ᠵᠣᠬᠢᠶᠠᠭᠴᠢ᠄ ᠪᠤᠷᠵᠢᠬᠢᠨ ᠰᠤᠶᠤᠯᠴᠡᠩᠬᠡᠯ | ᠡᠷᠳᠡ ᠲᠡᠭᠡᠳᠦ ᠠᠴᠠ ᠦᠪᠯᠡᠵᠦ ᠢᠷᠡᠭᠰᠡᠨ ᠠᠯᠠᠭ ᠰᠦᠯᠳᠡ ᠶᠢᠨ ᠲᠠᠬᠢᠯᠭᠠ | ᠡᠨᠡ ᠴᠠᠭ ᠤᠨ ᠮᠠᠯᠴᠢᠨ ᠠᠷᠠᠳ ᠤᠨ ᠡᠷᠬᠦᠵᠦ ᠬᠦᠨᠳᠦᠯᠡᠬᠦ ᠤᠡᠭᠭᠤᠳ | ᠢᠷᠡᠬᠡᠳᠦᠢ ᠶᠢᠨ ᠲᠦᠮᠡᠨ ᠤ ᠰᠠᠬᠢᠵᠦ ᠪᠢᠰᠢᠷᠡᠬᠦ ᠬᠦᠬᠡ ᠰᠤᠳᠤᠷ ᠤᠨ ᠲᠠᠰᠤᠷᠬᠠᠢ | ᠡᠪᠯᠡᠷᠡᠵᠦ ᠶᠠᠪᠤᠬᠤ ᠮᠤᠷᠢᠳᠡᠨ ᠤᠳᠤᠮ ᠤᠨ ᠲᠤᠯᠭᠠ ᠶᠢᠨ ᠭᠤᠷᠪᠠᠨ ᠴᠢᠯᠠᠭᠤ | | | ᠨᠡᠬᠦᠵᠦ ᠪᠠᠭᠤᠳᠠᠭ ᠬᠦᠮᠦᠨ ᠪᠠᠶᠢᠭᠠᠯᠢ ᠶᠢᠨ ᠡᠶᠡ ᠵᠤᠬᠢᠴᠠᠯ ᠤᠨ ᠵᠠᠩᠬᠢᠯᠠᠭᠠᠰᠦ | ᠨᠠᠷᠠᠨ ᠬᠡᠷᠡᠯᠳᠦ ᠴᠡᠩᠬᠡᠷ ᠠᠽᠢᠶᠠ ᠶᠢᠨ ᠠᠮᠢ ᠤᠷᠤᠰᠢᠬᠤ ᠶᠢᠨ ᠲᠤᠩᠬᠠᠭ | ᠨᠠᠶᠢᠷ ᠬᠠᠶᠢᠷᠠ ᠪᠠᠳᠦ ᠤᠷᠤᠰᠢᠬᠤ ᠬᠦᠮᠦᠯᠢᠭ ᠦᠵᠡᠯ ᠤᠨ ᠴᠤᠭ ᠵᠢᠯᠢ | ᠨᠡᠪᠴᠢᠳᠦ ᠲᠡᠯᠡᠬᠡᠢ ᠶᠢᠨ ᠦᠨᠳᠦᠷ ᠨᠢᠷᠤᠭᠤᠨ ᠲᠡᠭᠡᠷᠠ ᠮᠦᠡᠭᠬᠡ ᠰᠦᠨᠳᠡᠷᠯᠡᠬᠦ ᠰᠦᠯᠳᠡ | | | ᠠᠯᠳᠠᠢ ᠬᠠᠨ ᠤ ᠰᠡᠵᠢᠬᠦᠷ ᠤᠷᠬᠢᠯ ᠳᠤ ᠵᠢᠷᠦᠬᠡᠨ ᠰᠢᠳᠦᠬᠡᠨ ᠪᠤᠯᠤᠨ ᠬᠢᠯᠠᠯᠵᠠᠭᠰᠠᠨ | ᠠᠮᠢᠳᠠᠨ ᠲᠦᠮᠡᠨ ᠢ ᠠᠪᠤᠷᠠᠨ ᠢᠪᠡᠬᠡᠭᠴᠢ ᠠᠯᠠᠭ ᠰᠦᠯᠳᠡ ᠶᠢᠨ ᠬᠡᠬᠡᠨ | ᠠᠭᠤᠦ ᠲᠠᠬᠢᠯᠭᠠ ᠶᠢᠨ ᠠᠷᠢᠭᠤᠨ ᠮᠦᠴᠡ ᠪᠠᠷ ᠨᠠᠢᠮᠠᠨ ᠵᠦᠭ ᠠᠴᠠ ᠬᠤᠷᠠᠭᠠᠳ | ᠠᠮᠳᠠ ᠶᠢᠨ ᠤᠬᠢ ᠠᠮᠪᠠᠨ ᠰᠢᠬᠦᠰᠦ ᠪᠠᠶᠠᠨ ᠡᠯᠪᠡᠭ ᠢ ᠭᠠᠶᠢᠬᠠᠭᠤᠯᠤᠨᠠ | | ᠠᠭᠤᠯᠠᠰ ᠤᠨ ᠵᠤᠯᠠᠢ ᠪᠠᠷ ᠡᠬᠦᠯᠡᠰ ᠬᠦᠭᠯᠡᠷᠡᠨ ᠪᠤᠷᠤᠭᠠᠨ ᠤ ᠤᠨᠢᠶᠠᠷ ᠲᠠᠳᠠᠬᠤ ᠳᠤ | ᠠᠭᠤᠳᠠᠮ ᠭᠤᠪᠢ ᠶᠢᠨ ᠰᠡᠷᠢᠬᠦᠨ ᠰᠠᠯᠬᠢ ᠰᠡᠮᠡᠷᠡᠨ ᠦᠨᠦᠰᠬᠦ ᠨᠢ ᠲᠠᠭᠠᠳᠠᠶᠢᠬᠠᠨ | ᠠᠬᠢ ᠬᠢᠯᠠᠭᠠᠨᠠ ᠶᠢᠨ ᠲᠠᠩᠰᠤᠭ ᠦᠨᠦᠷ ᠦᠷᠬᠡᠨ ᠬᠦᠨᠳᠡᠢ ᠠᠴᠠ ᠬᠠᠨᠭ᠍ᠬᠤᠯᠤᠭᠠᠳ | ᠠᠶᠢᠯ ᠤᠨ ᠲᠤᠭᠤᠨᠦ ᠪᠠᠷ ᠠᠷᠭᠠᠯ ᠤᠨ ᠤᠳᠤᠭᠠ ᠦᠨᠳᠦᠷ ᠲᠡᠭᠷᠢ ᠶᠢ ᠪᠠᠭᠠᠨᠠᠳᠠᠨᠠ | | ᠦᠷ ᠢᠶᠠᠷ ᠡᠷᠳᠡᠯᠡᠭᠰᠡᠨ ᠦᠬᠢᠳ ᠪᠡᠷᠢᠶᠡᠳ ᠦᠨᠢᠶᠡᠨ ᠵᠡᠯᠡᠨ ᠲᠡᠭᠡᠷᠠ ᠶᠠᠭᠠᠷᠠᠭᠠᠳ | ᠡᠪᠦᠬᠡᠨ ᠬᠦᠭᠰᠢᠨ ᠶᠠᠩᠵᠤᠯᠠᠨ ᠬᠤᠪᠴᠠᠯᠠᠭᠠᠳ ᠤᠤᠯ ᠠᠴᠠ ᠪᠠᠨ ᠶᠠᠭᠠᠷᠠᠯᠳᠡᠢ ᠬᠠᠷᠠᠭᠳᠠᠨᠠ | ᠤᠰᠤᠨ ᠵᠢᠷᠤᠭᠠ ᠬᠤᠷᠳᠤᠨ ᠲᠠᠪᠬᠢᠭᠠ ᠤᠶᠠᠭᠠᠨ ᠲᠡᠭᠡᠷᠠ ᠴᠢᠮᠡᠭ ᠪᠤᠯᠤᠨ ᠲᠠᠪᠬᠡᠴᠡᠵᠦ | ᠦᠶᠠ ᠶᠢᠨ ᠵᠠᠯᠠᠭᠤᠰ ᠪᠦᠬᠡ ᠶᠢᠨ ᠮᠡᠭᠡ ᠪᠠᠷ ᠲᠠᠮᠢᠷ ᠰᠢᠯᠭᠠᠵᠦ ᠮᠤᠩᠬᠢᠨᠡᠨᠠ | | ᠬᠤᠷᠳᠤᠨ ᠮᠤᠷᠢᠳ ᠬᠠᠷᠠᠭᠠᠨ ᠦᠵᠦᠬᠦᠷ ᠲᠤᠭᠤᠰᠦ ᠪᠤᠳᠠᠷᠠᠭᠠᠨ ᠰᠤᠮᠤᠳᠠᠬᠤ ᠳᠤ | ᠬᠤᠷᠮᠤᠢ ᠰᠢᠭᠤᠭᠰᠠᠨ ᠤᠶᠠᠭᠠᠴᠢ ᠡᠪᠦᠬᠡᠳ ᠰᠠᠭᠤᠵᠦ ᠲᠤᠭᠳᠠᠬᠤ ᠦᠬᠡᠢ ᠤᠪᠤᠯᠵᠠᠭᠠᠳ | ᠬᠦᠷᠳᠦᠨ ᠵᠢᠷᠤᠭᠠ ᠤᠯᠠᠨ ᠢ ᠱᠠᠭᠰᠢᠭᠤᠯᠤᠨ ᠦᠵᠦᠬᠦᠷ ᠲᠡᠷᠢᠬᠦᠨ ᠳᠤ ᠭᠠᠷᠬᠤ ᠳᠤ | ᠬᠦᠮᠦᠰ ᠤᠨ ᠨᠢᠳᠤᠨ ᠠᠴᠠ ᠪᠢᠰᠢᠷᠡᠵᠦ ᠲᠤᠭᠤᠭᠰᠠᠨ ᠬᠠᠶᠢᠷᠠ ᠶᠢᠨ ᠤᠴᠢ ᠪᠠᠳᠠᠷᠠᠨᠠ | | ᠮᠦᠷᠬᠦᠯᠴᠢᠨ ᠲᠦᠮᠡᠨ ᠦᠨᠡᠨ ᠰᠦᠰᠦᠭ ᠢᠶᠠᠷ ᠶᠠᠭᠤ ᠰᠠᠨᠠᠭᠰᠠᠨ ᠢᠶᠠᠨ ᠲᠠᠭᠠᠳᠬᠠᠵᠦ | ᠮᠡᠨᠳᠦ ᠶᠢᠨ ᠬᠠᠳᠠᠭ ᠢᠶᠠᠷ ᠰᠠᠶᠢᠨ ᠤ ᠵᠦᠭ ᠠᠴᠠ ᠪᠤᠶᠠᠨ ᠬᠡᠰᠢᠭ ᠬᠤᠷᠦ᠋ᠢᠯᠠᠭᠠᠳ | ᠮᠦᠷᠦᠬᠡᠳᠦᠯ ᠳᠤ ᠨᠠᠭᠠᠳᠤᠮ ᠤᠨ ᠵᠤᠭᠠ ᠲᠠᠢ ᠴᠠᠭ ᠢ ᠨᠠᠶᠢᠷ ᠤᠨ ᠲᠠᠭᠠᠭᠠᠮᠠᠯ ᠲᠤᠩᠬᠠᠭᠯᠠᠵᠦ | ᠮᠠᠭᠰᠢᠬᠤ ᠪᠦᠬᠡ ᠵᠠᠩᠭᠠ ᠰᠠᠭᠰᠠᠯᠵᠠᠭᠤᠯᠤᠨ ᠲᠠᠪᠢᠵᠦ ᠭᠠᠷᠬᠤ ᠳᠤ ᠪᠡᠯᠡᠬᠡᠨ | | ᠡᠷᠡᠬᠡᠢ ᠮᠡᠷᠬᠡᠨ ᠨᠤᠮᠦ ᠵᠢᠭᠠᠵᠦ ᠰᠠᠷᠠᠨ ᠫᠠᠢ ᠤᠨᠢᠯᠠᠬᠤ ᠳᠤ | ᠡᠷᠬᠡᠯᠡᠭᠰᠡᠨ ᠦᠬᠢᠳ ᠤᠨ ᠪᠤᠳᠤᠭᠤᠨ ᠨᠢᠳᠦ ᠦᠬᠡ ᠬᠡᠯᠡᠳᠡᠭ ᠨᠢ ᠬᠠᠷᠠᠭᠳᠠᠨᠠ | ᠡᠷᠳᠡᠨᠢᠳᠦ ᠴᠤᠭᠴᠠᠰ ᠤᠨ ᠡᠷᠬᠢᠮ ᠰᠢᠳᠦᠬᠡᠨ ᠠᠯᠠᠭ ᠰᠦᠯᠳᠡ ᠶᠢᠨ ᠨᠠᠶᠢᠷ | ᠡᠬᠡ ᠲᠡᠯᠡᠬᠡᠢ ᠶᠢᠨ ᠲᠤᠷᠭᠠᠨ ᠡᠯᠢᠬᠡᠨ ᠲᠡᠭᠡᠷᠠ ᠨᠠᠶᠢᠷᠠᠭ ᠤᠨ ᠪᠤᠷᠤᠭᠠᠨ ᠴᠢᠳᠬᠤᠯᠠᠨᠠ | | ᠤᠳᠤᠮ ᠶᠠᠰᠤᠳᠠᠨ ᠤ ᠤᠭᠰᠠᠭᠠ ᠲᠠᠮᠵᠢᠬᠰᠠᠨ ᠠᠯᠠᠭ ᠰᠦᠯᠳᠡ ᠰᠢᠳᠦᠬᠡᠨ ᠮᠢᠨᠦ | ᠤᠨᠳᠠᠷᠠᠵᠦ ᠪᠤᠯᠤᠰᠢ ᠦᠬᠡᠢ ᠬᠦᠬᠡ ᠲᠦᠯᠦ ᠶᠢᠨ ᠦᠨᠡᠰᠦᠨ ᠳᠤ ᠮᠠᠨᠠᠭᠰᠠᠨ ᠴᠤᠭ ᠮᠢᠨᠦ | ᠦᠶᠠ ᠶᠢᠨ ᠦᠶᠠ ᠮᠦᠡᠭᠬᠡ ᠤᠷᠤᠰᠢᠬᠤ ᠤᠬᠠᠭᠠᠨ ᠤ ᠪᠠᠳᠦ ᠶᠤᠰᠦ ᠮᠢᠨᠦ | ᠦᠨᠡᠨ ᠤ ᠬᠤᠷᠸᠠ ᠶᠢ ᠡᠩᠬᠡ ᠰᠠᠬᠢᠭᠰᠠᠨ ᠲᠡᠭᠷᠢᠯᠢᠭ ᠪᠤᠰᠤᠭᠠ ᠬᠡᠶᠢᠮᠤᠷᠢ ᠮᠢᠨᠦ | | | | | ᠪᠤᠷᠵᠢᠬᠢᠨ ᠰᠤᠶᠤᠯᠴᠡᠩᠬᠡᠯ᠄ ᠦᠥᠰᠢᠨ ᠬᠤᠰᠢᠭᠤᠨ ᠤ ᠦᠦᠰᠢᠨᠵᠦᠦ ᠪᠠᠯᠭᠠᠰᠤᠨ ᠤ ᠴᠠᠭᠠᠨᠰᠦ᠋ᠮᠠ ᠭᠠᠴᠠᠭᠠᠨ ᠳᠤ ᠨᠤᠲᠤᠭ ᠲᠠᠢ᠃ ᠤᠷᠳᠤᠰ | ᠬᠤᠳᠡ ᠶᠢᠨ ᠵᠤᠬᠢᠶᠠᠯᠴᠢᠳ ᠤᠨ ᠡᠪᠯᠡᠯ ᠤᠨ ᠬᠡᠰᠢᠬᠦᠨ᠂ ᠮᠠᠯᠴᠢᠨ ᠢᠷᠠᠭᠤ ᠨᠠᠶᠢᠷᠠᠭᠴᠢ᠃ | |