ᠵᠣᠬᠢᠶᠠᠭᠴᠢ᠄ ᠄ᠤᠳᠬᠤᠨᠴᠢᠮᠡᠭ | | | ᠠᠯᠲᠠ ᠲᠣᠷᠭᠠᠨ ᠬᠠᠳᠠᠭ ᠢᠶᠠᠨ | ᠠᠯᠠᠭᠠᠨ ᠳᠡᠭᠡᠷᠡ ᠪᠠᠨ ᠪᠠᠷᠢᠵᠤ | ᠤᠳᠤᠮᠲᠤ ᠮᠣᠩᠭᠤᠯ ᠤᠨ ᠶᠣᠰᠣ ᠪᠠᠷ | ᠠᠮᠤᠷ ᠮᠡᠨᠳᠦ ᠪᠠᠨ ᠠᠰᠠᠭᠤᠵᠤ ᠪᠠᠶᠢᠨᠠ᠃ | ᠠᠷᠠᠯᠲᠤ ᠬᠤᠭᠤᠷ ᠢᠶᠠᠨ ᠪᠠᠷᠢᠭᠠᠳ | ᠠᠶᠠᠯᠭᠤ ᠶᠢ ᠲᠠᠭᠠᠷᠠᠭᠤᠯᠵᠤ ᠬᠥᠭᠯᠡᠶᠡ ᠳ᠋ᠣᠣ | ᠡᠷᠬᠢᠮ ᠬᠦᠨᠳᠦᠲᠦ ᠲᠠ ᠪᠦᠬᠦᠨ ᠳᠡᠭᠡᠨ | ᠷᠠᠳᠢᠣ᠋ ᠪᠠᠨ ᠰᠢᠯᠦᠭᠯᠡᠵᠦ ᠮᠠᠭᠲᠠᠶᠠ ᠳ᠋ᠣᠣ᠃ | ᠠᠪᠳᠠᠷᠠ ᠳᠡᠭᠡᠷᠡ ᠮᠢᠨᠢ ᠳᠤᠤᠭᠠᠷᠳᠠᠭ | ᠠᠮᠢᠨ ᠬᠠᠶᠢᠷᠠᠲᠠᠢ ᠷᠠᠳᠢᠣ᠋ ᠮᠢᠨᠢ | ᠠᠭᠠᠷ ᠤᠨ ᠰᠦᠯᠡᠭᠰᠡᠨ ᠰᠠᠴᠤᠯᠢ ᠲᠠᠢ | ᠠᠰᠢᠳᠠ ᠶᠢᠨ ᠵᠥᠩᠨᠡᠯ ᠲᠠᠢ ᠷᠠᠳᠢᠣ᠋ ᠮᠢᠨᠢ᠃ | ᠤᠨᠠᠭᠠᠨ ᠪᠠᠭᠠ ᠶᠢᠨ ᠨᠠᠰᠤᠨ ᠠᠴᠠ | ᠪᠦᠪᠡᠢ ᠪᠠᠷ ᠲᠣᠷᠨᠢᠭᠤᠯᠤᠭᠰᠠᠨ ᠷᠠᠳᠢᠣ᠋ ᠮᠢᠨᠢ | ᠤᠷᠢ ᠵᠠᠯᠠᠭᠤ ᠨᠠᠰᠤᠨ ᠳᠤ ᠮᠢᠨᠢ | ᠪᠢᠯᠢᠭ ᠢ ᠬᠤᠷᠴᠠᠯᠠᠭᠰᠠᠨ ᠷᠠᠳᠢᠣ᠋ ᠮᠢᠨᠢ᠃ | ᠬᠤᠨᠢ ᠮᠠᠯ ᠳᠠᠭᠠᠨ ᠶᠠᠪᠤᠭᠰᠠᠨ ᠴᠤ | ᠬᠠᠨᠢ ᠪᠣᠯᠳᠠᠭ ᠷᠠᠳᠢᠣ᠋ ᠮᠢᠨᠢ | ᠬᠠᠨ ᠬᠤᠷᠸᠠ ᠶᠢᠨ ᠭᠠᠶᠢᠬᠠᠮᠰᠢᠭ ᠲᠠᠢ | ᠭᠠᠨᠵᠤᠭᠠ ᠪᠠᠶᠠᠨ ᠷᠠᠳᠢᠣ᠋ ᠮᠢᠨᠢ᠃ | ᠪᠠᠯᠠᠷ ᠮᠠᠩᠬᠠᠨ ᠳᠠᠭᠠᠨ ᠶᠠᠪᠤᠭᠰᠠᠨ ᠴᠤ | ᠪᠡᠶᠡ ᠠᠴᠠ ᠰᠠᠯᠳᠠᠭ ᠦᠭᠡᠢ ᠷᠠᠳᠢᠣ᠋ ᠮᠢᠨᠢ | ᠪᠣᠳᠣᠯ ᠰᠡᠳᠬᠢᠯ ᠢ ᠮᠢᠨᠢ ᠲᠡᠷᠭᠡᠯᠰᠢᠭᠦᠯᠳᠡᠭ | ᠪᠤᠷᠬᠠᠨ ᠬᠠᠶᠢᠷᠠ ᠶᠢᠨ ᠷᠠᠳᠢᠣ᠋ ᠮᠢᠨᠢ᠃ | ᠠᠵᠢᠯ ᠬᠥᠳᠡᠯᠮᠦᠷᠢ ᠬᠢᠬᠦ ᠳᠡᠭᠡᠨ | ᠠᠯᠵᠢᠶᠠᠯ ᠢ ᠲᠠᠶᠢᠯᠳᠠᠭ ᠷᠠᠳᠢᠣ᠋ ᠮᠢᠨᠢ | ᠠᠭᠤᠤ ᠨᠠᠮ ᠤᠨ ᠳᠠᠭᠤᠨ ᠬᠤᠭᠤᠯᠠᠢ ᠲᠠᠢ | ᠠᠶᠠᠨ ᠤ ᠵᠢᠯᠤᠭᠤ ᠲᠠᠢ ᠷᠠᠳᠢᠣ᠋ ᠮᠢᠨᠢ᠃ | ᠰᠥ ᠲᠠᠢ ᠴᠠᠢ ᠪᠠᠨ ᠤᠤᠭᠤᠬᠤ ᠳᠤ | ᠰᠢᠮᠡ ᠪᠣᠯᠳᠠᠭ ᠷᠠᠳᠢᠣ᠋ ᠮᠢᠨᠢ | ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠮᠡᠳᠡᠯᠭᠡ ᠶᠢᠨ | ᠰᠢᠳᠢ ᠶᠢ ᠬᠠᠶᠢᠷᠠᠯᠠᠭᠰᠠᠨ ᠷᠠᠳᠢᠣ᠋ ᠮᠢᠨᠢ᠃ | ᠨᠠᠶᠢᠷᠠᠭᠤᠯᠤᠭᠴᠢ ᠬᠥᠲᠥᠯᠦᠭᠴᠢ ᠪᠠᠭᠰᠢ ᠨᠠᠷ ᠤᠨ | ᠨᠠᠨᠳᠢᠨ ᠵᠢᠳᠬᠦᠯ ᠲᠠᠢ ᠷᠠᠳᠢᠣ᠋ ᠮᠢᠨᠢ | ᠨᠠᠶᠢᠳᠠ ᠤᠯᠠᠠ ᠤ ᠰᠡᠳᠬᠢᠯ ᠳᠤ | ᠨᠠᠷᠠ ᠨᠢ ᠪᠤᠯᠲᠠᠭ ᠷᠠᠳᠢᠣ᠋ ᠮᠢᠨᠢ᠃ | ᠠᠪᠤ ᠡᠵᠢ ᠪᠠᠭᠰᠢ ᠲᠠᠢ ᠠᠳᠠᠯᠢᠬᠠᠨ | ᠤᠷᠤᠭᠰᠢ ᠪᠠᠨ ᠬᠥᠲᠥᠯᠦᠭᠰᠡᠨ ᠷᠠᠳᠢᠣ᠋ ᠮᠢᠨᠢ | ᠠᠨᠳᠠ ᠪᠣᠯᠤᠨ ᠨᠠᠶᠢᠵᠠ ᠲᠠᠢ ᠪᠠᠨ | ᠤᠶᠠᠩᠭᠠ ᠶᠢᠨ ᠵᠣᠯᠭᠠᠯᠲᠠ ᠲᠠᠢ ᠷᠠᠳᠢᠣ᠋ ᠮᠢᠨᠢ᠃ | ᠠᠮᠤᠷ ᠵᠢᠷᠭᠠᠯ ᠤᠨ ᠠᠶᠢᠯᠠᠳᠬᠠᠯ ᠲᠠᠢ | ᠬᠦᠰᠡᠯ ᠤᠨ ᠳᠠᠭᠤᠤ ᠲᠠᠢ ᠷᠠᠳᠢᠣ᠋ ᠮᠢᠨᠢ | ᠠᠪᠤ ᠡᠵᠢ ᠲᠦᠷᠦᠯ ᠰᠠᠳᠤᠨ ᠳᠠᠭᠠᠨ | ᠬᠦᠨᠳᠦᠳᠬᠡᠯ ᠢᠷᠦᠭᠡᠯ ᠲᠠᠢ ᠷᠠᠳᠢᠣ᠋ ᠮᠢᠨᠢ᠃ | ᠬᠠᠤᠯᠢ ᠴᠠᠭᠠᠵᠠ ᠶᠢᠨ ᠬᠢᠴᠢᠶᠡᠯ ᠢᠶᠠᠷ | ᠨᠡᠶᠢᠭᠡᠮ ᠢᠶᠠᠨ ᠵᠠᠰᠠᠭᠰᠠᠨ ᠷᠠᠳᠢᠣ᠋ ᠮᠢᠨᠢ | ᠬᠤᠲᠠᠯᠠ ᠲᠦᠮᠡᠨ ᠢᠶᠠᠨ ᠪᠦᠯᠭᠦᠮᠳᠡᠭᠦᠯᠦᠭᠰᠡᠨ | ᠨᠢᠭᠲᠠᠷᠠᠯ ᠢ ᠠᠪᠴᠢᠷᠠᠭᠰᠠᠨ ᠷᠠᠳᠢᠣ᠋ ᠮᠢᠨᠢ᠃ | ᠦᠨᠳᠦᠰᠦᠲᠡᠨ ᠤ ᠥᠪ ᠪᠣᠯᠤᠨ ᠰᠣᠶᠣᠯ ᠢᠶᠠᠨ | ᠤᠯᠠᠮᠵᠢᠯᠠᠨ ᠲᠠᠨᠢᠭᠤᠯᠤᠭᠰᠠᠨ ᠷᠠᠳᠢᠣ᠋ ᠮᠢᠨᠢ | ᠣᠳᠣᠨ ᠰᠣᠳᠣᠨ ᠬᠥᠮᠦᠰ ᠤᠨ ᠢᠶᠠᠨ | ᠦᠯᠢᠭᠡᠷ ᠲᠡᠦᠬᠡ ᠲᠠᠢ ᠷᠠᠳᠢᠣ᠋ ᠮᠢᠨᠢ᠃ | ᠠᠶᠢᠯ ᠤᠨ ᠣᠯᠠᠨ ᠢᠶᠠᠷ ᠢᠶᠠᠨ ᠵᠣᠭᠤᠭᠳᠠᠬᠤ | ᠤᠷᠮᠠ ᠶᠢ ᠲᠠᠲᠠᠭᠰᠠᠨ ᠷᠠᠳᠢᠣ᠋ ᠮᠢᠨᠢ | ᠠᠬᠰᠢᠷᠠᠭᠠ ᠵᠠᠯᠠᠭᠤ ᠪᠠᠭᠠᠴᠤᠳ ᠤᠨ ᠢᠶᠠᠨ | ᠡᠷᠡᠭᠦᠯ ᠢ ᠬᠦᠰᠡᠭᠰᠡᠨ ᠷᠠᠳᠢᠣ᠋ ᠮᠢᠨᠢ᠃ | ᠴᠢᠨᠡᠭᠡᠯᠢᠭ ᠠᠮᠢᠳᠤᠷᠠᠯ ᠢ ᠪᠠᠶᠢᠭᠤᠯᠬᠤ | ᠴᠢᠳᠠᠮᠭᠠᠢ ᠵᠠᠭᠤᠴᠢ ᠷᠠᠳᠢᠣ᠋ ᠮᠢᠨᠢ | ᠴᠠᠭ ᠤᠨ ᠰᠠᠶᠢᠨ ᠢ ᠮᠡᠳᠡᠭᠡᠯᠡᠳᠡᠭ | ᠴᠡᠩᠭᠡᠯ ᠵᠢᠷᠭᠠᠯ ᠤᠨ ᠷᠠᠳᠢᠣ᠋ ᠮᠢᠨᠢ᠃ | ᠲᠠᠶᠠᠭ ᠲᠦᠰᠢᠭ ᠤᠨ ᠪᠠᠷᠢᠯᠳᠤᠯᠭᠠ ᠲᠠᠢ | ᠲᠦᠷᠦ ᠶᠢᠨ ᠳᠠᠭᠤᠤ ᠲᠠᠢ ᠷᠠᠳᠢᠣ᠋ ᠮᠢᠨᠢ | ᠳᠡᠭᠵᠢᠷᠡᠵᠦ ᠮᠠᠨᠳᠤᠬᠤ ᠦᠢᠯᠡᠰ ᠤᠨ | ᠲᠦᠷᠦᠭᠡ ᠨᠢ ᠪᠣᠯᠳᠠᠭ ᠷᠠᠳᠢᠣ᠋ ᠮᠢᠨᠢ᠃ | ᠰᠣᠶᠣᠯ ᠢᠶᠠᠨ ᠭᠤᠶᠤᠭᠰᠠᠨ ᠵᠠᠭᠤᠴᠢᠯᠠᠭᠤᠷ | ᠰᠠᠯᠵᠤ ᠪᠣᠯᠤᠰᠢ ᠦᠭᠡᠢ ᠷᠠᠳᠢᠣ᠋ ᠮᠢᠨᠢ | ᠰᠡᠳᠬᠢᠯ ᠵᠢᠷᠦᠬᠡᠨ ᠳᠤ ᠬᠤᠨᠣᠭᠰᠢᠬᠤ | ᠰᠣᠨᠣᠷ ᠢ ᠮᠢᠯᠢᠶᠠᠭᠰᠠᠨ ᠷᠠᠳᠢᠣ᠋ ᠮᠢᠨᠢ᠃ | ᠠ ᠦᠰᠦᠭ ᠢ ᠲᠠᠨᠢᠭᠰᠠᠨ ᠴᠤ | ᠷᠠᠳᠢᠣ᠋ ᠪᠠᠨ ᠪᠢ ᠪᠠᠭᠰᠢ ᠭᠡᠵᠦ ᠬᠦᠨᠳᠦᠯᠡᠳᠡᠭ | ᠠᠵᠤ ᠠᠮᠢᠳᠤᠷᠠᠯ ᠮᠢᠨᠢ ᠰᠠᠶᠢᠵᠢᠷᠠᠭᠰᠠᠨ ᠴᠤ | ᠷᠠᠳᠢᠣ᠋ ᠪᠠᠨ ᠪᠢ ᠠᠴᠢᠲᠠᠨ ᠭᠡᠳᠡᠭ ᠶᠤᠮ᠃ | ᠮᠣᠩᠭᠤᠯ ᠷᠠᠳᠢᠣ᠋ ᠮᠢᠨᠢ ᠰᠢᠲᠦᠭᠡᠨ | ᠮᠣᠩᠭᠤᠯ ᠰᠣᠶᠣᠯ ᠮᠢᠨᠢ ᠪᠠᠳᠠᠷᠠᠲᠤᠭᠠᠢ | ᠮᠠᠷᠭᠠᠰᠢ ᠶᠢᠨ ᠠᠯᠲᠠᠨ ᠨᠠᠷᠠᠨ ᠮᠡᠲᠦ | ᠮᠠᠨᠳᠤᠵᠤ ᠶᠠᠪᠤᠭᠠᠷᠠᠢ ᠷᠠᠳᠢᠣ᠋ ᠮᠢᠨᠢ᠃ | | |