ᠮᠡᠩᠬᠠᠨ ᠳᠡᠭᠡᠷᠡ ᠪᠠᠨ ᠠᠯᠬᠤᠨ ᠭᠠᠷᠤᠯᠠ | ᠮᠠᠷᠭᠠᠰᠢ ᠶᠢᠨ ᠪᠠᠷᠠ ᠶᠢ ᠰᠤᠨᠢᠷᠬᠠᠨ ᠬᠠᠷᠠᠯᠠ | ᠮᠠᠨᠠᠷᠠᠵᠤ ᠪᠦᠷᠳᠥᠯᠵᠡᠬᠦ ᠠᠯᠤᠰ ᠤᠨ ᠵᠡᠷᠭᠡᠯᠭᠡᠨ | ᠨᠠᠮᠠ ᠶᠢ ᠨᠦᠢᠷ ᠠᠴᠠ ᠲᠠᠭᠤᠳᠠᠨ ᠰᠡᠷᠡᠭᠡᠯᠡ᠃ | | | ᠰᠠᠨᠠᠭᠠ ᠰᠡᠳᠭᠢᠯ ᠤᠨ ᠮᠢᠨᠢ ᠤᠶᠠᠭᠠᠰᠤ ᠪᠤᠯᠤᠭᠰᠠᠨ | ᠰᠠᠳᠤᠨ ᠠᠮᠠᠷᠠᠭ ᠴᠢᠮᠠ ᠪᠠᠨ ᠳᠤᠷᠠᠰᠬᠤ ᠳᠤ | ᠰᠠᠯᠬᠢᠨ ᠤ ᠴᠡᠪᠡᠷᠭᠡᠨ ᠢᠯᠪᠢᠯᠳᠠ ᠳᠤᠮᠳᠠᠬᠢ | ᠰᠠᠴᠤᠷᠠᠵᠤ ᠴᠡᠩᠭᠡᠷᠯᠡᠬᠦ ᠬᠦᠳᠡᠭᠡ ᠰᠢᠭ ᠪᠠᠶᠢᠨᠠᠮ᠃ | | | ᠪᠠᠭᠠ ᠶᠢᠨ ᠵᠢᠭᠠᠬᠠᠨ ᠨᠠᠰᠤ ᠭᠡᠮᠡᠭᠴᠢ | ᠪᠠᠯ ᠪᠤᠷᠠᠮ ᠤᠨ ᠰᠢᠮᠠᠳᠠᠢ ᠶᠤᠮ ᠰᠢᠦ | ᠪᠠᠭᠠᠳᠠᠯᠳᠤ ᠠᠮᠠᠷᠠᠭ ᠤᠨ ᠨᠠᠮᠤᠭᠤᠬᠠᠨ ᠰᠢᠪᠡᠨᠡᠭᠡ ᠭᠡᠭᠴᠢ | ᠪᠠᠶᠠᠯᠢᠭ ᠠᠮᠢᠳᠤᠷᠠᠯ ᠤᠨ ᠵᠠᠶᠠᠭᠠ ᠲᠠᠢ ᠳᠤᠷᠠᠳᠬᠠᠯ᠃ | | | ᠰᠤᠯᠢ ᠲᠠᠢ ᠦᠨᠳᠥᠷ ᠮᠠᠩᠬᠠᠨ ᠤᠷᠤᠢ ᠳᠤ | ᠰᠠᠷᠠᠪᠴᠢᠯᠠᠨ ᠰᠠᠷᠠᠪᠴᠢᠯᠠᠨ ᠰᠠᠭᠤᠯᠠ ᠪᠢ | ᠰᠠᠶᠢᠬᠠᠨ ᠠᠮᠠᠷᠠᠭ ᠴᠢᠮᠠ ᠪᠠᠨ ᠮᠦᠷᠥᠭᠡᠳᠥᠭᠰᠡᠨ ᠰᠡᠳᠭᠢᠯ | ᠰᠠᠯᠬᠢᠨ ᠳᠤ ᠨᠡᠭᠦᠭᠰᠡᠨ ᠡᠬᠦᠯᠡᠰ ᠠᠳᠠᠯᠢᠬᠠᠨ᠃ | | | ᠳᠤᠷᠠᠯᠠᠯ ᠬᠠᠶᠢᠷᠠ ᠶᠢᠨ ᠳᠤᠮᠤᠭᠠ ᠦᠭᠡᠢ ᠪᠤᠳᠤᠯ | ᠳᠤᠮᠳᠠᠭᠤᠷ ᠰᠠᠨᠠᠭᠠᠨ ᠤ ᠮᠢᠨᠢ ᠳᠤᠮᠢᠶᠠ ᠦᠭᠡᠢ ᠬᠦᠰᠡᠯ | ᠳᠤᠷᠳᠤᠩ ᠨᠤᠭᠤᠭᠠᠨ ᠳᠤᠷᠭᠠᠨ ᠠᠯᠴᠢᠭᠤᠷ ᠢ ᠴᠢᠨᠢ | ᠨᠠᠨᠳᠢᠩᠨᠠᠨ ᠬᠠᠳᠠᠭᠠᠯᠠᠵᠤ ᠯᠠ ᠶᠠᠪᠤᠭᠰᠠᠨ ᠶᠤᠮ᠃ | | | ᠡᠭᠡᠯᠵᠢᠯᠡᠬᠦ ᠡᠳᠥᠷ ᠬᠤᠨᠤᠭ ᠤᠨ ᠤᠷᠳᠤ ᠠᠶᠠᠨ ᠳᠤ | ᠡᠯᠡᠭᠳᠡᠵᠥ ᠰᠡᠮᠡᠷᠡᠨ ᠬᠠᠭᠤᠴᠢᠷᠠᠭᠰᠠᠨ ᠴᠤ | ᠡᠯᠢᠭᠡ ᠵᠢᠷᠥᠬᠡᠨ ᠳᠡᠭᠡᠨ ᠡᠩᠰᠡᠯᠭᠡᠨ ᠪᠠᠶᠢᠵᠤ | ᠡᠩᠭᠦᠷᠡᠶᠢᠯᠡᠵᠥ ᠪᠦᠪᠠᠶᠢᠯᠡᠨ ᠭᠠᠮᠨᠠᠭᠰᠠᠭᠠᠷ ᠡᠳᠥᠭᠡ ᠪᠤᠯᠵᠠᠢ᠃ | | | ᠴᠠᠯ ᠵᠠᠯᠠᠭᠤ ᠶᠢᠨ ᠦᠶᠡ ᠵᠢᠭᠤᠳᠠᠭᠰᠠᠨ ᠴᠤ | ᠴᠠᠶᠢᠵᠤ ᠪᠤᠭᠤᠷᠤᠯᠳᠤᠭᠰᠠᠨ ᠦᠰᠥ ᠳᠤᠯᠤᠭᠠᠢ | ᠴᠠᠢ ᠶᠢᠨ ᠰᠢᠭᠠᠷᠤ᠂ ᠴᠤᠮᠤ ᠲᠠᠢ ᠠᠷᠢᠬᠢ ᠮᠢᠨᠢ | ᠴᠠᠭᠯᠠᠰᠢ ᠦᠭᠡᠢ ᠤᠯᠠᠨ ᠲᠡᠤᠭᠡ ᠦᠭᠦᠯᠡᠨᠡ᠃ | | ᠰᠢᠷᠭᠠᠯᠳᠤᠨ ᠬᠠᠷᠠᠭᠳᠠᠬᠤ ᠬᠤᠯᠠ ᠶᠢᠨ ᠪᠠᠷᠠ | ᠰᠢᠵᠢᠷᠳᠤᠵᠤ ᠲᠤᠶᠠᠭᠠᠷᠠᠨ ᠤᠨᠢᠶᠠᠷ ᠳᠠᠳᠠᠨᠠ | ᠰᠢᠯᠵᠢᠰᠢ ᠦᠭᠡᠢ ᠪᠤᠴᠠᠭᠰᠠᠨ ᠵᠠᠯᠠᠭᠤ ᠨᠠᠰᠤ ᠮᠢᠨᠢ | ᠰᠠᠶᠠ ᠶᠢᠨ ᠭᠠᠵᠠᠷ ᠲᠤ ᠦᠯᠢᠭᠡᠷ ᠶᠠᠷᠢᠨᠠ᠃ | |