| | ᠴᠢᠪᠠᠭᠠ ᠶᠢᠨ ᠦᠨᠳᠦᠷ ᠠᠭᠤᠯᠠ ᠮᠢᠨᠢ | ᠴᠢ ᠶᠠᠭᠤᠨ ᠳᠤ ᠪᠠᠨ ᠭᠠᠩᠰᠠᠷᠠᠨᠠ ᠪᠤᠢ | ᠴᠡᠩᠬᠡᠷ ᠬᠦᠬᠡᠮᠳᠦᠭ ᠵᠡᠷᠭᠡᠯᠭᠡᠨ ᠳᠤ ᠴᠢᠨᠢ | ᠴᠡᠴᠡᠭᠲᠦ ᠤᠯᠠᠷᠢᠯ ᠬᠤᠷᠭᠤᠳᠠᠭᠰᠠᠭᠠᠷ ᠡ | | | ᠬᠤᠩᠭᠤᠷ ᠨᠠᠮᠤᠷ ᠤᠨ ᠨᠠᠪᠴᠢ ᠨᠠᠮᠠᠭᠠ ᠴᠢᠨᠢ | ᠬᠤᠷᠤᠮᠠᠬᠠᠨᠠ ᠶᠠᠭᠤᠨ ᠳᠤ ᠵᠤᠯᠭᠠᠷᠠᠨᠠ ᠪᠤᠢ | ᠬᠤᠯᠠ ᠠᠴᠠ ᠵᠡᠷᠭᠡᠯᠭᠡᠨᠳᠡᠬᠦ ᠦᠵᠡᠰᠬᠦᠯᠡᠩ ᠴᠢᠨᠢ | ᠬᠤᠨᠤᠭ ᠤᠨ ᠵᠡᠬᠦᠳᠦᠨ ᠳᠤ ᠳᠤᠯᠠᠶᠢᠭᠰᠠᠭᠠᠷ ᠡ | | | ᠰᠢᠷᠭᠠᠯᠳᠤᠭᠰᠠᠨ ᠤᠯᠠᠨ ᠤᠢ ᠤᠷᠭᠤᠮᠠᠯ ᠴᠢᠨᠢ | ᠰᠢᠷᠬᠠᠯᠠᠭᠠ ᠤᠶᠢᠳᠬᠠᠷ ᠲᠠᠢ ᠭᠠᠩᠬᠤᠭᠠ ᠦᠦ | ᠰᠢᠮᠡ ᠳᠦᠭᠦᠷᠡᠩ ᠦᠷᠡ ᠵᠢᠮᠢᠰ ᠪᠦᠬᠦᠨ ᠨᠢ | ᠰᠡᠮᠡᠷᠡᠨ ᠰᠡᠮᠡᠷᠡᠨ ᠠᠯᠤᠰ ᠠᠶᠠᠷᠯᠠᠭᠰᠠᠭᠠᠷ ᠦᠦ | | ᠬᠤᠯᠠ ᠶᠢᠨ ᠰᠦᠷᠯᠢᠭᠬᠡᠨ ᠪᠠᠷᠠ ᠠᠴᠠ ᠴᠢᠨᠢ | ᠬᠤᠨᠢᠶᠠᠰᠤ ᠲᠠᠲᠠᠬᠤ ᠴᠢᠨᠢ ᠶᠠᠭᠤᠨ ᠳᠤ ᠪᠢᠯᠡ | ᠬᠤᠷᠮᠤᠢ ᠪᠠᠷ ᠳᠦᠭᠦᠷᠡᠩ ᠬᠡᠤᠬᠡᠳ ᠤᠨ ᠢᠶᠠᠨ | ᠬᠡᠨᠡᠭᠡ ᠰᠡᠳᠬᠢᠯ ᠤᠨ ᠬᠢᠨᠢ ᠡᠮᠵᠡᠭᠯᠡᠯ ᠳᠤ ᠦᠦ | | ᠨᠠᠷᠠᠨ ᠤ ᠳᠤᠯᠠᠭᠠᠨ ᠢᠯᠴᠢ ᠬᠦᠴᠦᠨ ᠳᠤ | ᠨᠠᠯᠠᠭᠠᠷ ᠪᠠᠶᠢᠭᠠᠯᠢ ᠴᠢᠨᠢ ᠴᠡᠯᠮᠡᠶᠢᠬᠦ ᠶᠤᠮ | ᠨᠢᠩᠵᠢᠨ ᠬᠦᠰᠡᠯ ᠤᠨ ᠬᠠᠶᠢᠷᠠ ᠪᠦᠬᠦᠨ ᠢ | ᠨᠠᠢᠮᠠᠨ ᠵᠦᠭ ᠠᠴᠠ ᠬᠤᠷᠤᠶᠢᠯᠠᠬᠤ ᠶᠤᠮ | | ᠴᠢᠪᠠᠭᠠ ᠶᠢᠨ ᠤᠯᠠᠭᠠᠨ ᠮᠦᠬᠦᠯᠢᠭ ᠤᠳ | ᠴᠠᠭ ᠤᠨ ᠵᠢᠮᠡ ᠪᠠᠷ ᠢᠶᠠᠨ ᠠᠮᠢᠯᠠᠬᠤ ᠶᠤᠮ | ᠴᠡᠯᠭᠡᠮᠡ ᠨᠤᠭᠤᠭᠠᠨ ᠦᠵᠡᠮᠵᠢ ᠶᠢᠨ ᠵᠢᠷᠤᠭ | ᠴᠢᠨᠤ ᠮᠢᠨᠤ ᠬᠠᠷᠠᠭᠠᠨ ᠳᠤ ᠰᠦᠨᠳᠡᠷᠯᠡᠬᠦ ᠶᠣᠮ | | ᠳᠡᠯᠭᠡᠷ ᠬᠤᠷᠸᠠ ᠲᠠᠶᠢᠪᠣᠭᠤᠨ ᠮᠦᠰᠢᠶᠡᠬᠦ ᠶᠢᠨ | ᠲᠠᠩᠰᠤᠭ ᠢᠪᠡᠭᠡᠯᠲᠦ ᠲᠡᠷᠡ ᠨᠢᠭᠡᠨ ᠴᠠᠭ ᠲᠤ | ᠲᠡᠭᠷᠢ ᠭᠠᠵᠠᠷ ᠲᠤ ᠰᠠᠴᠤᠯᠢ ᠡᠷᠭᠦᠨ ᠰᠦᠭᠦᠷᠡᠵᠦ | ᠳᠡᠯᠡᠬᠡᠢ ᠲᠦᠮᠡᠨ ᠲᠠᠢ ᠪᠠᠭ᠋ᠠᠳᠤᠨ ᠤᠤᠬᠠᠶᠢᠯᠠᠶᠤ | | |