| ᠡ᠊ᠨᠳᠡ ᠶᠠᠷᠢᠵᠤ ᠪᠠᠶᠢᠭᠠ ᠨᠡᠷᠡ ᠨᠢᠳᠡᠷ ᠢ ᠨᠢ ᠬᠠᠮᠠᠭᠠᠯᠠᠬᠤ ᠠᠷᠭᠠ ᠭᠡᠭᠴᠢ ᠨᠢ ᠬᠡᠦᠬᠡᠳ ᠬᠢᠴᠢᠶᠡᠮᠵᠢ ᠪᠣᠯᠭᠤᠮᠵᠢ ᠦᠭᠡᠢ᠂ ᠨᠠᠰᠤ ᠪᠠᠭᠠ ᠴᠢᠰᠤ ᠰᠢᠩᠭᠡᠨ | ᠪᠠᠶᠢᠵᠤ᠂ ᠭᠦᠨ ᠤᠬᠠᠵᠤ ᠨᠠᠷᠢᠨ ᠪᠣᠳᠣᠯᠬᠢᠯᠠᠭᠰᠠᠨ ᠦᠭᠡᠢ ᠠᠴᠠ ᠪᠣᠯᠵᠤ ᠠᠯᠳᠠᠭᠠ ᠳᠤᠲᠠᠭᠳᠠᠯ ᠪᠤᠶᠤ ᠠᠯᠳᠠᠰᠢ ᠭᠠᠷᠭᠠᠭᠰᠠᠨ ᠢ ᠨᠢ ᠪᠤᠰᠤᠳ ᠲᠤ ᠮᠡᠳᠡᠭᠳᠡᠬᠦ ᠦᠭᠡᠢ | ᠪᠤᠶᠤ ᠪᠤᠰᠤᠳ ᠠᠴᠠ ᠳᠠᠯᠳᠠᠯᠠᠨ ᠬᠠᠮᠠᠭᠠᠯᠠᠵᠤ ᠰᠢᠢᠳᠪᠦᠷᠢᠯᠡᠬᠦ ᠶᠢ ᠬᠡᠯᠡᠨᠡ᠃ ᠡᠨᠡ ᠦᠶᠡᠰ ᠪᠠᠭᠰᠢ ᠪᠠ ᠭᠡᠷ ᠤᠨ ᠠᠬᠠᠮᠠᠳ ᠠᠴᠠ ᠶᠠᠭᠤᠨ ᠤ ᠤᠷᠢᠳ ᠲᠡᠲᠡᠨᠦᠰ ᠤᠨ | ᠨᠡᠷᠡ ᠨᠢᠭᠤᠷ ᠢ ᠨᠢ ᠬᠠᠮᠠᠭᠠᠯᠠᠨ ᠥᠭᠴᠦ᠂ ᠲᠠᠷᠠᠭᠠ ᠨᠢ ᠪᠠᠷᠢᠨ ᠳᠣᠣᠷᠠ ᠨᠢ ᠬᠠᠪᠰᠤᠷᠤᠨ ᠵᠢᠯᠤᠭᠤᠳᠴᠤ᠂ ᠠᠯᠳᠠᠭᠠ ᠳᠤᠲᠠᠭᠳᠠᠯ ᠢ ᠨᠢ ᠬᠠᠯᠠᠨ ᠰᠠᠶᠢᠵᠢᠷᠠᠭᠤᠯᠵᠤ᠂ | ᠡᠪᠡᠳᠴᠢᠨ ᠢ ᠨᠢ ᠵᠠᠰᠠᠵᠤ ᠡᠳᠡᠭᠡᠷᠡᠭᠦᠯᠬᠦ ᠴᠢᠬᠤᠯᠠᠲᠠᠢ᠃ ᠡᠶᠢᠮᠦᠷᠬᠦᠦ ᠠᠷᠭᠠ ᠶᠢ ᠨᠡᠷᠡ ᠨᠢᠳᠡᠷ ᠢ ᠨᠢ ᠬᠠᠮᠠᠭᠠᠯᠠᠬᠤ ᠰᠤᠷᠭᠠᠨ ᠬᠥᠮᠥᠵᠢᠭᠦᠯᠬᠦ ᠠᠷᠭᠠ ᠬᠡᠳᠡᠭ᠃ | ᠪᠠᠭᠰᠢ ᠶᠡᠬᠡᠮᠡᠳ ᠠᠴᠠ ᠰᠤᠷᠤᠭᠴᠢ ᠶᠢᠨ ᠨᠡᠷᠡ ᠨᠢᠳᠡᠷ ᠢ ᠨᠢ ᠬᠠᠮᠠᠭᠠᠯᠠᠵᠤ ᠦᠭᠬᠦ ᠳᠡᠭᠡᠨ ᠨᠥᠬᠦᠴᠡᠯ ᠲᠠᠢ᠂ ᠭᠠᠷ ᠲᠦᠷᠢᠬᠦ ᠡᠷᠬᠡ ᠲᠠᠢ ᠮᠥᠷᠲᠡᠭᠡᠨ | ᠵᠠᠶᠢᠯᠠᠰᠢ ᠦᠭᠡᠢ ᠡᠭᠦᠷᠭᠡ ᠬᠡᠳᠡᠭ ᠢᠶᠠᠨ ᠮᠡᠳᠡᠷᠡᠬᠦ ᠬᠡᠷᠡᠭᠲᠡᠢ᠃ ᠰᠤᠷᠤᠭᠴᠢᠳ ᠠᠩᠬᠠ ᠠᠯᠳᠠᠭᠠ ᠭᠠᠷᠭᠠᠬᠤ ᠦᠶᠡᠰ ᠬᠡᠯᠡᠯᠭᠡᠨ ᠦᠭᠡᠢ ᠡᠯᠳᠡᠪ ᠵᠦᠢᠯ ᠤᠨ | ᠰᠡᠳᠬᠢᠴᠡ ᠶᠢᠨ ᠢᠯᠡᠷᠡᠯ ᠭᠠᠷᠤᠨᠠ᠂ ᠳᠠᠷᠤᠢ ᠨᠢᠭᠡ ᠳᠤ ᠠᠶᠤᠵᠤ ᠰᠠᠨᠳᠤᠷᠴᠤ ᠪᠠᠴᠢᠮᠳᠠᠬᠤ᠂ ᠬᠤᠶᠠᠷ ᠲᠤ ᠢᠴᠢᠵᠦ ᠵᠣᠪᠠᠵᠤ ᠭᠡᠯᠮᠡᠭᠳᠡᠬᠦ᠂ ᠭᠤᠷᠪᠠ ᠳᠤ | ᠰᠢᠢᠳᠪᠦᠷᠢᠯᠡᠬᠦ ᠠᠷᠭᠠ ᠪᠠᠨ ᠣᠯᠵᠤ ᠶᠠᠳᠠᠬᠤ ᠵᠡᠷᠭᠡ ᠪᠠᠶᠢᠳᠠᠯ ᠢᠯᠡᠷᠡᠳᠡᠭ᠃ ᠡᠳᠡᠬᠡᠷ ᠪᠣᠯ ᠰᠠᠶᠢᠨ ᠦᠵᠡᠭᠳᠡᠯ ᠮᠥᠨ᠃ | ᠶᠢᠷᠲᠢᠨᠴᠦ ᠳᠤ ᠠᠯᠳᠠᠭᠠ ᠭᠠᠷᠭᠠᠬᠤ ᠦᠭᠡᠢ ᠬᠥᠮᠥᠨ ᠭᠡᠵᠦ ᠦᠭᠡᠢ᠂ ᠭᠡᠪᠡᠴᠦ ᠠᠯᠳᠠᠭᠠ ᠪᠠᠨ ᠬᠠᠯᠠᠵᠤ ᠴᠢᠳᠠᠪᠠᠯ ᠳᠠᠷᠤᠢ ᠰᠠᠶᠢᠨ ᠬᠥᠮᠥᠨ ᠭᠡᠵᠦ ᠮᠠᠤ | ᠽᠧ ᠳ᠋ᠦᠩ ᠬᠡᠯᠡᠭᠰᠡᠨ ᠶᠤᠮ᠃ ᠮᠡᠳᠡᠭᠡᠵᠢ ᠪᠠᠷ ᠰᠢᠪᠠᠷ ᠪᠤᠷᠬᠠᠨ᠂ ᠦᠬᠦᠭᠰᠡᠨ ᠬᠥᠮᠥᠨ᠂ ᠠᠵᠢᠯ ᠬᠢᠳᠡᠭ ᠦᠭᠡᠢ ᠭᠤᠷᠪᠠᠨ ᠵᠦᠢᠯ ᠤᠨ ᠬᠥᠮᠥᠨ ᠠᠯᠳᠠᠭᠠ ᠭᠠᠷᠭᠠᠬᠤ | ᠦᠭᠡᠢ ᠬᠡᠳᠡᠭ᠃ ᠭᠡᠪᠡᠴᠦ ᠬᠥᠮᠥᠨ ᠭᠡᠵᠦ ᠪᠠᠶᠢᠭᠠᠳ ᠠᠵᠢᠯ ᠬᠢᠬᠦ ᠦᠭᠡᠢ ᠪᠠᠶᠢᠭᠠ ᠨᠢ ᠳᠠᠷᠤᠢ ᠲᠡᠭᠦᠨ ᠤ ᠬᠠᠮᠤᠭ ᠶᠡᠭᠡ ᠠᠯᠳᠠᠭᠠ ᠪᠣᠯᠣᠨᠠ᠃ ᠬᠡᠦᠬᠡᠳ ᠠᠯᠳᠠᠭᠠ | ᠭᠠᠷᠭᠠᠬᠤ ᠦᠶᠡᠰ ᠪᠠᠭᠰᠢ ᠪᠠ ᠭᠡᠷ ᠤᠨ ᠠᠬᠠᠮᠠᠳ ᠤᠷᠢᠳ ᠢᠶᠠᠷ ᠲᠡᠭᠦᠨ ᠢ ᠬᠠᠪᠰᠤᠷᠴᠤ᠂ ᠨᠡᠷᠡ ᠨᠢᠭᠤᠷ ᠢ ᠨᠢ ᠬᠠᠮᠠᠭᠠᠯᠠᠨ ᠥᠭᠴᠦ᠂ ᠲᠠᠷᠠᠭᠠ ᠨᠢ ᠪᠣᠳᠠᠲᠠᠢ | ᠵᠢᠯᠣᠭᠤᠳᠤᠨ᠂ ᠰᠠᠶᠢᠲᠤᠷ ᠬᠥᠮᠥᠵᠢᠭᠦᠯᠬᠦ ᠬᠡᠷᠡᠭᠲᠡᠢ᠃ ᠠᠷᠭᠠ ᠮᠡᠭᠡ ᠨᠢ ᠠᠯᠳᠠᠭᠠ ᠭᠠᠷᠭᠠᠭᠰᠠᠨ ᠬᠡᠦᠬᠡᠳ ᠤᠨ ᠨᠡᠷᠡ ᠨᠢᠭᠤᠷ ᠢ ᠨᠢ ᠬᠠᠮᠠᠭᠠᠯᠠᠵᠤ᠂ ᠲᠡᠭᠦᠨ ᠤ | ᠰᠡᠳᠬᠢᠯ ᠢ ᠣᠯᠬᠤ ᠳᠤ ᠪᠤᠢ᠃ ᠵᠣᠷᠢᠯᠭᠠ ᠨᠢ ᠰᠤᠷᠭᠠᠨ ᠬᠥᠮᠥᠵᠢᠭᠦᠯᠬᠦ ᠳᠤ ᠪᠤᠢ᠃ ᠥᠮᠥᠭᠯᠡᠵᠦ ᠬᠠᠮᠠᠭᠠᠯᠠᠵᠤ ᠪᠠᠶᠢᠬᠤ ᠨᠢ ᠵᠣᠷᠢᠯᠭᠠ ᠪᠢᠰᠢ ᠬᠠᠷᠢᠨ ᠠᠷᠭᠠ ᠮᠥᠨ᠃ | | ᠬᠡᠷᠪᠡ ᠴᠠᠭ ᠲᠤᠬᠢᠶᠠᠯ ᠢ ᠡᠵᠡᠮᠳᠡᠵᠦ᠂ ᠬᠡᠦᠬᠡᠳ ᠠᠯᠳᠠᠭᠠ ᠭᠠᠷᠭᠠᠭᠠᠳ ᠶᠠᠭᠠᠬᠢᠵᠤ ᠰᠢᠢᠳᠪᠦᠷᠢᠯᠡᠬᠦ ᠠᠷᠭᠠ ᠪᠠᠨ ᠣᠯᠬᠤ ᠦᠭᠡᠢ ᠪᠠᠶᠢᠬᠤ ᠦᠶᠡ ᠳᠤᠨᠢ | ᠠᠮᠵᠢᠨ ᠭᠠᠷ ᠲᠦᠷᠦᠵᠦ ᠰᠢᠢᠳᠪᠦᠷᠢᠯᠡᠵᠦ ᠴᠢᠳᠠᠬᠤ ᠦᠭᠡᠢ ᠪᠣᠯ ᠣᠯᠠᠰᠢᠷᠠᠭᠰᠠᠨ ᠬᠤᠶᠢᠨᠠ ᠰᠢᠢᠳᠪᠦᠷᠢᠯᠡᠨᠡ ᠭᠡᠭᠴᠢ ᠲᠡᠭᠷᠢ ᠳᠤ ᠭᠠᠷᠬᠤ ᠠᠴᠠ ᠢᠯᠡᠭᠦᠦ ᠬᠡᠴᠡᠭᠦᠦ | ᠬᠡᠷᠡᠭ ᠪᠣᠯᠣᠨᠠ᠃ ᠡᠶᠢᠮᠦ ᠠᠴᠠ ᠰᠠᠶᠢᠨ ᠴᠠᠭ ᠲᠤᠬᠢᠶᠠᠯ ᠢ ᠠᠰᠢᠭᠯᠠᠨ᠂ ᠬᠠᠯᠠᠭᠤᠨ ᠪᠦᠯᠢᠶᠡᠨ ᠳᠡᠭᠡᠷᠡ ᠨᠢ | ᠵᠦᠢ ᠵᠣᠬᠢᠰᠲᠠᠢ ᠰᠤᠷᠭᠠᠨ ᠬᠥᠮᠥᠵᠢᠭᠦᠯᠬᠦ ᠬᠡᠷᠡᠭᠲᠡᠢ᠃ | ᠢᠩᠭᠢᠪᠡᠯ ᠰᠠᠶ᠋ᠢ ᠠᠶᠤᠵᠤ ᠰᠠᠨᠳᠤᠷᠬᠤ ᠠᠴᠠ ᠪᠣᠯᠵᠤ ᠭᠡᠨᠡᠨ ᠤᠴᠢᠷ ᠭᠠᠷᠭᠠᠬᠤ ᠦᠭᠡᠢ᠂ ᠢᠴᠢᠵᠦ ᠵᠤᠪᠠᠭᠤ ᠠᠴᠠ ᠪᠣᠯᠵᠤ ᠰᠡᠳᠬᠢᠴᠡ ᠶᠢᠨ ᠡᠪᠡᠳᠴᠢᠨ | ᠪᠠ ᠰᠢᠷᠬᠠ ᠰᠤᠷᠪᠢ᠂ ᠳᠠᠷᠤᠭᠠᠰᠤ ᠲᠠᠢ ᠪᠤᠯᠬᠤ ᠦᠭᠡᠢ ᠮᠥᠷᠲᠡᠭᠡᠨ ᠪᠠᠭᠰᠢ ᠪᠠ ᠭᠡᠷ ᠤᠨ ᠠᠬᠠᠮᠠᠳ ᠤᠨ ᠵᠣᠬᠢᠰᠲᠠᠢ ᠰᠤᠷᠭᠠᠯᠲᠠ ᠳᠣᠣᠷᠠ ᠪᠡᠷᠬᠡ ᠰᠠᠭᠠᠳ ᠢ ᠢᠯᠠᠨ | ᠳᠠᠪᠠᠵᠤ ᠴᠢᠳᠠᠭᠠᠳ ᠲᠤᠰ ᠤᠳᠠᠭᠠᠨ ᠤ ᠤᠴᠢᠷ ᠶᠠᠪᠤᠳᠠᠯ ᠢᠶᠠᠷ ᠦᠯᠢᠬᠡᠷ ᠵᠢᠱᠢᠶᠡ ᠪᠠ ᠲᠤᠷᠰᠢᠯᠭᠠ ᠰᠤᠷᠭᠠᠮᠵᠢ ᠣᠯᠵᠤ᠂ ᠲᠠᠬᠢᠵᠤ ᠠᠯᠳᠠᠭᠠ ᠭᠠᠷᠭᠠᠬᠤ ᠦᠭᠡᠢ | ᠰᠠᠶᠢᠨ ᠬᠡᠦᠬᠡᠳ ᠪᠣᠯᠵᠤ ᠴᠢᠳᠠᠨᠠ᠃ ᠭᠠᠷ ᠤᠲᠠᠰᠤ ᠲᠠᠢ ᠬᠠᠨᠢᠯᠠᠳᠠᠭ ᠬᠡᠦᠬᠡᠳ ᠤᠯᠠᠨ ᠪᠠᠶᠢᠳᠠᠭ᠃ | ᠭᠠᠷ ᠤᠲᠠᠰᠤ ᠦᠵᠡᠵᠦ ᠨᠢᠭᠡ ᠴᠠᠭ ᠤᠨ ᠪᠠᠶᠠᠷ ᠪᠠᠶᠠᠰᠤᠯ ᠢ ᠣᠯᠳᠠᠭ ᠪᠤᠯᠪᠠᠴᠤ ᠨᠢᠳᠦᠨ ᠳᠤ ᠬᠠᠯᠠ ᠲᠠᠢ᠂ ᠬᠢᠴᠢᠶᠡᠬᠦ ᠦᠭᠡᠢ ᠪᠣᠯ ᠣᠶᠢᠷᠠ | ᠬᠠᠷᠠᠭᠠ ᠲᠠᠢ ᠪᠣᠯᠣᠨᠠ᠃ ᠭᠡᠷ ᠤᠨ ᠠᠬᠠᠮᠠᠳ ᠬᠡᠦᠬᠡᠳ ᠤᠨ ᠢᠶᠠᠨ ᠨᠢᠳᠦᠨ ᠬᠠᠷᠠᠭᠠ ᠶᠢ ᠬᠠᠮᠠᠭᠠᠯᠠᠬᠤ ᠶᠢᠨ ᠲᠥᠯᠥᠭᠡ ᠣᠶᠢᠷᠠ ᠬᠠᠷᠠᠭᠠ ᠶᠢᠨ ᠲᠤᠬᠠᠢ ᠮᠡᠳᠡᠯᠭᠡ ᠶᠢ | ᠮᠡᠳᠡᠵᠦ ᠪᠠᠶᠢᠭᠠᠷᠠᠢ᠃ | ᠣᠶᠢᠷᠠ ᠬᠠᠷᠠᠭᠠ ᠨᠢ ᠶᠠᠮᠠᠷ ᠢᠯᠡᠷᠡᠯ ᠲᠠᠢ ᠪᠤᠢ︖ | 1 ᠂ ᠶᠠᠭᠤᠮᠠ ᠶᠢ ᠨᠢᠳᠦ ᠪᠠᠨ ᠠᠨᠢᠯᠬᠢᠯᠠᠭᠠᠳ ᠦᠵᠡᠬᠦ | 2 ᠂ ᠨᠢᠳᠦ ᠪᠠᠨ ᠪᠠᠶᠢᠨ ᠲᠠᠬᠢᠨ ᠨᠤᠬᠤᠯᠠᠬᠤ | 3 ᠂ ᠶᠠᠭᠤᠮᠠ ᠶᠢ ᠣᠶᠢᠷᠠᠬᠠᠨ ᠠᠴᠠ ᠦᠵᠡᠬᠦ | | ᠣᠶᠢᠷᠠ ᠬᠠᠷᠠᠭᠠ ᠶᠢ ᠰᠡᠷᠭᠡᠶᠢᠯᠡᠬᠦ ᠠᠷᠭᠠ | 1 ᠂ ᠲᠥᠪ ᠰᠠᠭᠤᠨᠠ᠃ ᠰᠤᠷᠤᠯᠭᠠ ᠠᠮᠢᠳᠤᠷᠠᠯ ᠳᠠᠭᠠᠨ ᠲᠥᠪ ᠰᠠᠭᠤᠬᠤ ᠶᠢ ᠠᠩᠬᠠᠷᠴᠤ᠂ ᠬᠦᠵᠦᠭᠦᠦ ᠰᠡᠭᠡᠷ᠂ ᠨᠢᠷᠤᠭᠤ᠂ ᠬᠥᠯ ᠭᠠᠷ ᠬᠥᠰᠢᠵᠦ ᠴᠢᠨᠦᠬᠦ᠂ | ᠨᠢᠳᠦ ᠶᠠᠳᠠᠷᠠᠬᠤ ᠠᠴᠠ ᠵᠠᠶᠢᠯᠠᠰᠬᠢᠪᠡᠯ ᠵᠣᠬᠢᠨᠠ᠃ | 2᠂ ᠡᠯᠧᠺᠲᠷᠣᠨ ᠪᠦᠲᠦᠭᠡᠭᠳᠡᠬᠦᠨ ᠢ ᠵᠣᠬᠢᠰᠲᠠᠢ ᠬᠡᠷᠡᠭᠯᠡᠨᠡ᠃ 3 ᠨᠠᠰᠤ ᠬᠦᠷᠦᠬᠡᠳᠦᠢ ᠬᠡᠦᠬᠡᠳ ᠡᠯᠧᠺᠲᠷᠣᠨ ᠪᠦᠲᠦᠭᠡᠭᠳᠡᠬᠦᠨ ᠬᠡᠷᠡᠭᠯᠡᠬᠦ ᠦᠭᠡᠢ᠃ 3 — 6 | ᠨᠠᠰᠤᠨ ᠤ ᠬᠡᠦᠬᠡᠳ ᠡᠯᠧᠺᠲᠷᠣᠨ ᠪᠦᠲᠦᠭᠡᠭᠳᠡᠬᠦᠨ ᠢ ᠬᠡᠷᠡᠭᠯᠡᠬᠦ ᠳᠤ ᠡᠳᠦᠷ ᠪᠦᠷᠢ 1 ᠴᠠᠭ ᠠᠴᠠ ᠬᠡᠲᠦᠷᠡᠭᠦᠯᠬᠦ ᠦᠭᠡᠢ᠃ | 3 ᠂ ᠨᠢᠳᠦᠨ ᠤ ᠲᠠᠮᠢᠷ ᠬᠢᠵᠦ ᠨᠢᠳᠦᠨ ᠤ ᠶᠠᠳᠠᠷᠠᠭᠠ ᠶᠢ ᠲᠠᠶᠢᠯᠤᠨᠠ᠃ 20 ᠮᠢᠨᠦ᠋ᠲ ᠣᠶᠢᠷᠠ ᠬᠠᠷᠠᠭᠰᠠᠨ ᠪᠣᠯ 6 ᠮᠧᠲᠷ ᠤᠨ ᠬᠠᠷᠠᠯᠲᠠ ᠶᠢ 20 | ᠰᠧᠺᠦ᠋ᠨ᠋ᠲ ᠬᠠᠷᠠᠵᠤ᠂ ᠲᠠᠷᠠᠭᠠ ᠨᠢ 30 ᠰᠠᠨᠲ᠋ᠢᠮᠧᠲᠷ ᠤᠨ ᠬᠠᠷᠠᠯᠲᠠ ᠶᠢ ᠬᠠᠷᠠᠵᠤ ᠨᠢᠳᠦᠨ ᠤ ᠪᠤᠯᠴᠢᠩ ᠢ ᠴᠢᠩᠭᠠᠷᠠᠭᠤᠯᠤᠨ᠂ ᠪᠣᠯᠣᠷᠯᠢᠭ ᠴᠣᠭᠴᠠ ᠶᠢ ᠵᠤᠵᠠᠭᠠᠨ | ᠪᠣᠯᠭᠠᠨᠠ᠃ ᠤᠳᠠᠭᠠ ᠪᠦᠷᠢ 10 — 15 ᠮᠢᠨᠦ᠋ᠲ᠂ ᠡᠳᠦᠷ ᠲᠤ 3 — 4 ᠤᠳᠠᠭᠠ ᠬᠢᠨᠡ᠃ | | ᠨᠢᠳᠦ ᠶᠢ ᠬᠠᠮᠠᠭᠠᠯᠠᠳᠠᠭ ᠥᠩᠭᠡ | ᠨᠣᠭᠤᠭᠠᠨ ᠥᠩᠭᠡ ᠨᠢ ᠬᠡᠦᠬᠡᠳ ᠪᠠᠭᠠᠴᠤᠳ ᠤᠨ ᠨᠢᠳᠦᠨ ᠤ ᠡᠷᠡᠭᠦᠯ ᠮᠡᠨᠳᠦ ᠳᠤ ᠲᠤᠰᠠᠲᠠᠢ ᠪᠠᠶᠢᠳᠠᠭ᠃ ᠤᠯᠠᠭᠠᠨ ᠰᠢᠷᠠ ᠦᠡᠭᠭᠡᠨ ᠤ ᠣᠶᠢᠯᠲᠠ ᠨᠢ | ᠬᠤᠷᠴᠠ᠂ ᠨᠢᠳᠦᠨ ᠳᠤ ᠦᠭᠬᠦ ᠰᠡᠳᠡᠯᠲᠡ ᠨᠢ ᠶᠡᠭᠡ ᠪᠠᠶᠢᠳᠠᠭ᠃ ᠨᠣᠭᠤᠭᠠᠨ ᠥᠩᠭᠡ ᠶᠢᠨ ᠣᠶᠢᠯᠲᠠ ᠨᠢ ᠳᠤᠮᠳᠠ ᠵᠡᠷᠭᠡ ᠶᠢᠨ ᠪᠠᠶᠢᠵᠤ᠂ ᠬᠥᠮᠥᠨ ᠤ ᠮᠡᠳᠡᠷᠡᠯ ᠤᠨ | ᠰᠢᠰᠲ᠋ᠧᠮ᠂ ᠲᠠᠷᠢᠬᠢᠨ ᠤ ᠪᠣᠷᠣ ᠳᠠᠪᠬᠤᠷᠭᠠ ᠪᠠ ᠨᠢᠳᠦᠨ ᠤ ᠲᠣᠣᠷᠯᠢᠭ ᠪᠦᠷᠬᠦᠪᠴᠢ ᠳ᠋ᠤ᠋ᠬᠡᠳᠦ ᠴᠢᠩᠭᠠ ᠰᠡᠳᠡᠯᠲᠡ ᠦᠭᠳᠡᠭ ᠦᠭᠡᠢ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ᠂ | ᠨᠣᠭᠤᠭᠠᠨ ᠥᠩᠭᠡᠲᠦ ᠤᠷᠭᠤᠮᠠᠯ ᠨᠢ ᠬᠤᠷᠴᠠ ᠬᠡᠷᠡᠯ ᠤᠨ ᠨᠢᠳᠦᠨ ᠳᠤ ᠦᠭᠬᠦ ᠴᠢᠩᠭᠠ ᠰᠡᠳᠡᠯᠲᠡ ᠶᠢ ᠨᠠᠮᠳᠠᠭᠤᠯᠳᠠᠭ᠃ | ᠬᠡᠷᠪᠡ ᠬᠡᠦᠬᠡᠳ ᠲᠤ ᠣᠶᠢᠷᠠ ᠬᠠᠷᠠᠭᠠ ᠶᠢᠨ ᠢᠯᠡᠷᠡᠯ ᠭᠠᠷᠤᠭᠰᠠᠨ ᠪᠣᠯ ᠶᠠᠭᠠᠬᠢᠬᠤ ᠪᠤᠢ︖ | ᠬᠡᠦᠬᠡᠳ ᠣᠶᠢᠷᠠ ᠶᠠᠭᠤᠮᠠ ᠬᠠᠷᠠᠬᠤ ᠨᠢ ᠢᠯᠡᠭᠦᠦ᠂ ᠰᠣᠷᠮᠤᠤᠰᠤᠯᠢᠭ ᠪᠤᠯᠴᠢᠩ ᠤᠨ ᠲᠤᠰ ᠪᠡᠶᠡ ᠨᠢ ᠴᠤ ᠪᠣᠶᠢᠵᠢᠵᠤ ᠭᠦᠢᠴᠡᠭᠡᠳᠦᠢ ᠪᠣᠯᠬᠤᠷ ᠲᠤᠩ | ᠠᠮᠠᠷᠬᠠᠨ ᠢᠶᠠᠷ ᠬᠠᠭᠤᠷᠮᠠᠭ ᠣᠶᠢᠷᠠ ᠬᠠᠷᠠᠭᠠ ᠶᠢᠨ ᠪᠠᠶᠢᠳᠠᠯ ᠢᠯᠡᠷᠡᠳᠡᠭ᠃ ᠡᠶᠢᠮᠦ ᠠᠴᠠ ᠬᠡᠦᠬᠡᠳ ᠣᠶᠢᠷᠠ ᠬᠠᠷᠠᠭᠠ ᠶᠢᠨ ᠪᠠᠶᠢᠳᠠᠯ ᠢᠯᠡᠷᠡᠪᠡᠯ ᠶᠠᠭᠤᠨ ᠤ ᠡᠮᠦᠨᠡ | ᠬᠡᠦᠬᠡᠳ ᠲᠤ ᠬᠡᠦᠬᠡᠨ ᠬᠠᠷᠠᠭᠠ ᠶᠢ ᠰᠠᠶᠢᠵᠢᠷᠠᠭᠤᠯᠵᠤ᠂ ᠬᠠᠷᠠᠭᠠ ᠰᠢᠯᠭᠠᠬᠤ ᠪᠠᠶᠢᠴᠠᠭᠠᠯᠲᠠ ᠬᠢᠯᠬᠡᠵᠦ᠂ ᠦᠨᠡᠨ ᠣᠶᠢᠷᠠ ᠬᠠᠷᠠᠭᠠ ᠪᠣᠯᠤᠭᠰᠠᠨ ᠡᠰᠡᠬᠦ ᠶᠢ ᠨᠢ | ᠲᠣᠳᠣᠯᠠᠭᠠᠳ ᠡᠮᠴᠢᠯᠡᠨ ᠵᠠᠰᠠᠬᠤ ᠠᠷᠭᠠ ᠪᠠᠨ ᠰᠣᠩᠭᠤᠨᠠ᠃ | | | ︵︽NMTV ᠰᠣᠶᠣᠯ︾ ᠵᠢᠷᠭᠢᠶᠡ ᠲᠠᠪᠴᠠᠩ ᠠᠴᠠ︶ | |