| | | ᠮᠤᠳᠤᠨ ᠤ ᠨᠠᠪᠴᠢᠰ ᠭᠠᠵᠠᠷ ᠢ ᠦᠨᠦᠰᠬᠦ ᠳᠤ ᠤᠷᠭᠤᠮᠠᠯ ᠤᠨ ᠴᠡᠴᠡᠭᠡᠰ ᠨᠢ ᠠᠯᠠᠭᠠ ᠪᠠᠨ ᠳᠡᠯᠭᠡᠵᠦ | ᠮᠦᠩᠭᠦᠨ ᠬᠢᠷᠠᠭᠤ ᠤᠯᠠᠷᠢᠯ ᠢ ᠮᠡᠳᠡᠭᠡᠯᠡᠬᠦ ᠳᠤ ᠪᠤᠯᠵᠤᠮᠤᠷ ᠰᠢᠪᠠᠭᠤᠳ ᠨᠢ ᠵᠦᠢᠯ ᠢᠶᠠᠷ ᠱᠤᠯᠤᠭᠤᠨᠠᠵᠤ | ᠮᠡᠳᠡᠬᠦ ᠦᠯᠦ ᠮᠡᠳᠡᠬᠦ ᠶᠢᠨ ᠵᠠᠪᠰᠠᠷ ᠡᠪᠦᠯ ᠤᠨ ᠦᠩᠭᠡ ᠬᠡᠳᠦᠶᠢᠨ ᠠᠬᠤᠢ ᠪᠠᠶᠢᠭᠠᠯᠢ ᠶᠢ ᠵᠢᠷᠤᠭᠯᠠᠵᠤ | ᠮᠠᠨᠠᠨ ᠬᠦᠪᠪᠦᠯᠵᠡᠨ ᠭᠡᠨᠡᠳᠲᠡ ᠪᠠᠷ ᠪᠣᠷᠤᠭᠠᠯᠠᠬᠤ ᠬᠠᠴᠢᠨ ᠬᠤᠪᠢᠷᠠᠯ ᠢ ᠳᠦᠷᠭᠢᠯᠳᠦᠨ ᠭᠠᠶᠢᠬᠠᠯᠳᠤᠨᠠᠮ | | | ᠰᠢᠪᠡᠷᠡᠬᠦ ᠪᠣᠷᠤᠭᠠᠨ ᠨᠠᠮᠤᠷᠵᠢᠨ ᠦᠷᠭᠦᠯᠵᠢᠯᠡᠨ ᠡᠪᠡᠰᠦ ᠲᠠᠷᠢᠶᠠᠨ ᠤ ᠠᠵᠢᠯ ᠬᠡᠪ ᠢᠶᠠᠨ ᠠᠯᠳᠠᠬᠤ ᠳᠤ | ᠰᠡᠯᠪᠢᠵᠦ ᠪᠠᠬᠢᠯᠡᠬᠦ ᠡᠪᠦᠯᠵᠢᠶᠡ ᠶᠢᠨ ᠪᠠᠭᠤᠴᠠ ᠳᠤ ᠡᠪᠦᠭᠡᠳ ᠬᠦᠭᠰᠢᠳ ᠡᠳᠦᠷᠵᠢᠨ ᠮᠤᠩᠭᠢᠨᠠᠯᠳᠤᠵᠤ | ᠰᠠᠭᠠᠯᠢ ᠰᠦ ᠪᠠᠨ ᠬᠤᠷᠢᠶᠠᠬᠤ ᠦᠬᠢᠳ ᠪᠡᠷᠢᠶᠡᠳ ᠠᠷᠭᠠᠯ ᠴᠦᠪᠦᠳᠡᠯ ᠭᠡᠳ ᠰᠠᠨᠠᠭᠠ ᠪᠣᠯᠬᠤ ᠳᠤ | ᠰᠠᠯᠬᠢᠯᠠᠵᠤ ᠬᠦᠢᠲᠡᠷᠡᠬᠦ ᠴᠠᠭ ᠠᠭᠠᠷ ᠤᠨ ᠪᠠᠴᠢᠮ ᠴᠢᠮᠡᠭᠡ ᠶᠢ ᠷᠠᠳᠢᠤ᠋ ᠲᠧᠯᠸᠢᠰ ᠶᠠᠭᠠᠷᠠᠤ ᠰᠠᠴᠤᠨᠠᠮ | | | ᠡᠭᠡᠭᠡ ᠠᠳᠠᠯᠢ ᠪᠤᠭᠤᠵᠢ ᠲᠠᠢ ᠬᠦᠬᠡ ᠡᠪᠡᠰᠦ ᠲᠦᠷᠦᠭᠦᠦ ᠵᠢᠯ ᠠᠴᠠ ᠳᠠᠬᠢᠨ ᠬᠦᠨᠳᠦ ᠪᠣᠯᠤᠯᠠ ᠭᠡᠵᠦ | ᠡᠷᠲᠡᠯᠡᠨ ᠪᠣᠰᠤᠭᠰᠠᠨ ᠢᠳᠡᠷ ᠡᠷᠡ ᠬᠠᠳᠤᠯᠠᠩ ᠳᠤ ᠰᠢᠪᠠᠷᠲᠠᠭᠰᠠᠨ ᠲᠡᠷᠭᠡ ᠪᠠᠨ ᠲᠠᠲᠠᠭᠤᠯᠬᠤ ᠳᠤ | ᠡᠪᠦᠯᠵᠢᠶᠡ ᠵᠦᠭ ᠪᠣᠷᠳᠤᠭᠠ ᠵᠦᠭᠡᠭᠡᠬᠦ ᠠᠶᠢᠯ ᠤᠨ ᠵᠠᠯᠠᠭᠤᠰ ᠲᠠᠷᠢᠶᠠᠨ ᠵᠤᠷᠬᠠ ᠪᠠᠷ ᠦᠢᠮᠡᠯᠳᠦᠵᠦ | ᠠᠲᠡᠭᠡ ᠲᠡᠨᠲᠡᠭᠡ ᠠᠴᠠ ᠲᠡᠷᠭᠡ ᠬᠦᠰᠭᠡ ᠶᠢ ᠳᠠᠭᠤᠳᠠᠨ ᠦᠶᠡᠷ ᠭᠠᠲᠤᠯᠬᠤ ᠪᠠᠷ ᠬᠦᠴᠦ ᠰᠢᠪᠬᠠᠨᠠᠮ | | | ᠨᠠᠮᠤᠷ ᠤᠨ ᠠᠵᠢᠯ ᠢᠶᠠᠨ ᠠᠷᠠᠢ ᠭᠡᠵᠦ ᠰᠡᠭᠦᠯ ᠰᠢᠪᠲᠤᠷᠬᠤ ᠳᠤ ᠨᠠᠷᠢᠨ ᠪᠣᠷᠤᠭᠠᠨ ᠠᠬᠢᠭᠠᠳ ᠵᠦᠰᠡᠷᠡᠵᠦ | ᠨᠡᠲᠦᠶᠢᠬᠦ ᠡᠭᠦᠯᠡ ᠬᠤᠷᠤᠮᠠᠬᠠᠨ ᠵᠠᠭᠤᠷᠠ ᠡᠪᠬᠡᠷᠡᠯᠳᠦᠨ ᠬᠤᠶᠢᠯᠠᠷᠠᠭᠠᠳ ᠴᠠᠰᠤ ᠪᠤᠷᠤᠭᠠᠨ ᠬᠤᠳᠬᠤᠯᠳᠤᠵᠤ | ᠨᠡᠮᠨᠡᠭᠡ ᠳᠠᠪᠬᠤᠴᠠᠭᠠ ᠶᠢ ᠨᠢ ᠵᠤᠵᠠᠭᠠᠯᠠᠨ ᠬᠡᠳᠦᠨ ᠶᠠᠳᠠᠷ ᠢᠶᠠᠨ ᠬᠠᠰᠢᠶᠠ ᠲᠦᠬᠦᠭᠦᠯᠦᠨ ᠵᠠᠪ ᠶᠠᠳᠠᠬᠤ ᠳᠤ | ᠨᠦᠭᠡᠴᠡᠯᠡᠬᠦ ᠶᠤᠰᠤᠲᠡᠢ ᠠᠮᠤ ᠬᠦᠨᠡᠰᠦ ᠨᠣᠭᠤᠭᠠ ᠳᠠᠪᠤᠰᠤ ᠶᠢ ᠪᠠᠨ ᠢᠯᠡᠭᠦᠬᠡᠨ ᠠᠪᠬᠤ ᠶᠢ ᠱᠠᠭᠠᠷᠳᠠᠨᠠᠮ | | | ᠲᠦᠯᠡᠰᠢ ᠨᠡᠭᠦᠷᠡᠰᠦ ᠶᠢᠨ ᠦᠨᠡ ᠬᠠᠩᠰᠢ ᠲᠡᠭᠷᠢ ᠳᠤ ᠲᠤᠯᠤᠯᠠ ᠭᠡᠵᠦ ᠬᠤᠲᠠ ᠬᠦᠳᠡᠭᠡ ᠳᠦᠷᠭᠢᠯᠳᠦᠵᠦ | ᠲᠡᠳᠬᠦᠪᠦᠷᠢ ᠨᠦᠬᠦᠪᠦᠷᠢ ᠶᠢᠨ ᠴᠢᠮᠡᠭᠡ ᠳᠤᠭᠤᠯᠳᠠᠨ ᠮᠠᠯᠴᠢᠨ ᠲᠠᠷᠢᠶᠠᠴᠢᠳ ᠨᠠᠭᠠᠰᠢ ᠴᠠᠭᠠᠰᠢ ᠪᠤᠷᠭᠢᠯᠳᠤᠵᠤ | ᠲᠠᠷᠢᠯᠭᠠ ᠰᠡᠷᠭᠡᠶᠢᠯᠡᠯᠲᠡ ᠲᠦᠷᠭᠡᠨ ᠭᠤᠪᠢᠭᠤᠯᠤᠯᠭᠠ ᠶᠢᠨ ᠤᠴᠢᠷ ᠲᠤ ᠵᠠᠮ ᠱᠤᠭᠤᠮ ᠤᠳ ᠢ ᠴᠢᠩᠳᠠᠯᠠᠵᠤ | ᠳᠠᠮ ᠤᠨ ᠮᠠᠶᠢᠮᠠᠶᠢᠴᠢᠨ ᠶᠠᠪᠤᠭᠤᠯ ᠬᠤᠳᠠᠯᠳᠤᠭᠠᠴᠢᠨ ᠵᠠᠪᠰᠠᠷ ᠤᠨ ᠡᠲᠡᠭᠡᠳ ᠰᠠᠭᠤᠳᠠᠯ ᠠᠯᠳᠠᠨ ᠭᠦᠶᠦᠯᠳᠦᠨᠡᠮ | | ᠦᠤᠷ ᠢᠶᠠᠷ ᠪᠤᠰᠬᠤ ᠳᠤ ᠪᠣᠷᠤᠭᠠᠨ ᠱᠠᠭᠢᠨ ᠬᠦᠢᠲᠡᠨ ᠠᠮᠢᠰᠬᠤᠯ ᠴᠢᠭᠢᠭ ᠤᠨ ᠦᠨᠦᠷ ᠬᠠᠮᠠᠷ ᠴᠤᠷᠭᠢᠵᠤ | ᠦᠳᠡ ᠣᠶᠢᠷᠠᠳᠬᠤ ᠳᠤ ᠴᠠᠰᠤ ᠯᠠᠪᠰᠠᠯᠠᠨ ᠤᠰᠤ ᠮᠦᠰᠦ ᠰᠢᠪᠠᠷ ᠰᠢᠷᠤᠢ ᠵᠢᠭᠤᠷᠠᠯᠳᠤᠨ ᠭᠤᠯᠴᠢᠭᠢᠨᠠᠵᠤ | ᠦᠵᠡᠵᠦ ᠰᠣᠨᠢᠷᠬᠠᠬᠤ ᠶᠢᠨ ᠵᠠᠪ ᠦᠭᠡᠢ ᠦᠭᠡᠷᠡ ᠨᠢᠭᠡᠨ ᠶᠢᠷᠲᠢᠨᠴᠦ ᠬᠠᠷᠠᠭᠠᠨ ᠤ ᠡᠮᠦᠨᠡ ᠳᠡᠯᠭᠡᠭᠳᠡᠵᠦ | ᠣᠯᠠᠭᠠᠨ ᠰᠢᠷᠠᠪᠲᠤᠷ ᠬᠦᠬᠡ ᠦᠩᠭᠡ ᠶᠢᠨ ᠰᠡᠷᠡᠮᠵᠢ ᠶᠢᠨ ᠳᠤᠬᠢᠶᠠ ᠡᠪᠦᠯ ᠤᠨ ᠰᠤᠯᠤᠩᠭᠠ ᠮᠢᠷᠠᠯᠵᠠᠨᠠᠮ | | ᠡᠨᠡ ᠵᠢᠯ ᠤᠨ ᠦᠩᠭᠡ ᠬᠤᠪᠤᠷᠬᠠᠨ ᠤᠴᠠᠷᠠᠯ ᠭᠡᠵᠦ ᠤᠲᠤᠷ ᠤᠨ ᠮᠠᠯᠴᠢᠳ ᠲᠤᠯᠤᠭᠠᠢ ᠰᠠᠵᠢᠬᠤ ᠳᠤ | ᠡᠯᠳᠡᠪ ᠡᠰᠡᠨ ᠤ ᠴᠢᠮᠡᠭᠡ ᠰᠤᠷᠠᠭ ᠢᠶᠠᠷ ᠪᠠᠶᠢᠨ ᠪᠠᠶᠢᠨ ᠬᠦᠯ ᠢ ᠬᠤᠷᠢᠶᠠᠨ ᠭᠡᠷ ᠤᠨ ᠮᠣᠬᠤᠷ ᠰᠠᠬᠢᠵᠤ | ᠡᠭᠦᠳᠡᠨ ᠠᠴᠠ ᠪᠠᠨ ᠬᠤᠯᠠᠳᠬᠤ ᠴᠢᠯᠦᠭᠡ ᠦᠭᠡᠢ ᠦᠷᠯᠦᠭᠡ ᠦᠳᠡᠰᠢ ᠶᠢᠨ ᠬᠤᠭᠤᠷᠤᠨᠳᠤ ᠭᠦᠶᠦᠬᠦ ᠳᠤ | ᠡᠪᠦᠯ ᠤᠨ ᠠᠭᠤᠷ ᠬᠡᠨ ᠢ ᠴᠤ ᠬᠦᠯᠢᠶᠡᠯ ᠦᠭᠡᠢ ᠡᠭᠦᠳᠡᠨ ᠳᠤ ᠰᠠᠭᠠᠲᠠᠨ ᠡᠳᠦᠷ ᠲᠤᠭᠠᠯᠠᠯ ᠢ ᠳᠡᠯᠭᠡᠨᠡᠮ᠃ | | | | ᠡᠪᠦᠯ ᠤᠨ ᠦᠷᠯᠦᠭᠡ | | ᠬᠢᠬᠤᠨᠠᠬᠤ ᠬᠦᠢᠲᠡᠨ ᠳᠤ ᠡᠭᠦᠳᠡ ᠵᠢᠵᠢᠭᠢᠨᠡᠵᠦ ᠬᠠᠲᠠᠭᠰᠠᠨ ᠴᠦᠪᠦᠳᠡᠯ ᠲᠤᠯᠭᠠ ᠳᠤ ᠫᠠᠴᠢᠭᠢᠨᠠᠨᠠ | ᠬᠤᠶᠢᠮᠤᠷ ᠵᠠᠪᠢᠯᠤᠭᠰᠠᠨ ᠨᠠᠰᠤᠲᠠᠨ ᠲᠤᠰᠤ ᠡᠷᠭᠦᠵᠦ ᠬᠠᠮᠤᠭ ᠪᠦᠬᠦᠨ ᠳᠤ ᠢᠯᠴᠢ ᠳᠠᠯᠠᠯᠤᠨᠠ | ᠰᠦ ᠲᠠᠢ ᠴᠠᠢ ᠲᠤᠭᠤᠭᠠᠨ ᠳᠤ ᠢᠳᠡᠭᠡᠰᠢᠵᠦ ᠰᠢᠨᠠᠭᠠ ᠵᠠᠭᠤᠭᠰᠠᠨ ᠡᠮᠡᠭᠡᠨ ᠭᠠᠷ ᠷᠠᠰᠢᠶᠠᠯᠠᠨᠠ | ᠰᠠᠭᠠᠯᠢ ᠶᠢᠨ ᠦᠨᠦᠷ ᠦᠷᠦᠭᠡᠨ ᠳᠤ ᠬᠠᠩᠬᠤᠯᠵᠤ ᠰᠠᠭᠰᠤ ᠲᠠᠢ ᠬᠤᠷᠤᠳ ᠬᠠᠨᠠ ᠲᠤᠰᠤᠳᠠᠨᠠ | | | ᠲᠤᠷᠮᠤᠶᠢᠭᠰᠠᠨ ᠵᠢᠭᠠᠯ ᠬᠠᠴᠠᠷ ᠤᠯᠪᠠᠯᠵᠠᠭᠤᠯᠵᠤ ᠲᠤᠮᠤ ᠬᠦᠮᠦᠨ ᠠᠴᠠ ᠠᠳᠢᠰ ᠬᠦᠷᠲᠡᠨᠡ | ᠲᠤᠭᠤᠯ ᠬᠠᠷᠢᠭᠤᠯᠤᠭᠰᠠᠨ ᠬᠡᠰᠢᠭ ᠭᠡᠵᠦ ᠲᠤᠰᠤ ᠬᠤᠷᠤᠳ ᠦᠷᠦᠮᠡ ᠳᠤ ᠱᠠᠩᠳᠠᠭᠤᠷᠠᠨᠠ | ᠡᠪᠦᠯ ᠤᠨ ᠴᠠᠭ ᠲᠡᠪᠴᠢᠶᠡᠷᠢ ᠬᠡᠷᠡᠭ ᠲᠠᠢ ᠭᠡᠵᠦ ᠡᠪᠦᠭᠡᠨ ᠡᠮᠡᠭᠡᠨ ᠬᠡᠤᠬᠡᠳ ᠲᠤ ᠰᠠᠨᠠᠭᠤᠯᠤᠨᠠ | ᠢᠷᠡᠬᠦ ᠵᠤᠨ ᠰᠦ ᠰᠠᠭᠠᠯᠢ ᠠᠪᠲᠠᠯᠠ ᠪᠠᠨ ᠢᠳᠡ ᠬᠦᠴᠦ ᠪᠠᠨ ᠨᠦᠭᠡᠴᠡᠯᠡᠬᠦ ᠶᠢ ᠰᠤᠷᠭᠠᠨᠠ | | ᠬᠠᠬᠢᠷ ᠡᠪᠦᠯ ᠲᠠᠢ ᠰᠢᠨᠳᠠᠰᠤ ᠰᠢᠯᠭᠠᠵᠤ ᠬᠠᠲᠠᠭᠤ ᠴᠠᠭ ᠤᠨ ᠵᠤᠷᠢᠭ ᠳᠠᠪᠲᠠᠨᠠ | ᠬᠠᠪᠤᠷ ᠢ ᠤᠭᠲᠤᠨ ᠤᠨ ᠢ ᠦᠳᠡᠬᠦ ᠬᠠᠰᠢᠷ ᠮᠠᠯᠴᠢᠳ ᠵᠤᠳ ᠲᠠᠢ ᠲᠡᠮᠡᠴᠡᠨᠡ᠃ | | | | | ᠡᠪᠦᠯ ᠤᠨ ᠦᠳᠡᠰᠢ | | | ᠠᠭᠤᠯᠠᠰ ᠤᠨ ᠴᠠᠭᠠᠨᠠ ᠨᠠᠷᠠ ᠵᠢᠷᠭᠠᠵᠤ ᠨᠤᠲᠤᠭ ᠤᠨ ᠪᠠᠷᠠ ᠠᠯᠭᠤᠷ ᠠᠯᠤᠰᠬᠠᠨ ᠰᠦᠮᠡᠯᠵᠡᠨᠡ | ᠠᠶᠢᠯ ᠡᠷᠦᠬᠡ ᠠᠴᠠ ᠤᠲᠤᠭᠠ ᠰᠣᠭᠤᠨᠠᠭᠯᠠᠵᠤ ᠠᠷᠭᠠᠯ ᠬᠤᠷᠮᠤᠶᠢᠯᠠᠭᠰᠠᠨ ᠡᠮᠡᠭᠡᠨ ᠰᠠᠷᠠᠪᠴᠢᠯᠠᠨᠠ | ᠡᠪᠦᠯᠵᠢᠶᠡ ᠪᠠᠨ ᠵᠦᠭᠯᠡᠭᠰᠡᠨ ᠦᠬᠡᠷ ᠬᠤᠨᠢᠨ ᠰᠦᠷᠦᠭ ᠡᠩᠭᠡᠷ ᠤᠨ ᠴᠣᠪᠣᠭᠠ ᠪᠠᠷ ᠬᠡᠩᠬᠦᠯᠵᠡᠨᠡ | ᠤᠷᠭᠠ ᠪᠠᠨ ᠲᠤᠬᠤᠶᠢᠯᠠᠭᠰᠠᠨ ᠮᠠᠯᠴᠢᠨ ᠬᠦᠮᠦᠨ ᠤᠯᠠᠷᠢᠯ ᠲᠠᠭᠤᠵᠤ ᠠᠮᠢᠳᠤᠷᠠᠯ ᠢᠶᠠᠨ ᠡᠷᠭᠦᠨᠡ | | ᠬᠤᠲᠠᠯᠠᠭᠰᠠᠨ ᠰᠦᠷᠦᠭ ᠮᠠᠨᠢ ᠲᠠᠪᠠᠲᠠᠶᠢᠬᠠᠨ ᠬᠡᠪᠢᠵᠦ ᠬᠤᠷ ᠦᠬᠡᠷ ᠤᠳ ᠡᠪᠡᠷ ᠰᠡᠷᠡᠶᠢᠯᠭᠡᠨᠡ | ᠬᠤᠷᠠᠭᠠ ᠲᠤᠭᠤᠯ ᠨᠦᠮᠦᠷᠢ ᠳᠡᠷᠡᠯᠡᠵᠦ ᠬᠤᠴᠠ ᠤᠬᠤᠨᠠ ᠣᠮᠤᠭ ᠪᠠᠳᠠᠷᠠᠨ ᠬᠠᠭᠠᠪᠴᠢ ᠰᠠᠬᠢᠨᠠ | ᠠᠳᠤᠭᠤᠨ ᠰᠦᠷᠦᠭ ᠪᠡᠯᠴᠢᠭᠡᠷ ᠢᠶᠠᠨ ᠬᠠᠶᠢᠵᠤ ᠠᠷᠤ ᠶᠢᠨ ᠬᠦᠨᠳᠡᠢ ᠪᠠᠷ ᠲᠠᠶᠢᠪᠤᠭᠤᠨ ᠨᠦᠷᠭᠢᠨᠡ | ᠠᠮᠢᠲᠠᠨ ᠵᠢᠭᠦᠷᠲᠡᠨ ᠵᠤᠭᠠ ᠵᠢᠷᠭᠢᠯᠳᠦᠨ ᠠᠲᠠᠷ ᠬᠡᠭᠡᠷᠡ ᠠᠮᠤᠭᠤᠯᠠᠩ ᠲᠠᠭᠠᠲᠠᠶᠢᠬᠠᠨ ᠤᠷᠴᠢᠨᠠ | | | ᠦᠯᠢᠭᠡᠷ ᠬᠦᠤᠷᠨᠢᠬᠦ ᠡᠪᠦᠭᠡᠳ ᠤᠨ ᠴᠢᠷᠠᠢ ᠳᠤ ᠦᠴᠦᠭᠡᠳᠦᠷ ᠦᠨᠦᠳᠦᠷ ᠤᠨ ᠲᠡᠤᠬᠡ ᠳᠡᠯᠭᠡᠭᠳᠡᠨᠡ | ᠦᠨᠢᠷ ᠠᠮᠢᠳᠤᠷᠠᠯ ᠤᠨ ᠲᠤᠯᠭᠠ ᠪᠠᠨ ᠳᠦᠷᠡᠯᠵᠡᠭᠦᠯᠬᠦ ᠦᠷᠡ ᠬᠡᠤᠬᠡᠳ ᠲᠤ ᠮᠠᠷᠭᠠᠰᠢ ᠶᠢ ᠵᠢᠭᠠᠨᠠ᠃ | | | | | ᠡᠪᠦᠯ ᠤᠨ ᠴᠠᠰᠤ | | ᠬᠠᠬᠢᠷ ᠬᠦᠢᠲᠡᠨ ᠵᠢᠬᠡᠭᠦᠨ ᠵᠢᠪᠡᠷ ᠬᠠᠴᠠᠷ ᠢ ᠵᠦᠰᠦᠵᠦ ᠬᠠᠤᠭᠢᠬᠤ ᠰᠠᠯᠬᠢᠨ ᠳᠤ ᠴᠠᠰᠤ ᠪᠤᠷᠠᠨᠠ | ᠬᠠᠷᠠᠭᠠᠨ ᠤ ᠦᠵᠦᠭᠦᠷ ᠰᠢᠭᠤᠷᠭᠠ ᠳᠤᠭᠰᠢᠷᠠᠵᠤ ᠬᠠᠮᠤᠭ ᠠᠮᠢᠲᠠᠨ ᠨᠦᠮᠦᠷᠢ ᠬᠤᠷᠭᠤᠳᠠᠨᠠ | ᠲᠠᠬᠤ ᠬᠡᠲᠦᠷᠡᠭᠰᠡᠨ ᠠᠳᠤᠭᠤᠴᠢᠨ ᠭᠤᠸᠠᠢ ᠳᠠᠪᠠᠭᠠ ᠶᠢᠨ ᠠᠷᠤ ᠳᠤ ᠳᠦᠷᠦᠭᠡ ᠦᠨᠳᠡᠶᠢᠨᠡ | ᠳᠡᠪᠡᠯ ᠡᠮᠦᠰᠦᠭᠰᠡᠨ ᠬᠤᠨᠢᠴᠢᠨ ᠡᠪᠦᠭᠡᠨ ᠳᠡᠷᠡᠰᠦᠲᠦ ᠶᠢᠨ ᠬᠦᠨᠳᠡᠢ ᠳᠤ ᠰᠦᠷᠦᠭ ᠬᠤᠮᠢᠨᠠ | | ᠬᠡᠪᠲᠡᠷᠢ ᠬᠠᠭᠤᠷᠠᠶᠢᠯᠠᠭᠰᠠᠨ ᠪᠤᠭᠤᠷᠤᠯ ᠡᠵᠢ ᠬᠡᠷᠡᠮ ᠤᠨ ᠴᠠᠰᠤ ᠶᠢ ᠡᠭᠦᠷᠴᠦ ᠶᠠᠭᠠᠷᠠᠨᠠ | ᠬᠦᠷᠵᠡᠩ ᠳᠡᠪᠢᠰᠬᠦ ᠵᠠᠯᠠᠭᠤ ᠪᠦᠰᠡᠭᠦᠢ ᠬᠦᠯᠦᠰᠦ ᠤᠷᠤᠰᠬᠠᠨ ᠱᠠᠯᠠᠮᠠᠭᠠᠢ ᠪᠤᠰᠢᠭᠤᠯᠠᠨᠠ | ᠤᠲᠤᠷ ᠤᠨ ᠵᠠᠮ ᠢᠶᠠᠷ ᠬᠦᠰᠭᠡ ᠬᠦᠲᠦᠯᠵᠦ ᠶᠠᠳᠠᠷ ᠰᠦᠷᠦᠭ ᠲᠤ ᠬᠦᠨᠡᠰᠦ ᠬᠦᠷᠭᠡᠨᠡ | ᠤᠴᠠᠷᠠᠭᠰᠠᠨ ᠬᠤᠶᠠᠷ ᠬᠡᠯᠡᠯᠡᠴᠡᠬᠦ ᠵᠠᠪ ᠦᠭᠡᠢ ᠤᠷᠲᠤ ᠬᠤᠶᠢᠲᠦ ᠪᠠᠭᠤᠴᠠ ᠶᠢ ᠴᠢᠭᠯᠡᠨᠡ | | ᠴᠠᠰᠤ ᠲᠠᠢ ᠡᠪᠦᠯ ᠤᠨ ᠬᠦᠳᠡᠭᠡ ᠴᠠᠩᠳᠤᠭᠰᠠᠨ ᠲᠠᠯᠠ ᠲᠠᠢ ᠪᠠᠨ ᠬᠠᠬᠢᠷᠤᠨᠠ | ᠴᠢᠳᠠᠯ ᠰᠢᠯᠭᠠᠬᠤ ᠤᠳᠤᠮᠲᠤ ᠬᠦᠮᠦᠰ ᠤᠵᠠᠭᠤᠷ ᠲᠡᠤᠬᠡ ᠶᠢᠨ ᠬᠦᠢ ᠵᠠᠯᠭᠠᠨᠠ᠃ | | | | | | | | |