○ ᠨᠠ᠊ · ᠵᠢᠷᠭᠠᠯ | | ᠬᠠᠷᠠᠭᠠᠨᠠᠲᠤ ᠶᠢᠨ ᠠᠭᠤᠳᠠᠮ ᠲᠠᠯᠠ ᠨᠢ | ᠬᠠᠩᠪᠤ ᠲᠤᠷᠭᠠᠨ ᠪᠡᠯᠴᠢᠭᠡᠷ ᠯᠠ ᠪᠠᠶᠢᠨᠠ | ᠬᠠᠨ ᠰᠠᠶᠢᠬᠠᠨ ᠲᠦᠰᠢᠭ ᠠᠭᠤᠯᠠᠰ ᠨᠢ | ᠬᠠᠯᠠᠭᠤᠨ ᠬᠠᠶᠢᠷᠠ ᠶᠢᠨ ᠬᠤᠷᠤᠢ ᠪᠠᠶᠢᠨᠠ | ᠤᠩᠭᠤᠨ ᠮᠣᠳᠤ ᠶᠢᠨ ᠰᠢᠮᠡᠯᠢᠭ ᠬᠦᠷᠦᠰᠦ ᠨᠢ | ᠣᠣ ᠮᠦᠷᠡᠨ ᠲᠠᠢ ᠪᠠᠨ ᠵᠢᠷᠤᠭᠯᠠᠭᠠᠳ ᠪᠠᠶᠢᠨᠠ | ᠣᠪᠣᠭᠠ ᠶᠢᠨ ᠰᠦᠷᠯᠢᠭ ᠦᠵᠡᠮᠵᠢᠲᠦ ᠪᠠᠷᠠ ᠨᠢ | ᠤᠤᠭᠠᠯ ᠰᠦᠮᠡ ᠲᠠᠢ ᠪᠠᠨ ᠠᠮᠢᠯᠠᠭᠠᠳ ᠪᠠᠶᠢᠨᠠ | ᠠᠵᠢᠯᠴᠢ ᠪᠣᠭᠤᠷᠣᠯ ᠡᠪᠦᠭᠡᠳ ᠤᠨ ᠮᠢᠨᠢ | ᠠᠷᠢᠭᠤᠨ ᠬᠦᠳᠡᠯᠮᠦᠷᠢ ᠶᠢᠨ ᠪᠠᠭ᠋ᠠᠷᠬᠠᠯ | ᠤᠵᠤᠭᠤᠷ ᠬᠦᠬᠡ ᠠᠵᠢᠷᠭᠠ ᠶᠢᠨ ᠠᠭᠤᠯᠠ ᠨᠢ | ᠤᠷᠢᠳᠤ ᠪᠤᠭᠳᠠ ᠶᠢᠨ ᠳᠤᠮᠤᠭ ᠢ ᠬᠦᠤᠷᠨᠢᠭᠰᠡᠭᠡᠷ | ᠤᠳᠤᠮ ᠤᠯᠠᠷᠢᠭᠰᠠᠨ ᠤᠷᠳᠤᠨ ᠪᠠᠭᠤᠴᠠ ᠨᠢ | ᠣᠴᠢᠷᠯᠠᠬᠤ ᠲᠡᠤᠬᠡ ᠶᠢ ᠪᠠᠨ ᠲᠤᠭᠠᠴᠢᠭᠰᠠᠭᠠᠷ | ᠡᠭᠦᠯᠡᠨ ᠬᠦᠬᠡ ᠶᠢᠨ ᠨᠤᠲᠤᠭ ᠮᠢᠨᠢ | ᠤᠷᠲᠤ ᠶᠢᠨ ᠳᠠᠭᠤᠤ ᠨᠢ ᠬᠠᠩᠭᠢᠨᠠᠨᠠ | ᠡᠷᠲᠡᠨ ᠤ ᠤᠯᠠᠨ ᠲᠤᠤᠯᠢ ᠳᠤᠮᠤᠭ ᠨᠢ | ᠡᠷᠳᠡᠮ ᠰᠤᠶᠤᠯ ᠢ ᠰᠤᠶᠤᠷᠬᠠᠨ ᠪᠠᠶᠢᠨᠠ | ᠡᠭᠡᠯᠢᠲᠦ ᠬᠤᠶᠢᠴᠢ ᠦᠷᠡᠰ ᠲᠤ ᠪᠠᠨ | ᠦᠨᠢᠷ ᠵᠢᠷᠭᠠᠯ ᠢ ᠨᠢ ᠢᠪᠡᠭᠡᠭᠰᠡᠭᠡᠷ | | | ᠨᠠᠮᠤᠷ ᠤᠨ ᠠᠶᠠᠯᠭᠤᠨ | | | ᠠᠭᠠᠷ ᠲᠤ ᠪᠠᠨ ᠵᠡᠯᠡᠯᠡᠬᠦ ᠭᠠᠯᠠᠭᠤᠳ ᠨᠢ ᠬᠠᠶᠢᠷᠠ ᠶᠢᠨ ᠳᠠᠭᠤᠤ ᠪᠠᠷ ᠭᠠᠩᠭᠠᠨᠠᠯᠳᠤᠭᠠᠳ | ᠠᠯᠤᠰ ᠲᠤ ᠪᠠᠨ ᠴᠤᠪᠤᠷᠠᠬᠤ ᠰᠢᠪᠠᠭᠤᠳ ᠨᠢ ᠨᠠᠭᠤᠷ ᠤᠨ ᠤᠰᠤᠨ ᠳᠤ ᠡᠭᠡᠨᠡᠭᠰᠢᠯᠳᠦᠭᠡᠳ | ᠠᠷᠤ ᠨᠤᠲᠤᠭ ᠲᠤ ᠪᠠᠨ ᠰᠡᠳᠬᠢᠯ ᠬᠤᠷᠭᠤᠳᠠᠨ ᠤᠶᠠᠷᠠᠨ ᠤᠶᠠᠷᠠᠨ ᠤᠷᠲᠤᠬᠠᠨ ᠡᠷᠭᠢᠴᠡᠵᠦ | ᠠᠩᠭᠠ ᠵᠤᠯᠵᠠᠭᠠ ᠲᠠᠢ ᠪᠠᠨ ᠨᠠᠷᠠ ᠶᠢ ᠴᠢᠭᠯᠡᠭᠡᠳ ᠬᠠᠯᠠᠭᠤᠨ ᠨᠦᠮᠦᠷᠢ ᠲᠤ ᠪᠠᠨ ᠪᠤᠴᠠᠨᠠ | ᠨᠠᠮᠤᠷ ᠤᠨ ᠦᠩᠭᠡ ᠨᠢ ᠰᠢᠷᠭᠠᠯᠳᠤᠭᠠᠳ ᠯᠠ ᠪᠠᠶᠢᠨᠠ | ᠨᠠᠪᠴᠢ ᠤᠷᠭᠤᠮᠠᠯ ᠨᠢ ᠪᠤᠭᠤᠷᠤᠯᠳᠤᠭᠠᠳ ᠯᠠ ᠪᠠᠶᠢᠨᠠ | ᠠᠭᠤᠯᠠᠰ ᠤᠨ ᠴᠡᠩᠬᠡᠷ ᠵᠡᠷᠭᠡᠯᠭᠡᠨ ᠨᠢ ᠬᠤᠯᠠ ᠶᠢᠨ ᠪᠠᠷᠠ ᠳᠤ ᠰᠡᠭᠦᠳᠡᠩᠨᠡᠨ ᠪᠦᠷᠲᠦᠯᠵᠡᠭᠡᠳ | ᠠᠳᠤᠭᠤᠨ ᠰᠦᠷᠦᠭ ᠮᠢᠨᠢ ᠰᠠᠯᠬᠢ ᠦᠨᠦᠷᠯᠡᠨ ᠲᠠᠩᠰᠤᠭ ᠪᠡᠯᠴᠢᠭᠡᠷ ᠲᠤ ᠪᠠᠨ ᠳᠠᠪᠬᠢᠯᠳᠤᠭᠠᠳ | ᠠᠶᠢᠷᠠᠭ ᠴᠠᠭᠠ ᠶᠢᠨ ᠱᠠᠩᠳᠠᠭᠤᠨ ᠦᠨᠦᠷ ᠨᠢ ᠪᠠᠭᠤᠴᠠ ᠪᠠᠨ ᠪᠠᠶᠠᠰᠬᠠᠨ ᠰᠡᠩᠭᠢ ᠲᠠᠲᠠᠵᠤ | ᠠᠵᠢᠯᠴᠢ ᠮᠠᠯᠴᠢᠳ ᠤᠨ ᠠᠷᠢᠭᠤᠨ ᠬᠦᠳᠡᠯᠮᠦᠷᠢ ᠪᠠᠷ ᠦᠬᠡᠷ ᠬᠤᠨᠢᠳ ᠨᠢ ᠦᠨᠢᠷ ᠦᠰᠦᠨᠡ | ᠨᠠᠮᠤᠷᠵᠢᠶᠠ ᠶᠢᠨ ᠡᠭᠦᠯᠡᠰ ᠨᠢ ᠨᠡᠭᠦᠳᠡᠯᠯᠡᠬᠡᠳ ᠯᠠ ᠪᠠᠶᠢᠨᠠ | ᠨᠠᠷᠠᠯᠠᠭ ᠬᠤᠷᠸᠠ ᠳᠤ ᠪᠠᠨ ᠠᠮᠤᠭᠤᠯᠠᠩᠬᠠᠨ ᠯᠠ ᠪᠠᠶᠢᠨᠠ | | | ᠬᠠᠳᠤᠯᠠᠩ ᠤᠨ ᠪᠠᠭ᠋ᠠᠳᠤᠯ | | | ᠬᠠᠳᠤᠯᠠᠩ ᠤᠨ ᠴᠠᠭ ᠨᠢ ᠬᠦᠷᠦᠭᠡᠳ ᠢᠷᠡᠯᠡ | ᠬᠠᠮᠤᠭ ᠪᠦᠬᠦᠨ ᠤ ᠰᠢᠮᠡ ᠨᠢ ᠳᠦᠭᠦᠷᠡᠯᠡ | ᠬᠠᠮᠤᠭᠰᠠᠨ ᠡᠪᠡᠰᠦ ᠨᠢ ᠱᠠᠭᠰᠢᠭᠠᠳ ᠪᠠᠶᠢᠨᠠ | ᠬᠠᠯᠠᠭᠤᠨ ᠬᠦᠯᠦᠰᠦ ᠮᠢᠨᠢ ᠳᠤᠰᠤᠯᠠᠭᠠᠳ ᠪᠠᠶᠢᠨᠠ | | ᠨᠠᠯᠠᠭᠠᠷ ᠬᠦᠳᠡᠭᠡ ᠶᠢᠨ ᠲᠤᠰᠤᠨ ᠰᠠᠯᠬᠢ ᠪᠠᠷ | ᠨᠠᠮᠤᠷᠵᠢᠶᠠ ᠵᠦᠭ ᠢᠶᠠᠨ ᠨᠡᠭᠦᠳᠡᠯ ᠴᠦᠷᠬᠡᠯᠡᠨᠡ | ᠨᠠᠰᠤᠲᠠᠨ ᠵᠠᠯᠠᠭᠤᠰ ᠤᠨ ᠮᠠᠩᠨᠠᠢ ᠲᠡᠨᠢᠢᠵᠦ | ᠨᠠᠷᠠᠨ ᠵᠦᠭ ᠲᠤ ᠪᠠᠨ ᠰᠠᠴᠤᠯᠢ ᠡᠷᠭᠦᠨᠡ | | ᠬᠠᠭᠰᠠᠷᠭᠠᠨ ᠭᠠᠴᠢᠭ ᠢ ᠲᠤᠭᠤᠯᠤᠭᠠᠳ ᠭᠠᠷᠪᠠᠯ | ᠬᠠᠪᠤᠷ ᠤᠨ ᠤᠷᠢᠨ ᠲᠠᠢ ᠵᠤᠯᠭᠠᠭᠠᠳ ᠨᠠᠷᠭᠢᠨᠠ | ᠬᠠᠭᠳᠠ ᠶᠢᠨ ᠵᠦᠯᠭᠡ ᠨᠤᠭᠤᠭᠠᠷᠠᠬᠤ ᠶᠢᠨ ᠦᠶᠡ | ᠬᠠᠨᠠᠭᠠᠷ ᠲᠠᠯᠠ ᠪᠠᠨ ᠰᠦᠷᠦᠭ ᠢᠶᠠᠷ ᠪᠠᠶ᠋ᠰᠬᠠᠨᠠ | | ᠳᠦᠷᠪᠡᠨ ᠴᠠᠭ ᠤᠨ ᠮᠠᠯᠴᠢᠨ ᠤ ᠠᠮᠢᠳᠤᠷᠠᠯ | ᠲᠡᠤᠬᠡ ᠶᠢᠨ ᠵᠢᠮᠡ ᠪᠠᠷ ᠭᠠᠯ ᠢᠶᠠᠨ ᠮᠠᠨᠠᠨᠠ | ᠲᠡᠭᠷᠢ ᠭᠠᠵᠠᠷ ᠤᠨ ᠢᠪᠡᠭᠡᠯ ᠳᠤ ᠵᠢᠷᠭᠠᠵᠦ | ᠳᠡᠯᠭᠡᠷᠡᠬᠦ ᠤᠯᠠᠷᠢᠯ ᠤᠨ ᠪᠤᠱᠤᠭᠠ ᠮᠢᠯᠢᠶᠠᠨᠠ | | ᠬᠤᠤᠰ ᠦᠭᠡᠢ ᠪᠠᠷᠢᠯᠳᠤᠭᠠᠨᠲᠦ ᠮᠤᠩᠭᠤᠯ ᠪᠦᠬᠡ | | ᠨᠠᠶᠢᠷ ᠤᠨ ᠤᠯᠠᠨ ᠢ ᠪᠠᠶᠠᠰᠬᠠᠭᠠᠳ ᠪᠠᠶᠢᠳᠠᠭ | ᠨᠠᠷᠭᠢᠮᠠ ᠵᠠᠯᠠᠭᠤ ᠬᠦᠴᠦᠲᠦ ᠪᠦᠬᠡ ᠮᠢᠨᠢ | ᠨᠠᠢᠮᠠᠨ ᠵᠦᠭ ᠲᠤ ᠭᠢᠯᠠᠯᠵᠠᠭᠠᠳ ᠪᠠᠶᠢᠳᠠᠭ | ᠨᠠᠷᠮᠠᠢ ᠲᠦᠮᠡᠨ ᠤ ᠪᠠᠭ᠋ᠠᠷᠬᠠᠯᠲᠦ ᠪᠦᠬᠡ ᠮᠢᠨᠢ | ᠳᠡᠪᠢᠭᠡᠳ ᠮᠠᠭᠰᠢᠬᠤ ᠰᠦᠷ ᠲᠤ ᠨᠢ | ᠳᠡᠯᠡᠬᠡᠢ ᠮᠦᠰᠢᠶᠡᠳᠡᠭ ᠪᠦᠬᠡ ᠮᠢᠨᠢ | ᠬᠤᠷᠠᠭᠰᠠᠨ ᠤᠯᠠᠨ ᠢ ᠬᠦᠭᠵᠢᠭᠡᠭᠡᠳ ᠪᠠᠶᠢᠳᠠᠭ | ᠬᠤᠩᠭᠤᠷ ᠰᠠᠶᠢᠬᠠᠨ ᠵᠢᠪᠬᠤᠭᠠᠲᠤ ᠪᠦᠬᠡ ᠮᠢᠨᠢ | ᠬᠤᠲᠠᠯᠠ ᠲᠦᠮᠡᠨ ᠢ ᠱᠠᠭᠰᠢᠭᠤᠯᠤᠭᠠᠳ ᠪᠠᠶᠢᠳᠠᠭ | ᠬᠤᠤᠰ ᠦᠭᠡᠢ ᠪᠠᠷᠢᠯᠳᠤᠭᠠᠨᠲᠦ ᠪᠦᠬᠡ ᠮᠢᠨᠢ | ᠡᠷᠬᠢᠮ ᠶᠤᠰᠤᠷᠬᠠᠭ ᠤᠬᠠᠭᠠᠨ ᠳᠤ ᠨᠢ | ᠡᠭᠡᠯᠢᠲᠦ ᠨᠠᠷᠠ ᠳᠤᠯᠠᠶᠢᠳᠠᠭ ᠪᠦᠬᠡ ᠮᠢᠨᠢ | ᠤᠷᠢᠳᠦ ᠶᠢᠨ ᠳᠤᠮᠤᠭ ᠢ ᠬᠦᠤᠷᠨᠢᠭᠦᠯᠬᠦ | ᠤᠳᠤᠮ ᠤᠨ ᠰᠢᠨᠳᠠᠰᠤᠲᠤ ᠪᠦᠬᠡ ᠮᠢᠨᠢ | ᠣᠨ ᠵᠠᠭᠤᠨ ᠳᠤ ᠪᠠᠨ ᠳᠠᠭᠤᠷᠢᠰᠤᠯ ᠲᠠᠢ | ᠤᠳᠤ ᠲᠠᠢ ᠪᠠᠷᠢᠯᠳᠤᠬᠤ ᠪᠦᠬᠡ ᠮᠢᠨᠢ ᠬᠦᠢ | ᠬᠦᠷᠦᠭᠰᠡᠨ ᠭᠠᠵᠠᠷ ᠪᠦᠬᠦᠨ ᠳᠤ ᠪᠠᠨ | ᠬᠦᠮᠦᠨ ᠮᠦᠰᠦ ᠪᠠᠷ ᠨᠠᠷᠭᠢᠭᠤᠯᠳᠠᠭ | ᠬᠦᠨᠳᠦᠳᠬᠡᠯ ᠪᠢᠰᠢᠷᠡᠯ ᠤᠨ ᠤᠤᠬᠠᠢ ᠲᠠᠢ | ᠬᠡᠢ ᠮᠤᠷᠢ ᠪᠤᠰᠤᠭᠠ ᠪᠦᠬᠡ ᠮᠢᠨᠢ | | | ᠡᠷᠬᠢᠮ ᠳᠡᠭᠡᠳᠦ ᠰᠤᠷᠭᠠᠯ | | ᠲᠡᠭᠷᠢ ᠶᠢᠨ ᠴᠡᠭᠡᠯ ᠢᠶᠠᠷ ᠤᠶᠠᠩᠭᠠᠷᠠᠬᠤ ᠮᠢᠨᠤ ᠮᠤᠩᠭᠤᠯ ᠬᠡᠯᠡ | ᠲᠠᠯᠠ ᠶᠢᠨ ᠠᠭᠤᠳᠠᠮ ᠢᠶᠠᠷ ᠬᠠᠩᠭᠢᠨᠠᠬᠤ ᠮᠢᠨᠤ ᠡᠬᠡ ᠡᠭᠡᠰᠢᠭ | ᠲᠠᠪᠤᠨ ᠲᠢᠪ ᠢᠶᠠᠷ ᠳᠠᠭᠤᠷᠢᠰᠬᠤ ᠠᠭᠤᠤ ᠲᠡᠤᠬᠡ ᠶᠢᠨ ᠭᠢᠯᠪᠠᠭᠠ | ᠲᠠᠩᠰᠤᠭ ᠪᠠᠶᠠᠨ ᠢᠶᠠᠷ ᠱᠠᠭᠰᠢᠭᠳᠠᠬᠤ ᠰᠠᠶᠠ ᠦᠭᠡᠰ ᠤᠨ ᠰᠠᠩ | ᠨᠠᠷᠠᠨ ᠤ ᠢᠯᠴᠢ ᠳᠤ ᠳᠤᠯᠠᠶᠢᠬᠤ ᠷᠦᠮᠡᠨ ᠹᠠᠵᠠᠷ ᠤᠨ ᠪᠠᠷᠠ | ᠨᠠᠯᠠᠭᠠᠷ ᠤᠯᠠᠷᠢᠯ ᠡᠭᠦᠷᠢ ᠣᠷᠣᠰᠢᠬᠤ ᠪᠣᠮᠠᠨ ᠣᠨ ᠤ ᠰᠠᠭᠤᠤ | ᠨᠠᠢᠮᠠᠨ ᠵᠤᠪᠬᠢᠰ ᠲᠤ ᠭᠢᠯᠠᠯᠵᠠᠬᠤ ᠪᠠᠯᠠᠷᠠᠰᠢ ᠦᠭᠡᠢ ᠦᠢᠯᠡᠰ | ᠨᠠᠷᠮᠠᠢ ᠲᠦᠮᠡᠨ ᠳᠤ ᠬᠠᠳᠠᠩᠰᠢᠬᠤ ᠡᠪ ᠪᠣᠯᠪᠠᠰᠤᠨ ᠤ ᠬᠦᠰᠢᠶᠡ | ᠤᠯᠠᠮᠵᠢᠯᠠᠵᠤ ᠢᠷᠡᠭᠰᠡᠨ ᠤᠵᠤᠭᠤᠷ ᠰᠤᠶᠤᠯ ᠤᠨ ᠡᠷᠴᠢᠮ ᠬᠦᠴᠦ | ᠤᠷᠬᠢᠵᠤ ᠪᠣᠯᠤᠰᠢ ᠦᠭᠡᠢ ᠭᠦᠮᠦᠨ ᠮᠦᠰᠦ ᠶᠢᠨ ᠦᠨᠡᠲᠦ ᠦᠪ | ᠤᠳᠤᠮ ᠵᠠᠯᠭᠠᠭᠰᠠᠨ ᠶᠤᠰᠤ ᠰᠤᠷᠲᠠᠬᠤᠨ ᠤᠢ ᠤᠬᠠᠭᠠᠨ ᠤ ᠵᠤᠯᠠ | ᠤᠭᠤᠷᠴᠤ ᠪᠣᠯᠣᠰᠢ ᠦᠭᠡᠢ ᠬᠦᠮᠦᠵᠢᠯ ᠡᠷᠬᠢᠮ ᠳᠡᠭᠡᠳᠦ ᠰᠤᠷᠭᠠᠯ | | ᠠᠳᠤᠭᠤᠨ ᠤ ᠠᠨᠢᠷᠯᠠᠯ | | ᠦᠤᠷ ᠢᠶᠠᠷ ᠵᠢᠵᠢᠭᠢᠨᠡᠬᠦ ᠰᠢᠪᠠᠭᠤᠳ ᠤᠨ ᠳᠠᠭᠤᠨ | ᠦᠶᠦᠭ ᠨᠠᠮᠤᠷ ᠤᠨ ᠲᠠᠩᠰᠤᠭ ᠠᠶᠠᠯᠭᠤ ᠬᠡᠯᠬᠢᠵᠤ | ᠦᠯᠡᠮᠵᠢ ᠶᠢᠨ ᠭᠠᠶᠢᠬᠠᠮᠰᠢᠭ ᠠᠭᠤᠯᠠ ᠬᠠᠶᠢᠷᠬᠠᠨ | ᠦᠵᠡᠰᠬᠦᠯᠡᠩ ᠤᠨ ᠮᠢᠩᠭᠠᠨ ᠵᠢᠷᠤᠭ ᠢ ᠳᠡᠯᠭᠡᠬᠦᠢ | ᠦᠳᠡᠰᠢ ᠪᠠᠷ ᠳᠤᠭᠤᠯᠳᠠᠬᠤ ᠠᠳᠤᠭᠤᠨ ᠤ ᠠᠨᠢᠷᠯᠠᠯ | ᠦᠤᠷᠰᠡᠬᠦ ᠴᠢᠮᠡᠭᠡ ᠪᠠᠷ ᠨᠢ ᠳᠡᠯᠡᠬᠡᠢ ᠤᠶᠠᠩᠭᠠᠷᠠᠵᠤ | ᠦᠨᠢᠷ ᠰᠦᠷᠦᠭ ᠤᠨ ᠲᠠᠶᠢᠪᠤᠭᠤᠨ ᠬᠡᠪᠢᠬᠦ ᠡᠭᠡᠰᠢᠭ | ᠦᠷᠦᠨᠡ ᠳᠤᠷᠤᠨᠠ ᠶᠢᠨ ᠨᠠᠷᠠᠨ ᠰᠠᠷᠠᠨ ᠭᠡᠷᠡᠯᠲᠦᠬᠦᠢ | ᠬᠦᠳᠡᠭᠡ ᠲᠠᠯᠠ ᠪᠠᠷ ᠠᠭᠰᠤᠮᠨᠠᠬᠤ ᠠᠳᠤᠭᠤᠳ ᠤᠨ | ᠬᠦᠴᠦᠲᠦ ᠰᠦᠷ ᠲᠤ ᠨᠢ ᠨᠠᠢᠮᠠᠨ ᠵᠦᠭ ᠲᠤᠶᠠᠭᠠᠷᠠᠵᠤ | ᠬᠦᠷ ᠲᠦᠪᠡᠷᠭᠡᠨ ᠤ ᠬᠢᠨᠢ ᠭᠢᠯᠠᠰᠬᠤ ᠠᠶᠢᠵᠠᠮ ᠢᠶᠠᠷ | ᠬᠦᠰᠡᠯ ᠤᠨ ᠭᠡᠭᠡ ᠳᠤ ᠠᠳᠤᠭᠤᠴᠢᠨ ᠮᠦᠰᠢᠶᠡᠬᠦᠢ | ᠵᠢᠰᠦᠮ ᠢᠯᠭᠠᠷᠠᠬᠤ ᠰᠳᠤᠭᠤᠳ ᠤᠨ ᠪᠠᠷᠠ ᠳᠤ | ᠵᠡᠷᠭᠡᠯᠭᠡᠨ ᠤ ᠠᠭᠤᠯᠠᠰ ᠤᠷᠠᠨ ᠵᠢᠷᠤᠭ ᠳᠡᠯᠭᠡᠵᠦ | ᠵᠢᠷᠭᠢᠨ ᠪᠦᠵᠢᠭᠯᠡᠯᠳᠦᠬᠦ ᠣᠰᠣᠨ ᠤ ᠰᠢᠪᠠᠭᠤᠳ ᠨᠢ | ᠵᠢᠷᠪᠢᠰ ᠵᠢᠷᠪᠢᠰ ᠡᠷᠬᠢᠴᠡᠨ ᠳᠡᠪᠳᠡᠷᠢᠨ ᠬᠠᠯᠢᠬᠤᠢ | | | |