ᠪᠠᠭᠰᠢ ᠳᠠᠭᠠᠨ ᠡᠷᠬᠦᠬᠦ ᠰᠢᠯᠦᠭ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2022/9/30
ᠵᠣᠬᠢᠶᠠᠭᠴᠢ᠄  ᠬᠦᠩᠭᠠᠷ        ᠦᠨᠦᠰᠴᠦ ᠮᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠭ᠎ᠠ ᠦᠭᠡᠢ ᠴᠤ              ᠦᠰᠦᠭ ᠪᠢᠴᠢᠭ ᠢᠶᠠᠷ ᠢᠶᠠᠨ ᠢᠵᠢᠯᠢᠰᠢᠬᠦᠯᠵᠦ ᠪᠠᠶᠢᠭᠰᠠᠨ              ᠦᠯᠦᠭᠡᠢ ᠳᠡᠭᠡᠨ ᠪᠢᠳᠠᠨ ᠢ ᠪᠦᠪᠠᠶᠢᠯᠡᠭᠡ ᠦᠭᠡᠢ ᠴᠤ              ᠦᠷᠦᠴᠡᠨ ᠤ ᠬᠠᠶᠢᠷ᠎ᠠ ᠪᠠᠷ ᠢᠶᠠᠨ ᠲᠤᠯᠠᠭᠠᠯᠠᠵᠤ ᠪᠠᠶᠢᠭᠰᠠᠨ ᠠᠴᠠ              ᠪᠠᠭᠰᠢ ᠮᠢᠨᠢ ᠲᠠ ᠪᠤᠯ —              ᠴᠡᠴᠡᠭᠡᠰ ᠢ ᠤᠮᠳᠠᠯᠠᠳᠠᠭ ᠬᠤᠷ᠎ᠠ ᠰᠢᠭ ᠬᠦᠮᠦᠨ              ᠴᠡᠯᠡᠭᠡᠷ ᠬᠤᠷᠸ᠎ᠠ ᠳᠠᠬᠢ ᠡᠵᠡᠨ ᠰᠢᠭ ᠬᠦᠮᠦᠨ︕              ᠬᠠᠯᠠᠭᠤᠨ ᠦᠷᠬᠦᠭᠡ ᠳᠡᠭᠡᠨ ᠰᠠᠭᠠᠳᠠᠭᠤᠯᠤᠭ᠎ᠠ ᠦᠭᠡᠢ  ᠴᠤ              ᠬᠠᠶᠢᠷ᠎ᠠ ᠶᠢᠨ ᠭᠡᠰᠢᠭ ᠢᠶᠠᠷ ᠢᠶᠠᠨ ᠵᠤᠴᠢᠯᠠᠵᠤ ᠪᠠᠶᠢᠭᠰᠠᠨ              ᠬᠠᠨᠠᠳᠤ ᠭᠡᠷ ᠲᠡᠭᠡᠨ ᠤᠭᠳᠤᠭ᠎ᠠ ᠦᠭᠡᠢ ᠴᠤ              ᠬᠠᠷᠠᠭ᠎ᠠ ᠰᠤᠨᠤᠷ ᠢ ᠮᠢᠨᠢ ᠲᠡᠯᠡᠵᠦ ᠪᠠᠶᠢᠭᠰᠠᠨ ᠠᠴᠠ              ᠪᠠᠭᠰᠢ ᠮᠢᠨᠢ ᠲᠠ ᠪᠤᠯ —              ᠰᠡᠳᠭᠢᠯ ᠢᠶᠠᠷ ᠰᠡᠳᠭᠢᠯ ᠢ ᠰᠦᠯᠡᠭᠰᠡᠨ ᠬᠦᠮᠦᠨ              ᠰᠦᠮᠪᠦᠷ ᠠᠭᠤᠯᠠ ᠰᠢᠭ ᠠᠴᠢᠳᠠᠨ ᠬᠦᠮᠦᠨ︕              ᠬᠦᠮᠦᠨ ᠪᠤᠯᠬᠤ ᠤᠬᠠᠭᠠᠷᠠᠯ ᠤᠨ ᠵᠠᠮ ᠢᠶᠠᠷ              ᠬᠦᠯᠢᠴᠡᠩᠬᠦᠢ ᠤᠪᠤᠷ ᠢᠶᠠᠷ ᠲᠤᠳᠤᠮᠳᠠᠵᠤ ᠪᠠᠶᠢᠭᠰᠠᠨ              ᠬᠦᠯᠳᠡᠬᠦᠦ ᠪᠢᠳᠠᠭᠤ ᠶᠢ ᠮᠢᠨᠢ ᠤᠶᠠᠷᠠᠭᠤᠯᠵᠤ ᠦᠭᠬᠦ ᠪᠠᠷ              ᠬᠦᠷᠦᠰᠦᠳᠦ ᠲᠡᠯᠡᠬᠡᠢ ᠰᠢᠭ ᠲᠡᠳᠬᠦᠵᠦ ᠪᠠᠶᠢᠭᠰᠠᠨ ᠠᠴᠠ              ᠪᠠᠭᠰᠢ ᠮᠢᠨᠢ ᠲᠠ ᠪᠤᠯ —              ᠦᠵᠡᠮᠵᠢ ᠭᠤᠶᠤᠬᠠᠨ ᠨᠤᠳᠤᠭ ᠰᠢᠭ ᠬᠦᠮᠦᠨ              ᠦᠯᠡᠮᠵᠢ ᠪᠤᠶᠠᠨ ᠲᠠᠢ ᠲᠡᠭᠷᠢ ᠰᠢᠭ ᠬᠦᠮᠦᠨ︕              ᠤᠤᠭᠠᠯ ᠰᠤᠶᠤᠯ ᠤᠨ ᠰᠠᠷᠠᠭᠤᠯᠬᠠᠨ ᠲᠠᠩᠬᠢᠮ ᠳᠠᠭᠠᠨ              ᠤᠴᠠᠷᠠᠯ ᠤᠨ ᠬᠤᠨ ᠰᠢᠭ ᠬᠤᠷᠠᠵᠤ ᠪᠠᠶᠢᠭᠰᠠᠨ ᠪᠢᠳᠠᠨ ᠢ              ᠤᠬᠠᠭᠠᠨ ᠮᠡᠳᠡᠯᠭᠡ ᠶᠢᠨ ᠤᠷᠬᠢᠯ ᠢ ᠠᠪᠠᠷᠢᠭᠤᠯᠬᠤ ᠪᠠᠷ              ᠤᠷᠳᠤ ᠶᠢᠨ ᠠᠶᠠᠨ ᠳᠤ ᠵᠦᠭᠯᠡᠬᠦᠯᠵᠦ ᠪᠠᠶᠢᠭᠰᠠᠨ ᠠᠴᠠ              ᠪᠠᠭᠰᠢ ᠮᠢᠨᠢ ᠲᠠ ᠪᠤᠯ —              ᠰᠤᠷᠤᠭᠴᠢ ᠪᠦᠬᠦᠳᠡ ᠳᠡᠭᠡᠨ ᠲᠤᠯᠢ ᠰᠢᠭ ᠬᠦᠮᠦᠨ              ᠰᠤᠶᠤᠯ ᠰᠤᠷᠭᠠᠯ ᠳᠠᠭᠠᠨ ᠵᠤᠯᠠ ᠰᠢᠭ ᠬᠦᠮᠦᠨ︕              ᠬᠠᠶᠢᠷ᠎ᠠ ᠵᠦᠩᠨᠡᠯ ᠲᠠᠢ ᠰᠤᠷᠭᠠᠭᠤᠯᠢ ᠶᠢᠨ              ᠬᠦᠷᠢᠶᠡᠨ ᠳᠡᠭᠡᠨ              ᠬᠠᠪᠤᠷ ᠤᠨ ᠰᠢᠪᠠᠭᠤᠳ ᠰᠢᠭ ᠱᠤᠯᠤᠭᠠᠨᠠᠵᠤ ᠪᠠᠶᠢᠭᠰᠠᠨ ᠪᠢᠳᠠᠨ ᠢ          ᠬᠠᠨ ᠤ ᠮᠡᠳᠡᠯᠭᠡ ᠪᠠᠷ ᠤᠶᠤᠨ ᠢ ᠨᠢ ᠴᠢᠮᠡᠭᠯᠡᠬᠦ ᠪᠠᠷ              ᠬᠠᠷᠢ ᠶᠢᠨ ᠬᠠᠷᠢ ᠳᠤ ᠮᠤᠷᠳᠠᠭᠤᠯᠵᠤ ᠪᠠᠶᠢᠭᠰᠠᠨ ᠠᠴᠠ              ᠪᠠᠭᠰᠢ ᠮᠢᠨᠢ ᠲᠠ ᠪᠤᠯ —              ᠬᠦᠮᠦᠨ ᠢᠶᠠᠷ ᠬᠦᠮᠦᠨ ᠢ ᠬᠦᠮᠦᠵᠢᠬᠦᠯᠦ᠋ᠭᠰᠡᠨ ᠬᠦᠮᠦᠨ              ᠬᠦᠰᠡᠯ ᠢᠳᠡᠭᠡᠯ ᠤᠨ ᠵᠢᠳᠬᠦᠯᠳᠡᠨ ᠬᠦᠮᠦᠨ︕              ᠠᠷᠢᠭᠤᠨ ᠡᠷᠳᠡᠮ ᠤᠨ ᠰᠢᠮ᠎ᠠ ᠶᠢ ᠬᠦᠷᠳᠡᠭᠡᠭᠡᠳ              ᠠᠯᠤᠰ ᠤᠨ ᠠᠯᠤᠰ ᠵᠦᠭ ᠲᠡᠮᠡᠦᠯᠤᠬᠦᠯᠵᠦ ᠪᠠᠶᠢᠭᠰᠠᠨ  ᠪᠢᠳᠠᠨ ᠢ              ᠠᠬᠢᠭᠠᠳ ᠠᠭᠤᠯᠵᠠᠬᠤ ᠢᠷᠤᠭᠡᠯ ᠢᠶᠠᠨ ᠲᠡᠭᠡᠳᠦᠯᠡᠭᠡᠳ              ᠠᠰᠠᠷ ᠦᠢᠯᠡᠰ ᠢ ᠨᠢ ᠮᠦᠷᠦᠯᠡᠬᠦᠯᠵᠦ ᠪᠠᠶᠢᠭᠰᠠᠨ ᠠᠴᠠ              ᠪᠠᠭᠰᠢ ᠮᠢᠨᠢ ᠲᠠ ᠪᠤᠯ —              ᠠᠯᠳᠠᠨ ᠲᠡᠯᠡᠭᠡᠢ ᠰᠢᠭ ᠠᠭᠤᠤ ᠬᠦᠮᠦᠨ              ᠠᠷᠠᠳ ᠤᠨ ᠦᠷᠡᠰ ᠲᠡᠭᠡᠨ ᠨᠠᠷᠠ ᠰᠢᠭ ᠬᠦᠮᠦᠨ︕              ᠡᠭᠡᠯ ᠵᠢᠷ ᠤᠨ ᠠᠵᠢᠯ ᠤᠨ ᠹᠷᠤᠠᠲ ᠲᠡᠭᠡᠷ᠎ᠡ ᠪᠠᠨ              ᠡᠷᠳᠡᠮ ᠢᠶᠠᠨ ᠶᠡᠭᠦᠯᠡᠭᠰᠡᠨ ᠬᠦᠮᠦᠨ              ᠡᠷᠡᠬᠦᠯ ᠰᠠᠷᠠᠭᠤᠯ ᠪᠢᠯᠢᠭ ᠤᠨ ᠰᠠᠩ ᠲᠡᠭᠡᠷ᠎ᠡ              ᠶᠢᠷᠳᠢᠨᠴᠤ ᠶᠢᠨ ᠱᠤᠩᠭᠤᠯ ᠢ ᠭᠠᠷᠳᠠᠭᠤᠯᠵᠤ ᠪᠠᠶᠢᠭᠰᠠᠨ ᠠᠴᠠ              ᠪᠠᠭᠰᠢ ᠮᠢᠨᠢ ᠲᠠ ᠪᠤᠯ —              ᠰᠤᠷᠤᠭᠴᠢ ᠪᠠᠨ ᠦᠷ᠎ᠠ ᠪᠠᠨ ᠰᠢᠭ ᠬᠠᠶᠢᠷᠠᠯᠠᠳᠠᠭ  ᠬᠦᠮᠦᠨ              ᠰᠤᠷᠭᠠᠭᠤᠯᠢ ᠪᠠᠨ ᠭᠡᠷ ᠢᠶᠠᠨ ᠰᠢᠭ ᠰᠠᠨᠠᠳᠠᠭ ᠬᠦᠮᠦᠨ︕              ᠪᠤᠭᠤᠷᠤᠯᠳᠤᠭᠰᠠᠨ ᠭᠡᠵᠢᠭᠡᠨ ᠤ ᠪᠠᠨ ᠰᠢᠷᠭᠡᠭ ᠦᠰᠦ ᠪᠠᠷ              ᠪᠤᠯᠪᠠᠰᠤᠨ ᠢ ᠰᠤᠷᠳᠠᠯᠴᠢᠯᠠᠭᠰᠠᠨ ᠡᠷᠬᠢᠮ ᠬᠦᠮᠦᠨ              ᠪᠤᠳᠠᠷᠠᠭᠰᠠᠨ ᠤ ᠶᠢᠨ ᠨᠤᠠᠳᠠᠭ ᠲᠤᠭᠤᠰᠤ ᠪᠠᠷ              ᠪᠤᠮᠠᠨ ᠡᠷᠳᠡᠨᠢ ᠶᠢ ᠲᠡᠯᠭᠡᠷᠡᠬᠦᠯᠵᠦ ᠪᠠᠶᠢᠭᠰᠠᠨ ᠠᠴᠠ              ᠪᠠᠭᠰᠢ ᠮᠢᠨᠢ ᠲᠠ ᠪᠤᠯ —              ᠤᠷᠴᠢᠯᠠᠩ ᠤᠨ ᠤᠳᠤᠳ ᠰᠢᠭ ᠰᠤᠷᠤᠭᠴᠢ ᠲᠠᠢ ᠬᠦᠮᠦᠨ              ᠤᠩᠭᠤᠨ ᠪᠠᠶᠢᠭᠠᠯᠢ ᠰᠢᠭ ᠲᠠᠩᠰᠤᠭ ᠬᠦᠮᠦᠨ︕
ᠢᠷᠡᠯᠲᠡ᠄ ᠤᠷᠳᠤᠰ ᠤᠨ ᠮᠤᠩᠭᠤᠯ ᠬᠡᠯᠡᠨ ᠤ ᠰᠤᠨᠢᠨ ᠮᠡᠳᠡᠬᠡᠨ ᠤ ᠰᠦᠯᠵᠢᠶ᠎ᠡ