| ᠡᠵᠡᠨ ᠪᠣᠭᠳᠠ ᠴᠢᠩᠭᠢᠰ ᠬᠠᠭᠠᠨ ᠤ ᠰᠤᠷᠭᠠᠯ ᠠᠴᠠ ᠦᠭᠦᠯᠡᠭᠰᠡᠨ ᠢᠨᠦ᠄ ︽ᠲᠠᠯᠠ ᠶᠢᠨ ᠡᠪᠡᠰᠦᠨ ᠤ ᠰᠢᠷᠠ ᠰᠢᠮᠠᠭᠤᠯ ᠂ ᠬᠥᠬᠡ ᠲᠦᠷᠦᠬᠦᠦ ᠳᠤᠷ | ᠪᠣᠯᠪᠠᠴᠤ ᠮᠥᠨ ᠡᠭᠦᠰᠴᠦ ᠪᠦᠲᠦᠭᠰᠡᠨ ᠤᠴᠢᠷ ᠰᠢᠯᠲᠠᠭᠠᠨ ᠪᠤᠢ ᠪᠥᠭᠡᠲᠡᠯᠡ ᠠᠮᠢᠲᠠᠨ ᠤ ᠣᠬᠢ ᠬᠦᠮᠦᠨ ᠲᠦᠷᠦᠯᠬᠢᠲᠡᠨ ᠨᠢ ᠢᠵᠠᠭᠤᠷ ᠦᠨᠳᠦᠰᠦᠨ ᠤ ᠡᠬᠢ | ᠡᠭᠦᠰᠭᠡᠯ ᠦᠭᠡᠢ ᠪᠣᠯᠬᠤ ᠶᠣᠰᠣᠨ ᠪᠤᠶᠤ᠂ ᠲᠡᠭᠦᠨ ᠢᠶᠠᠨ ᠡᠰᠡ ᠮᠡᠳᠡᠪᠡᠰᠦ ᠬᠤᠷᠣᠬᠠᠢ ᠰᠢᠮᠠᠭᠤᠯ ᠳᠤ ᠴᠤ ᠦᠯᠦ ᠬᠦᠷᠬᠦ︾ ᠭᠡᠮᠡᠵᠦᠭᠦᠢ ︵ᠹ᠊ · ᠪᠥᠬᠡ ︽ᠮᠣᠩᠭᠤᠯ | ᠠᠶᠢᠮᠠᠭ ︿ᠣᠪᠣᠭ﹀ ᠤᠨ ᠤᠯᠠᠮᠵᠢᠯᠠᠭᠳᠠᠯ ᠤᠨ ᠲᠤᠬᠠᠢ ᠮᠥᠴᠢᠳ ᠣᠶᠢᠯᠠᠭᠠᠯᠲᠠ︾᠂ ᠦᠪᠦᠷ ᠮᠤᠩᠭᠤᠯ ᠤᠨ ᠡᠳᠦᠷ ᠤᠨ ᠰᠤᠨᠢᠨ᠂ 1988. 04.05︶᠃ ︽ | ᠤᠷᠴᠢᠯᠠᠩ ᠤᠨ ᠳᠡᠭᠡᠷᠠ ᠬᠦᠮᠥᠨ ᠤ ᠡᠷᠬᠡᠲᠡᠨ ᠴᠣᠭᠴᠠ ᠶᠢ ᠠᠪᠤᠨ ᠲᠦᠷᠥᠭᠡᠳ᠂ ᠦᠪᠡᠷ ᠤᠨ ᠤᠭ ᠦᠨᠳᠦᠰᠦ ᠤᠪᠣᠭ ᠢᠵᠠᠭᠤᠷ ᠢᠶᠠᠨ ᠡᠰᠡ ᠮᠡᠳᠡᠪᠡᠰᠦ᠂ ᠶᠡᠭᠡ | ᠬᠡᠭᠡᠷᠠ᠂ ᠭᠦᠨ ᠤᠢ ᠶᠢᠨ ᠳᠣᠲᠣᠷᠠᠬᠢ ᠬᠡᠳᠡᠷ ᠰᠡᠷᠪᠡᠭᠡᠷ ᠬᠠᠳᠠ ᠬᠠᠶᠢᠷᠬᠠᠨᠠ ᠤᠷᠣᠰᠢᠬᠤ ᠮᠣᠷᠢᠨ ᠰᠠᠷᠮᠠᠭᠴᠢᠨ ᠠᠴᠠ ᠦᠭᠡᠷᠠ ᠶᠠᠮᠪᠠᠷ ᠢᠯᠭᠠᠯ ᠪᠤᠢ ᠠᠵᠢ︾ ᠭᠡᠵᠦ | ᠭᠤᠷᠪᠠᠳᠤᠭᠠᠷ ᠳᠠᠯᠠᠢ ᠯᠠᠮᠠ ᠶᠣᠨᠳᠣᠨᠵᠠᠮᠰᠤ ᠦᠭᠦᠯᠡᠭᠰᠡᠨ ᠪᠠᠶᠢᠳᠠᠭ ᠡ᠃ ᠮᠦᠨ ᠴᠤ ᠶᠡᠭᠡ ᠶᠤᠧᠠᠨ ᠤᠯᠤᠰ ᠤᠨ ᠮᠠᠨᠳᠤᠭᠰᠠᠨ ᠲᠦᠷᠥ ᠶᠢᠨ ᠬᠦᠬᠡ ᠰᠤᠳᠤᠷ ᠤᠨ | ᠨᠢᠭᠡᠨ ᠢᠵᠢ ᠲᠣᠪᠴᠢᠲᠤ ᠲᠤᠯᠲᠤ ᠶᠢᠨ ᠭᠤᠳᠠᠭᠠᠷ ᠠᠩᠭᠢ ᠳᠤ ︽ᠬᠤᠶᠠᠷ ᠨᠢᠳᠦ ᠪᠦᠯᠳᠡᠶᠢᠵᠦ ᠪᠠᠶᠢᠭᠠᠳ ᠦᠪᠡᠷ ᠤᠨ ᠤᠭ᠂ ᠦᠨᠳᠦᠰᠦᠲᠡᠨ ᠤ ᠲᠡᠦᠬᠡ ᠪᠢᠴᠢᠭ | ᠪᠠ ᠴᠠᠳᠢᠭ ᠰᠤᠳᠤᠷ ᠢᠶᠠᠨ ᠦᠯᠦ ᠦᠵᠡᠨ᠂ ᠦᠷᠡᠳᠦᠰ ᠳᠡᠭᠡᠳᠦᠰ ᠤᠭᠰᠠᠭᠠ ᠡᠰᠢ ᠪᠠᠨ ᠦᠯᠦ ᠮᠡᠳᠡᠪᠡᠯ᠂ ᠬᠦᠮᠥᠨ ᠭᠡᠵᠦ ᠭᠡᠯᠡᠭᠡᠳ ᠶᠠᠭᠠᠬᠢᠬᠤ ᠪᠤᠢ︕︾ | ᠭᠡᠰᠡᠨ ᠪᠠᠶᠢᠳᠠᠭ᠃ ᠲᠡᠶᠢᠮᠦ᠂ ᠪᠢᠳᠡ ᠬᠦᠮᠥᠨ ᠭᠡᠵᠦ ᠲᠦᠷᠥᠭᠡᠳ ᠦᠪᠡᠷ ᠤᠨ ᠤᠭ ᠤᠳᠤᠮ᠂ ᠲᠡᠦᠬᠡ ᠭᠠᠷᠤᠯ ᠢᠶᠠᠨ ᠮᠡᠳᠡᠬᠦ ᠶᠣᠰᠤᠲᠠᠢ ᠪᠤᠢ᠃ ᠤᠪᠤᠭ ᠪᠤᠯ | ᠬᠦᠮᠦᠨ ᠲᠦᠷᠦᠯᠬᠢᠲᠡᠨ ᠤ ᠨᠡᠶᠢᠬᠡᠮ ᠤᠨ ᠬᠦᠭᠵᠢᠯᠳᠡ ᠶᠢ ᠬᠠᠷᠠᠭᠤᠯᠤᠭᠰᠠᠨ ᠰᠤᠶᠤᠯ ᠤᠨ ᠦᠵᠡᠭᠳᠡᠯ ᠮᠦᠨ᠃ ᠳᠡᠯᠡᠬᠡᠢ ᠶᠢᠨ ᠣᠯᠠᠨ ᠡᠷᠳᠡᠮᠳᠡᠨ ᠰᠤᠳᠤᠯᠭᠠᠳᠠᠨ ᠨᠠᠷ | ᠮᠤᠩᠭᠤᠯ ᠤᠪᠤᠭ ᠤᠨ ᠳᠤᠬᠠᠢ ᠠᠯᠢ ᠡᠷᠳᠡᠨ ᠠᠴᠠ ᠰᠤᠳᠤᠯᠭᠠ ᠬᠢᠵᠦ᠂ ᠲᠡᠷᠡ ᠳᠤᠬᠠᠢ ᠲᠡᠦᠬᠡ ᠲᠡᠮᠳᠡᠭᠯᠡᠯ ᠤᠳ ᠢ ᠦᠯᠡᠳᠡᠭᠡᠵᠡᠢ᠃ ᠮᠤᠩᠭᠤᠯᠴᠤᠳ ᠠᠯᠢ | ᠢᠵᠠᠭᠤᠷ ᠠᠴᠠ ᠪᠠᠨ ᠠᠪᠤᠭᠠᠳ ᠦᠪᠡᠷ ᠤᠨ ᠤᠭ ᠭᠠᠷᠤᠯ᠂ ᠤᠳᠤᠮ ᠤᠭᠰᠠᠭᠠ᠂ ᠤᠪᠤᠭ ᠶᠠᠰᠤᠳᠠᠨ ᠢᠶᠠᠨ ᠡᠷᠬᠢᠮᠨᠡᠨ ᠦᠵᠡᠵᠦ᠂ ᠦᠶᠡ ᠶᠢᠨ ᠦᠶᠡ ᠳᠤᠳᠤᠷᠬᠠᠢ | ᠣᠯᠠᠮᠵᠢᠯᠠᠵᠤ ᠶᠠᠪᠤᠳᠠᠭ ᠢ ᠠᠩᠬᠠᠷᠳᠠᠭ ᠪᠠᠶᠢᠭᠰᠠᠨ ᠨᠢ ᠦᠨᠡᠨ᠃ ᠶᠠᠰᠤ ᠣᠪᠣᠭ ᠢᠶᠠᠨ ᠰᠠᠶᠢᠨ ᠮᠡᠳᠡᠵᠦ ᠪᠠᠶᠢᠬᠤ ᠶᠢᠨ ᠠᠰᠢᠭᠲᠠᠢ ᠲᠠᠯᠠ ᠶᠢ ᠳᠤᠷᠠᠳᠪᠠᠯ᠂ ︽ᠣᠶᠢᠷᠠ | ᠲᠥᠷᠥᠯ ᠴᠢᠰᠦ ᠣᠶᠢᠷᠠᠳᠬᠤ ᠦᠭᠡᠢ ᠪᠠᠶᠢᠬᠤ ᠳᠤ ᠠᠰᠢᠭᠲᠠᠢ ᠂ ᠣᠪᠣᠭ ᠨᠡᠷᠡ ᠪᠠᠨ ᠡᠮᠦᠨᠡ ᠨᠢ ᠬᠡᠷᠡᠭᠯᠡᠪᠡᠯ ᠬᠦᠮᠦᠨ ᠤ ᠨᠡᠷᠡ ᠲᠠᠢ ᠳᠠᠪᠬᠤᠷᠳᠠᠬᠤ | ᠲᠣᠬᠢᠶᠠᠯᠳᠤᠯ ᠠᠴᠠ ᠵᠠᠶᠢᠯᠠᠰᠬᠢᠬᠦ ᠪᠤᠶᠤ ᠴᠥᠭᠡᠷᠡᠭᠦᠯᠵᠦ ᠴᠢᠳᠠᠬᠤ ᠳᠤ ᠠᠰᠢᠭᠲᠠᠢ᠃ ᠤᠳᠤᠮᠰᠢᠯ ᠤᠨ ᠡᠪᠡᠳᠴᠢᠨ ᠠᠴᠠ ᠵᠠᠶᠢᠯᠠᠰᠭᠢᠵᠦ᠂ ᠬᠡᠦᠬᠡᠳ ᠤᠨ ᠪᠡᠶᠡ ᠶᠢᠨ | ᠡᠷᠡᠭᠦᠯ ᠮᠡᠨᠳᠦ ᠳᠤ ᠠᠰᠢᠭᠲᠠᠢ᠃ ᠤᠳᠤᠮ ᠤᠭᠰᠠᠭᠠ ᠪᠠᠨ ᠮᠠᠷᠲᠠᠬᠤ ᠦᠭᠡᠢ ᠪᠤᠯ ᠦᠶᠡ ᠳᠠᠮᠵᠢᠨ ᠤᠯᠠᠮᠵᠢᠯᠠᠬᠤ ᠳᠤ ᠠᠰᠢᠭᠲᠠᠢ ᠪᠠᠶᠢᠳᠠᠭ︾ ᠭᠡᠬᠦ ᠵᠡᠷᠭᠡ ᠪᠠᠷ | ᠡᠷᠳᠡᠮᠲᠡᠨ ᠮᠡᠷᠭᠡᠳ ᠰᠠᠶᠢᠲᠤᠷ ᠣᠨᠣᠭᠠᠨ ᠥᠭᠦᠯᠡᠭᠰᠡᠨ ᠪᠠᠶᠢᠳᠠᠭ᠃ ᠤᠪᠤᠭ ᠤᠨ ᠳᠤᠬᠠᠢ ᠮᠠᠨ ᠤ ᠣᠯᠣᠰ ᠤᠨ ᠣᠯᠠᠨ ᠠᠷᠪᠢᠨ ᠡᠷᠳᠡᠮᠳᠡᠨ ᠰᠤᠳᠤᠯᠤᠭᠠᠴᠢᠳ | ᠶᠠᠩᠵᠤ ᠪᠦᠷᠢ ᠶᠢᠨ ᠰᠤᠳᠤᠯᠭᠠ ᠬᠢᠵᠦ ᠬᠠᠶᠢᠨ ᠰᠢᠨᠵᠢᠯᠡᠭᠰᠡᠨ ᠪᠠᠶᠢᠳᠠᠭ᠃ ᠵᠢᠱᠢᠶᠡᠯᠡᠬᠦ ᠳᠤ ᠭ᠊ · ᠵᠢᠷᠭᠠᠯᠰᠠᠶᠢᠬᠠᠨ ᠤ ᠪᠢᠴᠢᠭᠰᠡᠨ ︽ᠮᠤᠩᠭᠤᠯᠴᠤᠳ ᠤᠨ | ᠤᠪᠤᠭ ᠢᠶᠠᠨ ᠦᠩᠬᠡ ᠵᠢᠰᠤ ᠪᠠᠷ ᠪᠡᠯᠬᠡᠳᠡᠨ ᠨᠡᠷᠡᠯᠡᠳᠡᠭ ᠳᠤᠬᠠᠢ︾ ᠬᠡᠮᠡᠬᠦ ᠡᠷᠳᠡᠮ ᠰᠢᠨᠵᠢᠯᠡᠬᠡᠨ ᠤ ᠦᠬᠦᠯᠡᠯ᠂ ᠮᠠᠨᠳᠤᠬᠤ ᠶᠢᠨ ︽ ᠮᠤᠩᠭᠤᠯᠴᠤᠳ ᠤᠨ ᠤᠪᠤᠭ | ᠨᠡᠷᠡ ᠶᠢᠨ ᠤᠴᠢᠷ︾ ᠭᠡᠮᠡᠬᠦ ᠡᠷᠳᠡᠮ ᠰᠢᠨᠵᠢᠯᠡᠬᠡᠨ ᠤ ᠦᠬᠦᠯᠡᠯ᠂ ᠠᠯᠳᠠᠳ ᠲᠡᠮᠪᠡ ᠶᠢᠨ ︽ ᠮᠤᠩᠭᠤᠯ ᠤᠪᠤᠭ ᠢᠶᠠᠨ ᠪᠠᠶᠢᠩᠭᠤ ᠬᠡᠷᠡᠭᠯᠡᠬᠦ ᠳᠤᠬᠠᠢ ᠤᠴᠢᠷᠯᠠᠬᠤ ᠨᠢ︾ | ᠡᠷᠳᠡᠮ ᠰᠢᠨᠵᠢᠯᠡᠬᠡᠨ ᠤ ᠦᠬᠦᠯᠡᠯ ᠵᠢᠴᠢ ᠤᠷᠢᠬᠠᠨ ᠪᠤᠯᠤᠨ ᠵᠤᠭᠠᠴᠢᠨ ᠨ᠊ · ᠨᠠᠳᠮᠢᠳ ᠤᠨ ︽ᠮᠢᠩᠭᠠᠨ ᠤᠪᠤᠭ︾ ᠤᠨ ᠬᠠᠷᠢᠴᠠᠭᠤᠯᠤᠯ ᠨᠣᠮ᠂ ᠮᠢᠩᠭᠠᠳ ᠱ᠊ · | ᠲᠦᠩᠰᠢᠩ ᠤᠨ ︽ᠮᠤᠩᠭᠤᠯ ᠤᠪᠤᠭ ᠤᠨ ᠳᠤᠪᠴᠢᠶᠠᠨ︾ ᠨᠣᠮ᠂ ᠰᠤᠯᠤᠩᠭᠤᠳ ᠪ᠊ · ᠪᠤᠶᠠᠨ ᠤ ︽ᠤᠷᠳᠤᠰ ᠮᠤᠩᠭᠤᠯ ᠤᠪᠤᠭ ᠤᠨ ᠳᠤᠬᠠᠢ ᠬᠠᠶᠢᠯᠳᠠ︾ ᠨᠣᠮ᠂ | ᠰᠣᠨᠣᠮ ᠪᠤᠯᠤᠨ ᠤᠷᠢᠬᠠᠨ ᠤ ︽ᠮᠤᠩᠭᠤᠯ ᠤᠪᠤᠭ ᠤᠨ ᠪᠦᠷᠢᠳᠭᠡᠯ︾ ᠨᠤᠮ᠂ ᠪᠤᠤ ᠰᠢ ᠪᠤᠯᠤᠨ ᠪᠤᠶᠠᠨᠬᠦᠦ ᠶᠢᠨ ︽ᠮᠤᠩᠭᠤᠯ ᠤᠪᠤᠭ ᠤᠨ ᠤᠴᠢᠷ︾ ᠨᠤᠮ᠂ | ᠮᠢᠩᠭᠠᠳ ᠱ᠊ · ᠲᠦᠩᠰᠢᠩ ᠤᠨ ︽ᠴᠠᠬᠠᠷ ᠮᠤᠩᠭᠤᠯ ᠤᠪᠤᠭ ᠤᠨ ᠴᠢᠭᠤᠯᠭᠠᠨ︾ ᠨᠤᠮ᠂ ᠰᠤᠨᠤᠮ ᠪᠤᠯᠤᠨ ᠪᠠᠶᠠᠨ ᠤ ︽ᠮᠤᠩᠭᠤᠯ ᠤᠪᠤᠭ ᠤᠨ ᠲᠡᠬᠦᠪᠦᠷᠢ︾ ᠨᠤᠮ | ᠵᠡᠷᠭᠡ ᠶᠢ ᠲᠤᠷᠠᠳᠴᠤ ᠪᠤᠯᠤᠨᠠ᠃ | ᠮᠢᠩᠭᠠᠳ ᠱ᠊ · ᠳᠦᠩᠰᠢᠭ ᠤᠨ ︽ᠮᠤᠩᠭᠤᠯ ᠤᠪᠤᠭ ᠤᠨ ᠲᠤᠪᠴᠢᠶᠠᠨ︾ ᠨᠤᠮ ᠳᠤ ᠦᠭᠡ ᠶᠢᠨ ᠢᠵᠠᠭᠤᠷ ᠦᠷᠦ᠂ ᠦᠷᠯᠥ᠋ᠭ ᠬᠡᠬᠦ ᠦᠭᠡ ᠶᠢ ᠦᠷᠦ | ᠵᠢᠷᠦᠭᠡᠨ ᠤ᠂ ᠦᠷᠤ ᠲᠤᠳᠤᠨᠤ ᠶᠢᠨ ᠬᠡᠮᠡᠬᠦ ᠦᠬᠡᠨ ᠠᠴᠠ ᠡᠬᠦᠰᠦᠭᠰᠡᠨ ᠭᠡᠳᠡᠭ ᠲᠤᠯᠠ ᠲᠠᠳᠡᠭᠡᠷ ᠦᠷᠯᠦ᠋ᠭ ᠤᠳ ᠪᠤᠯ ᠮᠤᠩᠭᠤᠯ ᠤᠨ ᠬᠠᠭᠠᠨ ᠤ ᠰᠢᠳᠠᠷ ᠳᠤᠳᠤᠨᠤ | ᠨᠦᠭᠦᠳ ᠪᠤᠯᠬᠤ ᠠᠵᠢ᠃ ᠥᠷᠯᠥ᠋ᠬᠦᠳ ᠪᠤᠯ ᠦᠷᠦ ᠶᠢᠨ ᠣᠯᠠᠨ ᠳᠤᠭᠠ ᠶᠢ ᠢᠯᠡᠳᠭᠡᠭᠰᠡᠨ ᠬᠡᠯᠪᠡᠷᠢ ᠪᠤᠯᠤᠨᠠ᠃ ᠪᠠᠰᠠ ᠳᠠᠶᠢᠴᠢᠨ ᠪᠠᠭᠠᠳᠤᠷ ᠭᠡᠮᠡᠬᠦ ᠤᠳᠭᠠ ᠲᠠᠢ | ᠃ ᠮᠤᠩᠭᠤᠯ ᠤᠭᠰᠠᠭᠠᠲᠠᠨ ᠲᠠᠶᠢᠨ ᠲᠤᠯᠤᠯᠳᠤᠭᠠᠨ ᠳᠤ ᠡᠷᠡᠯᠬᠡᠭ ᠪᠠᠭᠠᠳᠤᠷᠯᠢᠭ᠂ ᠦᠯᠡᠮᠵᠢ ᠭᠠᠪᠢᠶᠠ ᠵᠢᠳᠭᠦᠯ ᠭᠠᠷᠭᠠᠭᠰᠠᠨ ᠭᠦᠮᠦᠨ ᠳᠤ ᠦᠷᠯᠦ᠋ᠭ ᠴᠤᠯᠠ | ᠣᠯᠭᠤᠳᠠᠭ ᠪᠠᠶᠢᠵᠠᠢ᠃ ᠦᠷᠯᠥ᠋ᠭ ᠴᠣᠯᠠᠲᠠᠨ ᠤ ᠦᠷᠡ ᠬᠤᠶᠢᠴᠢᠰ ︽ᠦᠷᠯᠦ᠋ᠭᠦᠳ︾ ᠤᠪᠤᠭᠲᠠᠨ ᠪᠤᠯᠪᠠ᠃ ᠦᠷᠯᠦ᠋ᠭᠦᠳ ᠤᠪᠤᠭᠲᠠᠨ ᠦᠪᠡᠷᠰᠡᠳ ᠢ ᠪᠠᠨ | ᠴᠢᠩᠬᠢᠰ ᠬᠠᠭᠠᠨ ᠤ ᠦᠶᠡ ᠶᠢᠨ ᠵᠢᠦᠨ ᠦᠷᠯᠦ᠋ᠭ ᠵᠠᠩᠵᠤᠨ ᠤ ᠨᠡᠷᠡᠶᠢᠳᠦᠯ ᠠᠴᠠ ᠢᠷᠡᠯ ᠲᠠᠢ ᠭᠡᠳᠡᠭ ᠶᠤᠮ᠃ ᠰᠠᠭᠠᠩ ᠰᠡᠴᠡᠨ ᠤ ︽ᠡᠷᠳᠡᠨᠢ ᠶᠢᠨ ᠲᠤᠪᠴᠢ︾ | ᠳᠠᠭᠠᠨ ᠪᠤᠭᠤᠷᠴᠤ ᠵᠢᠦᠨ ᠦᠷᠯᠦ᠋ᠭ ᠤᠨ ᠲᠦᠷᠦᠭᠦᠦ᠂ ᠵᠢᠦᠨ ᠠᠶᠢᠮᠠᠭ ᠤᠨ ᠠᠬᠠᠯᠠᠭᠴᠢ ᠬᠡᠵᠦ ᠲᠡᠮᠳᠡᠭᠯᠡᠭᠰᠡᠨ ᠪᠠᠶᠢᠳᠠᠭ᠃ ︽ ᠴᠢᠩᠬᠢᠰ ᠬᠠᠭᠠᠨ ᠤ ᠨᠢᠮᠠᠨ ᠴᠠᠭᠠᠨ | ᠤᠷᠳᠤ︾ ᠳᠤ ︽ᠬᠦᠯᠦ᠋ᠭ ᠪᠤᠭᠤᠷᠴᠤ᠂ ᠬᠦᠯᠦ᠋ᠭ ᠮᠤᠬᠤᠯᠠᠢ᠂ ᠪᠤᠷᠤᠬᠤᠯ᠂ ᠰᠢᠬᠢᠬᠤᠳᠤᠭ᠂ ᠵᠡᠯᠮᠡ᠂ ᠵᠡᠪᠡ᠂ ᠴᠤᠤ ᠮᠡᠷᠭᠡᠨ᠂ ᠤᠶᠢᠷᠡᠳ ᠤᠨ ᠬᠠᠷᠠ ᠬᠢᠷᠤ᠂ | ᠰᠤᠷᠬᠠᠨ ᠰᠢᠷᠠ ᠵᠡᠷᠭᠡ ᠵᠢᠦᠨ ᠬᠦᠯᠦ᠋ᠭ ᠤᠨ ᠦᠷᠡ︾ ᠬᠡᠵᠦ ᠲᠤᠳᠤᠷᠬᠠᠶᠢᠯᠠᠪᠠ᠃ ᠤᠷᠳᠤᠰ ᠲᠠᠬᠢ ᠦᠷᠯᠦ᠋ᠭᠦᠳ ᠤᠪᠤᠭᠲᠠᠨ ᠤ ᠦᠷᠡ ᠬᠤᠶᠢᠴᠢᠰ ᠲᠤᠯᠤᠢ | ᠡᠵᠡᠨ ᠤ ᠲᠠᠬᠢᠯᠭᠠ ᠶᠢᠨ ᠴᠠᠭᠠᠨ ᠬᠡᠷ ᠲᠤ ᠠᠯᠪᠠ ᠠᠵᠢᠯ ᠬᠦᠢᠴᠡᠳᠭᠡᠵᠦ ᠲᠤᠯᠤᠢ ᠡᠵᠡᠨ ᠤ ᠲᠦᠷᠢ ᠶᠢ ᠲᠡᠬᠢᠵᠤ ᠰᠢᠳᠦᠭᠰᠡᠭᠡᠷ ᠢᠷᠡᠵᠡᠢ᠃ ᠲᠠᠷᠬᠠᠯᠲᠠ ᠪᠠ | ᠳᠠᠭᠤᠳᠠᠯᠭᠠ ᠪᠢᠴᠢᠯᠬᠡ ᠶᠢᠨ ᠬᠤᠪᠢᠷᠠᠯ ᠭᠡᠪᠡᠯ ᠥᠷᠯᠦ᠋ᠭᠦᠳ᠂ ᠦᠷᠯᠦ᠋ᠬᠦᠨ᠂ ᠦᠷᠯᠦ᠋ᠭ ᠤᠳ᠂ ᠠᠯᠳᠠᠨ ᠶᠠᠰᠤᠨ ᠥᠷᠯᠦ᠋ᠭᠦᠳ᠂ ᠥᠷᠯᠦ᠋ᠰ᠂ ᠥᠷᠯᠥ᠋ᠳ᠂ | ᠥᠷᠯᠦ᠋ᠳ ᠣᠩᠬᠤᠳ᠂ ᠶᠡᠭᠡ ᠥᠷᠯᠦ᠋ᠭᠦᠳ ᠵᠡᠷᠬᠡ᠃ ᠤᠳᠤᠭ ᠤᠨ ᠡᠮᠦᠨᠡᠳᠤ ᠬᠤᠰᠢᠭᠤ ᠪᠠᠷ ᠶᠡᠭᠡ ᠥᠷᠯᠦ᠋ᠭᠦᠳ᠂ ᠬᠠᠨᠭ᠍ᠬᠢᠨ ᠬᠤᠰᠢᠭᠤ᠂ ᠡᠵᠡᠨ ᠬᠤᠷᠤᠭᠠ | ᠬᠤᠰᠢᠭᠤᠨ ᠤ ᠵᠠᠰᠠᠭ ᠰᠣᠮᠣ᠂ ᠬᠤᠳᠣᠩ ᠤᠨ ᠰᠦᠮᠡ ᠰᠣᠮᠣ ᠪᠠᠷ ᠦᠷᠯᠦ᠋ᠭᠦᠳ᠂ ᠠᠯᠳᠠᠨ ᠥᠷᠯᠦ᠋ᠭᠦᠳ᠂ ᠦᠷᠯᠦ᠋ᠰ᠂ ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠤᠨ | ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤ ᠪᠠᠷ ᠦᠷᠯᠦ᠋ᠳ᠂ ᠥᠷᠯᠦ᠋ᠭᠦᠳ᠂ ᠮᠤᠩᠭᠤᠯ ᠣᠯᠣᠰ ᠤᠨ ᠳᠦᠪ ᠠᠶᠢᠮᠠᠭ ᠤᠨ ᠮᠦᠩᠭᠦᠨᠮᠤᠷᠢᠲᠤ ᠰᠣᠮᠣ᠂ ᠵᠢᠷᠭᠠᠯᠠᠩᠲᠤ | ᠰᠣᠮᠣ ᠪᠠᠷ ᠦᠷᠯᠦ᠋ᠳ᠂ ᠰᠡᠯᠡᠩᠭᠡ ᠠᠶᠢᠮᠠᠭ ᠤᠨ ᠤᠷᠬᠤᠨ᠂ ᠳᠤᠤᠯᠠ ᠰᠣᠮᠣ ᠪᠠᠷ ᠦᠷᠯᠦ᠋ᠳ᠂ ᠭᠤᠪᠢ ᠠᠯᠳᠠᠢ ᠠᠶᠢᠮᠠᠭ ᠤᠨ ᠪᠠᠶᠠᠨ ᠠᠭᠤᠯᠠ ᠰᠣᠮᠣ ᠪᠠᠷ | ᠦᠷᠯᠦ᠋ᠭᠦᠳ᠂ ᠬᠦᠪᠰᠦᠭᠦᠯ ᠠᠶᠢᠮᠠᠭ ᠤᠨ ᠵᠢᠷᠭᠠᠯᠠᠩᠲᠤ ᠰᠣᠮᠣ ᠪᠠᠷ ᠦᠷᠯᠦ᠋ᠳ ᠣᠩᠬᠤᠳ᠂ ᠲᠤᠷᠤᠨᠠᠳᠤ ᠠᠶᠢᠮᠠᠭ ᠤᠨ ᠴᠠᠭᠠᠨ ᠤᠪᠤᠭᠠ ᠰᠣᠮᠣ ᠪᠠᠷ ᠦᠷᠯᠦ᠋ᠰ | ᠤᠪᠤᠭᠲᠠᠨ ᠵᠦᠩᠳᠡᠭᠡᠨ ᠦᠷᠭᠡᠨ ᠲᠠᠷᠬᠠᠵᠤ ᠪᠤᠢ᠃ ᠪᠠᠶᠠᠨ ᠦᠯᠦ᠋ᠬᠡᠢ ᠠᠶᠢᠮᠠᠭ ᠤᠨ ᠲᠡᠯᠢᠬᠦᠨ ᠰᠤᠮᠤ ᠪᠠᠷ ᠦᠷᠯᠦ᠋ᠬᠦᠨ ᠬᠡᠳᠡᠭ᠃ | ᠵᠤᠭᠠᠴᠢᠨ ᠨ᠊ · ᠨᠠᠳᠮᠢᠳ ᠪᠤᠯᠤᠨ ᠤᠷᠢᠬᠠᠨ ᠤ ᠨᠠᠶᠢᠷᠠᠭᠤᠯᠤᠭᠰᠠᠨ ︽ᠮᠢᠩᠭᠠᠨ ᠤᠪᠤᠭ︾ ᠤᠨ ᠲᠠᠶᠢᠯᠪᠤᠷᠢ ᠨᠤᠮ ᠳᠤ ᠦᠷᠯᠦ᠋ᠬᠦᠳ ᠢ ᠪᠠᠰᠠ | ᠦᠷᠦᠯᠤᠳ᠂ ᠦᠷᠨᠢᠬᠦᠳ᠂ ᠦᠷᠯᠡᠬᠦᠳ᠂ ᠦᠷᠯᠢᠬᠦᠳ᠂ ᠦᠷᠯᠦ᠋ᠬᠡᠳ᠂ ᠦᠷᠯᠦ᠋ᠭ ᠤᠳ᠂ ᠦᠷᠯᠦ᠋ᠳ ᠭᠡᠬᠦ ᠵᠡᠷᠭᠡ ᠪᠠᠷ ᠪᠢᠴᠢᠭᠰᠡᠨ ᠪᠠᠶᠢᠳᠠᠭ᠃ ᠴᠢᠩᠬᠢᠰ | ᠬᠠᠭᠠᠨ ᠤ ᠪᠢᠯᠢᠭ ᠰᠤᠷᠭᠠᠯ ᠳᠤ᠄ ︽ᠮᠤᠷᠢᠳ ᠲᠠᠷᠭᠤ ᠬᠦᠴᠦᠳᠡᠢ ᠪᠠᠶᠢᠬᠤ ᠳᠤ ᠲᠦᠷᠭᠡᠨ ᠲᠠᠪᠬᠢᠵᠤ ᠴᠢᠳᠠᠪᠠᠰᠤ᠂ ᠶᠡᠷᠤ ᠶᠢᠨ ᠲᠠᠷᠭᠤ ᠲᠠᠢ ᠪᠤᠶᠤ ᠲᠤᠷᠠᠩᠬᠠᠢ | ᠪᠠᠶᠢᠬᠤ ᠳᠤ ᠮᠦᠨ ᠪᠠᠰᠠ ᠲᠦᠷᠬᠡᠨ ᠲᠠᠪᠬᠢᠵᠤ ᠴᠢᠳᠠᠪᠠᠰᠤ ᠲᠠᠷᠤᠢ ᠦᠷᠯᠦ᠋ᠭ ᠰᠠᠶᠢᠨ ᠮᠤᠷᠢ ᠭᠡᠮᠡᠨ ᠲᠤᠭᠠᠴᠠᠭᠳᠠᠮᠤᠢ︾ ᠭᠡᠵᠡᠢ᠃ ᠪᠠᠰᠠ ᠯᠤᠪᠰᠠᠨᠳᠠᠨᠵᠢᠨ ᠤ ︽ | ᠠᠯᠳᠠᠨ ᠳᠤᠪᠴᠢ︾ ᠳᠤ ᠪᠤᠭᠳᠠ ᠡᠵᠡᠨ ᠤ ᠲᠦᠷᠤ ᠶᠢᠨ ᠲᠦᠰᠢᠶᠡ ᠬᠦᠯᠦ᠋ᠭ ᠮᠡᠳᠤ ᠵᠢᠦᠨ ᠦᠷᠯᠦ᠋ᠭ ᠬᠡᠵᠦ ᠪᠠᠶᠢᠳᠠᠭ᠃ ᠲᠡᠬᠦᠨᠴᠢᠯᠡᠨ ᠳ᠋ᠠᠮᠪᠠ ᠶᠢᠨ ︽ᠮᠤᠩᠭᠤᠯ | ᠲᠡᠦᠬᠡ︾ ᠶᠢᠨ ᠨᠤᠮ ᠳᠤ ᠤᠮᠠᠷᠠᠳᠤ ᠶᠤᠸᠠᠨ ᠤᠯᠤᠰ ᠤᠨ ᠦᠶᠡ ᠳᠤ ᠦᠷᠯᠦ᠋ᠭ ᠭᠡᠬᠦ ᠡᠷᠬᠦᠮᠵᠢᠯᠡᠯ ᠴᠤᠯᠠ ᠶᠢ ᠨᠡᠶᠢᠳᠡᠮ ᠬᠡᠷᠡᠭᠯᠡᠵᠦ ᠪᠠᠶᠢᠪᠠ ᠭᠡᠵᠦ ᠲᠡᠮᠳᠡᠭᠯᠡᠭᠰᠡᠨ | ᠪᠠᠶᠢᠳᠠᠭ᠃ ᠦᠷᠯᠦ᠋ᠬᠦᠳ ᠤᠪᠤᠭ ᠨᠢ ᠲᠡᠭᠡᠳᠦᠰ ᠤᠨ ᠢᠶᠠᠨ ᠬᠡᠷᠬᠡᠮ ᠴᠤᠯᠠ ᠶᠢᠨ ᠨᠡᠷᠡᠶᠢᠳᠦᠯ ᠢᠶᠠᠷ ᠤᠪᠤᠭᠰᠢᠭᠰᠠᠨ ᠤᠪᠤᠭ ᠪᠤᠯᠤᠨᠠ᠃ ᠦᠷᠯᠦ᠋ᠬᠦᠳ ᠨᠢ | ᠦᠷᠯᠦ᠋ᠭ ᠤᠨ ᠣᠯᠠᠨ ᠳᠤᠭᠠ ᠶᠢ ᠢᠯᠡᠳᠭᠡᠭᠰᠡᠨ ᠬᠡᠯᠪᠡᠷᠢ ᠪᠤᠯᠤᠨᠠ᠃ ᠦᠷᠯᠦ᠋ᠬᠦᠳ ᠤᠪᠤᠭ ᠤᠨ ᠳᠤᠳᠤᠷᠠ ᠪᠠᠨ ᠪᠠᠰᠠ ᠠᠯᠳᠠᠨ ᠶᠠᠰᠣᠨ ᠤ ᠦᠷᠯᠦ᠋ᠬᠦᠳ᠂ ᠶᠡᠭᠡ | ᠦᠷᠯᠦ᠋ᠬᠦᠳ ᠬᠡᠵᠦ ᠢᠯᠭᠠᠨ ᠤᠪᠤᠭᠯᠠᠳᠠᠭ ᠶᠤᠮ᠃ ᠦᠷᠯᠦ᠋ᠬᠦᠳ ᠢ ᠬᠢᠳᠠᠳ ᠢᠶᠠᠷ ︽额尔鲁特︾ ᠪᠠ ︽乌尔鲁古德︾ ᠬᠡᠵᠦ | ᠬᠡᠯᠡᠵᠦ ᠪᠤᠢ᠃ ᠦᠷᠯᠦ᠋ᠬᠦᠳ ᠤᠪᠤᠭᠳᠠᠨ ᠤ ᠳᠤᠳᠤᠷᠠᠬᠢ ᠨᠡᠷᠡᠳᠤ ᠬᠦᠮᠦᠰ ᠭᠡᠪᠡᠯ᠂ ᠦᠷᠯᠦ᠋ᠬᠦᠳ ᠤᠪᠤᠭᠳᠠᠨ ᠷᠢᠨᠴᠢᠨᠳᠤᠷᠵᠢ ᠦᠪᠦᠷ ᠮᠤᠩᠭᠤᠯ ᠤᠨ ᠤᠷᠳᠤᠰ | ᠬᠤᠳᠠ ᠶᠢᠨ ᠤᠳᠤᠭ ᠬᠤᠰᠢᠭᠤᠨ ᠤ ᠬᠦᠮᠦᠨ᠂ 1943 ᠣᠨ ᠳᠤ ᠲᠦᠷᠦᠭᠰᠡᠨ᠂ ᠣᠯᠣᠰ ᠤᠨ ᠺᠠᠳ᠋ᠷ ᠪᠠᠶᠢᠭᠰᠠᠨ᠃ ᠦᠷᠯᠦ᠋ᠬᠦᠳ ᠤᠪᠤᠭᠳᠠᠨ ᠳ᠋ᠠᠷᠠᠨᠠ ᠶᠢᠨ | ᠬᠦᠪᠡᠬᠦᠨ ᠬᠤᠷᠠᠭᠠ᠂ ᠦᠪᠦᠷ ᠮᠤᠩᠭᠤᠯ ᠤᠨ ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠤᠨ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠴᠤᠷᠵᠢ ᠪᠠᠯᠮᠠ ᠶᠢᠨ ᠬᠦᠮᠦᠨ᠂ ᠮᠠᠯᠴᠢᠨ | ᠭᠠᠷᠤᠯ ᠲᠠᠢ᠃ ᠦᠷᠯᠦ᠋ᠬᠦᠳ ᠤᠪᠤᠭᠳᠠᠨ ᠰᠢᠯᠤᠭᠤᠨ ᠬᠦᠬᠡ ᠬᠤᠰᠢᠭᠤᠨ ᠤ ᠰᠠᠶᠢᠨᠬᠤᠳᠳᠤᠭ ᠰᠣᠮᠣᠨ ᠤ ᠨᠠᠷᠠᠰᠤᠳᠤ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠢᠷᠠᠭᠤ ᠨᠠᠶᠢᠷᠠᠭᠴᠢ | ᠪᠠᠶᠢᠭᠰᠠᠨ᠃ | ᠤᠪᠤᠭ ᠪᠤᠯ ᠤᠳᠤᠮ ᠤᠭᠰᠠᠭᠠ ᠶᠢᠨ ᠢᠮ ᠲᠡᠮᠳᠡᠭ ᠪᠢᠯᠡ᠃ ᠪᠢᠳᠠ ᠡᠨᠡ ᠬᠦ ᠤᠳᠤᠮ ᠰᠤᠳᠤᠷ ᠤᠨ ᠢᠮ ᠲᠡᠮᠳᠡᠭ ᠪᠤᠯᠤᠭᠰᠠᠨ ᠮᠤᠩᠭᠤᠯ ᠤᠪᠤᠭ ᠢᠶᠠᠨ | ᠪᠠᠯᠠᠷᠠᠭᠤᠯᠵᠤ ᠪᠤᠯᠬᠤ ᠦᠬᠡᠢ᠂ ᠬᠠᠶᠠᠭᠳᠠᠭᠤᠯᠵᠤ ᠪᠤᠯᠬᠤ ᠦᠬᠡᠢ ᠨᠢ ᠬᠡᠯᠡᠯᠬᠡᠨ ᠦᠬᠡᠢ᠃ ᠮᠠᠨ ᠤ ᠮᠤᠩᠭᠤᠯᠴᠤᠳ ᠤᠭᠰᠠᠭᠠ ᠭᠠᠷᠤᠯ ᠢᠶᠠᠨ ᠦᠯᠦ ᠤᠮᠠᠷᠳᠠᠨ᠂ | ᠤᠪᠤᠭ ᠲᠦᠷᠦᠯ ᠢᠶᠠᠨ ᠰᠠᠨᠠᠵᠤ ᠶᠠᠪᠤᠬᠤ ᠶᠢᠨ ᠴᠢᠬᠤᠯᠠ ᠴᠢᠨᠠᠷ ᠢ ᠤᠬᠠᠭᠠᠷᠠᠨ ᠤᠶᠢᠯᠠᠭᠠᠵᠤ᠂ ᠮᠤᠩᠭᠤᠯ ᠤᠪᠤᠭ ᠤᠨ ᠬᠡᠷᠡᠭᠯᠡᠯᠳᠡ ᠪᠠ ᠰᠤᠳᠤᠯᠭᠠᠨ ᠳᠤ ᠦᠴᠦᠬᠡᠨ | ᠲᠡᠳᠦᠢ ᠬᠤᠪᠢ ᠨᠡᠮᠡᠷᠢ ᠦᠵᠡᠬᠦᠯᠬᠦ ᠪᠠᠷ ᠴᠢᠷᠮᠠᠶᠢᠬᠤ ᠶᠢ ᠡ᠊ᠨᠳᠡ ᠰᠠᠨᠠᠭᠤᠯᠤᠨᠠᠮ︕ | | | | | | | | |