ᠡᠬᠡ ᠳᠡᠯᠡᠬᠡᠢ ᠶᠢᠨ ᠥᠷᠦᠴᠡᠨ ᠠᠴᠠ | ᠡᠰᠡᠨᠢᠯ ᠠᠮᠢᠵᠢᠷᠠᠯ ᠲᠠᠢ ᠤᠷᠭᠤᠭᠰᠠᠨ | ᠡ᠊ᠩᠬᠡ ᠰᠠᠶᠢᠬᠠᠨ ᠨᠤᠲᠤᠭ ᠲᠤ ᠮᠢᠨᠢ | ᠡᠭᠦᠷᠢᠳᠡ ᠮᠥᠩᠬᠡ ᠰᠦᠨᠳᠡᠷᠯᠡᠭᠰᠡᠨ | ᠨᠤᠲᠤᠭ ᠤᠨ ᠮᠢᠨᠢ ᠠᠰᠬᠠ ᠠᠭᠤᠯᠠ | ᠨᠤᠭᠤᠨ ᠦᠷᠡ ᠳᠡᠭᠡᠨ ᠡᠭᠡᠯᠢᠲᠡᠢ | ᠨᠣᠭᠤᠭᠠᠨ ᠬᠢᠬᠢᠯᠢ ᠶᠢᠨ ᠳᠠᠭᠤᠤ ᠲᠠᠢ | ᠨᠤᠲᠤᠭ ᠤᠨ ᠮᠥᠩᠬᠡ ᠰᠦᠯᠳᠡ ᠡ | ᠰᠥᠨᠢ ᠵᠡᠭᠦᠳᠥᠨ ᠳᠡᠭᠡᠨ ᠵᠢᠷᠭᠠᠬᠤ ᠳᠤ | ᠰᠦᠰᠦᠭ ᠲᠠᠢ ᠳᠦᠷᠢ ᠴᠢᠨᠢ ᠡ᠊ᠩᠬᠦᠷᠡᠶᠢᠯᠡᠭᠰᠡᠨ | ᠬᠤᠯᠠ ᠶᠢᠨ ᠠᠶᠠᠨ ᠳᠤ ᠮᠣᠷᠳᠠᠬᠤ ᠳᠤ | ᠬᠤᠩᠭᠤᠷ ᠰᠡᠳᠭᠢᠯ ᠳᠤ ᠡᠷᠢᠭᠳᠡᠭᠰᠡᠨ | ᠮᠢᠨᠦ ᠨᠤᠲᠤᠭ ᠤᠨ ᠠᠭᠤᠯᠠ ᠡ | ᠰᠦᠰᠦ ᠵᠣᠷᠢᠭ ᠬᠤᠶᠠᠷ ᠲᠤ ᠮᠢᠨᠢ | ᠰᠦᠯᠳᠡ ᠬᠡᠶᠢᠮᠣᠷᠢ ᠪᠣᠯᠤᠭᠰᠠᠨ | ᠤᠰᠤᠨ ᠪᠤᠯᠤᠷ ᠬᠤᠷᠤᠭᠠ ᠳᠠᠭᠠᠨ | ᠤᠷᠠᠨ ᠵᠢᠭᠦᠷᠲᠡᠨ ᠢᠶᠠᠨ ᠳᠣᠩᠭᠤᠳᠤᠭᠤᠯᠤᠭᠰᠠᠨ | ᠤᠩᠭᠠᠷᠢᠯ ᠵᠤᠯᠠᠭᠰᠠᠨ ᠲᠠᠯᠠ ᠳᠠᠭᠠᠨ | ᠤᠨᠢᠶᠠᠷ ᠵᠡᠷᠭᠡᠯᠭᠡᠨ ᠢᠶᠠᠨ ᠪᠥᠵᠢᠭᠯᠡᠭᠦᠯᠦᠭᠰᠡᠨ | ᠮᠢᠨᠦ ᠨᠤᠲᠤᠭ ᠤᠨ ᠮᠢᠨᠢ ᠬᠠᠶᠢᠷᠬᠠᠨ ᠠᠭᠤᠯᠠ | ᠮᠥᠩᠬᠡ ᠨᠣᠭᠤᠭᠠᠨ ᠪᠠᠶᠢᠭᠠᠯᠢ ᠳᠠᠭᠠᠨ | ᠮᠥᠴᠢᠷ ᠭᠠᠩᠭᠠᠩ ᠬᠠᠶᠢᠷᠬᠠᠨ ᠡ | ᠠᠪᠤ ᠶᠢᠨ ᠰᠦᠷ ᠢᠶᠠᠷ ᠰᠡᠭᠦᠶᠢᠭᠰᠡᠨ | ᠠᠰᠬᠠ ᠦᠨᠳᠦᠷ ᠠᠭᠤᠯᠠ | ᠡᠵᠢ ᠶᠢᠨ ᠳᠦᠷᠬᠦ ᠪᠠᠷ ᠮᠥᠰᠢᠶᠡᠭᠰᠡᠨ | ᠠᠯᠳᠠ ᠠᠴᠠ ᠦᠨᠡᠲᠡᠢ ᠴᠢ ᠮᠢᠨᠢ | ᠭᠡᠭᠡᠵᠦ ᠪᠣᠯᠤᠰᠢ ᠦᠭᠡᠢ ᠥᠪ ᠭᠡᠵᠦ | ᠪᠠᠭᠠ ᠳᠠᠭᠠᠨ ᠪᠢ ᠲᠤᠭᠤᠯᠤᠭᠰᠠᠨ | ᠭᠡᠭᠡᠨ ᠰᠠᠷᠠᠭᠤᠯ ᠤᠨ ᠪᠡᠯᠭᠡ ᠭᠡᠵᠦ | ᠪᠠᠯᠴᠢᠷ ᠨᠠᠰᠤᠨ ᠳᠠᠭᠠᠨ ᠴᠡᠭᠡᠵᠢᠯᠡᠭᠰᠡᠨ | ᠨᠤᠲᠤᠭ ᠤᠰᠤᠨ ᠤ ᠵᠢᠷᠦᠬᠡ ᠨᠢ ᠭᠡᠵᠦ | ᠨᠣᠮᠣᠢ ᠡᠵᠢ ᠮᠢᠨᠢ ᠰᠠᠨᠠᠭᠤᠯᠤᠭᠰᠠᠨ | ᠮᠣᠩᠭᠤᠯ ᠬᠥᠮᠦᠨ ᠤ ᠬᠡᠶᠢᠮᠣᠷᠢ ᠭᠡᠵᠦ | ᠮᠢᠨᠦ ᠠᠪᠤ ᠦᠨᠡᠯᠡᠳᠡᠭ ᠰᠠᠨ | ᠬᠠᠩᠭᠠᠢ ᠨᠤᠲᠤᠭ ᠤᠨ ᠮᠢᠨᠢ ᠰᠦᠯᠳᠡ ᠭᠡᠵᠦ | ᠬᠠᠷᠢᠨ ᠪᠢ ᠤᠶᠠᠩᠭᠠᠯᠠᠨᠠ | ᠰᠦᠰᠦ ᠬᠠᠲᠠᠭᠤ ᠡᠷᠡ ᠭᠡᠵᠦ | ᠰᠦᠨ ᠰᠡᠳᠭᠢᠯ ᠢᠶᠠᠷ ᠢᠶᠠᠨ ᠨᠠᠶᠢᠷᠠᠭᠯᠠᠨᠠ᠃ | | | | |