ᠡᠭᠦᠯᠡ ᠡᠭᠦᠯᠡ ᠪᠠᠨ ᠲᠠᠭᠤᠭᠠᠳ ᠡᠭᠦᠳᠡᠨ ᠠᠴᠠ ᠮᠢᠨᠢ ᠰᠢᠷᠭᠠᠯᠲᠤᠬᠤ ᠬᠦᠪᠴᠢ ᠬᠠᠩᠭᠠᠢ ᠠᠭᠤᠯᠠ ᠭᠤᠪᠢ ᠲᠠᠯᠠ ᠬᠦᠨᠲᠡᠢ ᠡᠩ ᠳᠡᠭᠡᠨ ᠨᠢᠭᠡ ᠯᠠ | ᠨᠡᠯᠦᠶᠢᠭᠡᠳ ᠲᠡᠭᠦᠨ ᠤ ᠪᠠᠨ ᠰᠣᠷ ᠳᠡᠭᠡᠭᠦᠷ ᠰᠢᠬᠦᠲᠡᠷᠢ ᠶᠢᠨ ᠮᠦᠬᠦᠯᠢᠭ ᠮᠦᠩᠭᠦᠨ ᠭᠠᠷᠠᠬᠠ ᠰᠠᠭᠤᠯᠭᠠᠴᠢᠬᠠᠭᠰᠠᠨ ᠰᠢᠭ ᠨᠢᠳᠦ ᠭᠢᠯᠠᠰᠤᠭᠤᠯᠤᠨ ᠪᠠᠶᠢᠬᠤ ᠨᠢ | ᠠᠪᠤ ᠶᠢᠨ ᠪᠣᠷᠣᠯᠠᠭ ᠤᠨ ᠮᠦᠩᠭᠦᠨ ᠲᠣᠯᠢᠲᠤ ᠬᠠᠵᠠᠭᠠᠷ ᠰᠢᠬ᠂ ᠡᠵᠢ ᠶᠢᠨ ᠦᠰᠦᠨ ᠤ ᠪᠠᠳᠮᠠ ᠯᠢᠩᠬᠤᠸᠠᠳᠤ ᠰᠦᠢᠬᠡ ᠰᠢᠭ ᠭᠤᠶᠣ ᠬᠠᠷᠠᠭᠳᠠᠨᠠ᠃ ᠲᠡᠭᠦᠨ ᠤ | ᠳᠡᠭᠡᠭᠦᠷ ᠵᠣᠷᠬᠠ ᠳᠠᠳᠠᠭᠤᠯᠤᠨ ᠬᠤᠯᠠᠳᠠᠭᠰᠠᠨ ᠮᠠᠯ ᠤᠨ ᠮᠦᠷ ᠶᠠᠭ ᠯᠠ ᠭᠦᠯᠦ ᠬᠠᠷᠠ ᠨᠣᠭᠳᠤ ᠰᠢᠭ ᠰᠤᠨᠤᠯᠵᠠᠨᠠ᠃ ᠭᠦᠯᠦ ᠬᠠᠷᠠ ᠨᠣᠭᠲᠣᠨ | ᠴᠣᠯᠪᠣᠭᠤᠷ ᠢᠶᠠᠷ ᠢᠶᠠᠨ ᠭᠦᠷᠪᠡᠯᠵᠡᠵᠦ ᠬᠠᠷᠠᠭᠳᠠᠬᠤ ᠳᠡᠯᠡᠬᠡᠢ ᠶᠢᠨ ᠢᠶᠠᠨ ᠰᠡᠭᠡᠷ ᠨᠢᠷᠤᠭᠤᠨ ᠠᠴᠠ ᠬᠦᠮᠦᠯᠳᠦᠷᠭᠡᠯᠡᠵᠦ ᠳᠠᠳᠠᠭᠰᠠᠠ ᠲᠠᠲᠠᠯᠠᠭᠠ ᠰᠢᠭ ᠯᠠ ᠬᠦᠭᠡᠪᠦᠷ ᠤᠨ | ᠮᠢᠨᠢ ᠬᠦᠢᠳᠡᠨ ᠰᠢᠬᠦᠳᠡᠷᠢ ᠪᠠᠭᠤᠭᠰᠠᠨ ᠨᠠᠮᠤᠷᠵᠢᠶᠠ ᠬᠠᠶ᠋ᠨ ᠬᠠᠶᠠ ᠵᠢᠷᠦᠬᠡᠨ ᠳᠤ ᠪᠣᠳᠣᠭᠳᠠᠬᠤ ᠶᠢ ᠶᠠᠭᠠᠬᠢᠨᠠ ᠭᠡᠬᠦᠪ ᠳ᠋ᠧ᠃ | ᠠᠭᠤᠯᠠ ᠲᠣᠯᠣᠭᠠᠳ ᠤᠨ ᠪᠤᠭᠤᠷᠤᠯ ᠳᠣᠰᠢᠨ ᠳᠡᠭᠡᠷᠡ ᠤᠨᠤᠭᠠ ᠬᠦᠯᠪᠦᠷᠢ ᠪᠠᠨ ᠠᠷᠭᠠᠮᠵᠢᠵᠤ ᠬᠤᠨᠣᠨ᠂ ᠡᠷᠲᠡ ᠶᠢᠨ ᠴᠠᠭᠠᠨ ᠰᠢᠭᠦᠳᠡᠷᠢ ᠪᠠᠷ ᠬᠤᠨᠢ ᠪᠠᠨ | ᠬᠦᠳᠡᠯᠭᠡᠨ ᠡᠪᠡᠰᠦᠨ ᠤ ᠰᠣᠷᠭᠤᠭ ᠢᠶᠠᠷ ᠪᠡᠯᠴᠢᠭᠡᠷᠯᠡᠭᠦᠯᠦᠨ᠂ ᠪᠠᠭᠠ ᠦᠳᠡ ᠶᠢᠨ ᠠᠯᠳᠠ ᠪᠠᠷ ᠬᠦᠢᠳᠡᠨ ᠰᠢᠭᠦᠳᠡᠷᠢ ᠠᠯᠭᠤᠷᠬᠠᠠ ᠬᠠᠯᠠᠵᠤ ᠡᠬᠢᠯᠡᠬᠦ ᠳᠤ ᠬᠤᠨᠢ ᠪᠠᠨ | ᠠᠭᠤᠯᠠ ᠬᠢᠷᠠ ᠶᠢᠨ ᠦᠨᠳᠦᠷ᠂ ᠲᠣᠪᠤ ᠲᠣᠪᠣᠴᠠᠭ ᠤᠨ ᠣᠷᠤᠢ ᠪᠠᠷᠢᠭᠤᠯᠤᠨ ᠬᠡᠪᠲᠡᠭᠦᠯᠴᠢᠭᠡᠭᠡᠳ ᠪᠦᠭ ᠪᠦᠭ ᠱᠣᠭᠰᠢᠭᠤᠯᠳᠠᠭ ᠪᠠᠶᠢᠭᠰᠠᠨ ᠠᠶᠢᠯ ᠤᠨ ᠡᠪᠦᠭᠡ | ᠨᠠᠷ ᠤᠨ ᠪᠠᠷᠠ ᠨᠢᠳᠤᠨ ᠳᠤ ᠲᠣᠲᠤᠬᠠᠨ ᠠᠴᠠ ᠲᠣᠳᠣᠬᠠᠨ᠃ ᠲᠦᠷᠪᠡᠡ ᠤᠯᠠᠷᠢᠯ ᠤᠨ ᠴᠠᠭ ᠠᠭᠠᠷ᠂ ᠪᠡᠯᠴᠢᠭᠡᠷ ᠤᠰᠤ᠂ ᠨᠠᠷᠠ ᠰᠠᠯᠬᠢᠨ᠂ ᠤᠷᠭᠤᠮᠠᠯ ᠴᠡᠴᠡᠭ ᠤᠨ | ᠦᠩᠭᠡ ᠪᠠᠷ ᠢᠷᠡᠬᠦ ᠵᠢᠯ ᠤᠨ ᠦᠩᠭᠡ᠂ ᠡᠳᠦᠷ ᠤᠨ ᠰᠠᠶᠢᠬᠠᠨ ᠢ ᠰᠢᠨᠵᠢᠨ ᠨᠡᠭᠦᠳᠡᠯᠯᠡᠵᠦ ᠣᠲᠣᠷᠯᠠᠵᠤ ᠪᠠᠶᠢᠭᠰᠠᠨ ᠪᠤᠭᠤᠷᠤᠯ ᠨᠠᠰᠤᠳᠠᠳ ᠤᠨ ᠴᠢᠷᠠᠢ ᠬᠠᠷᠠᠴᠠᠨ ᠤ | ᠦᠵᠦᠭᠦᠷ ᠬᠠᠯᠢᠭᠤᠷᠠᠨ ᠰᠥᠨᠳᠡᠷᠯᠡᠳᠡᠭ ᠪᠠᠶᠠᠠ ᠣᠪᠣᠭᠠᠳᠣ ᠶᠢᠨ ᠦᠨᠳᠦᠷ ᠵᠤᠯᠠᠢ ᠰᠢᠭ ᠢᠶᠠᠨ ᠨᠠᠷᠠᠨ ᠳᠤ ᠣᠶᠢᠷᠠᠬᠠᠠ ᠪᠠᠶᠢᠳᠠᠭ ᠠᠴᠠ ᠪᠣᠯᠵᠤ ᠬᠠᠷᠠᠯᠠᠵᠤ | ᠪᠣᠷᠣᠯᠠᠭᠰᠠᠨ ᠪᠠᠶᠢᠯᠭᠦᠢ ᠳ᠋ᠠ ᠬᠦᠭᠡᠷᠦᠬᠦᠢ᠃ ᠨᠠᠷᠠᠨ ᠳᠤ ᠬᠠᠯᠠᠭᠰᠠᠨ ᠰᠢᠭᠦᠳᠡᠷᠢ ᠳᠤ ᠬᠤᠨᠢ ᠢᠮᠠᠭᠠᠨ ᠤ ᠰᠢᠯᠪᠢ ᠪᠣᠷᠪᠢ ᠬᠢᠮᠤᠰᠤ ᠴᠦᠪᠦᠷᠢᠭᠦᠳᠦᠵᠦ ᠳᠣᠭᠤᠯᠳᠠᠬᠤ | ᠪᠤᠢ ᠳ᠋ᠡ ᠭᠡᠵᠦ ᠪᠠᠭᠠ ᠦᠳᠡ ᠶᠢᠨ ᠨᠠᠷᠠᠨ ᠢᠶᠠᠷ ᠣᠷᠣᠢ ᠲᠣᠯᠣᠭᠠᠢ᠂ ᠳᠣᠪᠤ ᠲᠣᠪᠣᠴᠠᠭ ᠪᠠᠷᠢᠭᠤᠯᠤᠨ ᠪᠡᠯᠴᠢᠭᠡᠭᠰᠡᠨ ᠰᠦᠷᠦᠭ ᠢᠶᠠᠨ ᠰᠢᠭᠦᠳᠡᠷᠢ ᠡᠭᠰᠢᠬᠦ ᠪᠠᠷ ᠰᠠᠯᠬᠢ | ᠪᠠᠷᠢᠭᠤᠯᠤᠨ ᠪᠡᠯᠴᠢᠭᠡᠳᠡᠭ ᠨᠢ ᠡᠩᠭᠡᠷ ᠬᠦᠭᠡᠪᠦᠷ ᠤᠨ ᠨᠦᠮᠦᠭᠡᠨ ᠴᠠᠭᠠᠨ ᠡᠪᠦᠭᠡᠨ ᠤ ᠬᠦᠯᠭᠡᠨ ᠴᠠᠭᠠᠨ ᠵᠢᠷᠤᠬᠠᠢ ᠶᠢᠨ ᠶᠠᠪᠤᠳᠠᠯ ᠶᠤᠮ ᠳ᠋ᠠ᠃ | ᠲᠠᠭᠠᠨᠠ ᠮᠠᠩᠭᠢᠷ ᠤᠨ ᠶᠠᠭᠠᠨ ᠴᠡᠴᠡᠭ ᠲᠡᠯᠭᠡᠷᠡᠭᠰᠡᠨ ᠬᠦᠨᠲᠡᠢ ᠨᠦᠭᠳᠡᠭᠡ᠂ ᠵᠡᠭᠡᠷᠭᠡᠨᠡ ᠬᠢᠯᠭᠠᠨᠠ ᠬᠠᠯᠢᠭᠤᠷᠠᠨ ᠬᠠᠶᠠᠯᠠᠭᠰᠠᠨ ᠰᠢᠯᠢ ᠬᠠᠩᠭᠠᠢ ᠭᠤᠪᠢ | ᠴᠠᠶᠢᠳᠠᠮ ᠢᠶᠠᠷ ᠣᠲᠣᠷ ᠨᠡᠭᠦᠳᠡᠯ ᠰᠤᠪᠤᠳᠠᠭ ᠤᠨ ᠬᠠᠮ ᠠᠴᠢᠶᠠ ᠶᠢ ᠲᠠᠭᠠᠵᠤ ᠭᠦᠶᠦᠵᠦ ᠪᠠᠶᠢᠭᠰᠠᠨ ᠪᠠᠭᠠ ᠨᠠᠰᠤᠨ ᠤ ᠮᠢᠨᠢ ᠤᠯᠠ ᠮᠦᠷ ᠦᠵᠡᠭᠳᠡᠨᠡ᠃ | ᠵᠢᠷᠤᠭ ᠤᠨ ᠶᠤᠮ ᠰᠢᠭ ᠵᠠᠭᠤᠨ ᠵᠠᠭᠤᠨ ᠰᠦᠷᠦᠭ ᠨᠢ ᠴᠦ ᠡᠩ ᠦᠬᠡᠢ ᠶᠤᠮ ᠰᠢᠭ ᠨᠠᠯᠠᠶᠢᠨ ᠴᠠᠶᠢᠵᠤ ᠲᠡᠭᠷᠢ ᠶᠢᠨ ᠴᠠᠭᠠᠨ ᠡᠭᠦᠯᠡ ᠪᠠᠭᠤᠴᠢᠬᠠᠭᠰᠠᠨ ᠶᠤᠮ ᠤᠤ | ᠳᠡᠷᠡᠰᠦᠲᠦ ᠶᠢᠨ ᠴᠠᠭᠠᠨ ᠰᠢᠪᠠᠭᠤᠬᠠᠢ ᠢᠷᠡᠴᠢᠭᠡᠭᠰᠡᠡ ᠶᠤᠮ ᠤᠤ ᠬᠡᠮᠡᠷᠬᠡᠨ ᠭᠤᠶᠤ ᠯᠠ ᠬᠠᠷᠠᠭᠳᠠᠳᠠᠭ ᠪᠠᠶᠢᠭᠰᠠᠨ ᠁ | — ᠬᠡᠷᠡᠰᠤ ᠤᠯᠠᠶᠢᠴᠢᠬᠠᠯᠠ ᠠᠪᠤ ᠡ | — ᠬᠡᠭᠡᠷ ᠪᠣᠷᠣᠯᠠᠭ ᠤᠨ ᠠᠳᠤᠭᠤ ᠬᠤᠶᠢᠰᠢᠯᠠᠴᠢᠬᠠᠯᠠ | — ᠨᠡᠭᠦᠬᠦ ᠤᠤ ᠳ᠋ᠡ ᠪᠠᠶᠢᠬᠤ ᠤᠤ ᠳ᠋ᠡ ᠁ ᠭᠡᠳᠡᠭ ᠮᠦᠷ ᠪᠠᠳᠠᠭ ᠴᠦ ᠦᠪᠡᠷ ᠤᠨ ᠡᠷᠬᠡ ᠦᠬᠡᠢ ᠰᠠᠨᠠᠭᠠᠨ ᠳᠤ ᠪᠠᠭᠤᠵᠤ᠂ ᠦᠶᠡ ᠥᠶᠡᠭᠡᠨ | ᠦᠶᠡᠯᠵᠡᠬᠦ ᠬᠢᠯᠭᠠᠨᠠ ᠶᠢᠨ ᠨᠠᠮᠠᠭᠠ ᠪᠠᠷ ᠳᠡᠷᠲᠡᠭᠡ ᠬᠠᠷᠠᠭᠳᠠᠬᠤ ᠠᠯᠤᠰ ᠤᠨ ᠪᠠᠷᠠ ᠳᠤ ᠨᠠᠮᠠᠢᠢ ᠠᠭᠤᠰᠬᠠᠨ ᠠᠭᠤᠰᠬᠠᠬᠤ ᠨᠢ ᠭᠠᠶᠢᠬᠠᠯᠳᠠᠢ᠃ | ᠬᠠᠷᠠ ᠨᠣᠬᠠᠢ ᠪᠢᠳᠡ ᠬᠤᠶᠠᠷ ᠠᠮᠠᠨ ᠤ ᠤᠰᠤᠨ ᠳᠤ ᠶᠠᠪᠤᠬᠤ ᠡᠵᠢ ᠪᠠ ᠰᠢᠷᠠ ᠲᠠᠷᠯᠠᠨ ᠬᠤᠶᠠᠷ ᠢᠶᠠᠨ ᠳᠠᠭᠠᠬᠤ ᠳᠤᠷᠠᠲᠠᠢ᠃ ᠤᠰᠤᠨ ᠲᠡᠷᠭᠡ ᠳᠠᠭᠠᠵᠤ | ᠶᠠᠪᠤᠭᠠᠳ ᠢᠷᠡᠬᠦ ᠳᠤ ᠠᠪᠤ ᠮᠢᠨᠢ᠄ ︽ᠭᠤᠪᠢ ᠶᠢᠨ ᠬᠡᠷᠡᠰᠤ ᠤᠯᠠᠶᠢᠴᠢᠬᠠᠯᠠ᠃ ᠬᠤᠶᠠᠷ ᠬᠤᠨᠤᠭ ᠣᠷᠤᠭᠤᠯᠤᠭᠠᠳ ᠭᠠᠷᠭᠠᠬᠤ ᠤᠤ ᠳ᠋ᠡ︾ ᠭᠡᠵᠥ ᠡᠵᠢ ᠲᠠᠢ | ᠵᠦᠪᠳᠡᠭᠰᠡᠨ ᠠᠶᠠᠰ ᠲᠠᠢ ᠶᠠᠷᠢᠬᠤ ᠠᠪᠠᠴᠤ ᠴᠠᠭᠠᠨᠠ ᠪᠠᠨ ︽ᠲᠡᠭᠡᠨᠡ︕︾ ᠭᠡᠰᠡᠡ ᠰᠠᠨᠠᠭᠠ ᠨᠢ ᠢᠯᠡᠬᠡᠨ ᠴᠤᠬᠤᠶᠢᠵᠤ ᠪᠠᠶᠢᠳᠠᠭ ᠢ ᠪᠢ ᠰᠠᠶᠢᠨ ᠮᠡᠳᠡᠨᠡ᠃ ︽ | ᠪᠣᠷᠣ ᠰᠢᠷᠡᠭᠡ ᠶᠢᠨ ᠬᠦᠩᠬᠡ ᠮᠠᠩᠭᠢᠷ ᠴᠦ ᠳᠠᠪᠤᠤ ᠲᠡᠯᠭᠡᠭᠰᠡᠡ ᠰᠢᠭ ᠶᠠᠭᠠᠷᠠᠵᠤ ᠬᠠᠷᠠᠭᠳᠠᠨᠠ᠂ ᠲᠡᠨᠳᠡ ᠬᠡᠳᠦ ᠬᠤᠨᠤᠭᠠᠳ ᠭᠠᠷᠬᠤ ᠠᠴᠠ︾ ᠭᠡᠵᠥ ᠬᠠᠷᠠ ᠦᠷ ᠤᠨ | ᠰᠡᠷᠢᠭᠦᠨ ᠢᠶᠠᠷ ᠬᠠᠮ ᠲᠡᠷᠭᠡ ᠰᠠᠵᠢᠯᠠᠭᠤᠯᠤᠨ ᠬᠥᠳᠡᠯᠳᠡᠭ ᠪᠠᠶᠢᠭᠰᠠᠨ ᠶᠤᠮ᠃ ᠬᠡᠷᠡᠰᠤ ᠲᠠᠭᠠᠨᠠ᠂ ᠬᠦᠩᠬᠡ ᠮᠠᠩᠭᠢᠷ ᠪᠤᠯ ᠤᠰᠤᠯᠢᠭ ᠤᠷᠭᠤᠮᠠᠯ ᠶᠤᠮ᠃ ᠬᠡᠷᠡᠰᠤ | ᠲᠠᠭᠠᠨᠠ᠂ ᠬᠦᠩᠬᠡ ᠮᠠᠩᠭᠢᠷ᠂ ᠭᠤᠭᠤᠳ ᠰᠣᠩᠭᠢᠨᠠ ᠵᠡᠷᠭᠡ ᠤᠷᠭᠤᠮᠠᠯ ᠢ ᠢᠳᠡᠭᠰᠡᠨ ᠬᠤᠨᠢ ᠢᠮᠠᠭᠠᠳ ᠲᠠᠪᠤ ᠳᠣᠯᠣᠭᠠᠨ ᠬᠤᠨᠤᠭ ᠤᠰᠤᠨ ᠳᠤ ᠣᠷᠣᠬᠤ ᠦᠬᠡᠢ | ᠴᠦ ᠠᠵᠢᠭ ᠦᠬᠡᠢ ᠪᠠᠶᠢᠳᠠᠭ ᠢ ᠮᠠᠯᠴᠢᠨ ᠠᠪᠤ ᠪᠠᠨ ᠳᠠᠭᠠᠵᠤ ᠣᠲᠣᠷ ᠰᠣᠪᠣᠳᠠᠭ ᠶᠠᠪᠤᠵᠤ ᠪᠠᠶᠢᠬᠤ ᠳᠠᠭᠠᠨ ᠪᠢ ᠮᠡᠳᠡᠵᠦ ᠠᠪᠤᠭᠰᠠᠨ ᠶᠤᠮ᠃ | ᠬᠦᠢᠳᠡᠨ ᠰᠢᠭᠦᠳᠡᠷᠢ ᠪᠠᠭᠤᠭᠰᠠᠨ ᠦᠷᠯᠦᠭᠡ ᠨᠠᠭᠠᠴᠤ᠄ ︽ᠬᠦᠢᠲᠡᠨ ᠰᠢᠭᠦᠳᠡᠷᠢ ᠪᠠᠭᠤᠴᠢᠬᠠᠯᠠ᠃ ᠬᠤᠶᠢᠰᠢ ᠪᠠᠨ ᠬᠦᠳᠡᠯᠬᠦ ᠤᠤ ᠳ᠋ᠠ︾ ᠭᠡᠵᠤ ᠨᠠᠭᠠᠴᠤ | ᠡᠵᠢ ᠶᠢ ᠴᠢᠷᠠᠶᠢᠳᠠᠨ ᠨᠠᠮᠤᠭᠤᠬᠠᠨ ᠶᠠᠷᠢᠬᠤ ᠳᠤ ︽ᠬᠦᠢᠳᠡᠨ ᠰᠢᠭᠦᠳᠡᠷᠢ ᠪᠠᠭᠤᠵᠤ ᠪᠠᠶᠢᠨᠡ᠂ ᠢᠮᠠᠭᠠ ᠲᠠᠷᠭᠤᠯᠠᠬᠤ ᠴᠠᠭ ᠪᠣᠯᠴᠢᠬᠠᠯᠠ︾ ᠭᠡᠵᠥ ᠶᠠᠷᠢᠲᠠᠭ | ᠬᠠᠭᠤᠴᠢᠨ ᠬᠦᠮᠦᠨ ᠤ ᠦᠭᠡ ᠬᠠᠤᠯᠢ ᠰᠢᠤᠬᠠᠨ ᠪᠠᠶᠢᠳᠠᠭ ᠢ ᠮᠠᠨᠠᠶᠢᠬᠢᠨ ᠪᠦᠷ ᠮᠡᠳᠡᠨᠡ᠃ ᠪᠤᠭᠤᠷᠤᠯ ᠡᠵᠢ ᠶᠢᠨ ᠢᠶᠠᠨ ᠦᠭᠡ ᠪᠠᠷ ᠨᠠᠮᠤᠷᠵᠢᠶᠠᠨ ᠤ ᠨᠤᠲᠤᠭ ᠢᠶᠠᠨ | ᠳᠠᠭᠠᠷᠢᠨ ᠠᠷᠭᠠᠯ ᠲᠦᠯᠡᠰᠢ ᠪᠠᠨ ᠠᠴᠢᠶᠠᠯᠠᠭᠠᠳ ᠠᠷᠤ ᠲᠡᠭᠡᠭ ᠤᠨ ᠬᠦᠨᠲᠡᠢ ᠤᠷᠤᠭᠤ ᠠᠯᠭᠤᠷᠬᠠᠨ ︽ᠬᠥᠥᠭ ᠬᠥᠥᠭ︾ ᠭᠡᠳ ᠬᠥᠳᠡᠯᠳᠡᠭ ᠪᠠᠶᠢᠭᠰᠠᠨ ᠶᠤᠮ᠃ ︽ | ᠪᠢᠯᠢᠭ ᠤᠨ ᠨᠠᠢᠮᠠᠨ ᠰᠠᠷᠠ ᠶᠢᠨ ᠢᠮᠠᠭᠠᠨ ᠮᠢᠬᠠ ᠡᠮ ᠳᠤ ᠤᠷᠤᠳᠠᠭ︾ ᠭᠡᠳᠡᠭ ᠢᠶᠠᠷ ᠰᠢᠨᠡ ᠨᠤᠲᠤᠭ ᠲᠤ ᠪᠠᠭᠤᠭᠰᠠᠨ ᠤ ᠪᠠᠨ ᠳᠠᠷᠠᠭᠠ ᠬᠢᠵᠠᠭᠠᠯᠠᠩ ᠰᠡᠷᠬᠡ | ᠪᠠᠵᠠᠭᠠᠨ ᠢᠮᠠᠭᠠᠨ ᠤ ᠲᠤᠷᠤᠭ ᠱᠥᠯᠥ ᠤᠤᠭᠤᠵᠤ ᠰᠠᠭᠤᠬᠤ ᠳᠤ ᠨᠠᠮᠤᠷ ᠤᠨ ᠰᠡᠭᠦᠯᠴᠢ ᠶᠢᠨ ᠡᠵᠢ ᠶᠢᠨ ᠰᠢᠷᠭᠠᠯ ᠡᠳᠦᠷ ᠤᠳ ᠴᠠᠭᠠᠰᠢᠯᠠᠵᠤ ᠬᠦᠬᠡᠭᠡ ᠡᠪᠤᠯ ᠤᠨ | ᠬᠥᠬᠡ ᠡᠪᠦᠬᠡᠨ ᠰᠡᠷ ᠰᠡᠷ ᠮᠡᠷ ᠮᠡᠷ ᠠᠮᠢᠰᠬᠤᠯᠯᠠᠨ᠂ ᠡᠮᠦᠰᠦᠭᠰᠡᠨ ᠬᠥᠬᠡ ᠵᠤᠪᠴᠠᠭᠠ ᠳᠠᠭᠠᠨ ᠬᠠᠯᠠᠭᠤᠳᠠᠭᠠᠳ ᠪᠠᠶᠢᠨᠠ ᠤᠤ ᠳ᠋ᠡ ᠭᠡᠮᠡᠷᠬᠡᠨ ᠨᠦᠮᠵᠦᠭ | ᠬᠠᠷᠠᠭᠳᠠᠬᠤ ᠨᠢ ᠭᠡᠷ ᠬᠠᠳᠠᠨ ᠤ ᠡᠪᠦᠯᠵᠢᠶᠡ ᠶᠢ ᠮᠢᠨᠢ ᠦᠪᠡᠷ ᠤᠨ ᠡᠷᠬᠡ ᠦᠬᠡᠢ ᠰᠠᠨᠠᠭᠳᠠᠭᠤᠯᠳᠠᠭ᠃ | ᠬᠡᠪᠲᠡᠭᠰᠡᠨ ᠬᠤᠨᠢᠳ ᠵᠠᠬᠠ ᠠᠴᠠ ᠪᠠᠨ ᠢᠷᠠᠰ ᠭᠢᠲᠡᠯᠡ ᠦᠷᠭᠦᠬᠦ ᠳᠤ ᠬᠤᠲᠠᠨ ᠤ ᠵᠠᠬᠠ ᠳᠤ ᠬᠠᠮ ᠲᠡᠷᠭᠡᠨ ᠳᠤ ᠬᠤᠨᠤᠭᠰᠠᠨ ᠨᠠᠭᠠᠴᠤ᠂ ᠬᠤᠲᠠᠴᠢ ᠬᠠᠯᠲᠠᠷ | ᠬᠤᠶᠠᠷ ᠴᠦ ᠵᠡᠷᠭᠡ ᠳᠡᠭᠡᠨ ᠰᠢᠤᠬᠠᠨ ᠲᠠᠭᠤ ᠪᠠᠨ ᠥᠭᠳᠡᠭ ᠢ ᠰᠠᠨᠠᠴᠢᠬᠠᠯᠠ᠃ ︽ᠦᠳᠡᠰᠢ ᠨᠢᠭᠡ ᠶᠢ ᠬᠠᠭᠤᠯᠠᠭᠤᠯᠴᠢᠬᠠᠯᠠ︾ ᠭᠡᠵᠦ ᠮᠠᠨᠠᠭᠠᠨ ᠳᠤ ᠬᠤᠨᠤᠭᠰᠠᠨ | ᠨᠠᠭᠠᠴᠤ ᠡᠭᠦᠳᠡ ᠲᠠᠲᠠᠨ ᠣᠷᠤᠵᠤ ᠢᠷᠡᠬᠦ ᠳᠤ ︽ᠵᠦᠭᠡᠷ ᠡ ᠵᠦᠭᠡᠷ᠂ ᠰᠢᠨᠡ ᠨᠤᠲᠤᠭ ᠤᠨ ᠡᠪᠦᠭᠡᠨ ᠰᠠᠪᠳᠠᠭ ᠱᠥᠯᠥᠨ ᠤ ᠶᠠᠭᠤᠮᠠ ᠠᠪᠠᠴᠢᠭᠰᠠᠨ ᠪᠠᠶᠢᠯᠭᠦᠢ︾ | ᠭᠡᠵᠦ ᠴᠠᠢ ᠪᠠᠨ ᠰᠠᠮᠤᠷᠠᠭᠠ ᠨᠠᠭᠠᠴᠤ ᠡᠵᠢ ᠠᠵᠢᠭ ᠴᠦ ᠦᠬᠡᠢ ᠬᠠᠷᠢᠭᠤᠯᠳᠠᠭ ᠪᠠᠶᠢᠭᠰᠠᠨ ᠢ ᠴᠡᠭᠡᠵᠢᠯᠡᠵᠦ ᠪᠠᠶᠢᠨᠠ᠃ ᠮᠣᠷᠢ ᠪᠠᠨ ᠶᠡᠭᠦᠯᠡᠬᠦ ᠪᠠᠷ ᠶᠠᠪᠤᠭᠰᠠᠨ | ᠨᠠᠭᠠᠴᠤ ᠪᠠᠨ ᠣᠷᠣᠯᠠᠵᠤ ᠨᠠᠳᠠ ᠠᠴᠠ ᠬᠤᠷᠢ ᠰᠢᠬᠠᠭᠤ ᠨᠠᠰᠤᠨ ᠤ ᠵᠦᠷᠢᠶᠡ ᠲᠠᠢ ᠪᠡᠭᠡᠵᠢᠩ ᠠᠬᠠ ᠲᠠᠢ ᠬᠤᠶᠠᠭᠤᠯᠠ ᠮᠠᠨᠠᠭᠠᠨ ᠳᠤ ᠬᠤᠨᠤᠬᠤ ᠪᠠᠷ ᠭᠠᠷᠣᠨᠠ᠃ | ᠪᠡᠭᠡᠵᠢᠩ ᠬᠤᠲᠠ ᠠᠴᠠ ᠬᠥᠳᠡᠭᠡ ᠪᠠᠭᠤᠭᠰᠠᠨ ᠰᠡᠬᠡᠭᠡᠲᠡᠨ ᠪᠣᠯᠬᠤᠷ ᠪᠢᠳᠡ ᠲᠡᠭᠦᠨ ᠢ ᠪᠡᠭᠡᠵᠢᠩ ᠠᠬᠠ ᠭᠡᠵᠦ ᠳᠠᠭᠤᠳᠠᠳᠠᠭ ᠶᠤᠮ᠃ ᠪᠡᠭᠡᠵᠢᠩ ᠠᠬᠠ ᠳᠤ ᠬᠠᠨᠢ | ᠪᠣᠯᠵᠤ ᠬᠠᠮ ᠲᠡᠷᠭᠡᠨ ᠤ ᠪᠦᠭᠡᠭ ᠲᠤ ᠭᠦᠯ ᠢᠶᠠᠨ ᠵᠢᠭᠢᠨ ᠬᠤᠨᠤᠨᠠ ᠭᠡᠵᠦ ᠪᠠᠶᠠᠷᠯᠠᠭᠰᠠᠨ ᠳᠠᠭᠠᠨ ᠠᠶᠤᠨᠡ ᠭᠡᠳᠡᠭ ᠢ ᠲᠠᠭ ᠮᠠᠷᠳᠠᠨ᠂ ᠪᠡᠭᠡᠵᠢᠩ ᠠᠬᠠ ᠲᠠᠢ | ᠬᠤᠶᠠᠭᠤᠯᠠ ᠰᠦᠨᠢ ᠶᠢᠨ ᠣᠳᠣᠳ ᠢ ᠪᠦᠷᠢᠳᠭᠡᠨ ᠲᠣᠭᠠᠯᠠᠵᠤ ᠬᠤᠯᠠ ᠣᠶᠢᠷᠠ ᠶᠢᠨ ᠰᠣᠨᠢᠨ ᠢ ᠳᠡᠯᠭᠡᠵᠦ ᠬᠤᠨᠣᠨᠠ ᠭᠡᠬᠦ ᠪᠠᠷ ᠬᠦᠭᠰᠡᠨ ᠪᠠᠶᠠᠷᠯᠠᠭᠰᠠᠨ ᠢᠶᠠᠨ ᠣᠳᠤ | ᠴᠦ ᠭᠡᠳ ᠪᠢ ᠮᠠᠷᠲᠠᠵᠤ ᠴᠢᠳᠠᠳᠠᠭ ᠦᠬᠡᠢ ᠶᠤᠮ᠃ ᠬᠤᠲᠠ ᠲᠠᠢ ᠬᠤᠨᠢ ᠨᠢ ᠪᠦᠷᠢᠨ ᠠᠮᠤᠭᠤᠯᠠᠩ᠂ ᠬᠤᠶᠠᠷ ᠬᠡᠥᠬᠡᠳ ᠨᠢ ᠠᠶᠤᠵᠤ ᠰᠣᠴᠢᠭᠰᠠᠨ ᠦᠬᠡᠢ | ᠣᠷᠤᠭᠠᠳ ᠢᠷᠡᠬᠦᠯᠡᠷ ᠨᠠᠭᠠᠴᠤ ᠡᠵᠢ ᠬᠠᠭᠠ ᠪᠠᠶᠠᠷᠯᠠᠭᠠᠳ ᠨᠠᠰᠤᠨ ᠤ ᠪᠠᠨ ᠲᠣᠭᠠᠯᠠᠩ ᠢᠶᠠᠷ ᠭᠦᠨ ᠭᠦᠨ ᠠᠲᠤᠷᠢᠶᠠ ᠰᠠᠭᠤᠭᠰᠠᠨ ᠮᠠᠩᠨᠠᠢ ᠨᠢ ᠲᠡᠨᠢᠢᠭᠡᠳ | ᠶᠠᠪᠤᠴᠢᠬᠠᠳᠠᠭ᠃ ᠰᠡᠭᠦᠯ ᠤᠨ ᠦᠭᠡᠬᠦ ᠬᠦᠪᠪᠦᠭᠦᠯᠦᠭᠰᠡᠨ ᠪᠤᠳᠠᠭᠠ ᠲᠠᠢ ᠬᠠᠷᠠ ᠴᠠᠢ ᠶᠢᠨ ᠠᠭᠠᠭ ᠴᠦ ᠤᠷᠢᠳᠤ ᠰᠦᠨᠢ ᠶᠢᠨ ᠮᠠᠨᠠᠭᠠᠨ ᠤ ᠬᠤᠶᠠᠷ ᠤᠨ ᠴᠢᠯᠡᠭᠡ ᠶᠢ | ᠲᠠᠶᠢᠯᠤᠨᠠ ᠭᠡᠰᠡᠨ ᠰᠢᠤᠬᠠᠠ ᠶᠠᠰᠤᠨ ᠠᠴᠠ ᠬᠦᠯᠦᠰᠦ ᠴᠢᠬᠠᠷᠠᠭᠤᠯᠤᠨ ᠤᠯᠠᠭᠠ ᠪᠠᠳᠠᠷᠠᠭᠤᠯᠳᠠᠭ ᠪᠠᠶᠢᠭᠰᠠᠨ ᠶᠤᠮ ᠡ᠃ | ᠠᠪᠤ ᠶᠢᠨ ᠮᠢᠨᠢ ᠦᠨᠡᠭᠡᠨ ᠪᠦᠰᠡᠯᠡᠭᠦᠷ ᠰᠢᠭ ᠰᠣᠷ ᠨᠢ ᠨᠠᠮᠢᠷᠠᠭᠠᠳ᠂ ᠠᠷᠭᠠᠮᠵᠢᠶᠠ ᠲᠠᠢ ᠬᠤᠨᠣᠭᠰᠠᠨ ᠬᠦᠯᠦᠭ ᠰᠢᠭ ᠳᠡᠯ ᠨᠢ ᠪᠣᠳᠠᠷᠠᠭᠠᠳ ᠨᠠᠮᠤᠷᠵᠢᠨ | ᠵᠦᠰᠡᠷᠡᠭᠰᠡᠨ ᠪᠣᠷᠤᠭᠠᠨ ᠰᠢᠭ ᠡᠪᠡᠰᠦᠨ ᠤ ᠨᠠᠮᠠᠭᠠᠨ ᠳᠡᠭᠡᠷᠡ ᠬᠥᠯᠮᠥᠭᠳᠡᠨ ᠡᠵᠢ ᠶᠢᠨ ᠪᠣᠷᠤ ᠡᠷᠢᠬᠡᠨ ᠤ ᠡᠷᠢᠬᠡ ᠰᠢᠭ᠂ ᠡᠰᠡᠬᠦᠯᠡ ᠡᠬᠡᠨᠡᠷ ᠤᠨ ᠨᠢᠭᠤᠵᠤ | ᠤᠨᠠᠭᠠᠭᠰᠠᠨ ᠨᠢᠯᠪᠤᠰᠤ ᠰᠢᠭ ᠬᠦᠢᠲᠡᠨ ᠰᠢᠭᠦᠳᠡᠷᠢ ᠶᠢᠨ ᠬᠥᠬᠡ ᠴᠡᠴᠡᠭ ᠦᠵᠦᠭᠦᠷ ᠲᠠᠢ ᠪᠦᠬᠦᠨ ᠤ ᠰᠣᠷ ᠳᠡᠭᠡᠷᠡ ᠦᠯᠢᠭᠡᠷ ᠤᠨ ᠶᠤᠮ ᠰᠢᠭ ᠮᠦᠩᠬᠡ ᠶᠢᠨ ᠶᠤᠮ | ᠰᠢᠭ ᠰᠠᠷᠠᠨ ᠤ ᠲᠤᠶᠠᠭᠠ ᠪᠣᠯᠵᠤ ᠠᠰᠬᠠᠵᠤ ᠢᠷᠡᠭᠰᠡᠨ ᠢ ᠬᠠᠷᠠᠵᠤ ᠥᠰᠥᠭᠰᠡᠨ ᠬᠡᠥᠬᠡᠳ ᠪᠣᠯᠬᠤᠷ ᠪᠢ ᠨᠠᠮᠤᠷ ᠨᠠᠮᠤᠷ ᠤᠨ ᠬᠦᠢᠳᠡᠨ ᠰᠢᠭᠦᠳᠡᠷᠢ ᠶᠢᠨ ᠴᠠᠭᠠᠨ | ᠴᠡᠴᠡᠭ ᠲᠤ ᠰᠦ ᠰᠢᠭ ᠴᠠᠭᠠᠬᠠᠨ ᠰᠢᠯᠦᠭ ᠢᠶᠠᠨ ᠡᠷᠭᠦᠬᠦ ᠳᠤᠷᠠᠲᠠᠢ᠃ ᠰᠡᠭᠦᠯᠴᠢ ᠶᠢᠨ ᠭᠠᠯᠠᠭᠤ ᠪᠦᠬᠦᠨ ᠤ ᠭᠠᠩᠭᠠᠨᠠᠭᠠ ᠳᠤ ᠬᠢᠷᠠᠭᠤ ᠲᠠᠢ ᠨᠠᠮᠤᠷ ᠤᠨ ᠬᠦᠨᠳᠦᠬᠡᠨ | ᠭᠤᠨᠢᠭ ᠢ ᠵᠡᠭᠦᠯᠭᠡᠭᠡᠳ ᠶᠠᠪᠤᠭᠤᠯᠴᠢᠬᠠᠮᠠᠷ ᠤᠶᠠᠷᠠᠭᠤᠬᠠᠨ ᠳᠠᠭᠤᠯᠠᠬᠤ ᠳᠤᠷᠠᠲᠠᠢ ᠨᠢᠭᠡᠨ᠃ | ᠰᠥᠯ ᠲᠠᠢ ᠡᠪᠡᠰᠦᠨ ᠤ ᠴᠢᠮᠦᠭᠡᠨ ᠳᠤ ᠰᠦ ᠲᠠᠢ ᠴᠠᠢ ᠪᠠᠨ ᠠᠶᠠᠭᠠᠯᠠᠭᠠ ᠤᠤ ᠳ᠋ᠠ ᠬᠡᠮᠡᠷᠬᠡᠡ ᠰᠦᠨᠢ ᠶᠢᠨ ᠪᠠᠷᠠᠭᠠᠨ ᠳᠤ ᠰᠡᠮᠡᠭᠡᠷᠬᠡᠨ ᠢᠷᠡᠵᠦ ᠦᠷᠯᠦᠭᠡ ᠶᠢᠨ | ᠨᠠᠷᠠᠨ ᠳᠤ ᠠᠭᠤᠷ ᠰᠠᠪᠰᠠᠭᠤᠯᠤᠨ ᠪᠠᠶᠢᠬᠤ ᠨᠢ ᠥᠵᠡᠰᠭᠦᠯᠡᠩ ᠤᠨ ᠭᠠᠳᠠᠨᠠ ᠥᠵᠡᠰᠭᠦᠯᠡᠩ᠃ ︽ᠦᠪᠡᠷ ᠤᠨ ᠮᠢᠨᠢ ᠲᠠᠭᠤᠤ ᠦᠪᠡᠷ ᠤᠨ ᠲᠠᠯᠠ ᠪᠠᠨ ᠲᠡᠯᠡᠳᠡᠭ | ᠶᠤᠮ ᠡ︾ ᠭᠡᠬᠦ ᠪᠠᠷ ᠡᠭᠦᠷ ᠰᠡᠭᠦᠯᠲᠦ ᠦᠷᠢᠶᠡ ᠬᠦᠯᠦᠭ ᠮᠤᠷᠢ ᠨᠢ ᠬᠦᠢ᠂ ᠦᠵᠦᠮᠦᠴᠢᠨ ᠭᠡᠭᠦᠨ ᠤ ᠬᠢᠨᠢ ᠤᠨᠠᠭᠠᠨ ᠠᠳᠤᠭᠤ ᠡ ᠁ ᠭᠡᠵᠥ ᠪᠠᠶᠢᠮᠠ | ᠬᠤᠯᠠ ᠶᠢᠨ ᠨᠢᠭᠡᠨ ᠬᠥᠮᠥᠨ ᠪᠣᠳᠣᠯ ᠤᠨ ᠦᠵᠦᠬᠦᠷ ᠬᠠᠶ᠋ᠨ ᠬᠠᠶᠠ ᠴᠡᠩᠬᠡᠷᠯᠡᠨ ᠴᠡᠩᠬᠡᠷᠯᠡᠨ ᠢᠷᠡᠵᠦ ᠨᠠᠮᠠᠢᠢ ᠰᠦᠢᠯᠭᠠ ᠰᠠᠭᠤᠭᠰᠠᠨ ᠠᠳᠤᠭᠤ ᠰᠢᠭ ᠡᠭᠰᠢ | ᠠᠯᠳᠠᠭᠤᠯᠤᠨ ᠠᠯᠳᠠᠭᠤᠯᠳᠠᠭ ᠶᠤᠮ᠃ | ᠬᠦᠷᠡᠩ ᠲᠠᠷᠯᠠᠠ ᠢᠶᠠᠨ ᠭᠠᠷᠯᠠᠨ ᠭᠥᠪᠡᠭᠡ ᠳᠠᠪᠠᠨ ᠬᠤᠯᠠᠳᠠᠬᠤ ᠲᠡᠭᠦᠨ ᠤ ᠪᠠᠷᠠ ᠬᠥᠮᠥᠰᠭᠡᠨ ᠤ ᠳᠤᠤᠷᠠ ᠠᠴᠠ ᠨᠢᠯᠪᠤᠰᠤ ᠶᠢ ᠮᠢᠨᠢ ᠴᠦᠷᠬᠡᠯᠡᠭᠡᠳ ᠨᠡᠭᠦᠬᠦ ᠰᠢᠭ | ᠰᠠᠨᠠᠭᠳᠠᠨᠠ᠃ ᠤᠷᠤᠰᠬᠤ ᠨᠢᠯᠪᠤᠰᠤ ᠴᠦ ᠵᠣᠷᠬᠠ ᠲᠠᠲᠠᠨ ᠬᠤᠯᠠ ᠶᠢᠨ ᠣᠲᠣᠷ ᠤᠨ ᠨᠡᠭᠦᠭᠰᠡᠨ ᠲᠡᠷᠭᠡᠨ ᠤ ᠮᠦᠷ ᠰᠢᠭ ᠬᠠᠯᠲᠠᠷᠰᠢᠨ ᠦᠯᠡᠳᠡᠭᠰᠡᠨ ᠢ ᠶᠠᠭᠠᠬᠢᠨᠠ | ᠭᠡᠬᠦᠪ ᠳ᠋ᠧ᠃ ᠬᠤᠯᠠ ᠶᠢᠨ ᠬᠤᠯᠠ ᠶᠢᠨ ᠣᠲᠣᠷ ᠬᠤᠶᠢᠳᠤᠨ ᠵᠢᠯ ᠤᠨ ᠨᠠᠮᠤᠷ ᠢᠶᠠᠷ ᠡᠩᠭᠡᠷ ᠬᠦᠭᠡᠪᠥᠷ ᠤᠨ ᠮᠢᠨᠢ ᠲᠤᠯᠠᠭᠠᠠ ᠪᠠᠭᠤᠴᠠ ᠪᠠᠷ ᠡᠷᠭᠢᠯᠲᠡ ᠦᠬᠡᠢ ᠢᠷᠡᠵᠦ | ᠪᠠᠭᠤᠭᠠᠰᠠᠢ ᠭᠡᠮᠡᠨ ᠢᠯᠡᠭᠦᠦ ᠰᠠᠷᠠ ᠲᠠᠢ ᠨᠠᠮᠤᠷ ᠤᠨ ᠬᠦᠢᠲᠡᠨ ᠤ ᠴᠠᠭᠠᠨ ᠰᠢᠭᠦᠳᠡᠷᠢ ᠪᠠᠷ ︽ᠬᠦᠷᠢᠶᠡ ᠲᠠᠲᠠᠨ ᠴᠢᠮᠴᠢᠬᠢᠨᠡᠬᠦ ᠦᠷ ᠤᠨ ᠬᠢᠷᠠᠭᠠ ᠶᠢᠨ ᠮᠦᠩᠭᠦᠨ | ᠰᠢᠭᠦᠳᠡᠷᠢ ᠰᠢᠭ᠂ ᠬᠥᠮᠥᠰᠭᠡᠯᠡᠬᠦ ᠵᠢᠷᠦᠬᠡᠡ ᠤ ᠲᠣᠯᠳᠤᠨ ᠳᠤ ᠪᠠᠭᠤᠭᠰᠠᠨ ᠰᠠᠷᠠᠨ ᠤ ᠡᠭᠡᠰᠢᠭ ᠁︾ ᠭᠡᠮᠡᠨ ᠴᠢᠨᠤ ᠨᠡᠭᠦᠭᠰᠡᠨ ᠵᠦᠭ ᠤᠨ ᠠᠭᠤᠯᠠ ᠲᠣᠯᠣᠭᠠᠳ | ᠬᠦᠪᠴᠢ ᠬᠠᠩᠭᠠᠢ ᠶᠢ ᠰᠢᠷᠳᠡᠨ ᠨᠡᠬᠡᠭᠡᠰᠤ ᠦᠬᠡᠢ ᠬᠡᠯᠬᠢᠭᠰᠡᠨ ᠮᠦᠷ ᠪᠠᠳᠠᠭ ᠢᠶᠠᠷ ᠢᠶᠠᠨ ᠰᠡᠳᠭᠢᠯ ᠢᠶᠠᠨ ᠠᠷᠭᠠᠳᠠᠨ ᠰᠠᠭᠤᠭᠰᠠᠨ ᠮᠠᠨᠢ ᠦᠴᠦᠭᠡᠳᠦᠷᠬᠡᠨ ᠤ ᠰᠢᠭ ᠯᠠ | ᠰᠠᠨᠠᠭᠳᠠᠨᠠ᠃ | ᠠᠶᠠ᠂ ᠬᠤᠩᠭᠤᠷᠬᠠᠨ ᠨᠠᠮᠤᠷ ᠮᠢᠨᠢ᠂ ᠬᠤᠮᠣᠯ ᠬᠦᠷᠳᠡᠯᠡ ᠢᠨᠴᠠᠭᠠᠵᠤ ᠬᠠᠷᠠᠭᠳᠠᠳᠠᠭ ᠬᠦᠭᠡᠪᠥᠷ ᠤᠨ ᠭᠤᠪᠢ ᠮᠢᠨᠢ᠃ ᠬᠤᠷᠭᠤᠯᠵᠠᠨ ᠬᠤᠷᠭᠤᠯᠵᠠᠬᠤ ᠬᠦᠢᠲᠡᠨ | ᠰᠢᠭᠦᠳᠡᠷᠢ ᠪᠠᠷ ᠬᠠᠶ᠋ᠢᠭ ᠦᠬᠡᠢ ᠵᠠᠬᠢᠳᠠᠯ ᠢᠶᠠᠨ ᠨᠣᠣᠷᠠᠭᠯᠠᠵᠤ ᠰᠠᠭᠤᠨᠠ᠃ ᠣᠨ ᠵᠢᠯ ᠤᠨ ᠤᠷᠳᠤ ᠳᠤ ᠡᠯᠡᠵᠦ ᠰᠡᠮᠡᠷᠡᠭᠰᠡᠨ ᠳᠤᠷᠠᠰᠤᠮᠵᠢ ᠪᠠᠨ ᠬᠠᠭᠤᠴᠢᠨ ᠭᠡᠷ ᠤᠨ | ᠴᠠᠪᠤᠭ ᠲᠠᠭᠠᠨ ᠰᠢᠷᠭᠤᠭᠤᠯᠵᠤ ᠬᠤᠨᠢᠶᠠᠰᠤ ᠦᠬᠡᠢ ᠰᠡᠳᠭᠡᠯ ᠤᠨ ᠡᠩ ᠢᠶᠠᠨ ᠬᠤᠨᠳᠠᠭᠠᠯᠠᠵᠤ ᠰᠠᠭᠤᠭᠰᠠᠨ ᠠᠪᠤ ᠶᠢᠨ ᠢᠶᠠᠨ ᠳᠥᠷᠬᠦ ᠪᠠᠷ ᠱᠤᠭᠤᠵᠤ ᠬᠦᠭᠡᠪᠥᠷ ᠤᠨ | ᠭᠤᠪᠢ ᠶᠢᠨ ᠦᠯᠢᠭᠡᠷ ᠢ ᠬᠡᠥᠬᠡᠳ ᠤᠳ ᠲᠡᠭᠡᠨ ᠵᠠᠯᠭᠠᠭᠤᠯᠤᠨᠠ᠃ | | | |