| ● ᠲᠡᠮᠦᠷᠪᠠᠭᠠᠨᠠ | | | ᠬᠡᠣᠭᠡᠳ ᠢᠯᠭᠠᠯ ᠦᠭᠡᠢ ᠰᠤᠷᠭᠠᠵᠦ ᠠᠭᠤᠷᠯᠠᠲᠠᠭ ᠠᠬᠠᠮᠠᠳ ᠤᠨ ᠵᠠᠩ ᠨᠢ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ | ᠬᠡᠨ ᠢ ᠴᠤ ᠬᠠᠮᠵᠢᠵᠦ ᠬᠠᠯᠠᠮᠵᠢᠯᠠᠲᠠᠭ ᠰᠠᠭᠠᠬᠠᠯᠲᠠ ᠶᠢᠨ ᠠᠭᠠᠯᠢ ᠨᠢ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ | ᠬᠡᠵᠢᠶᠡ ᠠᠭᠤᠯᠵᠠᠪᠠᠴᠤ ᠠᠮᠤᠷ ᠠᠰᠠᠭᠤᠲᠠᠭ ᠵᠠᠯᠠᠭᠤᠰ ᠤᠨ ᠮᠤᠷᠠᠯ ᠨᠢ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ | ᠬᠡᠯᠡ ᠠᠮᠠ ᠲᠤᠲᠠᠭᠤ ᠪᠠᠶᠢᠲᠠᠭ ᠠᠶᠢᠯ ᠤᠨ ᠰᠤᠷᠲᠠᠯ ᠨᠢ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ | | | | | ᠬᠡᠲᠦᠬᠡᠨ ᠨᠦᠭᠡᠰᠢ ᠪᠠᠨ ᠲᠡᠮᠲᠡᠷᠢᠭᠡᠳ ᠵᠤᠴᠢᠨ ᠢᠶᠠᠨ ᠬᠦᠨᠲᠦᠯᠡᠬᠦ ᠨᠢ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ | ᠬᠡᠵᠢᠶᠡ ᠲᠡᠬᠢᠭᠠᠳ ᠢᠷᠡᠨᠡ ᠤᠤ ᠭᠡᠵᠦ ᠵᠦᠡᠭᠨᠡᠯ ᠲᠠᠢ ᠮᠤᠷᠲᠠᠭᠤᠯᠬᠤ ᠨᠢ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ | ᠵᠡᠭᠦᠨ ᠪᠠᠷᠠᠭᠤᠨ ᠠᠶᠢᠯ ᠢᠶᠠᠨ ᠵᠠᠯᠠᠵᠦ ᠱᠦᠯᠦ ᠤᠤᠭᠤᠯᠭᠠᠬᠤ ᠨᠢ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ | ᠵᠢᠷᠦᠬᠡ ᠠᠭᠤᠰᠬᠢ ᠬᠠᠪᠢᠷᠭᠠ ᠭᠡᠵᠦ ᠬᠤᠪᠢ ᠲᠦᠭᠡᠭᠡᠬᠦ ᠨᠢ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ | | ᠢᠲᠡᠭᠰᠡᠨ ᠠᠶᠠᠭᠠ ᠪᠠᠨ ᠲᠤᠯᠢᠶᠡ ᠭᠡᠬᠦ ᠤᠴᠢᠷ ᠲᠠᠢ ᠰᠤᠷᠭᠠᠯ ᠨᠢ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ | ᠢᠰᠢᠭᠡ ᠬᠤᠷᠠᠭᠠ ᠬᠠᠷᠠ ᠯᠡ ᠭᠡᠬᠦ ᠠᠵᠢᠯᠯᠠᠭᠤᠯᠬᠤ ᠵᠡᠬᠢᠶᠠ ᠨᠢ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ | ᠢᠷ ᠲᠠᠢ ᠪᠠᠭᠠᠵᠢ ᠶᠢ ᠬᠦᠮᠦᠨ ᠳᠤ ᠬᠠᠨᠲᠤᠭᠤᠯᠬᠤ ᠦᠭᠡᠢ ᠴᠡᠭᠡᠷ ᠬᠤᠷᠢᠭᠠ ᠨᠢ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ | ᠢᠮ ᠲᠠᠮᠠᠭᠠ ᠪᠠᠷ ᠮᠠᠯ ᠢᠶᠠᠨ ᠲᠠᠨᠢᠬᠤ ᠤᠯᠠᠮᠵᠢᠯᠠᠯ ᠦᠪᠯᠡᠭᠦᠯᠬᠦ ᠨᠢ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ | | | ᠬᠠᠭᠵᠠᠷᠬᠠᠢ ᠭᠤᠲᠤᠯ ᠲᠠᠢ ᠪᠢᠯᠡᠭᠤ ᠲᠡᠭᠦᠵᠢᠯᠡᠭᠡᠳ ᠠᠪᠠ ᠳᠤ ᠬᠦᠶᠦᠬᠦ ᠨᠢ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ | ᠬᠠᠶᠠ ᠡᠷᠬᠢᠯᠡᠲᠡᠭ ᠨᠠᠶᠢᠷ ᠨᠠᠭᠠᠲᠤᠮ ᠳᠤ ᠪᠦᠬᠡᠴᠢᠳ ᠤᠨ ᠪᠠᠷᠢᠯᠲᠤᠭᠠᠨ ᠨᠢ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ | ᠬᠠᠪᠤᠷ ᠤᠨ ᠰᠠᠶᠢᠬᠠᠨ ᠡᠷᠡᠨ ᠪᠤᠯᠬᠤ ᠳᠤ ᠦᠷᠢᠶᠡ ᠡᠰᠭᠡᠬᠦ ᠨᠢ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ | ᠬᠠᠯᠠᠭᠠᠢ ᠮᠦᠭᠦ ᠠᠷᠪᠠᠢ ᠪᠠᠷ ᠠᠮᠲᠠᠲᠦ ᠵᠠᠭᠤᠰᠢ ᠬᠢᠬᠦ ᠨᠢ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ | | ᠡᠬᠡ ᠪᠠᠨ ᠠᠯᠲᠠᠭᠰᠠᠨ ᠦᠨᠦᠴᠢᠨ ᠲᠦᠯ ᠢ ᠤᠭᠵᠢᠵᠦ ᠪᠤᠶᠢᠵᠢᠭᠤᠯᠲᠠᠭ ᠨᠢ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ | ᠦᠷᠦᠭᠡᠯ ᠦᠪᠡᠷ ᠤᠨ ᠮᠠᠯ ᠰᠦᠷᠦᠭ ᠢ ᠪᠦᠬᠦᠲᠡ ᠶᠢ ᠤᠰᠤᠯᠠᠲᠠᠭ ᠨᠢ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ | ᠡᠪᠤᠯ ᠤᠨ ᠤᠷᠲᠦ ᠦᠲᠡᠰᠢ ᠪᠠᠷ ᠦᠯᠢᠭᠡᠷ ᠰᠤᠨᠤᠰᠲᠠᠭ ᠨᠢ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ | ᠦᠤᠷ ᠤᠨ ᠴᠤᠯᠮᠤᠨ ᠲᠠᠢ ᠤᠷᠤᠯᠲᠤᠵᠦ ᠠᠷᠭᠠᠯ ᠳᠤ ᠶᠠᠪᠤᠲᠠᠭ ᠨᠢ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ | | | ᠬᠠᠲᠤᠯᠠᠩ ᠲᠠᠷᠢᠶᠠ ᠭᠡᠵᠦ ᠬᠤᠪᠢᠶᠠᠭᠰᠠᠨ ᠦᠭᠡᠢ ᠲᠠᠩᠰᠤᠭ ᠲᠠᠯᠠ ᠨᠢ ᠲᠡᠨᠢᠬᠦᠨ ᠪᠠᠶᠢᠭᠰᠠᠨ | ᠬᠠᠲᠠᠭᠤᠵᠢᠯᠲᠠᠢ ᠬᠦᠲᠡᠯᠮᠤᠷᠢ ᠪᠠᠨ ᠲᠦᠰᠢᠭᠰᠡᠨ ᠠᠲᠠᠯ ᠦᠢᠯᠡᠰ ᠨᠢ ᠪᠤᠷᠤᠭᠵᠢᠭᠤᠨ ᠪᠠᠶᠢᠭᠰᠠᠨ | ᠤᠯᠤᠰ ᠤᠨ ᠬᠡᠮᠵᠢᠶᠡᠲᠦ ᠪᠢᠯᠧᠲ ᠢ ᠵᠡᠷᠤᠭᠰᠡᠨ ᠴᠦ ᠦᠷᠢ ᠰᠢᠷᠢ ᠨᠢ ᠪᠠᠭᠠ ᠪᠠᠶᠢᠭᠰᠠᠨ | ᠤᠨᠤᠭᠠ ᠬᠡᠷᠡᠭᠰᠡᠯ ᠠᠮᠦ ᠶᠢ ᠪᠠᠨ ᠵᠢᠭᠡᠯᠡᠭᠦᠯᠲᠡᠭ ᠦᠷᠦ ᠰᠡᠳᠭᠢᠯ ᠨᠢ ᠵᠦᠭᠡᠯᠡᠨ ᠪᠠᠶᠢᠭᠰᠠᠨ | | ᠡᠷᠭᠢ ᠲᠤᠤᠷ ᠬᠠᠷᠠᠭᠲᠠᠲᠠᠭ ᠦᠭᠡᠢ ᠨᠤᠲᠤᠭ ᠤᠨ ᠵᠠᠮ ᠨᠢ ᠰᠠᠷᠠᠭᠤᠯᠬᠠᠨ ᠪᠠᠶᠢᠭᠰᠠᠨ | ᠡᠵᠢ ᠨᠠᠭᠤᠷ ᠢ ᠵᠤᠷᠢᠭᠰᠠᠨ ᠠᠶᠠᠨ ᠤ ᠲᠡᠷᠭᠡ ᠨᠢ ᠲᠠᠭᠠᠭᠠᠴᠠᠲᠠᠢ ᠪᠠᠶᠢᠭᠰᠠᠨ | ᠲᠠᠪᠤᠷᠠ ᠶᠢᠨ ᠤᠰᠤ ᠱᠣᠣᠬᠢᠭᠰᠠᠨ ᠬᠤᠪᠤᠡᠭ ᠤᠨ ᠴᠤᠭ ᠨᠢ ᠢᠯᠴᠢ ᠲᠠᠢ ᠪᠠᠶᠢᠭᠰᠠᠨ | ᠲᠠᠮᠠᠬᠢ ᠲᠠᠢ ᠭᠠᠨᠭ᠍ᠰᠠ ᠪᠠᠨ ᠫᠤᠭᠰᠢᠭᠰᠠᠨ ᠡᠪᠤᠭᠡᠳ ᠤᠨ ᠬᠠᠭᠤᠴᠢ ᠨᠢ ᠤᠯᠠᠨ ᠪᠠᠶᠢᠭᠰᠠᠨ | | ᠱᠠᠩᠲᠠ ᠭᠤᠷᠤᠬᠠ ᠨᠠᠭᠤᠷ ᠤᠨ ᠬᠦᠪᠡᠭᠡ ᠪᠠᠷ ᠴᠡᠴᠡᠭ ᠮᠢᠷᠠᠯᠵᠠᠬᠤ ᠨᠢ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ | ᠱᠠᠯᠲᠠᠩ ᠨᠢᠴᠦᠬᠦᠨ ᠵᠢᠭᠠᠯ ᠤᠳ ᠭᠤᠤᠯ ᠳᠤ ᠨᠠᠭᠠᠳᠬᠤ ᠨᠢ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ | ᠡᠭᠡᠵᠡᠭᠡᠢ ᠬᠤᠷᠤᠳ ᠪᠢᠰᠢᠯᠠᠭ ᠠᠴᠠ ᠨᠢ ᠲᠤᠰᠤ ᠭᠢᠯᠲᠠᠭᠠᠨᠠᠬᠤ ᠨᠢ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ | ᠡᠯᠪᠡᠭ ᠲᠠᠩᠰᠤᠭ ᠨᠠᠮᠤᠷ ᠤᠨ ᠶᠠᠭᠠᠷᠠᠯ ᠳᠤ ᠭᠡᠭᠡᠷᠡ ᠲᠤᠭᠤᠭᠠᠯᠠᠬᠤ ᠨᠢ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ | | | ᠰᠤᠶᠢᠯᠵᠦ ᠲᠦᠷᠦᠭᠰᠡᠨ ᠭᠤᠨᠵᠢ ᠲᠤᠭᠤᠯ ᠲᠠᠢ ᠪᠠᠨ ᠢᠷᠡᠬᠦ ᠨᠢ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ | ᠰᠤᠨᠤᠷ ᠤᠷᠲᠦ ᠬᠤᠲᠠᠴᠢ ᠡᠵᠡᠨ ᠢᠶᠠᠨ ᠤᠭᠲᠤᠬᠤ ᠨᠢ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ | ︽ᠰᠤᠷᠲᠤᠭᠤ︾ ᠠᠪᠲᠠᠭ ᠴᠠᠭ᠂ ᠲᠤᠭᠤᠢ ᠨᠢ ᠵᠠᠰᠠᠯ ᠪᠤᠯᠤᠭᠠᠳ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ | ᠰᠤᠮᠤ ᠠᠶᠢᠯ ᠤᠨ ᠰᠤᠷᠭᠠᠭᠤᠯᠢ ᠨᠤᠭᠤᠳ ᠨᠢ ᠰᠤᠶᠤᠯ ᠢ ᠭᠠᠶᠢᠬᠠᠭᠤᠯᠤᠭᠠᠳ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ | | | ᠭᠠᠯ ᠤᠨ ᠲᠠᠬᠢᠯᠭᠠ ᠤᠶᠢᠷᠠᠳᠬᠤ ᠪᠠᠷ ᠵᠠᠰᠠᠵᠦ ᠴᠡᠪᠡᠷᠯᠡᠬᠦ ᠨᠢ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ | ᠭᠠᠷ ᠤᠷᠠᠨ ᠤᠯᠤᠰ ᠢᠶᠠᠨ ᠭᠤᠶᠤᠭᠠᠳ ᠯᠡ ᠭᠡᠷ ᠢᠶᠠᠨ ᠴᠢᠮᠡᠬᠦ ᠨᠢ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ | ᠰᠢᠨᠡ ᠶᠢᠨ ᠨᠢᠭᠡᠨ ᠳᠤ ᠰᠢᠨᠡ ᠬᠦᠷᠮᠡ ᠲᠠᠢ ᠪᠤᠭᠤᠷᠤᠯ ᠳᠤ ᠪᠠᠨ ᠮᠦᠷᠭᠦᠬᠦ ᠨᠢ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ | ᠰᠢᠬᠢᠷ ᠪᠠᠭᠯᠠᠭᠰᠠᠨ ᠬᠡᠣᠭᠡᠳ ᠤᠨ ᠪᠤᠤᠪᠤ ᠲᠠᠢ ᠠᠶᠢᠯ ᠲᠤᠭᠤᠷᠢᠬᠤ ᠨᠢ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ | | ᠬᠦᠲᠡᠭᠡ ᠪᠠᠶᠢᠭᠠᠯᠢ ᠨᠢ ᠨᠠᠷᠠ ᠰᠠᠯᠬᠢ ᠲᠠᠢ ᠦᠶᠦᠭ ᠲᠠᠩᠰᠤᠭ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ | ᠬᠦᠮᠦᠨ ᠠᠷᠠᠳ ᠨᠢ ᠬᠦᠰᠡᠯ ᠵᠤᠷᠢᠭ ᠲᠠᠢ ᠬᠡᠶᠢᠮᠤᠷᠢ ᠦᠯᠡᠮᠵᠢ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ | ᠬᠡᠯᠡᠵᠦ ᠪᠠᠷᠠᠰᠢ ᠦᠭᠡᠢ ᠦᠯᠢᠭᠡᠷ ᠲᠠᠢ ᠭᠡᠷᠡᠯᠲᠦ ᠰᠠᠶᠢᠬᠠᠨ ᠲᠤᠷᠠᠰᠤᠮᠵᠢ ᠪᠠᠶᠢᠭᠰᠠᠨ | ᠭᠡᠵᠢᠶᠡᠲᠡ ᠬᠤᠶᠢᠴᠢᠰ ᠲᠤ ᠪᠠᠨ ᠴᠡᠭᠡᠵᠢᠯᠡᠭᠦᠯᠬᠦ ᠤᠳᠬᠠ ᠠᠭᠤᠯᠭᠠ ᠲᠠᠢ ᠰᠢᠯᠦᠭ ᠪᠠᠶᠢᠭᠰᠠᠨ | ᠲᠡᠷᠡ ᠦᠶᠡ ᠳᠤ ᠲᠠᠶᠢᠮᠦ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ︕ | | | | | |