ᠬᠦᠩᠭᠠᠷ | | | | ᠬᠠᠯᠠᠭᠤᠨ ᠤᠷᠤᠨ ᠳᠤ ᠡᠪᠦᠯᠵᠢᠵᠤ ᠠᠮᠠᠷᠠᠭᠠᠳ | ᠬᠠᠷᠢᠭᠠᠳ ᠢᠷᠡᠳᠡᠭ ᠨᠡᠬᠦᠳᠡᠯ ᠤᠨ ᠰᠢᠪᠠᠭᠤᠳ ᠡ | ᠬᠠᠶᠢᠯᠬᠤ ᠴᠠᠰᠤᠨ ᠳᠤ ᠴᠢᠮᠡᠭᠡ ᠰᠤᠨᠤᠷᠳᠠᠭᠠᠳ | ᠬᠠᠨᠠᠭᠠᠷ ᠨᠤᠳᠤᠭ ᠲᠠᠭᠠᠨ ᠪᠤᠴᠠᠳᠠᠭ ᠰᠢᠪᠠᠭᠤᠳ ᠡ︕ | ᠦᠰᠦᠭᠰᠡᠨ ᠨᠤᠳᠤᠭ ᠨᠢ ᠡ᠊ᠨᠳᠡ ᠪᠤᠯᠬᠤᠷ | ᠡᠷᠬᠢᠭᠡᠳ ᠢᠷᠡᠳᠡᠭ ᠨᠡᠬᠦᠳᠡᠯ ᠤᠨ ᠰᠢᠪᠠᠭᠤᠳ ᠡ | ᠦᠯᠦᠭᠡᠶᠢᠳᠡᠭᠰᠡᠨ ᠬᠠᠶᠢᠷᠠ ᠨᠢ ᠲᠡᠬᠦᠰ ᠪᠤᠯᠬᠤᠷ | ᠡᠬᠦᠷᠢᠳᠡ ᠮᠠᠷᠳᠠᠳᠠᠭ ᠦᠭᠡᠢ ᠨᠡᠬᠦᠳᠡᠯ ᠤᠨ ᠰᠢᠪᠠᠭᠤᠳ ᠡ︕ | ᠬᠦᠭᠡ ᠮᠦᠩᠬᠦᠨ ᠲᠡᠭᠷᠢ ᠶᠢᠨ ᠲᠤᠤᠭᠤᠷ | ᠬᠦᠭᠡᠮᠡᠢ ᠠᠶᠠᠯᠵᠤ ᠨᠡᠬᠦᠳᠡᠭ ᠰᠢᠪᠠᠭᠤᠳ ᠡ | ᠬᠦᠰᠡᠯ ᠤᠨ ᠢᠷᠠᠭᠤ ᠡᠭᠡᠰᠢᠭ ᠤᠨ ᠲᠤᠮᠳᠠᠭᠤᠷ | ᠬᠦᠪᠦᠷᠡᠭᠰᠡᠨ ᠨᠤᠳᠤᠭ ᠲᠠᠭᠠᠨ ᠪᠠᠭᠤᠳᠠᠭ ᠰᠢᠪᠠᠭᠤᠳ ᠡ︕ | ᠢᠷᠡᠬᠦ ᠵᠤᠨ ᠳᠠᠭᠠᠨ ᠲᠠᠭᠤᠴᠢᠨ ᠪᠤᠯᠤᠯᠴᠠᠭᠠᠳ | ᠢᠵᠢᠯᠢᠳᠤᠨ ᠲᠠᠰᠤᠯᠴᠠᠭᠠᠳ ᠴᠡᠩᠭᠡᠳᠡᠭ ᠰᠢᠪᠠᠭᠤᠳ ᠡ | ᠡᠷᠬᠢᠬᠦ ᠮᠠᠷᠭᠠᠰᠢ ᠳᠠᠭᠠᠨ ᠢᠳᠡᠭᠡᠯ ᠬᠠᠶᠠᠯᠴᠠᠭᠠᠳ | ᠡᠨᠡᠭᠡᠨ ᠨᠤᠳᠤᠭ ᠢᠶᠠᠨ ᠭᠤᠶᠤᠳᠠᠭ ᠰᠢᠪᠠᠭᠤᠳ ᠡ︕ | ᠲᠠᠰᠤᠭᠰᠠᠨ ᠭᠤᠯᠤᠮᠳᠠ ᠨᠢ ᠡ᠊ᠨᠳᠡ ᠪᠤᠯᠬᠤᠷ | ᠲᠠᠯᠠᠢ ᠪᠠᠶᠠᠷ ᠲᠠᠢ ᠠᠮᠢᠳᠤᠷᠠᠳᠠᠭ ᠰᠢᠪᠠᠭᠤᠳ ᠡ | ᠲᠠᠩᠰᠤᠭ ᠨᠤᠳᠤᠭ ᠤᠨ ᠡᠯᠢᠭᠡᠨ ᠲᠡᠭᠡᠷᠡ ᠪᠠᠨ | ᠲᠠᠶᠢᠪᠤᠩ ᠵᠢᠷᠭᠠᠳᠠᠭ ᠠᠮᠤᠭᠤᠯᠠᠩᠳᠤ ᠰᠢᠪᠠᠭᠤᠳ ᠡ︕ | ᠨᠠᠮᠤᠷ ᠤᠨ ᠰᠡᠷᠢᠬᠦᠨᠡ ᠨᠡᠭᠦᠳᠡᠭ ᠪᠤᠯᠪᠠᠴᠤ | ᠬᠠᠪᠤᠷ ᠤᠨ ᠤᠷᠢᠨ ᠢᠶᠠᠷ ᠬᠠᠷᠢᠳᠠᠭ ᠰᠢᠪᠠᠭᠤᠳ ᠡ | ᠨᠠᠰᠤᠨ ᠦᠳᠡᠯᠪᠠᠴᠤ ᠰᠠᠨᠠᠳᠠᠭ ᠨᠤᠳᠤᠭ ᠲᠠᠢ ᠪᠠᠨ | ᠬᠠᠶᠢᠷᠠ ᠶᠢᠨ ᠵᠠᠶᠠᠭᠠ ᠬᠤᠯᠪᠤᠭᠰᠠᠨ ᠰᠢᠪᠠᠭᠤᠳ ᠡ︕ | ᠨᠤᠳᠤᠭ ᠭᠡᠵᠦ ᠦᠮᠴᠢᠷᠭᠡᠨ ᠪᠠᠶᠢᠳᠠᠭ ᠤᠨ ᠤᠴᠢᠷ | ᠬᠠᠶᠢᠷᠠ ᠪᠠᠨ ᠦᠯᠡᠳᠡᠭᠡᠵᠦ ᠨᠡᠭᠦᠳᠡᠭ ᠪᠠᠶᠢᠯᠬᠦᠢ | ᠨᠤᠳᠤᠭ ᠭᠡᠵᠦ ᠨᠢᠭᠡ ᠯᠠ ᠤᠯᠳᠠᠳᠠᠭ ᠤᠨ ᠤᠴᠢᠷ | ᠬᠠᠪᠤᠷ ᠤᠨ ᠤᠷᠢᠨ ᠢᠶᠠᠷ ᠢᠷᠡᠳᠡᠭ ᠪᠠᠶᠢᠯᠬᠦᠢ︕ | ᠨᠤᠳᠤᠭ ᠲᠠᠢ ᠪᠠᠨ ᠪᠤᠯ ᠪᠠᠶᠠᠨ ᠪᠠᠶᠢᠳᠠᠭ | ᠨᠤᠳᠤᠭ ᠲᠠᠭᠠᠨ ᠪᠤᠯ ᠠᠮᠤᠭᠤᠯᠠᠩ ᠪᠠᠶᠢᠳᠠᠭ | ᠨᠤᠳᠤᠭ ᠭᠡᠵᠦ ᠪᠦᠷᠢᠯᠸᠠ ᠪᠠᠶᠢᠳᠠᠭ | ᠨᠤᠳᠤᠭ ᠭᠡᠵᠦ ᠳ᠋ᠧᠪᠠᠵᠠᠨ ᠪᠠᠶᠢᠳᠠᠭ ᠡ︕ | |