ᠠᠮᠢᠯᠠᠯ ᠪᠢᠯᠬᠠᠭᠰᠠᠨ ᠬᠠᠪᠤᠷ ᠤᠨ ᠡᠬᠢᠨ ᠤ ᠡᠳᠤᠷ᠂ ᠬᠦᠭᠵᠢᠯ ᠤᠨ ᠤᠶᠠᠩᠭᠠ ᠴᠤᠤᠷᠢᠶᠠᠳᠤᠭᠰᠠᠨ ᠲᠤᠭ ᠪᠠᠯᠭᠠᠰᠤᠨ ᠤ ᠲᠤᠪᠤᠭ ᠭᠠᠴᠠᠭᠠᠨ ᠳᠤ ᠬᠤᠯᠠ | ᠤᠶᠢᠷᠠ ᠠᠴᠠ ᠬᠦ᠋ᠷᠤᠯᠴᠡᠨ ᠢᠷᠡᠭᠰᠡᠨ ᠪᠤᠶᠠᠨᠳᠤ ᠪᠤᠭᠤᠷᠤᠯᠴᠤᠳ ᠴᠤᠭᠯᠠᠷᠠᠭᠠᠳ ᠬᠦᠷ ᠨᠠᠶᠢᠷ ᠴᠠᠯᠭᠢᠵᠤ ᠬᠦᠭᠵᠢᠶᠡᠨ ᠨᠠᠷᠬᠢᠶᠠᠨ ᠪᠣᠯᠤᠯᠠ᠃ ᠤᠷᠳᠤᠰ ᠬᠤᠳᠠ ᠶᠢᠨ | 65 ᠨᠠᠰᠤᠨ ᠠᠴᠠ ᠲᠡᠭᠡᠭᠰᠢᠭᠢ ᠠᠬᠠᠮᠠᠳ ᠤᠶᠠᠭᠠᠴᠢᠳ ᠤᠨ ᠨᠠᠶᠢᠷ ᠪᠤᠯᠬᠤ ᠡᠨᠡ ᠤᠳᠠᠭᠠᠨ ᠤ ᠮᠤᠷᠢᠨ ᠤᠷᠤᠯᠳᠤᠭᠠᠨ ᠳᠤ ᠡᠯᠡ ᠬᠤᠰᠢᠭᠤ ᠲᠤᠭᠤᠷᠢᠭ ᠤᠨ | ᠠᠬᠠᠮᠠᠳ ᠤᠶᠠᠭᠠᠴᠢᠳ ᠮᠠᠨᠢ ᠲᠤᠭ ᠪᠠᠯᠭᠠᠰᠤᠨ ᠤ ᠲᠤᠪᠤᠭ ᠭᠠᠴᠠᠭᠠᠨ ᠤ ᠮᠤᠷᠢᠨ ᠤᠷᠤᠯᠳᠤᠭᠠᠨ ᠤ ᠲᠠᠯᠠᠪᠠᠢ ᠳᠤ ᠬᠦᠷᠦᠯᠴᠡᠨ ᠢᠷᠡᠵᠡᠭᠡᠵᠦ᠂ ᠡᠨᠡ ᠡᠳᠤᠷ ᠤᠨ | ᠤᠷᠤᠯᠳᠤᠭᠠᠨ ᠳᠤ ᠵᠢᠷᠤᠭᠠ ᠮᠣᠷᠢᠳ ᠤᠨ ᠢᠶᠠᠨ ᠰᠢᠨᠳᠠᠰᠤ ᠶᠢ ᠰᠢᠯᠭᠠᠵᠤ᠂ ᠰᠡᠳᠭᠢᠯ ᠢᠶᠠᠨ ᠪᠠᠶᠠᠰᠬᠠᠶᠠ ᠬᠡᠮᠡᠬᠦ ᠪᠤᠳᠤᠯ ᠡᠪᠦᠷᠯᠡᠵᠤ ᠢᠷᠡᠭᠰᠡᠨ ᠨᠢ ᠴᠢᠷᠠᠢ ᠳᠤᠨᠢ | ᠲᠤᠳᠤᠬᠠᠨ ᠬᠠᠷᠠᠭᠳᠠᠨᠠ᠃ | ᠶᠡᠷᠤ ᠨᠢ ᠮᠤᠩᠭᠤᠯ ᠭᠦᠮᠤᠨ ᠮᠤᠷᠢ ᠲᠠᠢ ᠰᠠᠶᠢᠬᠠᠨ᠂ ᠮᠤᠷᠢ ᠲᠠᠢ ᠪᠤᠯ ᠨᠠᠶᠢᠷ ᠰᠠᠶᠢᠬᠠᠨ ᠭᠡᠳᠡᠭᠴᠢᠯᠡᠨ ᠤᠳᠤᠮᠳᠤ ᠮᠤᠩᠭᠤᠯ ᠤᠨ ᠵᠠᠩᠰᠢᠯ ᠢᠶᠠᠷ ᠤᠴᠠᠷᠠᠨ | ᠵᠣᠯᠭᠠᠬᠤ ᠶᠢᠨ ᠢᠷᠤᠭᠡᠯ ᠲᠤᠭᠳᠠᠭᠠᠨ᠂ ᠦᠤᠰᠢᠨᠵᠤᠤ ᠪᠠᠯᠭᠠᠰᠤᠨ ᠤ ᠦᠤᠰᠢᠨᠵᠤᠤ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠠᠯᠳᠠᠠᠬᠤᠶᠠᠭ ᠤᠷᠳᠤᠰ ᠬᠤᠳᠠ ᠶᠢᠨ 65 ᠨᠠᠰᠤᠨ ᠠᠴᠠ | ᠲᠡᠭᠡᠭᠰᠢᠭᠢ ᠠᠬᠠᠮᠠᠳ ᠤᠶᠠᠭᠠᠴᠢᠳ ᠤᠨ ᠬᠤᠶᠠᠳᠤᠭᠠᠷ ᠤᠳᠠᠭᠠᠨ ᠤ ᠬᠠᠮᠳᠤ ᠶᠢᠨ ᠵᠤᠯᠭᠠᠯᠳᠠ ᠶᠢᠨ ᠨᠠᠶᠢᠷ ᠢ ᠡᠷᠬᠢᠯᠡᠨ ᠬᠢᠵᠦ ᠪᠠᠶᠢᠭᠠ ᠨᠢ ᠡᠨᠡ ᠪᠢᠯᠡ᠃ | ᠲᠦᠷᠦᠭᠡᠨ ᠲᠠᠭᠤᠨ ᠳᠤ ᠪᠠᠶᠠᠷ ᠴᠠᠯᠭᠢᠵᠤ᠂ ᠲᠦᠪᠡᠷᠭᠡᠨ ᠲᠠᠭᠤᠨ ᠳᠤ ᠵᠢᠷᠭᠠᠯ ᠬᠠᠯᠭᠢᠳᠠᠭ᠂ ᠤᠶᠠᠭᠠ ᠲᠤᠭᠤᠷᠢᠨ ᠴᠠᠪᠴᠢᠯᠠᠨ ᠦᠤᠷᠰᠡᠵᠤ ᠪᠤᠢ ᠪᠦᠷᠢᠨ ᠵᠠᠰᠠᠯ ᠲᠠᠢ | ᠦᠩᠭᠡ ᠪᠤᠯᠢᠶᠠᠯᠳᠤᠨ ᠵᠢᠭᠳᠡᠷᠡᠬᠦ ᠦᠤᠰᠢᠨ ᠠᠳᠤᠭᠤᠳ ᠤᠶᠠᠭᠠᠴᠢᠳ ᠤᠨ ᠪᠠᠭᠠᠷᠬᠠᠯ ᠢ ᠲᠡᠭᠳᠠᠬᠡᠵᠤ ᠤᠷᠮᠠ ᠶᠢ ᠨᠢ ᠰᠡᠷᠭᠦᠭᠡᠵᠦ ᠪᠠᠶᠢᠬᠤ ᠨᠢ ᠲᠤᠳᠤᠬᠠᠨ᠃ ᠠᠭᠲᠠ | ᠬᠦᠯᠦᠭ ᠤᠨ ᠲᠠᠪᠬᠢᠯᠳᠠ ᠳᠤ ᠬᠡᠶᠢᠮᠤᠷᠢ ᠪᠠᠨ ᠰᠡᠷᠭᠦᠭᠡᠵᠦ᠂ ᠠᠳᠤᠭᠤ ᠮᠠᠯ ᠤᠨ ᠲᠠᠭᠤᠨ ᠢᠶᠠᠷ ᠠᠮᠢᠳᠤᠷᠠᠯ ᠢᠶᠠᠨ ᠰᠡᠷᠭᠦᠭᠡᠳᠡᠭ ᠮᠤᠩᠭᠤᠯᠴᠤᠳ ᠮᠤᠷᠢᠨ ᠤ ᠪᠠᠨ ᠲᠤᠬᠠᠢ | ᠬᠠᠯᠠᠭᠤᠨ ᠵᠤᠭᠤᠭ ᠲᠡᠯᠭᠡᠵᠦ᠂ ᠮᠤᠷᠢᠨ ᠤ ᠲᠤᠬᠠᠢ ᠦᠯᠢᠭᠡᠷ ᠳᠤᠮᠤᠭ ᠬᠠᠶᠢᠯᠠᠵᠤ᠂ ᠮᠤᠷᠢᠳ ᠢᠶᠠᠨ ᠬᠠᠷᠠᠨ ᠰᠠᠭᠤᠬᠤ ᠪᠠᠷ ᠬᠡᠶᠢᠮᠤᠷᠢ ᠨᠢ ᠰᠡᠷᠭᠦᠵᠦ᠂ ᠴᠤᠭ | ᠵᠤᠯᠪᠤᠭᠠ ᠨᠢ ᠮᠠᠨᠳᠤᠳᠠᠭ ᠰᠠᠨ᠃ | ᠤᠶᠠᠭᠠᠴᠢᠳ ᠨᠠᠶᠢᠷ ᠡᠬᠢᠯᠡᠭᠦ ᠠᠴᠠ ᠡᠮᠤᠨᠠ ᠵᠤᠬᠢᠶᠠᠨ ᠪᠠᠶᠢᠭᠤᠯᠬᠤ ᠲᠤᠭᠤᠶᠢᠯᠡᠩ ᠤᠨ ᠬᠢᠨ ᠳᠤ ᠨᠡᠷᠡ ᠪᠠᠨ ᠮᠡᠳᠡᠭᠦᠯᠦᠨ᠂ ᠰᠢᠪᠠᠭᠠ ᠪᠠᠨ ᠰᠤᠭᠤᠯᠵᠤ᠂ | ᠡᠨᠡ ᠡᠳᠤᠷ ᠤᠨ ᠤᠷᠤᠯᠳᠤᠭᠠᠨ ᠳᠤ ᠬᠡᠨ ᠬᠡᠨ ᠤ ᠶᠠᠮᠠᠷ ᠶᠠᠮᠠᠷ ᠵᠢᠰᠤᠮ ᠤᠨ ᠬᠤᠷᠳᠤᠨ ᠮᠣᠷᠢ ᠢᠷᠡᠪᠠ ᠤᠤ᠂ ᠬᠡᠨ ᠤ ᠮᠣᠷᠢ ᠲᠡᠷᠢᠭᠦᠯᠡᠭᠦ ᠪᠤᠯ ᠭᠡᠳᠡᠭ ᠢ ᠠᠩᠵᠠᠭᠠᠷᠠᠵᠤ | ᠰᠠᠭᠤᠵᠠᠭᠠᠨᠠ᠃ ᠡᠨᠡ ᠤᠳᠠᠭᠠᠨ ᠤ ᠨᠠᠶᠢᠷ ᠲᠤ ᠢᠷᠡᠭᠰᠡᠨ 60 ᠭᠠᠷᠤᠢ ᠤᠶᠠᠭᠠᠴᠢᠳ ᠤᠨ ᠮᠣᠷᠢ ᠨᠢ ᠪᠦᠷᠢᠨ ᠵᠠᠰᠠᠯ ᠲᠠᠢ ᠪᠠᠶᠢᠭᠠ ᠨᠢ ᠤᠶᠠᠭᠠᠴᠢᠳ ᠤᠨ | ᠮᠣᠷᠢ ᠪᠠᠨ ᠬᠠᠶᠢᠷᠠᠯᠠᠨ ᠴᠢᠮᠡᠵᠦ᠂ ᠠᠷᠠᠴᠢᠯᠠᠨ ᠲᠤᠳᠤᠮᠳᠠᠬᠤ ᠳᠠᠭᠠᠨ ᠶᠡᠭᠡᠭᠡᠨ ᠬᠦᠴᠦ ᠬᠦᠯᠥᠰᠤ ᠪᠠᠨ ᠵᠠᠷᠤᠴᠠᠭᠤᠯᠤᠭᠰᠠᠨ ᠭᠡᠳᠡᠭ ᠨᠢ ᠢᠯᠡᠬᠡᠨ ᠃ | ᠡᠬᠢᠯᠡᠯᠳᠡ ᠶᠢᠨ ᠶᠤᠰᠤᠯᠠᠯ ᠲᠡᠭᠡᠷᠡ ᠡᠯᠡ ᠬᠤᠰᠢᠭᠤ ᠲᠤᠭᠤᠷᠢᠭ ᠢᠶᠠᠷ ᠨᠢᠭᠡᠴᠢᠯᠡᠭᠰᠡᠨ ᠲᠥᠯᠥᠭᠡᠯᠡᠭᠴᠢᠳ ᠤᠨ ᠲᠤᠭᠤᠶᠢᠯᠠᠩ ᠲᠠᠯᠠᠪᠠᠢ ᠳᠤ ᠤᠷᠤᠵᠤ᠂ | ᠵᠢᠷᠤᠭᠠ ᠮᠣᠷᠢᠨ ᠤ ᠵᠠᠰᠠᠯ ᠵᠢᠮᠰᠡᠭ ᠪᠤᠶᠤ ᠤᠶᠠᠭᠠᠴᠢᠳ ᠤᠨ ᠵᠤᠯᠪᠤᠭᠠ ᠶᠢ ᠬᠠᠷᠠᠭᠤᠯᠤᠯᠠ᠃ ᠡᠨᠡ ᠤᠳᠠᠭᠠᠨ ᠤ ᠬᠠᠮᠳᠤ ᠶᠢᠨ ᠵᠤᠯᠭᠠᠯᠳᠠ ᠪᠠᠷ ᠵᠢᠷᠤᠭᠠ ᠮᠤᠷᠢᠨ ᠤ | ᠤᠷᠤᠯᠳᠤᠭᠠᠨ ᠢ ᠶᠠᠪᠤᠭᠳᠠᠭᠤᠯᠤᠭᠰᠠᠨ ᠨᠢ ᠠᠬᠠᠮᠠᠳ ᠨᠢᠭᠡ ᠦᠶᠡ ᠶᠢᠨ ᠤᠶᠠᠭᠠᠴᠢᠳ ᠤᠨ ᠵᠢᠷᠤᠭᠠ ᠮᠣᠷᠢ ᠠᠷᠠᠴᠢᠯᠠᠵᠤ ᠲᠤᠳᠤᠮᠳᠠᠬᠤ᠂ ᠰᠦᠢᠵᠦ ᠪᠤᠯᠪᠠᠰᠤᠷᠠᠭᠤᠯᠬᠤ | ᠲᠤᠷᠰᠢᠯᠭᠠ ᠪᠠᠨ ᠰᠤᠯᠢᠯᠴᠠᠬᠤ ᠰᠠᠶᠢᠬᠠᠨ ᠲᠠᠪᠴᠠᠩ ᠪᠤᠯᠵᠠᠢ᠃ | ᠮᠤᠷᠢᠨ ᠳᠤ ᠠᠷᠭᠠ ᠦᠭᠡᠢ ᠬᠠᠶᠢᠷᠠᠲᠠᠢ ᠪᠠᠨᠬᠳᠠᠢ ᠦᠤᠰᠢᠨᠵᠤᠤ ᠪᠠᠯᠭᠠᠰᠤᠨ ᠤ ᠪᠠᠶᠠᠠᠳᠤᠯᠤᠭᠠᠢ ᠭᠠᠴᠠᠭᠠᠨ ᠤ 80 ᠨᠠᠰᠤᠲᠠᠢ ᠮᠢᠳᠤᠪ ᠨᠠᠰᠤᠳᠠᠨ ᠡᠨᠡ | ᠤᠳᠠᠭᠠᠨ ᠤ ᠤᠷᠤᠯᠳᠤᠭᠠᠨ ᠳᠤ ᠤᠷᠤᠯᠴᠠᠵᠤ ᠪᠠᠶᠢᠭᠠ ᠬᠠᠮᠤᠭ ᠤᠨ ᠦᠨᠳᠤᠷ ᠨᠠᠰᠤᠳᠠᠢ ᠤᠶᠠᠭᠠᠴᠢ ᠪᠠᠶᠢᠵᠤ᠂ ᠠᠷᠪᠠᠨ ᠭᠡᠳᠤᠨ ᠨᠠᠰᠤᠨ ᠠᠴᠠ ᠪᠠᠨ ᠠᠭᠲᠠ ᠶᠢᠨ | ᠨᠢᠷᠤᠭᠤ ᠡᠯᠡᠭᠡᠵᠦ ᠶᠠᠪᠤᠭᠰᠠᠨ ᠨᠠᠰᠤᠲᠠᠨ ᠭᠤᠸᠠᠢ ᠥᠨᠥ ᠬᠡᠳᠦ᠋ᠪᠡᠷ ᠨᠠᠰᠤᠨ ᠬᠤᠳᠤᠭ ᠦᠨᠳᠤᠷ ᠪᠤᠯᠤᠭᠰᠠᠨ ᠴᠤ ᠮᠦᠨ ᠮᠣᠷᠢ ᠲᠠᠢ ᠪᠠᠨ ᠬᠠᠮᠳᠤ ᠤᠷᠤᠯᠳᠤᠭᠠᠨ ᠳᠤ | ᠤᠷᠤᠯᠴᠠᠭᠰᠠᠭᠠᠷ ᠪᠠᠶᠢᠨᠠ᠃ ᠮᠢᠳᠤᠪ ᠨᠠᠰᠤᠳᠠᠨ᠄ ︽ᠡᠨᠡ ᠤᠳᠠᠭᠠ ᠨᠠᠰᠤᠳᠠᠶᠢᠴᠤᠳ ᠤᠨ ᠮᠤᠷᠢᠨ ᠤᠷᠤᠯᠳᠤᠭᠠᠨ ᠳᠤ ᠤᠷᠤᠯᠴᠠᠬᠤ ᠪᠠᠷ ᠢᠷᠡᠯᠠ᠃ ᠠᠷᠪᠡᠨ | ᠬᠡᠳᠤᠨ ᠨᠠᠰᠤᠨ ᠠᠴᠠ ᠪᠠᠨ ᠮᠤᠷᠢ ᠤᠨᠤᠭᠠᠳ ᠤᠳᠤ ᠨᠠᠶᠠ ᠪᠤᠯᠳᠠᠯᠠ ᠲᠠᠪᠢ ᠵᠢᠷᠠᠨ ᠮᠤᠷᠢ ᠤᠨᠤᠵᠥ ᠲᠤᠳᠤᠮᠳᠠᠵᠥ ᠥᠡᠭᠭᠡᠷᠡᠭᠰᠡᠨ᠃ ᠲᠡᠬᠡᠭᠰᠡᠨ ᠴᠤ ᠨᠠᠰᠤ | ᠶᠠᠪᠤᠭᠰᠠᠨ ᠳᠠᠭᠠᠨ ᠬᠤᠶᠢᠰᠢ ᠤᠬᠤᠷᠢᠵᠥ᠂ ᠮᠤᠷᠢ ᠠᠴᠠ ᠪᠠᠨ ᠵᠠᠶᠢᠳᠠᠭᠰᠠᠨ ᠥᠬᠡᠢ︾ ᠬᠡᠵᠥ ᠰᠶᠢᠳᠮᠡᠬᠡᠢ ᠶᠠᠷᠢᠯᠠ᠃ ᠠᠳᠤᠭᠤᠨ ᠰᠤᠶᠤᠯ ᠪᠤᠯ ᠮᠤᠩᠭᠤᠯ | ᠰᠤᠶᠤᠯ ᠤᠨ ᠰᠦᠭ ᠰᠦᠨᠡᠰᠦ ᠶᠢᠨ ᠨᠢᠭᠡ ᠪᠠᠶᠢᠵᠤ᠂ ᠦᠤᠰᠢᠨ ᠠᠳᠤᠭᠤ ᠪᠣᠯ ᠮᠣᠩᠭᠤᠯ ᠠᠳᠤᠭᠤᠨ ᠤ ᠰᠢᠯᠢᠳᠡᠭ ᠡᠭᠦᠯᠳᠡᠷ ᠪᠤᠯᠤᠨᠠ᠃ ᠠᠳᠤᠭᠤᠨ ᠰᠤᠶᠤᠯ ᠳᠠᠭᠠᠨ | ᠬᠠᠶᠢᠷᠠᠳᠠᠢ ᠦᠤᠰᠢᠨᠴᠤᠳ ᠮᠠᠨᠢ ᠦᠤᠰᠢᠨ ᠠᠳᠤᠭᠤ ᠪᠠᠨ ᠠᠷᠠᠴᠢᠯᠠᠨ ᠳᠣᠳᠣᠮᠳᠠᠵᠤ᠂ ᠤᠯᠠᠮᠵᠢᠯᠠᠨ ᠬᠦᠭᠵᠢᠭᠦᠯᠬᠦ ᠬᠡᠮᠡᠨ ᠬᠦᠴᠦᠯᠡᠭᠰᠡᠭᠡᠷ ᠢᠷᠡᠵᠦ᠂ ᠤᠰᠦᠨ | ᠵᠢᠷᠤᠭᠠ ᠮᠣᠷᠢ — ᠦᠤᠰᠢᠨ ᠠᠳᠤᠭᠤ ᠭᠡᠮᠡᠬᠦ ᠨᠡᠷᠡ ᠳᠡᠮᠳᠡᠭᠳᠦ ᠦᠪᠦᠷ ᠮᠣᠩᠭᠤᠯ ᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠳᠦᠷᠪᠡᠨ ᠶᠡᠭᠡ ᠠᠳᠣᠭᠤᠨ | ᠦᠢᠯᠡᠰ ᠤᠨ ᠨᠢᠭᠡ ᠪᠤᠯᠵᠤ ᠵᠢᠭᠰᠠᠭᠠᠭᠳᠠᠭᠰᠠᠨ ᠨᠢ ᠮᠠᠨ ᠤ ᠠᠬᠠᠮᠠᠳ ᠦᠶᠡ ᠶᠢᠨ ᠬᠢᠨ ᠤ ᠮᠣᠷᠢ ᠪᠠᠨ ᠰᠠᠶᠢᠨ ᠠᠷᠠᠴᠢᠯᠠᠵᠤ ᠰᠠᠶᠢᠬᠠᠨ ᠰᠣᠷᠭᠠᠵᠤ ᠢᠷᠡᠭᠰᠡᠨ ᠯᠦᠭᠡ | ᠰᠠᠯᠵᠤ ᠴᠢᠳᠠᠬᠤ ᠦᠭᠡᠢ ᠬᠤᠯᠪᠤᠭᠠ ᠲᠠᠢ ᠶᠤᠮᠰᠠᠨ᠃ ᠤᠶᠠᠭᠠᠴᠢᠳ ᠮᠠᠨᠢ ᠠᠳᠤᠭᠤ ᠠᠷᠠᠴᠢᠯᠠᠵᠤ ᠳᠤᠳᠤᠮᠳᠠᠬᠤ ᠳᠠᠯᠠ ᠪᠠᠷ ᠲᠤᠷᠰᠢᠯᠭᠠ ᠰᠤᠷᠭᠠᠮᠵᠢ ᠪᠠᠨ | ᠰᠤᠯᠢᠯᠴᠠᠵᠤ᠂ ᠰᠢᠨᠡ ᠴᠠᠭ ᠦᠶᠡ ᠳᠤ ᠮᠤᠩᠭᠤᠯ ᠠᠳᠤᠭᠤᠨ ᠤ ᠦᠨᠢᠷ ᠦᠰᠤᠯᠳᠠ ᠶᠢᠨ ᠳᠤᠬᠠᠢ ᠰᠠᠨᠠᠯ ᠵᠦᠪᠯᠡᠯᠭᠡ ᠪᠠᠨ ᠲᠡᠯᠭᠡᠨ᠂ ᠴᠢᠨᠠᠭᠰᠢᠯᠠᠨ ᠬᠤᠶᠢᠴᠢ ᠨᠢᠭᠡᠨ | ᠦᠶᠡ ᠶᠢᠨ ᠬᠢᠨ ᠳᠡᠭᠡᠨ ᠠᠳᠤᠭᠤᠨ ᠰᠤᠶᠤᠯ ᠢᠶᠠᠨ ᠭᠡᠷᠬᠢᠨ ᠤᠶᠢᠯᠠᠭᠠᠭᠤᠯᠵᠤ ᠵᠠᠯᠭᠠᠮᠵᠢᠯᠠᠭᠤᠯᠬᠤ ᠪᠤᠢ ᠭᠡᠳᠡᠭ ᠨᠢ ᠠᠬᠠᠮᠠᠳ ᠨᠢᠭᠡ ᠦᠶᠡ ᠶᠢᠨ ᠬᠢᠨ ᠤ ᠰᠠᠨᠠᠭᠠᠰᠢᠷᠠᠯ | ᠪᠣᠳᠣᠯᠭᠠᠰᠢᠷᠠᠯ ᠪᠣᠯᠵᠤ᠂ ᠲᠡᠳᠡᠨ ᠤ ᠲᠤᠯᠭᠠᠷᠠᠵᠤ ᠪᠤᠢ ᠬᠠᠮᠤᠭ ᠤᠨ ᠬᠦᠨᠳᠦ ᠡᠭᠦᠷᠭᠡ ᠪᠣᠯᠵᠤ ᠪᠠᠶᠢᠭᠠ ᠭᠡᠳᠡᠭ ᠨᠢ ᠲᠡᠳᠡᠨ ᠤ ᠶᠠᠷᠢᠯᠴᠠᠭᠠᠨ ᠤ ᠭᠤᠣᠯ ᠰᠡᠳᠦᠪ | ᠪᠣᠯᠵᠤ ᠪᠠᠶᠢᠯᠠ᠃ | ᠠᠳᠤᠭᠤᠨ ᠰᠤᠶᠤᠯ ᠭᠡᠵᠦ ᠦᠶᠡ ᠦᠶᠡ ᠶᠢᠨ ᠬᠦᠮᠦᠰ ᠤᠨ ᠵᠢᠳᠭᠦᠯ ᠴᠢᠷᠮᠠᠶᠢᠯᠭᠠ᠂ ᠨᠠᠮ ᠵᠠᠰᠠᠭ ᠤᠨ ᠬᠦᠴᠦᠳᠡᠢ ᠲᠡᠮᠵᠢᠯᠭᠡ ᠪᠠᠷ ᠬᠦᠭᠵᠢᠨ ᠲᠡᠯᠭᠡᠷᠡᠵᠦ᠂ | ᠦᠤᠰᠢᠨ ᠠᠳᠤᠭᠤᠨ ᠤ ᠬᠦᠭᠵᠢᠯᠳᠡ ᠨᠢ ᠴᠤ ᠶᠠᠭ ᠯᠠ ᠨᠤᠳᠤᠭ ᠤᠨ ᠡᠪᠤᠭᠡᠨ ᠬᠠᠶᠢᠯᠠᠰᠤ ᠰᠢᠭ ᠪᠣᠭᠤᠷᠣᠯᠳᠣᠵᠤ ᠶᠠᠪᠤᠭᠠ ᠨᠤᠳᠤᠭ ᠨᠤᠳᠤᠭ ᠤᠨ ᠠᠬᠠᠮᠠᠳ | ᠤᠶᠠᠭᠠᠴᠢᠳ ᠤᠨ ᠤᠳᠠᠭᠠᠨ ᠵᠢᠯ ᠤᠨ ᠪᠠᠷᠢᠮᠳᠠᠯᠠᠯ᠂ ᠴᠢᠷᠮᠠᠶᠢᠯᠭᠠ ᠠᠴᠠ ᠰᠡᠯᠵᠤ ᠴᠢᠳᠠᠰᠢ ᠦᠭᠡᠢ ᠪᠢᠯᠡ᠃ | | |