠭᠠᠨ ᠲᠠᠢ ᠰᠦᠰᠦᠭᠳᠡᠨ ᠨᠠᠷ ᠶᠡᠭᠡ ᠬᠡᠮᠵᠢᠶᠠᠨ ᠤ ᠵᠤᠭᠤᠰ ᠮᠦᠡᠭᠬᠦ᠂ ᠡᠳ ᠪᠤᠳᠠᠰ ᠵᠡᠷᠭᠡ ᠶᠢ | ᠪᠠᠷᠢᠴᠠ ᠡᠷᠭᠦᠨᠠ᠃ ᠲᠠᠬᠢᠯᠭᠠ ᠳᠤ ᠬᠤᠷᠠᠮᠳᠤᠭᠤᠯᠤᠬᠰᠠᠨ ᠬᠦᠷᠦᠩᠭᠡ ᠮᠦᠡᠭᠬᠦ ᠶᠢ ᠬᠠᠭᠠᠰ ᠶᠢ ᠨᠢ ᠤᠪᠤᠭᠠᠨ ᠤ ᠬᠦᠷᠦᠩᠭᠡ ᠪᠤᠯᠭᠠᠨ ᠦᠯᠡᠳᠡᠭᠡᠨᠠ᠃ ᠦᠯᠡᠳᠡᠭᠰᠡᠨ | ᠬᠠᠭᠠᠰ ᠤᠨ ᠭᠤᠷᠪᠠᠨ ᠤ ᠨᠢᠭᠡ ᠬᠤᠪᠢ ᠶᠢ ᠵᠠᠯᠠᠬᠰᠠᠨ ᠯᠠᠮᠠ ᠨᠠᠷ ᠲᠤ ᠡᠷᠭᠦᠴᠠ ᠪᠠᠷᠢᠵᠤ᠂ ᠨᠢᠭᠡ ᠬᠤᠪᠢ ᠶᠢ ᠨᠢ ᠤᠪᠤᠭᠠᠨ ᠨᠠᠶᠢᠷ ᠤᠨ ᠱᠠᠩᠨᠠᠯ ᠳᠤ ᠬᠡᠷᠡᠭᠯᠡᠨ | ᠦᠯᠡᠳᠡᠭᠰᠡᠨ ᠨᠢᠭᠡ ᠬᠤᠪᠢ ᠶᠢ ᠨᠢ ᠲᠤᠰ ᠤᠳᠠᠭᠠᠨ ᠤ ᠤᠪᠤᠭᠠᠨ ᠲᠠᠬᠢᠯᠭᠠ ᠶᠢᠨ ᠰᠤᠯᠠ ᠵᠠᠷᠤᠳᠠᠯ ᠳᠤ ᠬᠡᠷᠡᠭᠯᠡᠨᠠ᠃ | ᠲᠠᠬᠢᠬᠤ ᠪᠤᠯᠬᠤ ᠳᠤ ᠯᠠᠮᠠ ᠨᠠᠷ ᠠᠯᠢᠪᠠ ᠬᠡᠷᠡᠭᠰᠡᠯ ᠢᠶᠠᠨ ᠠᠪᠴᠤ ᠢᠷᠡᠨ ᠬᠤᠰᠢᠭᠤ ᠪᠤᠶᠤ ᠠᠶᠢᠯ ᠠᠶᠢᠮᠠᠭ ᠤᠨ ᠨᠤᠶᠠᠳ ᠲᠦᠰᠢᠮᠡᠳ ᠲᠠᠷᠢᠭᠦᠯᠡᠨ ᠪᠠᠰᠠ | ᠬᠠᠷᠢ ᠬᠤᠰᠢᠭᠤᠳ ᠤᠨ ᠠᠶᠢᠯ ᠲᠤᠰᠬᠤᠨ ᠤ ᠬᠡᠶᠢᠴᠢᠳ ᠵᠤᠴᠢᠳ ᠪᠡᠯᠡᠭ ᠡᠷᠭᠦᠴᠠ ᠪᠠ ᠤᠷᠤᠯᠳᠤᠭᠠᠨ ᠤ ᠪᠦᠭᠡ᠂ ᠮᠤᠷᠢ᠂ ᠬᠠᠷᠪᠤᠭᠠᠴᠢᠨ ᠢᠶᠠᠨ ᠠᠪᠴᠤ ᠢᠷᠡᠨᠠ᠃ | ᠲᠡᠭᠡᠭᠡᠳ ᠠᠶᠢᠯ ᠠᠶᠢᠮᠠᠭ ᠂ ᠤᠢᠢᠷᠠᠨ ᠲᠤᠭᠤᠷᠢᠨ ᠤ ᠦᠳᠡᠯᠦᠭᠰᠡᠨ ᠵᠠᠯᠠᠭᠤ᠂ ᠡᠮᠡᠰ ᠬᠡᠤᠭᠡᠳ᠂ ᠦᠬᠢᠳ ᠪᠡᠷᠢᠶᠠᠳ ᠬᠡᠰᠡᠨ ᠦᠭᠡᠢ ᠪᠦᠷ ᠴᠤ ᠭᠤᠶᠤᠯᠠᠨ ᠵᠠᠰᠠᠵᠤ | ᠲᠦᠷᠪᠡᠨ ᠵᠦᠭ ᠨᠠᠢᠮᠠᠨ ᠵᠤᠪᠬᠢᠰ ᠠᠴᠠ ᠬᠦᠷᠦᠯᠴᠡᠨ ᠢᠷᠡᠵᠡᠭᠡᠨᠠ᠃ ᠪᠠᠰᠠ ᠤᠢᠢᠷᠠ ᠤᠷᠴᠢᠨ ᠤ ᠠᠷᠠᠯᠵᠢᠶᠠᠴᠢᠨ ᠮᠠᠶᠢᠮᠠᠶᠢᠴᠢᠨ ᠨᠠᠷ ᠲᠠᠯᠠ ᠲᠠᠯᠠ ᠠᠴᠠ ᠪᠠᠷᠠᠭᠠ | ᠲᠠᠸᠡᠷ᠂ ᠮᠠᠯ ᠤᠨ ᠠᠰᠢᠭ ᠰᠢᠮᠠ ᠪᠠᠨ ᠠᠪᠴᠤ ᠢᠷᠡᠨ ᠬᠤᠳᠠᠯᠳᠤᠭᠠ ᠡᠷᠬᠢᠯᠡᠨᠠ᠃ | ᠪᠠᠷᠤᠭ ᠦᠷᠯᠦᠭᠡ ᠶᠢᠨ ᠲᠠᠤᠯᠠᠢ ᠴᠠᠭ ᠤᠨ ᠦᠶᠠ ᠪᠠᠷ ᠪᠦᠬᠦᠳᠡᠭᠡᠷ ᠤᠪᠤᠭᠠᠨ ᠲᠡᠭᠡᠷᠠ ᠪᠠᠨ ᠴᠤᠬᠯᠠᠷᠠᠨᠠ᠃ ᠰᠢᠨᠠ ᠪᠤᠰᠬᠠᠬᠰᠠᠨ ᠤᠪᠤᠭᠠ ᠪᠤᠯ ᠰᠢᠭᠤᠳ | ᠲᠠᠬᠢᠨᠠ᠃ ᠬᠠᠭᠤᠴᠢᠨ ᠤᠪᠤᠭᠠ ᠪᠤᠯ ᠤᠷᠴᠢᠨ ᠲᠤᠭᠤᠷᠢᠨ ᠢᠶᠠᠨ ᠴᠡᠪᠡᠷᠯᠠᠨ ᠠᠷᠢᠯᠭᠠᠵᠤ᠂ ᠤᠪᠤᠭᠠᠠ ᠳᠤ ᠮᠤᠳᠤ ᠴᠢᠯᠠᠭᠤ᠂ ᠰᠢᠷᠤᠢ ᠲᠤᠭᠤᠰᠬᠠ ᠵᠡᠷᠭᠡ ᠶᠢ | ᠬᠦᠮᠤᠨ ᠪᠦᠷᠢ ᠬᠤᠪᠢ ᠬᠤᠪᠢᠨ ᠤ ᠪᠠᠨ ᠨᠡᠮᠡᠵᠤ ᠰᠢᠨᠡᠳᠭᠡᠨ ᠵᠠᠰᠠᠭᠠᠳ᠂ ᠮᠠᠨᠢ ᠶᠢᠨ ᠵᠢᠷᠭᠤᠭᠠᠨ ᠦᠰᠦᠭ ᠲᠠᠢ ᠲᠠᠪᠤᠨ ᠦᠡᠭᠭᠡ ᠶᠢᠨ ᠲᠤᠷᠳᠤᠩ ᠢᠶᠠᠷ ᠲᠠᠷᠴᠤᠭ | ᠤᠨᠵᠢᠭᠤᠯᠤᠨ᠂ ᠬᠡᠶᠢᠮᠤᠷᠢ ᠬᠡᠶᠢᠰᠭᠡᠵᠤ ᠬᠠᠳᠠᠭ ᠡᠷᠭᠦᠨᠠ᠃ ᠤᠪᠤᠭᠠᠨ ᠤ ᠡᠮᠤᠨᠠ ᠲᠠᠬᠢᠯᠭᠠ ᠶᠢᠨ ᠪᠦᠬᠦᠯᠢ ᠰᠢᠭᠦᠰᠤ᠂ ᠴᠠᠭᠠᠨ ᠢᠳᠡᠭᠡ ᠶᠢᠨ ᠵᠦᠢᠯᠡᠰ᠂ ᠪᠤᠤᠪᠤ | ᠪᠤᠭᠤᠷᠰᠤᠭ᠂ ᠠᠯᠢᠮᠠ ᠵᠢᠮᠢᠰ ᠵᠡᠷᠭᠡ ᠶᠢ ᠦᠷᠦᠵᠤ ᠲᠠᠯᠪᠢᠨᠠ᠃ ᠪᠠᠷᠤᠭ ᠯᠤᠤ ᠴᠠᠭ ᠤᠨ ᠦᠶᠠ ᠪᠠᠷ ᠤᠪᠤᠭᠠᠨ ᠲᠠᠬᠢᠯᠭᠠ ᠡᠬᠢᠯᠡᠵᠤ ᠯᠠᠮᠠ ᠨᠠᠷ ᠲᠠᠬᠢᠯᠭᠠ ᠶᠢᠨ | ᠢᠷᠦᠭᠡᠯ ᠤᠡᠭᠰᠢᠵᠤ ᠪᠦᠬᠦᠳᠠ ᠤᠯᠠᠨ ᠢᠶᠠᠷ ᠢᠶᠠᠨ ᠡᠷᠬᠢᠮ ᠲᠤᠤᠷᠠᠳᠤ ᠬᠡᠵᠤ ᠢᠯᠭᠠᠯ ᠦᠭᠡᠢ ᠤᠪᠤᠭᠠᠨ ᠳᠠᠭᠠᠨ ᠮᠦᠷᠭᠦᠨ ᠵᠠᠯᠪᠠᠷᠢᠭᠠᠳ ᠲᠠᠬᠢᠨ ᠬᠠᠳᠠᠭ ᠡᠷᠭᠦᠨ | ᠢᠳᠡᠭᠡᠨ ᠤ ᠲᠠᠭᠡᠵᠢ ᠪᠠᠨ ᠪᠠᠷᠢᠨ ᠦᠪᠡᠷ ᠦᠪᠡᠷ ᠤᠨ ᠬᠦᠰᠡᠯ ᠰᠡᠳᠬᠢᠯ ᠢᠶᠠᠨ ᠢᠯᠡᠳᠭᠡᠨ ᠲᠠᠯᠠᠯᠭᠠ ᠲᠠᠯᠠᠯᠤᠭᠠᠳ ᠤᠪᠤᠭᠠ ᠪᠠᠨ ᠭᠤᠷᠪᠠᠨ ᠭᠤᠷᠪᠠ ᠶᠢᠰᠤ ᠪᠠᠷ | ᠲᠤᠭᠤᠷᠢᠨ ᠡᠷᠬᠢᠨᠠ᠃ | ︽ᠤᠪᠤᠭᠠᠨ ᠤ ᠬᠡᠰᠢᠭ ᠢ ᠤᠯᠠᠨ ᠢᠶᠠᠷ ᠢᠶᠠᠨ︾ ᠬᠡᠵᠤ ᠤᠪᠤᠭᠠ ᠲᠠᠬᠢᠬᠰᠠᠨ ᠮᠢᠬᠠ᠂ ᠴᠠᠭᠠᠨ ᠢᠳᠡᠭᠡ᠂ ᠵᠢᠮᠢᠰ ᠪᠤᠭᠤᠷᠰᠤᠭ ᠵᠡᠷᠭᠡ ᠶᠢ ᠤᠯᠠᠨ ᠢᠶᠠᠷ ᠢᠶᠠᠨ | ᠬᠤᠪᠢᠶᠠᠯᠴᠠᠨ ᠢᠳᠡᠵᠡᠭᠡᠵᠤ ᠬᠡᠳᠤᠢ ᠤᠯᠠᠨ ᠤᠯᠵᠤ ᠢᠳᠡᠭᠰᠡᠨ ᠪᠤᠯ ᠲᠡᠳᠤᠢ ᠰᠠᠶᠢᠨ ᠬᠡᠵᠤ ᠪᠡᠯᠭᠡᠰᠢᠶᠠᠨ ᠦᠵᠡᠭᠦ ᠪᠤᠯᠬᠤᠷ ᠵᠠᠪᠳᠤᠨ ᠢᠳᠡᠨᠠ᠃ ᠲᠡᠭᠡᠭᠡᠳ | ᠲᠠᠬᠢᠯᠭᠠ ᠲᠠᠭᠤᠰᠤᠨᠠ᠃ | | ᠤᠪᠤᠭᠠ ᠶᠢᠨ ᠨᠠᠶᠢᠷ᠂ ᠤᠪᠤᠭᠠᠨ ᠴᠢᠭᠤᠯᠭᠠᠨ | ︽ᠨᠠᠭᠠᠳᠤᠮ ᠤᠨ ᠲᠡᠭᠡᠵᠢ ᠰᠢᠳᠡᠷᠠ ᠨᠠᠭᠠᠳᠤᠮ᠂ ᠨᠠᠶᠢᠷ ᠤᠨ ᠲᠡᠭᠡᠵᠢ ᠤᠪᠤᠭᠠᠨ ᠨᠠᠶᠢᠷ︾ ᠬᠡᠵᠤ ᠡᠵᠡᠳ ᠰᠠᠬᠢᠭᠤᠰᠤ ᠪᠠᠨ ᠲᠠᠬᠢᠵᠤ ᠡᠷᠠ ᠶᠢᠨ ᠭᠤᠷᠪᠠᠨ | ᠨᠠᠭᠠᠳᠤᠮ ᠢᠶᠠᠨ ᠦᠷᠭᠦᠯᠵᠢᠯᠡᠭᠦᠯᠭᠦ ᠪᠤᠯ ᠨᠠᠶᠢᠳᠠ ᠮᠤᠩᠭᠤᠯᠴᠤᠳ ᠤᠨ ᠨᠢᠭᠡ ᠶᠡᠭᠡ ᠲᠤᠷᠠᠰᠬᠠᠯᠳᠤ ᠨᠠᠶᠢᠷ ᠪᠤᠯᠬᠤ ᠶᠤᠮ᠃ ᠨᠠᠶᠢᠷ ᠤᠨ ᠲᠠᠯᠠᠪᠤᠷ ᠤᠨ ᠠᠷᠤ ᠲᠠᠯᠠ ᠳᠤ | ᠶᠡᠭᠡ ᠴᠠᠴᠠᠷ ᠢ ᠡᠮᠤᠨᠠᠰᠢ ᠬᠠᠨᠳᠤᠭᠤᠯᠤᠨ ᠪᠤᠰᠬᠠᠵᠤ᠂ ᠬᠤᠶᠢᠳᠤ ᠲᠠᠯᠠ ᠳᠤᠨᠢ ᠰᠢᠷᠡᠭᠡ ᠵᠠᠰᠠᠭᠠᠳ ᠬᠡᠭᠡᠨ ᠬᠤᠪᠢᠯᠭᠠᠳ᠂ ᠸᠠᠩ ᠬᠦᠡᠭ ᠪᠤᠯᠤᠨ ᠬᠠᠳᠤᠳ ᠢ ᠵᠠᠯᠠᠨ | ᠰᠠᠭᠤᠯᠭᠠᠵᠤ ᠪᠤᠰᠤᠳ ᠱᠠᠪᠷᠤᠩ ᠯᠠᠮᠠ᠂ ᠨᠤᠶᠠᠳ ᠲᠦᠰᠢᠮᠡᠳ ᠢ ᠵᠡᠭᠦᠨ ᠪᠠᠷᠠᠭᠤᠨ ᠲᠠᠯᠠ ᠪᠠᠷ ᠨᠢ ᠰᠢᠷᠡᠭᠡ ᠲᠠᠯᠪᠢᠨ ᠰᠠᠭᠤᠯᠭᠠᠳᠠᠭ᠃ ᠦᠵᠡᠭᠴᠢ ᠤᠯᠠᠨ ᠨᠢ | ᠨᠠᠶᠢᠷ ᠤᠨ ᠲᠠᠯᠠᠪᠠᠢ ᠶᠢ ᠲᠤᠭᠤᠷᠢᠵᠤ ᠬᠦᠷᠢᠶᠠᠯᠠᠨ ᠰᠠᠭᠤᠬᠤ ᠪᠤᠶᠤ ᠵᠤᠬᠰᠤᠵᠠᠭᠠᠳᠠᠭ᠃ | ᠤᠪᠤᠭᠠᠨ ᠨᠠᠶᠢᠷ ᠲᠤ ᠵᠠᠪᠠᠯ ᠪᠦᠭᠡ ᠪᠠᠷᠢᠯᠳᠤᠵᠤ ᠮᠤᠷᠢ ᠤᠷᠤᠯᠳᠤᠨᠠ᠃ ᠪᠠᠰᠠ ᠬᠡᠤᠭᠡᠳ ᠢ ᠬᠦᠶᠦᠯᠭᠡᠵᠤ ᠤᠷᠤᠯᠳᠤᠭᠤᠯᠤᠨᠠ᠃ ᠬᠤᠷᠴᠢᠨ ᠤ ᠨᠠᠶᠢᠷ | ᠲᠡᠭᠡᠷᠠ ᠰᠤᠷ ᠬᠠᠷᠪᠤᠬᠤ ᠬᠠᠷᠠᠬᠳᠠᠬᠤ ᠪᠠᠨ ᠪᠠᠶᠢᠵᠤ᠂ ᠬᠠᠷᠢᠨ ᠪᠢᠯᠠᠭᠤ ᠰᠢᠳᠠᠵᠤ ᠤᠷᠤᠯᠳᠤᠬᠤ ᠨᠢ ᠲᠦᠭᠡᠮᠡᠯ ᠬᠠᠷᠠᠬᠳᠠᠳᠠᠭ ᠪᠤᠯᠵᠠᠢ᠃ ᠤᠷᠤᠯᠳᠤᠭᠠᠨ ᠳᠤ ᠰᠢᠯᠢᠳᠡᠭ | ᠪᠦᠳᠦᠮᠵᠢ ᠭᠠᠷᠭᠠᠬᠰᠠᠳ ᠲᠤ ᠪᠦᠷ ᠱᠠᠩ ᠲᠠᠢ᠃ ᠱᠠᠩ ᠤᠨ ᠶᠡᠭᠡ ᠪᠠᠭᠠ ᠨᠢ ᠨᠢᠷᠪᠠ ᠶᠢᠨ ᠪᠠᠳᠢᠷᠯᠡᠵᠤ ᠤᠯᠤᠬᠰᠠᠨ ᠶᠠᠭᠤᠮᠠ ᠶᠢᠨ ᠠᠷᠪᠢᠨ ᠴᠦᠭᠡᠨ ᠢᠶᠠᠷ | ᠰᠢᠢᠳᠪᠤᠷᠢᠯᠡᠭᠳᠡᠳᠡᠭ᠃ ᠬᠦᠮᠤᠰ ᠪᠠᠶᠠᠷᠯᠠᠨ ᠨᠠᠶᠢᠷᠯᠠᠪᠠᠯ ︽ᠠᠭᠤᠯᠠ ᠤᠰᠤᠨ ᠤ ᠡᠵᠡᠳ ᠰᠠᠬᠢᠭᠤᠰᠤ ᠴᠤ ᠪᠠᠶᠠᠰᠴᠤ ᠪᠤᠷᠤᠭᠠᠨ ᠬᠤᠷᠠ ᠪᠠᠨ ᠪᠠᠭᠤᠯᠭᠠᠳᠠᠭ︾ ᠬᠡᠳᠡᠭ | ᠃ ᠦᠨᠡᠭᠡᠷ ᠤᠪᠤᠭᠠ ᠲᠠᠬᠢᠬᠰᠠᠨ ᠡᠳᠤᠷ ᠤᠯᠠᠩᠬᠢ ᠳᠠᠭᠠᠨ ᠪᠤᠷᠤᠭᠠᠨ ᠤᠷᠤᠳᠠᠭ ᠪᠠᠶᠢᠨᠠ᠃ | ᠤᠪᠤᠭᠠ ᠲᠠᠬᠢᠬᠤ ᠠᠴᠠ ᠪᠤᠰᠤᠳ ᠴᠠᠭ ᠲᠤ ᠤᠪᠤᠭᠠ ᠪᠤᠰᠬᠠᠬᠰᠠᠨ ᠲᠡᠷᠡ ᠤᠷᠤᠢ ᠲᠡᠭᠡᠷᠠ ᠭᠠᠷᠴᠤ ᠪᠤᠯᠬᠤ ᠦᠭᠡᠢ᠃ ᠴᠢᠯᠠᠭᠤ᠂ ᠲᠤᠭᠤᠰᠬᠠ᠂ | ᠪᠤᠷᠭᠠᠰᠤ᠂ ᠲᠦᠯᠡᠭᠡ ᠶᠢ ᠨᠢ ᠬᠦᠳᠡᠯᠭᠡᠵᠤ ᠪᠤᠯᠬᠤ ᠦᠭᠡᠢ᠃ ᠤᠢᠢᠷᠠ ᠤᠷᠴᠢᠮ ᠳᠤᠨᠢ ᠲᠠᠷᠢᠶᠠ ᠲᠦᠮᠦᠰᠤ ᠲᠠᠷᠢᠵᠤ ᠪᠤᠯᠬᠤ ᠦᠭᠡᠢ᠃ ᠡᠪᠡᠰᠤ ᠲᠦᠯᠡᠭᠡ ᠬᠠᠳᠤᠵᠤ | ᠪᠤᠯᠳᠠᠭ ᠦᠭᠡᠢ᠃ ᠤᠪᠤᠭᠠ ᠶᠢᠨ ᠬᠠᠵᠠᠭᠤ ᠪᠠᠷ ᠦᠡᠭᠭᠡᠷᠡᠭᠴᠢᠳ ᠤᠨᠤᠭᠠ ᠮᠤᠷᠢ ᠠᠴᠠ ᠪᠠᠨ ᠵᠠᠪᠠᠯ ᠪᠠᠭᠤᠬᠤ ᠬᠡᠷᠡᠭᠳᠡᠢ᠃ | ᠤᠪᠤᠭᠠᠨ ᠴᠢᠭᠤᠯᠭᠠᠨ ᠨᠢ ᠮᠦᠨ ᠤᠪᠤᠭᠠᠨ ᠲᠠᠬᠢᠯᠭᠠ ᠶᠢᠨ ᠶᠤᠰᠤᠨ ᠤ ᠨᠢᠭᠡᠨ ᠴᠢᠬᠤᠯᠠ ᠠᠭᠤᠯᠭᠠ ᠮᠦᠨ᠃ ᠡᠷᠳᠡᠨ ᠤ ᠦᠶᠠ ᠶᠢᠨ ᠵᠠᠰᠠᠭ | ᠲᠦᠷᠦ ᠶᠢᠨ ᠲᠠᠯᠠ ᠠᠴᠠ ᠡᠰᠡᠭᠦᠯᠠ ᠠᠶᠢᠯ ᠠᠶᠢᠮᠠᠭ ᠤᠨ ᠵᠠᠰᠠᠭ ᠤᠨ ᠲᠠᠯᠠ ᠠᠴᠠ ᠤᠪᠤᠭᠠᠨ ᠲᠠᠬᠢᠯᠭᠠ ᠳᠤ ᠤᠯᠠᠨ ᠬᠦᠮᠤᠨ ᠴᠤᠬᠯᠠᠷᠠᠬᠤ ᠶᠢ ᠲᠤᠬᠢᠶᠠᠯᠳᠤᠭᠤᠯᠤᠨ | ᠴᠢᠭᠤᠯᠭᠠᠨ ᠴᠢᠭᠤᠯᠵᠤ᠂ ᠬᠤᠷᠠᠯ ᠬᠤᠷᠠᠯᠳᠤᠭᠤᠯᠤᠨ᠂ ᠦᠡᠭᠭᠡᠷᠡᠭᠰᠡᠨ ᠤ ᠰᠢᠢᠳᠪᠤᠷᠢᠯᠡᠭᠦ ᠴᠢᠬᠤᠯᠠᠳᠠᠢ ᠲᠤᠮᠤ ᠬᠡᠷᠡᠭ ᠶᠠᠪᠤᠳᠠᠯ ᠢᠶᠠᠨ ᠲᠠᠰᠤᠯᠤᠨ ᠰᠢᠢᠳᠭᠡᠵᠤ | ᠤᠯᠠᠨ ᠤ ᠡᠮᠤᠨᠠ ᠲᠤᠷᠭᠤᠭᠠᠬᠤ ᠴᠢᠬᠤᠯᠠᠳᠠᠢ ᠶᠢ ᠨᠢ ᠶᠠᠯᠠᠯᠠᠨ ᠲᠤᠷᠭᠤᠭᠠᠵᠤ᠂ ᠱᠠᠩᠨᠠᠬᠤ ᠴᠢᠬᠤᠯᠠᠳᠠᠢ ᠶᠢ ᠬᠦᠬᠢᠭᠦᠯᠦᠨ ᠱᠠᠩᠨᠠᠨᠠ᠃ ᠵᠢᠱᠢᠶᠠᠯᠠᠪᠠᠯ᠂ ᠬᠤᠯᠠᠭᠠᠢ | ᠲᠡᠭᠡᠷᠡᠮ ᠤᠨ ᠤᠴᠢᠷ᠂ ᠭᠠᠵᠠᠷ ᠨᠤᠳᠤᠭ ᠪᠡᠯᠴᠢᠭᠡᠷ ᠬᠦᠷᠢᠶᠠ ᠶᠢᠨ ᠵᠠᠬᠠ ᠵᠠᠭᠠᠭ ᠤᠨ ᠵᠢᠭᠤᠷᠠᠯᠳᠤᠭᠠᠨ ᠵᠡᠷᠭᠡ ᠨᠡᠶᠢᠭᠡᠮ ᠤᠨ ᠬᠡᠷᠡᠭ ᠵᠠᠷᠭᠤ ᠠᠴᠠ ᠭᠡᠷ ᠵᠠᠭᠤᠷᠠ ᠶᠢᠨ | ᠬᠡᠷᠡᠭ ᠤᠴᠢᠷ ᠲᠤ ᠬᠦᠷᠳᠡᠯᠠ ᠰᠢᠳᠭᠡᠨ ᠰᠢᠢᠳᠪᠤᠷᠢᠯᠡᠨᠠ᠃ ᠁ ᠁ | ᠬᠦᠮᠤᠨ ᠲᠦᠷᠥᠯᠬᠢᠳᠠᠨ ᠠᠮᠢᠳᠤᠷᠠᠯ ᠲᠡᠮᠡᠴᠠᠯ ᠤᠨ ᠲᠤᠮᠳᠠ ᠪᠠᠨ ᠬᠦᠮᠤᠨ ᠪᠠᠶᠢᠭᠠᠯᠢ ᠶᠢᠨ ᠬᠤᠭᠤᠷᠤᠨᠳᠤ᠂ ᠬᠦᠮᠤᠨ ᠬᠦᠮᠤᠨ ᠤ ᠬᠤᠭᠤᠷᠤᠨᠳᠤ ᠡᠶᠡ | ᠵᠤᠬᠢᠴᠠᠩᠭᠤᠢ ᠤᠷᠤᠰᠢᠬᠤ ᠶᠢᠨ ᠰᠠᠶᠢᠨ ᠰᠠᠶᠢᠬᠠᠨ ᠤᠴᠢᠷ ᠤᠬᠠᠭᠠᠨ ᠢ ᠤᠯᠠᠮ ᠠᠴᠠ ᠤᠯᠠᠮ ᠰᠡᠭᠡᠭᠡᠷᠡᠨ ᠤᠬᠠᠭᠠᠷᠠᠵᠤ᠂ ᠪᠠᠶᠢᠭᠠᠯᠢᠯᠢᠭ ᠰᠤᠶᠤᠯ ᠤᠨ ᠦᠯᠡᠳᠡᠭᠳᠡᠯ | ᠪᠤᠯ ᠦᠴᠦᠭᠡᠳᠤᠷ ᠤᠨ ᠦᠪ᠂ ᠦᠨᠤᠳᠤᠷ ᠤᠨ ᠵᠠᠯᠭᠠᠮᠵᠢ᠂ ᠢᠷᠡᠭᠡᠳᠤᠢ ᠶᠢᠨ ᠴᠤᠬᠴᠠᠯᠠᠪᠤᠷᠢ ᠪᠤᠯᠬᠤ ᠶᠢ ᠨᠠᠩ ᠬᠦᠨ ᠲᠠᠨᠢᠵᠤ ᠤᠯᠤᠬᠰᠠᠨ ᠪᠠᠶᠢᠨᠠ᠃ | ᠮᠤᠩᠭᠤᠯᠴᠤᠳ ᠤᠨ ᠤᠤᠷ ᠰᠤᠶᠤᠯ ᠤᠪᠤᠭᠠᠨ ᠲᠠᠬᠢᠯᠭᠠ ᠳᠤ ᠡᠭᠡ ᠪᠠᠶᠢᠭᠠᠯᠢ ᠪᠠᠨ ᠬᠠᠶᠢᠷᠠᠯᠠᠬᠤ᠂ ᠡᠪᠦᠭᠡ ᠲᠡᠭᠡᠳᠤᠰ ᠢᠶᠠᠨ ᠬᠦᠨᠳᠤᠳᠭᠡᠭᠦ᠂ ᠪᠠᠭᠠᠳᠤᠷ ᠬᠦᠮᠤᠰ ᠢ | ᠪᠠᠭ᠋ᠠᠳᠤᠨ ᠪᠢᠰᠢᠷᠠᠭᠦ᠂ ᠪᠠᠭᠠᠴᠤᠳ ᠬᠡᠤᠭᠡᠳ ᠢᠶᠠᠨ ᠲᠤᠷᠨᠢᠭᠤᠨ ᠦᠰᠭᠡᠭᠦ ᠰᠠᠶᠢᠨ ᠰᠠᠶᠢᠬᠠᠨ ᠤ ᠡᠷᠢᠯ ᠬᠦᠰᠡᠯ ᠤᠨ ᠰᠠᠨᠠᠭᠠ ᠠᠭᠤᠯᠤᠬᠳᠠᠵᠤ ᠪᠠᠶᠢᠳᠠᠭ ᠠᠴᠠ ᠤᠪᠤᠭᠠᠨ | ᠲᠠᠬᠢᠯᠭᠠ ᠶᠢᠨ ᠵᠠᠩ ᠦᠢᠯᠡ ᠨᠢ ᠦᠨᠦᠳᠤᠷ ᠤᠯᠤᠰ ᠤᠨ ᠲᠠᠰ ᠤᠨ ︽ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ ᠦᠪ︾ ᠪᠤᠯᠪᠠ᠃ ᠡᠨᠡ ᠨᠢ ᠤᠪᠤᠭᠠᠠ ᠲᠠᠬᠢᠯᠭᠠ ᠶᠢᠨ | ᠰᠤᠶᠤᠯ ᠢ ᠠᠪᠤᠷᠠᠵᠤ ᠬᠠᠮᠠᠭᠠᠯᠠᠵᠤ᠂ ᠠᠭᠤᠳᠠᠯᠤᠨ ᠢᠯᠡᠷᠡᠭᠦᠯᠭᠦ᠂ ᠰᠤᠳᠤᠯᠵᠤ ᠬᠦᠭᠵᠢᠭᠦᠯᠭᠦ ᠴᠢᠬᠤᠯᠠ ᠲᠠᠢ ᠪᠤᠯᠵᠤ ᠪᠠᠶᠢᠭᠠ ᠶᠢ ᠬᠠᠷᠠᠭᠤᠯᠤᠨᠠ᠃ ᠲᠡᠭᠦᠨ ᠢ | ᠠᠪᠤᠷᠠᠵᠤ ᠬᠠᠮᠠᠭᠠᠯᠠᠬᠤ᠂ ᠤᠯᠠᠮᠵᠢᠯᠠᠵᠤ ᠬᠦᠭᠵᠢᠭᠦᠯᠭᠦ ᠠᠵᠢᠯ ᠤᠨ ᠡᠭᠦᠷᠭᠡ ᠬᠦᠨᠳᠤ ᠪᠠᠶᠢᠬᠰᠠᠭᠠᠷ᠃ | | | | | |