︽ᠬᠦᠳᠡᠭᠡ ᠰᠢᠯᠢ︾ ᠦᠷᠬᠦᠯᠵᠢᠯᠡᠭᠰᠡᠨ ᠲᠧᠯᠸᠢᠰ ᠵᠦᠴᠦᠬᠡ ᠶᠢ ᠠᠩᠬᠠ ᠤᠳᠠᠭᠠ ᠦᠵᠡᠭᠰᠡᠨ ᠴᠠᠭ ᠮᠢᠨᠢ ᠨᠢᠭᠡᠨᠳᠡ ᠲᠦᠷᠪᠡᠨ ᠵᠢᠯ ᠤᠨ ᠨᠢᠭᠤᠷ ᠢ | ᠦᠵᠡᠵᠦ ᠪᠠᠶᠢᠭᠠ ᠪᠤᠯᠪᠠᠴᠤ ︽ᠠᠷᠤ ᠰᠢᠯᠢ ᠶᠢᠨ ᠲᠤᠮᠤᠭ︾ ᠲᠠᠭᠤᠤ ᠶᠢ ᠰᠤᠨᠤᠰᠤᠮᠠᠭᠴᠠ ᠭᠦᠳᠡᠭᠡ ᠰᠢᠯᠢ ᠶᠢᠨ ᠠᠮᠢᠳᠤᠷᠠᠯ ᠦᠷᠦᠴᠡ ᠴᠡᠭᠡᠵᠢᠨ ᠳᠤ ᠮᠢᠨᠢ | ᠪᠠᠭᠤᠵᠤ᠂ ᠬᠠᠪᠤᠭᠠᠰᠤ ᠲᠠᠢ ᠪᠤᠷᠤ ᠲᠡᠷᠯᠢᠭ ᠤᠨ ᠡ᠊ᠩᠬᠡᠷ ᠲᠤᠬᠤᠢ ᠨᠢ ᠰᠡᠮᠡᠷᠡᠭᠰᠡᠨ᠂ ᠬᠠᠩᠭᠠᠢ ᠶᠢᠨ ᠰᠢᠷᠭᠠᠯ ᠨᠠᠮᠤᠷ ᠤᠨ ᠲᠤᠷᠳᠤᠩ ᠪᠦᠰᠡ ᠰᠠᠭᠠᠷᠠᠨ᠂ ᠭᠠᠭᠴᠠ | ᠰᠠᠯᠠᠭᠠᠨ ᠤ ᠦᠷᠢᠯ ᠮᠦᠢᠯ ᠨᠢᠯᠪᠦᠰᠦᠷᠠᠭᠰᠠᠨ᠂ ᠠᠭᠯᠠᠭᠬᠠᠨ ᠭᠤᠪᠢ ᠳᠠᠭᠠᠨ ᠬᠠᠶᠢᠷᠠᠳᠡᠢ ᠶᠠᠪᠤᠭᠠ ᠠᠷᠤ ᠰᠢᠯᠢ ᠶᠢᠨ ᠲᠤᠮᠤᠭ ᠤᠳ ᠨᠢᠳᠦᠨ ᠳᠤ ᠲᠤᠳᠤᠷᠠᠨ᠂ ᠡᠮᠵᠡᠭ | ᠰᠡᠷᠡᠯ ᠡ᠊ᠩᠭᠡᠷ ᠬᠠᠨᠴᠦᠢ ᠶᠢ ᠮᠢᠨᠢ ᠲᠡᠪᠳᠦᠭᠡᠭᠡᠳ ᠪᠠᠶᠢᠬᠤ ᠨᠢ᠃ ᠤᠷᠠᠯᠢᠭ ᠭᠡᠵᠤ ᠳ᠋ᠠ᠂ ᠡᠶᠢᠮᠦ ᠯᠠ ᠭᠠᠶᠢᠬᠠᠯᠳᠡᠢ︕ ᠭᠦᠮᠦᠨ ᠲᠦᠷᠦᠯᠭᠢᠳᠡᠨ ᠶᠢᠷᠳᠢᠨᠴᠤ ᠶᠢᠨ | ᠡᠯᠢᠬᠡᠨ ᠲᠡᠭᠡᠷᠡ ᠠᠮᠢᠳᠦᠷᠠᠯ ᠢ ᠡᠳ᠋ᠯᠡᠵᠤ ᠤᠷᠠᠯᠠᠵᠤ ᠶᠠᠪᠤᠬᠤ ᠨᠢ ᠦᠨᠡᠡ ᠳᠡᠭᠡᠨ ᠨᠢᠬᠡᠨ ᠭᠠᠶᠢᠬᠠᠮᠰᠢᠭ ᠶᠤᠮ᠃ ᠤᠷᠠᠯᠠᠵᠤ ᠪᠤᠰᠬᠠᠭᠰᠠᠨ ᠠᠮᠢᠳᠦᠷᠠᠯ ᠢᠶᠠᠨ ᠲᠠᠬᠢᠨ | ᠤᠷᠠᠯᠢᠭ ᠤᠨ ᠭᠦᠴᠦᠨ ᠢᠶᠠᠷ ᠠᠮᠢᠯᠠᠭᠤᠯᠵᠤ ᠪᠤᠰᠬᠠᠨᠠ ᠭᠡᠳᠡᠭ ᠪᠣᠯ ᠠᠪᠢᠶᠠᠰ ᠪᠢᠯᠢᠭᠳᠡᠳ ᠤᠨ ᠰᠢᠨᠳᠠᠰᠤ ᠪᠠᠶᠢᠭᠠ᠃ ︽ᠭᠦᠳᠡᠭᠡ ᠰᠢᠯᠢ︾ ᠳᠤ ᠢᠯᠡᠷᠡᠵᠦ ᠪᠣᠢ | ᠲᠦᠷᠢ᠂ ᠮᠠᠯᠵᠢᠬᠤ ᠰᠤᠶᠤᠯ ᠤᠨ ᠤᠨᠴᠠᠯᠢᠭ᠂ ᠰᠤᠨᠤᠰᠤᠭᠠᠳ ᠬᠠᠨᠤᠰᠢ ᠦᠬᠡᠢ ᠲᠠᠭᠤᠤ ᠶᠢᠨ ᠠᠶᠠ᠂ ᠰᠡᠳᠭᠢᠯ ᠳᠤ ᠲᠠᠭᠠᠯᠠᠭᠳᠠᠭᠰᠠᠨ ᠳᠠᠭᠤᠤ ᠶᠢᠨ ᠦᠭᠡ ᠁ ᠡᠨᠡ | ᠪᠦᠬᠦᠢ ᠤᠷᠠᠯᠢᠭ ᠤᠨ ᠬᠦᠴᠦᠨ ᠳᠤ ᠳᠠᠳᠠᠭᠳᠠᠵᠤ᠂ ᠡᠳᠡᠭᠡᠷ ᠤᠯᠠᠨ ᠰᠠᠶᠢᠬᠠᠨ ᠤᠷᠠᠯᠢᠭᠴᠢᠨ ᠤᠶᠢᠯᠡᠰᠴᠢᠨ ᠢ ᠦᠪᠡᠷ ᠤᠨ ᠡᠷᠭᠡ ᠦᠭᠡᠢ ᠪᠢᠰᠢᠷᠠᠵᠤ ᠭᠦᠨᠳᠦᠳᠭᠡᠵᠤ | ᠰᠠᠭᠤᠨᠠ᠃ | ᠶᠠᠮᠠᠷ ᠰᠠᠶᠢᠬᠠᠨ ᠪᠣᠢ ᠬᠡᠭᠦ ᠦᠭᠡ ᠪᠠᠷ ︽ᠬᠦᠳᠡᠭᠡ ᠰᠢᠯᠢ︾ ᠶᠢᠨ ᠠᠮᠢᠳᠦᠷᠠᠯ ᠠᠬᠤᠢ ᠶᠢ ᠢᠯᠡᠳᠭᠡᠪᠡᠯ ᠲᠠᠩᠴᠤ ᠬᠤᠮᠰᠠ᠂ ᠲᠠᠩᠴᠤ ᠲᠦᠭᠦᠮᠭᠡᠨ | ᠰᠠᠨᠠᠭᠳᠠᠬᠤ ᠶᠤᠮ᠃ ᠠᠮᠢᠳᠤᠷᠠᠯ ᠤᠨ ᠨᠢᠷᠤᠭᠤ ᠪᠤᠯᠵᠤ ᠶᠠᠪᠤᠭᠰᠠᠨ ᠠᠪᠤ ᠶᠢ ᠮᠢᠨᠢ ᠰᠠᠨᠠᠭᠳᠠᠭᠤᠯᠤᠭᠰᠠᠨ ᠠᠷᠤ ᠰᠢᠯᠢ ᠶᠢᠨ ᠲᠤᠮᠤᠭ ᠤᠳ᠂ ᠠᠳᠤᠭᠤᠴᠢᠨ | ᠠᠮᠢᠳᠦᠷᠠᠯ ᠳᠠᠭᠠᠨ ᠲᠠᠰᠴᠤ ᠠᠷᠤ ᠬᠠᠩᠭᠠᠢ ᠰᠢᠯᠢ ᠪᠠᠨ ᠠᠮᠢ ᠭᠤᠣᠯ ᠢᠶᠠᠨ ᠰᠢᠬ ᠬᠠᠶᠢᠷᠠᠯᠠᠳᠠᠭ ᠮᠠᠯᠴᠢᠨ ᠵᠠᠶᠠᠭᠠ᠂ ᠡᠮᠵᠡᠭ ᠰᠡᠳᠭᠢᠯ ᠢ ᠤᠶᠠᠷᠠᠭᠤᠯᠤᠭᠰᠠᠨ | ᠡᠵᠢ ᠶᠢᠨ ᠮᠢᠨᠢ ᠬᠦᠳᠡᠭᠡ᠂ ᠡᠯᠡᠭᠳᠡᠵᠦ ᠤᠷᠭᠢᠭᠳᠠᠵᠤ ᠪᠠᠶᠢᠭᠠ ᠮᠠᠯᠵᠢᠬᠤ ᠰᠤᠶᠤᠯ ᠤᠨ ᠣᠬᠢ ᠰᠢᠯᠢᠳᠡᠭ ᠢ ᠲᠡᠭᠦᠨ ᠰᠣᠨᠢᠷᠬᠠᠭᠤᠯᠤᠭᠰᠠᠨ ᠲᠠᠷᠡ ᠪᠦᠬᠦᠢ ᠵᠦᠢᠯᠡᠰ ᠢ | ᠶᠠᠮᠠᠷ ᠭᠤᠶᠤ ᠪᠣᠢ ᠬᠡᠵᠦ ᠱᠠᠭᠰᠢᠵᠤ ᠪᠢᠰᠢᠷᠠᠭᠦ ᠠᠴᠠ ᠦᠬᠡᠷᠡ ᠶᠠᠪ ᠴᠠᠪ ᠲᠤᠭᠢᠷᠠᠭᠤᠯᠤᠨ ᠵᠦᠢᠷᠯᠡᠴᠢᠬᠡᠮᠠᠷ ᠦᠭᠡ ᠤᠯᠳᠤᠢ ᠨᠠᠳᠠ ᠬᠠᠷᠠᠬᠠᠨ ᠤᠯᠳᠠᠭᠰᠠᠨ ᠦᠬᠡᠢ᠃ | ᠠᠮᠢᠳᠦᠷᠠᠯ ᠢ ᠤᠷᠠᠯᠢᠭ ᠢᠶᠠᠷ ᠬᠠᠷᠠᠭᠤᠯᠤᠨᠠ ᠭᠡᠵᠦ ᠵᠢᠩᠬᠢᠨᠢ ᠤᠷᠠᠨ ᠪᠦᠳᠦᠬᠡᠯᠴᠢᠳ ᠯᠠ ᠬᠢᠵᠦ ᠴᠢᠳᠠᠬᠤ ᠠᠵᠢᠯ ᠪᠠᠶᠢᠬᠤ ᠡ᠃ ᠤᠳᠤᠨ ᠤ ᠬᠡᠬᠡ ᠰᠦᠮᠡᠶᠢᠭᠰᠡᠨ | ᠡᠮᠡᠭᠡᠯ ᠤᠨ ᠪᠦᠬᠦᠷᠭᠡ ᠲᠠᠢ ᠠᠮᠢᠳᠦᠷᠠᠯ ᠢ ᠨᠢᠳᠦᠨ ᠤ ᠲᠤᠤᠷᠠ ᠲᠡᠯᠬᠡᠨ᠂ ᠲᠠᠮᠤᠷ ᠲᠠᠪᠠᠭ ᠨᠢ ᠡᠯᠡᠭᠳᠡᠭᠰᠡᠨ ᠭᠠᠩ ᠲᠦᠷᠦᠬᠡ ᠶᠢ ᠬᠠᠷᠠᠭᠳᠠᠭᠤᠯᠤᠨ᠂ ᠲᠠᠩᠨᠡᠢ ᠰᠠᠶᠢᠳᠡᠢ | ᠤᠷᠭᠠ ᠶᠢ ᠭᠠᠷ ᠲᠤ ᠪᠠᠷᠢᠭᠤᠯᠤᠨ᠂ ᠲᠠᠪᠤᠨ ᠡᠷᠳᠡᠨᠢ ᠶᠢᠨ ᠰᠦᠷᠦᠭ ᠲᠠᠢ ᠮᠤᠩᠭᠤᠯ ᠠᠮᠢᠳᠤᠷᠠᠯ ᠢ ᠱᠤᠭᠤᠵᠤ ᠪᠤᠰᠬᠠᠭᠰᠠᠨ ᠤᠷᠠᠯᠢᠭ ᠤᠨ ᠰᠠᠶᠢᠨ ᠰᠠᠶᠢᠬᠠᠨ ᠳᠤ | ᠰᠦᠬᠦᠷᠡᠨ ᠮᠦᠷᠬᠦᠵᠦ᠂ ᠠᠮᠢᠳᠦᠷᠠᠯ ᠤᠨ ᠨᠠᠶᠢᠳᠡᠯᠢᠭ ᠲᠦᠷᠢ ᠶᠢ ᠨᠢᠭᠡ ᠵᠦᠴᠦᠬᠡᠨ ᠳᠤ ᠠᠭᠤᠰᠬᠠᠨ᠂ ᠨᠢᠭᠡ ᠲᠠᠭᠤᠤ ᠳᠤ ᠢᠯᠡᠷᠡᠭᠦᠯᠵᠦ᠂ ᠡᠨᠡ ᠰᠠᠶᠢᠬᠠᠨ ᠪᠦᠳᠦᠬᠡᠯ ᠢ | ᠭᠠᠷᠭᠠᠵᠤ ᠰᠤᠨᠢᠷᠬᠠᠭᠤᠯᠤᠭᠰᠠᠨ ᠤᠷᠠᠨ ᠪᠦᠳᠦᠭᠡᠯᠴᠢᠳ ᠢᠶᠠᠨ ᠪᠢᠰᠢᠷᠠᠨ ᠭᠦᠨᠳᠦᠯᠡᠨᠠ᠃ | ᠵᠦᠴᠦᠬᠡ ᠨᠢ ᠲᠠᠯᠠ ᠨᠤᠳᠤᠭ ᠲᠠᠬᠢ ᠲᠦᠷᠪᠡᠨ ᠰᠠᠭᠠᠬᠠᠯᠳᠠ ᠠᠶᠢᠯ ᠤᠨ ᠠᠮᠢᠳᠤᠷᠠᠯ ᠤᠨ ᠲᠤᠭᠤᠷᠢᠨ ᠳᠤ ᠦᠷᠨᠢᠭᠰᠡᠨ ᠴᠤ ᠨᠡᠭᠦᠳᠡᠯ ᠮᠠᠯᠵᠢᠯ ᠰᠤᠶᠤᠯ ᠪᠤᠯᠤᠨ | ᠤᠳᠤᠭᠢ ᠮᠠᠯᠵᠢᠬᠤ ᠠᠮᠢᠳᠤᠷᠠᠯ ᠤᠨ ᠠᠬᠤᠢ ᠪᠠᠶᠢᠳᠠᠯ ᠢ ᠲᠤᠪᠴᠢᠯᠠᠨ ᠵᠢᠷᠤᠭᠯᠠᠵᠤ᠂ ᠮᠠᠯᠵᠢᠬᠤ ᠰᠤᠶᠤᠯ ᠤᠨ ᠣᠬᠢ ᠰᠢᠯᠢᠳᠡᠭ ᠤᠬᠠᠭᠠᠨ᠂ ᠠᠶᠢᠯ ᠰᠠᠭᠠᠬᠠᠯᠳᠠ ᠶᠢᠨ | ᠡᠪ ᠨᠠᠶᠢᠷ᠂ ᠬᠠᠪᠰᠤᠷᠤᠯᠭᠠ ᠲᠠᠮᠵᠢᠯᠭᠡ ᠲᠠᠢ ᠤᠯᠠᠮᠵᠢᠯᠠᠯᠳᠤ ᠮᠤᠩᠭᠤᠯ ᠠᠮᠢᠳᠤᠷᠠᠯ ᠰᠤᠷᠳᠠᠯ᠂ ᠮᠤᠩᠭᠤᠯ ᠭᠦᠮᠦᠰ ᠤᠨ ᠴᠠᠶᠢᠯᠭᠠᠨ ᠴᠠᠭᠠᠪᠤᠷ ᠢ ᠲᠤᠰᠬᠠᠭᠰᠠᠨ ᠢᠶᠠᠷ | ᠪᠠᠷᠠᠬᠤ ᠦᠬᠡᠢ ︽ᠰᠠᠶᠢᠨ ᠰᠠᠨᠠᠭᠠᠨ ᠤ ᠦᠵᠦᠬᠦᠷ ᠲᠤ ᠰᠦ᠂ ᠮᠠᠭᠤ ᠰᠠᠨᠠᠭᠠᠨ ᠤ ᠦᠵᠦᠬᠦᠷ ᠲᠤ ᠭᠦ᠋︾ ᠭᠡᠭᠦ ᠤᠴᠢᠷ ᠶᠤᠰᠤ ᠶᠢ ᠴᠤ ᠲᠤᠰᠬᠠᠭᠰᠠᠨ ᠪᠠᠶᠢᠳᠠᠭ᠃ | ᠮᠦᠨ ᠴᠤ ᠨᠠᠮ ᠲᠦᠷᠦ ᠶᠢᠨ ᠪᠤᠳᠤᠯᠭᠠ᠂ ᠨᠠᠶᠢᠭᠡᠮ ᠤᠨ ᠬᠦᠭᠵᠢᠯᠳᠡ᠂ ᠰᠤᠶᠤᠯ ᠭᠡᠭᠡᠷᠡᠯ ᠳᠤ ᠮᠠᠯᠴᠢᠨ ᠲᠦᠮᠡᠨ ᠤ ᠠᠮᠢᠳᠤᠷᠠᠯ ᠤᠶᠢᠯᠡᠰ ᠤᠨ ᠲᠡᠭᠡᠭᠰᠢᠯᠡᠯᠳᠡ᠂ | ᠢᠷᠡᠭᠡᠳᠦᠢ ᠶᠢᠨ ᠭᠦᠰᠡᠯ ᠲᠡᠮᠡᠤᠯᠤᠯ ᠢ ᠵᠢᠷᠤᠭᠯᠠᠵᠤ ᠴᠢᠳᠠᠭᠰᠠᠨ ᠪᠠᠶᠢᠨᠠ᠃ ᠠᠵᠢᠯᠴᠢ ᠭᠦᠳᠡᠯᠮᠤᠷᠢᠴᠢ᠂ ᠲᠠᠰᠪᠤᠷᠢ ᠬᠠᠳᠠᠭᠤᠵᠢᠯᠳᠡᠢ᠂ ᠨᠤᠳᠤᠭ ᠤᠷᠤᠨ ᠪᠤᠯᠤᠨ ᠮᠠᠯ | ᠰᠦᠷᠦᠭ ᠲᠡᠭᠡᠨ ᠬᠠᠶᠢᠷᠠᠳᠡᠢ᠂ ᠲᠤᠷᠰᠢᠯᠭᠠ ᠲᠡᠭᠦᠯᠳᠡᠷ ᠬᠠᠰᠢᠷ ᠮᠠᠯᠴᠢᠨ᠂ ᠦᠷᠡ ᠭᠡᠤᠭᠡᠳ ᠲᠡᠭᠡᠨ ᠲᠦᠰᠢᠭ ᠪᠤᠯᠤᠭᠰᠠᠨ ᠰᠠᠶᠢᠨ ᠠᠪᠤ ᠰᠡᠩᠬᠡ᠃ ᠰᠡᠩᠭᠡ ᠠᠪᠤ ᠶᠢᠨ | ᠶᠠᠷᠢᠶᠠᠨ ᠳᠤ ᠨᠠᠭᠦᠳᠠᠯ ᠮᠠᠯᠵᠢᠯ ᠤᠨ ᠪᠠᠶᠢᠭᠠᠯᠢ ᠶᠢ ᠬᠠᠮᠠᠭᠠᠯᠠᠬᠤ ᠤᠬᠠᠭᠠᠨ ᠠᠭᠤᠯᠤᠬᠳᠡᠵᠦ᠂ ᠲᠠᠷᠨ ᠨᠢ ᠪᠡᠯᠴᠢᠬᠡᠷ ᠤᠨ ᠲᠠᠭᠠᠭᠠᠴᠠ᠂ ᠮᠠᠯ ᠤᠨ ᠰᠢᠮᠡ ᠠᠪᠬᠤ ᠳᠤ | ᠠᠰᠢᠭᠳᠠᠢ ᠭᠡᠬᠦ ᠮᠡᠳᠤ ᠶᠢᠨ ᠲᠤᠩ ᠠᠷᠪᠢᠨ ᠲᠤᠷᠰᠢᠯᠭᠠᠳᠤ ᠰᠤᠷᠭᠠᠮᠵᠢ ᠭᠠᠷᠴᠤ ᠪᠠᠶᠢᠳᠠᠭ᠃ ᠰᠡᠩᠭᠡ ᠠᠪᠤ ᠪᠤᠯ ᠲᠡᠭᠡᠳᠤᠰ ᠤᠨ ᠤᠬᠠᠭᠠᠨ ᠳᠠᠭᠠᠨ ᠲᠦᠰᠢᠭᠯᠡᠨ᠂ | ᠨᠠᠭᠦᠳᠠᠯ ᠮᠠᠯᠵᠢᠯ ᠠᠴᠠ ᠮᠡᠳᠡᠯᠭᠡ ᠮᠡᠳᠡᠴᠡ ᠬᠤᠷᠠᠮᠳᠤᠭᠤᠯᠤᠨ᠂ ᠬᠤᠶᠢᠴᠢ ᠦᠶᠡ ᠳᠡᠭᠡᠨ ᠤᠯᠠᠮᠵᠢᠯᠠᠯᠳᠤ ᠰᠤᠶᠤᠯ ᠢᠶᠠᠨ ᠬᠦᠷᠳᠡᠭᠡᠵᠦ᠂ ᠲᠡᠭᠷᠢ ᠶᠢᠨ ᠰᠠᠨᠠᠭᠠ ᠶᠢ | ᠲᠠᠭᠠᠭᠰᠠᠳ ᠢ ᠢᠪᠡᠭᠡᠨ ᠲᠡᠳᠭᠦᠵᠦ ᠶᠠᠪᠤᠳᠠᠭ ᠠᠮᠢᠳᠤᠷᠠᠯ ᠤᠨ ᠨᠤᠶᠠᠨ ᠨᠢᠷᠦᠭᠤ᠂ ᠨᠤᠳᠤᠭ ᠤᠨ ᠰᠠᠭᠢᠭᠤᠰᠤ ᠶᠢᠨ ᠲᠦᠷᠢ ᠶᠤᠮ᠃ ᠲᠡᠭᠡᠪᠡᠯ ᠠᠷᠭᠠ ᠪᠢᠯᠢᠭ ᠤᠨ | ᠤᠶᠠᠯᠳᠤᠯ ᠪᠤᠯᠤᠭᠰᠠᠨ ᠲᠡᠵᠢᠳ ᠨᠢ ᠦᠪᠡᠷ ᠤᠨ ᠠᠯᠢᠪᠠ ᠪᠠᠨ ᠦᠷᠡ ᠳᠡᠭᠡᠨ ᠵᠤᠷᠢᠭᠤᠯᠵᠤ᠂ ᠦᠷᠡ ᠬᠤᠶᠢᠴᠢᠰ ᠤᠨ ᠰᠠᠶᠢᠨ ᠰᠠᠶᠢᠬᠠᠨ ᠦᠬᠡᠳᠡ ᠡᠰᠡᠷᠡᠭ ᠤᠨ | ᠲᠦᠯᠦᠭᠡ ᠲᠠᠭᠠᠳᠬᠠᠨ ᠪᠠᠶᠠᠰᠴᠤ᠂ ᠬᠦᠮᠦᠨ ᠠᠮᠢᠳᠠᠨ ᠤ ᠠᠯᠢᠪᠠ ᠤᠴᠢᠷ ᠶᠠᠪᠤᠳᠠᠯ ᠢ ᠠᠭᠤᠴᠢᠯᠠᠨ ᠪᠠᠭᠳᠠᠭᠠᠵᠤ ᠶᠠᠪᠤᠳᠠᠭ ᠡᠵᠢ ᠶᠢᠨ ᠲᠦᠷᠢ ᠪᠤᠯᠬᠤ ᠶᠤᠮ᠃ ᠪᠠᠰᠠ | ᠭᠦᠳᠡᠷ᠂ ᠪᠠᠳᠮᠠ᠂ ᠴᠢᠯᠠᠭᠤ᠂ ᠨᠠᠪᠴᠢᠮᠠ᠂ ᠲᠦᠭᠦᠷᠡᠩ᠂ ᠽᠠᠨᠳᠠᠨ ᠭᠡᠭᠦ ᠭᠤᠣᠯ ᠲᠦᠷᠢ ᠨᠦᠭᠦᠳ ᠢᠯᠡᠷᠡᠳᠡᠭ᠃ ᠪᠠᠳᠮᠠ ᠪᠣᠯ ᠤᠬᠠᠭᠠᠯᠢᠭ ᠢᠶᠠᠷ ᠤᠴᠢᠷ ᠶᠠᠪᠤᠳᠠᠯ ᠢ | ᠰᠶᠢᠳᠪᠤᠷᠢᠯᠡᠵᠤ ᠴᠢᠳᠠᠳᠠᠭ᠂ ᠠᠵᠢᠯᠴᠢ ᠭᠦᠳᠡᠯᠮᠤᠷᠢᠴᠢ᠂ ᠲᠡᠰᠪᠤᠷᠢ ᠬᠠᠳᠠᠭᠤᠵᠢᠯᠳᠡᠢ᠂ ᠠᠭᠤᠵᠢᠭᠤ ᠪᠠᠭᠳᠠᠭᠠᠮᠵᠢᠳᠡᠢ᠂ ᠡᠷᠡ ᠨᠦᠬᠦᠷ ᠲᠠᠢ ᠪᠠᠨ ︽ᠲᠤᠤᠭᠠᠷᠪᠠᠯ ᠲᠠᠭᠤ | ᠨᠢᠬᠡ ᠲᠤᠭᠳᠤᠷᠪᠠᠯ ᠭᠦᠴᠦ ᠨᠢᠭᠡ︾ ᠪᠠᠶᠢᠬᠤ ᠶᠤᠰᠤ ᠶᠢ ᠪᠠᠷᠢᠮᠳᠠᠯᠠᠵᠤ᠂ ᠠᠶᠢᠯ ᠭᠡᠷ ᠲᠡᠭᠡᠨ ᠲᠦᠰᠢᠭ ᠪᠤᠯᠬᠤ ᠪᠠᠷ ᠪᠠᠷᠠᠬᠤ ᠦᠬᠡᠢ ᠪᠤᠰᠤᠳ ᠤᠨ ᠬᠠᠷᠢᠴᠠᠭᠠ ᠶᠢ | ᠴᠤ ᠰᠠᠶᠢᠬᠠᠨ ᠲᠤᠭᠢᠷᠠᠭᠤᠯᠵᠤ ᠴᠢᠳᠠᠳᠠᠭ᠂ ᠤᠯᠤᠰ ᠲᠦᠮᠡᠨ ᠳᠡᠭᠡᠨ ᠲᠤᠰᠠᠴᠢ ᠰᠡᠴᠡᠨ ᠮᠡᠷᠭᠡᠨ ᠪᠦᠰᠡᠬᠦᠢ ᠶᠤᠮ᠃ ᠨᠠᠪᠴᠢᠮᠠ ᠭᠡᠵᠤ ᠴᠠᠶᠢᠯᠭᠠᠨ ᠴᠠᠭᠠᠪᠤᠷ᠂ | ᠠᠮᠢᠳᠤᠷᠠᠯ ᠳᠤ ᠪᠠᠶᠠᠰᠤᠩᠭᠤᠢ᠂ ᠪᠡᠯᠡᠨ ᠦᠭᠡ ᠶᠡᠷᠢᠶᠡ ᠲᠠᠢ ᠰᠢᠯᠤᠭᠤᠨ ᠰᠢᠳᠤᠷᠭᠤ ᠵᠠᠩ ᠲᠠᠢ᠂ ᠠᠵᠢᠯᠴᠢ ᠲᠤᠭᠢᠯᠢᠭ ᠬᠤᠪᠢ ᠪᠠᠨ ᠰᠠᠬᠢᠭᠰᠠᠨ ᠪᠦᠰᠡᠭᠦᠢ ᠪᠠᠶᠢᠬᠤ ᠳᠤ | ᠽᠠᠨᠳᠠᠨ ᠨᠢ ᠲᠡᠰᠪᠤᠷᠢ ᠬᠠᠳᠠᠭᠤᠵᠢᠯᠳᠡᠢ᠂ ᠠᠵᠢᠯᠴᠢ ᠪᠤᠷᠤᠭᠵᠢᠭᠤᠨ᠂ ᠪᠤᠰᠤᠳ ᠤᠨ ᠲᠦᠯᠦᠭᠡ ᠦᠪᠡᠷ ᠤᠨ ᠵᠤᠯ ᠵᠢᠷᠭᠠᠯ ᠢᠶᠠᠨ ᠤᠷᠬᠢᠵᠤ ᠴᠢᠳᠡᠳᠠᠭ ᠴᠠᠶᠢᠯᠭᠠᠨ | ᠴᠠᠭᠠᠪᠤᠷ ᠪᠦᠰᠡᠭᠦᠢ ᠶᠤᠮ᠃ | ᠽᠠᠨᠳᠠᠨ ᠤ ᠲᠦᠷᠢ ᠲᠦᠢᠯ ᠤᠨ ᠬᠦᠬᠡᠷᠦᠬᠦᠢ᠂ ᠡᠵᠢ ᠠᠪᠤ ᠶᠢᠨ ᠢᠶᠠᠨ ᠤᠷᠤᠨ ᠳᠤ ᠶᠠᠯᠠ ᠬᠦᠯᠢᠶᠡᠵᠦ᠂ ᠪᠤᠳᠤᠯ ᠤᠨ ᠭᠦᠨ ᠳᠡᠭᠡᠨ ᠭᠤᠨᠢᠭ ᠢᠶᠠᠨ ᠲᠠᠷᠤᠵᠤ᠂ | ᠵᠤᠪᠠᠯᠠᠩ ᠤᠨ ᠲᠤᠮᠳ᠋ᠨ ᠬᠠᠳᠠᠭᠤᠵᠢᠵᠦ᠂ ᠬᠠᠯᠠ ᠠᠮᠰᠠᠵᠤ ᠪᠠᠶᠢᠭᠠᠳ ᠭᠡᠳᠤᠨ ᠭᠡᠤᠭᠡᠳ ᠢᠶᠠᠨ ᠭᠦᠮᠦᠨ ᠤ ᠵᠡᠷᠭᠡ ᠳᠤ ᠬᠦᠷᠭᠡᠵᠦ᠂ ᠬᠦᠮᠦᠨ ᠰᠢᠭ ᠠᠮᠢᠳᠤᠷᠠᠭᠤᠯᠤᠨᠠ | ᠬᠡᠮᠡᠨ ᠴᠢᠷᠮᠡᠶᠢᠵᠦ ᠵᠢᠳᠭᠦᠭᠰᠡᠨ ᠪᠦᠰᠡᠬᠦᠢ ᠳ᠋ᠠ᠃ ᠶᠠᠭ ᠯᠡ ᠮᠠᠨ ᠤ ᠠᠪᠤ ᠡᠵᠢ ᠶᠢᠨ ᠶᠠᠷᠢᠳᠠᠭ ︽ᠪᠤᠰᠤᠳ ᠢ ᠪᠤᠤ ᠬᠤᠤᠷᠯᠠ᠂ ᠬᠤᠤᠷᠠᠨ ᠰᠠᠨᠠᠭᠠ᠂ ᠬᠤᠨᠵᠢᠬᠤ | ᠪᠤᠳᠤᠯ ᠪᠤᠯ ᠦᠴᠦᠬᠡᠨ ᠰᠠᠨᠠᠭᠠ ᠶᠤᠮ᠂ ᠪᠤᠰᠤᠳ ᠢ ᠬᠤᠨᠵᠢᠵᠤ ᠬᠤᠤᠷᠯᠠᠭᠰᠠᠳ ᠶᠡᠷᠤ ᠨᠢ ᠰᠠᠶᠢᠨ ᠦᠷᠡ ᠳ᠋ᠦᠩ ᠪᠠᠶᠢᠳᠠᠭ ᠦᠬᠡᠢ᠂ ᠡᠨᠡ ᠪᠡᠶᠡ ᠪᠠᠷ ᠢᠶᠠᠨ | ᠥᠩᠬᠡᠷᠡᠬᠦᠯᠬᠦ ᠦᠬᠡᠢ ᠴᠤ ᠠᠴᠢᠷ ᠭᠡᠤᠭᠡᠳ ᠨᠢ ᠡᠭᠦᠷᠬᠡᠯᠡᠵᠤ ᠠᠪᠳᠠᠭ᠂ ᠪᠤᠰᠤᠳ ᠲᠤ ᠲᠤᠰᠠᠴᠢ ᠶᠠᠪᠤᠪᠠᠯ ᠦᠪᠡᠷ ᠢᠶᠠᠨ ᠵᠢᠷᠭᠠᠵᠤ ᠴᠢᠳᠠᠬᠤ ᠦᠬᠡᠢ ᠴᠤ ᠦᠷᠡ | ᠠᠴᠢᠷ ᠨᠢ ᠵᠢᠷᠭᠠᠬᠤ ᠶᠤᠮ︾ ᠭᠡᠳᠡᠭ ᠢ ᠰᠠᠨᠠᠭᠳᠠᠭᠤᠯᠤᠨᠠ᠃ ᠦᠨᠡᠨ ᠴᠤ ᠶᠤᠮ ᠤᠤ ᠳ᠋ᠠ᠂ ᠬᠤᠷᠸᠠ ᠭᠡᠵᠢ ᠡ︕ | ᠭᠦᠳᠡᠷ᠂ ᠴᠢᠯᠠᠭᠤ᠂ ᠳᠠᠮᠪᠠ ᠨᠠᠷ ᠨᠢ ᠠᠵᠢᠯᠴᠢ ᠬᠦᠳᠡᠯᠮᠤᠷᠢᠴᠢ᠂ ᠰᠢᠯᠤᠭᠤᠨ ᠰᠢᠳᠤᠷᠭᠤ᠂ ᠰᠦᠰᠦ ᠵᠤᠷᠢᠭᠳᠡᠢ᠂ ᠬᠦᠰᠡᠯ ᠲᠡᠮᠡᠤᠯᠤᠯ᠂ ᠡᠷᠢᠯ | ᠭᠦᠭᠡᠭᠡᠴᠡᠯᠳᠤᠯ ᠲᠠᠢ᠂ ᠠᠶᠢᠯ ᠭᠡᠷ᠂ ᠠᠴᠢᠷ ᠦᠷᠡ ᠳᠡᠭᠡᠨ ᠲᠦᠰᠢᠭ ᠪᠤᠯᠤᠭᠰᠠᠨ ᠲᠠᠯᠠ ᠶᠢᠨ ᠮᠤᠩᠭᠤᠯ ᠡᠷᠡᠴᠤᠳ ᠤᠨ ᠲᠦᠷᠢ ᠶᠢ ᠪᠦᠳᠤᠭᠡᠵᠡᠢ᠃ ᠴᠢᠯᠠᠭᠤ ᠨᠢ | ᠵᠢᠭᠠᠬᠠᠨ ᠠᠳᠠᠭᠠᠴᠢ ᠪᠤᠯᠪᠠᠴᠤ ᠪᠤᠰᠤᠳ ᠢ ᠬᠤᠤᠷᠯᠠᠳᠠᠭ ᠦᠬᠡᠢ᠂ ᠳ᠋ᠠᠮᠪᠠ ᠵᠦᠷᠢᠭᠦᠳ ᠪᠤᠯᠪᠠᠴᠤ ᠤᠬᠠᠭᠠᠨ ᠲᠠᠢ᠂ ᠬᠦᠮᠦᠨ ᠤ ᠰᠠᠶᠢᠨ ᠢ ᠮᠠᠷᠳᠠᠳᠠᠭ ᠦᠬᠡᠢ ︽ | ᠤᠰᠤ ᠶᠢ ᠨᠢ ᠤᠤᠭᠤᠪᠠᠯ ᠡᠭᠢ ᠶᠢ ᠨᠢ ᠪᠤᠳᠤ︾ ᠭᠡᠳᠡᠭ ᠢ ᠰᠠᠨᠠᠵᠤ ᠶᠠᠪᠤᠳᠠᠭ ᠪᠦᠬᠡᠳ ᠤᠯᠠᠮᠵᠢᠯᠠᠯᠳᠤ ᠰᠤᠶᠤᠯ ᠤᠨ ᠰᠢᠯᠢᠳᠡᠭ ᠢ ᠬᠦᠯᠢᠶᠡᠨ ᠠᠪᠴᠤ᠂ ᠨᠠᠶᠢᠭᠡᠮ | ᠠᠮᠢᠳᠤᠷᠠᠯ ᠤᠨ ᠬᠠᠷᠠᠭᠠ ᠪᠠᠷ ᠰᠤᠶᠤᠯ ᠰᠤᠷᠴᠤ ᠪᠢᠴᠢᠭ ᠲᠠᠨᠢᠭᠰᠠᠨ ᠦᠬᠡᠢ ᠴᠤ ᠤᠬᠠᠭᠠᠨ ᠢᠶᠠᠷ ᠢᠶᠠᠨ ᠠᠮᠢᠳᠤᠷᠠᠵᠤ ︽ᠤᠨᠠᠭᠰᠠᠨ ᠭᠠᠵᠠᠷ ᠠᠴᠠ ᠪᠠᠨ ᠰᠢᠷᠤᠢ | ᠠᠳᠬᠤᠵᠤ ᠪᠤᠰᠴᠤ ᠴᠢᠳᠠᠳᠠᠭ︾ ᠵᠢᠩᠬᠢᠨᠢ ᠮᠤᠩᠭᠤᠯ ᠡᠷᠡ ᠬᠦᠮᠦᠨ ᠪᠤᠯᠬᠤ ᠶᠤᠮ᠃ ᠠᠮᠢᠳᠤᠷᠠᠯ ᠤᠨ ᠰᠠᠶᠢᠨ ᠰᠠᠶᠢᠬᠠᠨ ᠢ ᠬᠤᠯᠠ ᠠᠴᠠ ᠡᠷᠢᠬᠦ ᠪᠣᠰᠤ ᠬᠠᠷᠢᠨ | ᠬᠠᠷᠠᠭᠠᠨ ᠲᠤᠤᠷᠠ ᠨᠢ ᠪᠠᠶᠢᠬᠤ ᠡ᠊ᠩ ᠤᠨ ᠠᠮᠢᠳᠤᠷᠠᠯ ᠠᠴᠠ ᠪᠠᠨ ᠤᠯᠵᠤ ᠪᠠᠶᠡᠰᠴᠤ ᠶᠠᠪᠤᠳᠠᠭ ᠡᠷᠭᠢᠮ ᠰᠤᠷᠳᠡᠯ ᠲᠠᠢ᠃ ᠡᠬᠦᠨ ᠢ ᠴᠡᠴᠡᠭ ᠤᠨ ᠪᠡᠯᠡᠳᠤᠭ᠍ᠰᠡᠨ | ᠦᠷᠯᠦᠭᠡᠨ ᠤ ᠴᠠᠢ ᠶᠢᠨ ᠤᠴᠢᠷ ᠠᠴᠠ ᠴᠤ ᠤᠯᠵᠤ ᠬᠠᠷᠠᠵᠤ ᠪᠤᠯᠤᠨᠠ᠃ ᠲᠡᠷᠡ ᠭᠡᠤᠭᠡᠳ ᠲᠡᠭᠡᠨ ᠡᠵᠢ ᠴᠤ ᠪᠤᠯᠵᠤ᠂ ᠠᠪᠤ ᠴᠤ ᠪᠤᠯᠵᠤ᠂ ᠠᠳᠠᠯ | ᠠᠮᠢᠳᠤᠷᠠᠯ ᠤᠨ ᠢᠶᠠᠨ ᠲᠦᠯᠦᠭᠡ ᠰᠢᠨᠳᠠᠷᠠᠰᠢ ᠦᠬᠡᠢ ᠵᠢᠳᠭᠦᠵᠤ ᠶᠠᠪᠤᠳᠠᠭ᠃ ᠬᠠᠷᠢᠨ ᠲᠦᠬᠦᠷᠡᠩ ᠪᠤᠯ ᠽᠠᠨᠳᠠᠨ ᠤ ᠭᠡᠳᠤᠢ ᠵᠦᠳᠡᠵᠦ ᠪᠠᠶᠢᠬᠤ ᠶᠢ ᠤᠯᠵᠤ ᠬᠠᠷᠠᠬᠤ | ᠦᠬᠡᠢ ᠮᠦᠷᠳᠡᠭᠡᠨ ᠭᠡᠷ ᠪᠤᠯᠤᠨ ᠭᠡᠤᠭᠡᠳ ᠤᠨ ᠲᠦᠯᠦᠭᠡ ᠡᠮᠡᠭᠳᠡᠢ ᠭᠦᠮᠦᠨ ᠢᠩᠬᠢᠬᠦ ᠯᠠ ᠶᠤᠰᠤᠳᠡᠢ᠂ ᠭᠡᠷ ᠤᠨ ᠠᠵᠢᠯ ᠭᠡᠳᠡᠭ ᠪᠣᠯ ᠪᠦᠰᠡᠭᠦᠢ ᠬᠦᠮᠦᠨ ᠤ ᠯᠠ | ᠬᠢᠳᠡᠯ ᠭᠡᠭᠦ ᠠᠮᠢᠨᠴᠢᠷ ᠦᠵᠡᠯᠳᠡ ᠲᠠᠢ ᠪᠠᠶᠢᠵᠤ᠂ ᠬᠠᠭᠢᠷ ᠡᠪᠤᠯ ᠤᠨ ᠬᠦᠢᠳᠡᠨ ᠳᠤ ᠴᠤ ᠭᠠᠯ ᠢᠶᠠᠨ ᠠᠰᠠᠭᠠᠬᠤ ᠠᠴᠠ ᠠᠯᠵᠠᠭᠤᠷᠠᠵᠦ ᠰᠠᠭᠤᠳᠠᠭ᠃ ᠬᠤᠭᠤᠰᠤᠨ | ᠰᠠᠨᠠᠭᠠ ᠭᠡᠢ ᠭᠦᠰᠡᠯ ᠲᠠᠢ᠂ ᠠᠯᠵᠠᠭᠤ ᠵᠠᠯᠬᠠᠭᠤ᠂ ᠮᠠᠭᠤᠬᠠᠢ ᠤᠬᠠᠭᠠᠨ ᠨᠢ ᠠᠷᠪᠢᠨ ᠪᠠᠶᠢᠳᠠᠭ ᠨᠢᠬᠡ ᠪᠦᠯᠦᠭ ᠭᠦᠮᠦᠨ ᠤ ᠨᠠᠶᠢᠳᠡᠯᠢᠭ ᠵᠢᠱᠢᠶᠡ ᠶᠤᠮ᠃ ᠬᠠᠭᠤᠴᠢ | ᠦᠬᠡᠨ ᠳᠤ ︽ᠬᠦᠤ ᠲᠠᠢ᠂ ᠦᠬᠢᠨ ᠲᠠᠢ ᠠᠶᠢᠯ ᠪᠤᠯ ᠬᠠᠮᠤᠭ ᠤᠨ ᠪᠠᠶᠠᠨ ᠠᠶᠢᠯ︾ ᠭᠡᠳᠡᠭ᠃ ᠲᠦᠭᠦᠷᠡᠩ ᠤᠨ ᠬᠢ ᠪᠤᠯ ᠶᠠᠭ ᠡᠶᠢᠮᠦ ᠠᠶᠢᠯ ᠤᠨ ᠨᠢᠬᠡ ᠶᠤᠮ᠂ | ᠲᠦᠷᠤᠯ ᠲᠠᠳᠠᠬᠤ ᠦᠬᠢᠨ ᠲᠠᠢ᠂ ᠲᠦᠭᠦᠮ ᠰᠠᠭᠢᠵᠤ ᠭᠤᠯᠤᠮᠳᠠ ᠵᠠᠯᠭᠠᠬᠤ ᠭᠦᠤ ᠲᠠᠢ᠂ ᠦᠳᠡᠯᠤᠬᠡ ᠨᠠᠰᠤ ᠪᠠᠨ ᠡᠯᠡᠭᠡᠳᠡᠯᠡ ᠬᠠᠨᠢᠯᠠᠬᠤ ᠴᠠᠶᠢᠯᠭᠠᠨ ᠴᠠᠭᠠᠪᠤᠷ | ᠪᠦᠰᠡᠭᠦᠢ ᠲᠠᠢ᠂ ᠬᠡᠪᠡᠴᠤ ᠲᠡᠷᠡ ᠡᠨᠡ ᠪᠦᠭᠦᠨ ᠳᠡᠭᠡᠨ ᠰᠡᠳᠭᠢᠯ ᠬᠠᠨᠤᠮᠵᠢ ᠲᠠᠢ ᠪᠢᠰᠢ᠂ ᠬᠠᠷᠢᠨ ᠬᠤᠷᠮᠤᠢ ᠳᠤᠨᠢ ᠬᠡᠢ ᠰᠢᠷᠭᠤᠴᠢᠬᠠᠭᠰᠠᠨ ᠶᠤᠮ ᠰᠢᠬ ᠬᠤᠭᠤᠰᠤᠨ ᠢ | ᠰᠠᠨᠠᠭᠠᠰᠢᠷᠠᠨ ᠬᠤᠶᠢᠷᠭᠤ ᠶᠢ ᠵᠠᠶᠢᠳᠠᠯᠠᠬᠤ ᠶᠢ ᠪᠤᠳᠤᠵᠤ ᠪᠠᠶᠢᠳᠠᠭ ᠶᠤᠮ᠃ ᠵᠦᠴᠦᠭᠡ ᠳᠠᠬᠢ ᠲᠦᠭᠦᠷᠡᠩ ᠠᠵᠢᠯ ᠬᠢᠳᠡᠯ ᠠᠴᠠ ᠵᠠᠶᠢᠳᠠᠵᠤ᠂ ᠠᠮᠠᠷᠬᠠᠨ ᠢᠶᠠᠷ ᠮᠦᠩᠬᠦ | ᠤᠯᠬᠤ ᠶᠢ ᠰᠠᠨᠠᠵᠤ ᠬᠠᠷᠠᠭᠦᠦ ᠮᠠᠳᠤ ᠶᠢᠨ ᠭᠦᠮᠦᠨ ᠳᠤ ᠬᠠᠭᠤᠷᠳᠠᠭᠳᠠᠨ᠂ ᠶᠠᠭᠠᠬᠢᠵᠦ ᠪᠤᠷᠤᠭᠤᠳᠠᠭᠰᠠᠨ ᠢᠶᠠᠨ ᠴᠤ ᠮᠡᠳᠡᠭᠦ ᠦᠬᠡᠢ ᠨᠢᠬᠡ ᠭᠡᠮᠵᠢᠶᠡᠨ ᠳᠤ ᠭᠦᠷᠦᠭᠰᠡᠨ | ᠪᠤᠯᠪᠠᠴᠤ ᠠᠪᠤᠷᠠᠭᠳᠠᠬᠤ ᠪᠤᠯᠤᠮᠵᠢ ᠪᠠᠨ ᠪᠦᠷᠢᠮᠦᠰᠤᠨ ᠠᠯᠳᠠᠭᠠ ᠦᠬᠡᠢ᠃ | ᠮᠠᠯᠴᠢᠨ ᠬᠦᠮᠤᠨ ᠤ ᠴᠠᠶᠢᠯᠭᠠᠨ ᠴᠠᠭᠠᠪᠤᠷ᠂ ᠡᠷᠡᠰ ᠰᠢᠭᠤᠷᠬᠠᠢ᠂ ᠠᠵᠢᠯᠴᠢ ᠪᠤᠷᠤᠭᠵᠢᠭᠤᠨ᠂ ᠰᠢᠯᠤᠭᠤᠨ ᠰᠢᠳᠤᠷᠭᠤ᠂ ᠭᠦᠰᠡᠯ ᠮᠦᠷᠦᠭᠡᠳᠤᠯ ᠲᠠᠢ ᠶᠢ ᠲᠠᠯᠠ | ᠲᠠᠯᠠ ᠠᠴᠠ ᠨᠢ ᠲᠤᠰᠬᠠᠭᠰᠠᠨ ︽ᠭᠦᠳᠡᠭᠡ ᠰᠢᠯᠢ︾ ᠪᠤᠯ ᠨᠡᠭᠦᠳᠡᠯ ᠰᠤᠶᠤᠯ ᠤᠨ ᠪᠠᠶᠢᠭᠠᠯᠢ ᠳᠤ ᠦᠵᠡᠭᠦᠯᠦᠭᠰᠡᠨ ᠦᠨᠡ ᠴᠠᠨᠠ ᠪᠠ ᠬᠦᠮᠦᠨ ᠪᠠᠶᠢᠭᠠᠯᠢ ᠶᠢᠨ | ᠨᠢᠭᠡᠳᠤᠯ ᠢ ᠬᠠᠷᠠᠭᠤᠯᠤᠭᠰᠠᠨ ᠰᠠᠶᠢᠬᠠᠨ ᠪᠦᠳᠤᠭᠡᠯ ᠪᠤᠯᠬᠤ ᠶᠤᠮ᠃ ᠲᠠᠨᠠ ᠰᠤᠪᠤᠳ ᠰᠢᠭ ᠲᠡᠪᠤᠨ ᠬᠤᠰᠢᠭᠤ ᠮᠠᠯ ᠠᠯᠠᠭᠯᠠᠭᠰᠡᠨ ᠨᠤᠮᠢᠨ ᠨᠤᠭᠤᠭᠠᠨ ᠲᠠᠯᠠ ᠳᠤ | ᠠᠳᠤᠭᠤ ᠭᠡᠭᠴᠢ ᠭᠦᠩᠭᠡᠨ ᠭᠦᠯ ᠲᠠᠢ ᠮᠠᠯ ᠪᠤᠯᠬᠤᠷ ᠵᠠᠳᠠᠭᠠᠢ ᠪᠡᠯᠴᠢᠭᠡᠷ ᠲᠤ ᠲᠤᠭᠢᠷᠠᠳᠠᠭ᠃ ᠲᠡᠷᠡ ᠦᠶᠡ ᠶᠢᠨ ᠮᠠᠯᠴᠢᠳ ᠵᠢᠯ ᠤᠨ ᠲᠦᠷᠪᠠᠨ ᠤᠯᠠᠷᠢᠯ ᠳᠤ ᠦᠩ | ᠰᠢᠮᠡᠯᠢᠭ ᠪᠡᠯᠴᠢᠭᠡᠷ ᠢ ᠰᠢᠯᠢᠵᠦ᠂ ᠬᠠᠪᠤᠷᠵᠢᠵᠤ᠂ ᠵᠤᠡᠰᠠᠵᠤ᠂ ᠨᠠᠮᠤᠷᠵᠢᠵᠤ᠂ ᠡᠪᠤᠯᠵᠢᠵᠦ ᠪᠠᠶᠢᠳᠠᠭ ᠨᠢ ᠲᠠᠯᠠ ᠨᠤᠳᠤᠭ ᠤᠨ ᠲᠠᠷᠤᠭᠠᠰᠤ ᠶᠢ ᠭᠦᠩᠭᠡᠷᠡᠬᠦᠯᠬᠦ ᠪᠠᠷ ᠪᠠᠷᠠᠬᠤ | ᠦᠬᠡᠢ ᠮᠠᠯ ᠠᠳᠤᠭᠤ ᠨᠢ ᠡᠪᠡᠰᠤᠨ ᠤ ᠰᠤᠷᠭᠤᠭ ᠢ ᠡᠳ᠋ᠯᠡᠬᠦ ᠶᠢᠨ ᠲᠠᠭᠠᠤ ᠲᠤᠭᠤᠷᠠᠢ᠂ ᠠᠷᠭᠠᠯ᠂ ᠬᠤᠷᠭᠤᠯ᠂ ᠬᠤᠮᠤᠭᠤᠯ ᠢᠶᠠᠷ ᠢᠶᠠᠨ ᠤᠷᠭᠤᠮᠠᠯ ᠤᠨ ᠦᠷᠠ ᠶᠢ ᠡᠨᠡ | ᠨᠤᠳᠤᠭ ᠠᠴᠠ ᠲᠡᠷᠡ ᠨᠤᠳᠤᠭ ᠲᠤ ᠵᠦᠬᠡᠬᠡᠪᠦᠷᠢᠯᠡᠵᠤ᠂ ᠡᠨᠡ ᠪᠡᠯᠴᠢᠬᠡᠷ ᠠᠴᠠ ᠲᠡᠷᠡ ᠪᠡᠯᠴᠢᠬᠡᠷ ᠲᠤ ᠠᠪᠠᠴᠢᠵᠤ ᠡᠪᠡᠰᠤᠨ ᠤ ᠲᠦᠷᠦᠯ ᠵᠦᠢᠯ ᠢ ᠤᠯᠠᠰᠢᠷᠠᠭᠤᠯᠵᠤ | ᠪᠠᠶᠢᠵᠠᠢ᠃ ᠲᠡᠯᠠ ᠨᠤᠳᠤᠭ ᠤᠨ ᠤᠷᠭᠤᠮᠠᠯ ᠤᠨ ᠲᠦᠷᠦᠯ ᠵᠦᠢᠯ ᠤᠯᠠᠰᠢᠷᠠᠬᠤ ᠳᠤ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠨᠢ ᠲᠠᠯᠠ ᠶᠢᠨ ᠲᠡᠨᠢᠬᠦᠨ ᠡ᠊ᠡᠭᠭᠡᠷ ᠲᠤ ᠰᠠᠨᠠᠭᠠ ᠲᠠᠶᠢᠪᠤᠩ | ᠢᠳᠡᠰᠢᠯᠡᠨ ᠲᠠᠷᠭᠤ ᠭᠦᠴᠦ ᠠᠪᠴᠤ᠂ ᠮᠢᠬᠠ ᠰᠦ ᠨᠢ ᠴᠤ ᠠᠮᠳᠠ ᠰᠢᠮᠡᠳᠡᠢ ᠪᠤᠯᠳᠠᠭ᠃ ᠡᠷᠲᠡᠨ ᠤ ᠮᠤᠩᠭᠤᠯᠴᠤᠳ ᠤᠨ ᠠᠮᠢ ᠠᠬᠤᠢ ᠶᠢᠨ ᠵᠤᠭᠢᠴᠠᠯ ᠢᠩᠭᠢᠵᠤ | ᠠᠶᠠᠨᠳᠠᠭᠠᠨ ᠪᠦᠷᠢᠯᠳᠤᠳᠡᠭ ᠪᠤᠯᠬᠤᠷ ᠪᠠᠶᠢᠭᠠᠯᠢ ᠲᠡᠯᠡᠭᠡᠢ ᠨᠢ ᠴᠤ ᠦᠩᠰᠡᠭ ᠰᠠᠶᠢᠬᠠᠨ ᠪᠠᠶᠢᠳᠠᠭ ᠶᠤᠮ᠃ | ᠬᠦᠪᠡᠭᠡ ᠭᠢᠵᠠᠭᠠᠷ ᠨᠢ ᠬᠠᠷᠠᠭᠳᠠᠬᠤ ᠦᠬᠡᠢ ᠠᠭᠤᠳᠠᠮ ᠲᠡᠨᠢᠬᠡᠷ ᠲᠠᠯᠠ ᠨᠤᠳᠤᠭ ᠬᠠᠷᠠᠭᠠᠨ ᠳᠤ ᠲᠤᠳᠤᠷᠠᠭᠠᠳ ᠮᠠᠯᠵᠢᠬᠤ ᠨᠤᠳᠤᠭ ᠤᠨ ᠠᠶᠢᠯ ᠰᠠᠭᠠᠬᠠᠯᠳᠠ | ᠬᠤᠭᠤᠷᠤᠨᠳᠤ ᠪᠠᠨ ᠬᠠᠶᠢᠷᠠ ᠬᠠᠯᠠᠮᠵᠢ ᠲᠠᠢ᠂ ᠬᠠᠷᠢᠭᠤᠴᠠᠯᠭᠠ ᠲᠠᠮᠵᠢᠯᠭᠡ ᠲᠠᠢ᠂ ᠨᠢᠭᠳᠠᠷᠠᠯ ᠪᠦᠯᠬᠦᠮᠳᠠᠯ ᠲᠠᠢ ︽ᠠᠶᠢᠮᠠᠭ ᠰᠠᠭᠤᠪᠠᠯ ᠠᠮᠢ ᠨᠢᠭᠡ᠂ ᠰᠠᠭᠠᠬᠠᠯᠳᠠ | ᠰᠠᠭᠤᠪᠠᠯ ᠰᠠᠨᠠᠭᠠ ᠨᠢᠬᠡ︾ ᠭᠡᠳᠡᠭ ᠨᠢ ᠲᠦᠷᠦᠭᠰᠡᠨ ᠠᠬᠠ ᠲᠡᠭᠦᠤ ᠶᠢᠨ ᠬᠠᠷᠢᠴᠠᠭᠠᠨ ᠠᠴᠠ ᠦᠬᠡᠷᠡ ᠦᠦ ᠳ᠋ᠠ᠃ | ᠰᠢᠨᠡ ᠴᠠᠭ ᠦᠶᠠ ᠤᠷᠤᠭᠤ ᠤᠷᠤᠭᠰᠢᠯᠠᠬᠤ ᠦᠩᠬᠡ ᠥᠩᠭᠡ ᠶᠢᠨ ᠲᠥᠷᠢ ᠨᠦᠭᠦᠳ ︽ᠭᠦᠳᠡᠭᠡ ᠰᠢᠯᠢ︾ ᠶᠢᠨ ᠭᠡᠳᠦᠭᠡᠨ ᠹᠢᠯᠢᠮ ᠳᠤ ᠲᠤᠪᠴᠢᠯᠠᠭᠳᠠᠨ | ᠲᠤᠳᠤᠷᠠᠭᠠᠳ ᠤᠨ ᠵᠢᠯ ᠤᠨ ᠤᠯᠠ ᠮᠦᠷ ᠲᠤᠷᠠᠶᠢᠭᠰᠠᠭᠠᠷ᠂ ᠤᠯᠠᠨ ᠠᠷᠪᠢᠨ ᠬᠦᠮᠦᠨ ᠤᠳᠤᠷ ᠨᠠᠭᠦᠳᠠᠯ ᠠᠴᠠ ᠤᠯᠤᠯᠳᠠ ᠲᠠᠢ ᠠᠮᠵᠢᠯᠳᠠ ᠲᠠᠢ ᠲᠤᠷᠨᠢᠨ᠂ | ᠦᠬᠡᠳᠡᠷᠭᠡᠭ ᠬᠠᠯᠠᠭᠤᠨ ᠲᠡᠮᠡᠤᠯᠤᠯ ᠳᠤᠨᠢ ᠡᠪᠤᠭᠡᠳ ᠤᠨ ᠴᠡᠩᠬᠡᠷ ᠭᠥᠳᠡᠭᠡ ᠲᠤᠷᠠᠨᠳᠤᠭᠳᠠᠨ᠂ ᠡᠭᠡᠰᠢᠭ ᠲᠠᠭᠤᠨ ᠤ ᠠᠶᠢᠵᠡᠮ ᠲᠠᠢ ᠦᠪᠡᠷ ᠦᠪᠡᠷ ᠤᠨ ᠥᠩᠬᠡ ᠪᠠᠷ | ᠬᠦᠮᠦᠨ ᠤ ᠠᠮᠢᠳᠦᠷᠠᠯ ᠦᠷᠬᠦᠯᠵᠢᠯᠡᠨᠡ᠃ ︽ᠴᠠᠭ ᠴᠠᠭ ᠢᠶᠠᠷ ᠢᠶᠠᠨ ᠪᠠᠶᠢᠳᠠᠭ ᠦᠬᠡᠢ᠂ ᠴᠠᠬᠢᠯᠳᠠᠭ ᠬᠥᠬᠡ ᠪᠠᠷ ᠢᠶᠠᠨ ᠪᠠᠶᠢᠳᠠᠭ ᠦᠬᠡᠢ︾᠃ ᠴᠠᠭ ᠲᠥᠷᠥ ᠶᠢᠨ | ᠠᠯᠬᠤᠭᠠᠨ ᠳᠤ ᠠᠯᠤᠰ ᠢ ᠪᠠᠷᠠᠯᠠᠨ ᠲᠡᠪᠬᠢᠬ᠋ᠠ᠂ ᠠᠰᠢᠳᠠ ᠶᠢᠨ ᠵᠠᠶᠠᠭᠠᠳᠤ ᠨᠤᠳᠤᠭ ᠲᠤ ᠮᠢᠨᠢ ᠬᠥᠳᠡᠭᠡ ᠰᠢᠯᠢ ᠶᠢᠨ ᠲᠤᠮᠤᠭ ᠤᠳ ᠦᠷᠭᠦᠯᠵᠢᠯᠡᠭᠰᠡᠭᠡᠷ᠃ | | |