· ᠰ᠊ · ᠪᠦᠬᠡᠴᠢᠯᠠᠭᠤ | ᠨᠠᠷᠠ ᠡᠩᠭᠡᠷ ᠠᠴᠠ ᠨᠢ ᠤᠷᠭᠤᠵᠦ᠂ ᠰᠠᠷᠠ ᠡᠪᠦᠳᠦᠭ ᠢ ᠨᠢ ᠲᠡᠷᠡᠯᠡᠵᠦ ᠬᠤᠨᠤᠳᠠᠭ ᠲᠦᠪ ᠠᠽᠢᠶᠠ ᠶᠢᠨ ᠡᠯᠢᠭᠡᠨ ᠳᠤ ᠮᠦᠩᠭᠡ ᠶᠢᠨ ᠪᠤᠰᠤᠭᠠ ᠬᠦᠷᠡᠩ | ᠠᠭᠤᠯᠠ ᠰᠢᠭ ᠰᠡᠭᠦᠶᠢᠨ ᠰᠦᠨᠳᠡᠷᠯᠡᠭᠰᠡᠨ ᠤᠷᠤᠨ ᠪᠤᠯ ᠮᠢᠨᠤ ᠨᠤᠳᠤᠭ᠃ ᠰᠡᠪᠢᠯᠵᠡᠬᠦ ᠰᠠᠯᠭᠢᠨ ᠬᠠᠴᠠᠷ ᠢ ᠦᠨᠦᠰᠴᠦ ᠦᠩᠭᠡᠷᠡᠬᠦ ᠪᠠᠷ ᠰᠡᠳᠭᠢᠯ | ᠲᠤᠳᠤᠷᠠ ᠠᠴᠠ ᠪᠠᠨ ᠲᠠᠶᠢᠳᠬᠤᠷᠠᠳᠠᠭ᠂ ᠱᠤᠤᠭᠢᠨ ᠤᠷᠤᠰᠬᠤ ᠭᠤᠤᠯ ᠮᠦᠷᠡᠨ ᠬᠤᠯᠠ ᠶᠢ ᠵᠤᠷᠢᠨ ᠬᠦᠯᠦᠭ ᠤᠨ ᠬᠤᠷᠳᠤ ᠲᠠᠢ ᠲᠠᠪᠭᠢᠬᠤ ᠪᠠᠷ ᠬᠦᠰᠡᠯ ᠢᠳᠡᠭᠡᠯ | ᠮᠢᠨᠢ ᠤᠷᠭᠤᠳᠠᠭ᠃ ᠬᠦᠰᠡᠭᠰᠡᠨ ᠪᠦᠬᠦᠨ ᠤᠯᠵᠦ ᠲᠦᠷᠦᠳᠡᠭ ᠦᠭᠡᠢ᠂ ᠬᠤᠪᠢᠳᠠᠵᠦ ᠲᠦᠷᠦᠭᠰᠡᠨ ᠡᠵᠢ — ᠡᠭᠡ ᠤᠷᠤᠨ ᠮᠢᠨᠢ ᠡ︕ | ᠬᠠᠷᠠᠩᠭᠤᠢ ᠴᠠᠭ ᠢ ᠡᠴᠦᠰᠯᠡᠬᠦᠯᠵᠦ᠂ ᠬᠠᠭᠠᠨ ᠵᠢᠷᠭᠠᠯ ᠢ ᠠᠷᠠᠳ ᠲᠦᠮᠡᠨ ᠳᠡᠭᠡᠨ ᠡᠳ᠋ᠯᠡᠭᠦᠯᠦᠭᠰᠡᠨ ᠦᠨᠡᠨ ᠤ ᠡᠷᠢᠯᠴᠢᠨ᠂ ᠡᠷᠭᠡ ᠴᠢᠯᠦᠭᠡᠨ ᠤ ᠤᠩᠭᠤᠨ | ᠲᠡᠭᠷᠢ᠂ ᠦᠷᠨᠢᠯ ᠬᠦᠭᠵᠢᠯ ᠤᠨ ᠠᠯᠳᠠᠨ ᠰᠦᠯᠳᠡ ᠲᠠ ᠪᠢᠯᠡ᠃ ᠲᠦᠷᠦ ᠶᠢᠨ ᠲᠠᠭᠤᠨ ᠤ ᠴᠢᠨᠢ ᠢᠷᠠᠭᠤ ᠲᠤᠩᠭᠠᠯᠠᠭ ᠠᠶᠠᠯᠭᠤᠨ ᠳᠤ ᠮᠠᠩᠬᠠᠶᠢᠵᠦ ᠤᠷᠭᠤᠭᠰᠠᠨ | ᠦᠷᠯᠦᠭᠡ ᠮᠦᠰᠢᠶᠡᠭᠰᠡᠨ ᠴᠡᠴᠡᠭ ᠰᠢᠭ ᠭᠤᠸᠠ ᠰᠠᠶᠢᠬᠠᠨ ᠬᠠᠷᠠᠭᠳᠠᠨᠠ᠃ ᠲᠡᠶᠢᠮᠦ ᠡ᠂ ᠲᠤᠪᠤ ᠲᠤᠯᠤᠭᠠᠳ ᠬᠦᠷᠳᠡᠯᠡ ᠲᠤᠳᠤᠷᠠ ᠠᠴᠠ ᠪᠠᠨ ᠦᠨᠳᠡᠯᠵᠡᠵᠦ᠂ | ᠨᠠᠪᠴᠢᠨ ᠲᠡᠭᠡᠷᠡ ᠵᠡᠬᠦᠳᠦᠯᠡᠵᠦ ᠬᠤᠨᠤᠭᠰᠠᠨ ᠰᠢᠬᠦᠳᠡᠷᠢ ᠶᠢᠨ ᠤᠰᠤᠨ ᠴᠦ ᠰᠢᠪᠠᠭᠤ ᠰᠢᠭ ᠨᠢᠰᠦᠭᠡᠳ ᠭᠡᠷᠡᠯ ᠳᠤ ᠬᠤᠪᠢᠯᠤᠨᠠ᠃ ᠰᠦᠷ ᠶᠡᠭᠡᠮᠰᠦᠭ ᠴᠦ ᠰᠡᠳᠭᠢᠯ | ᠠᠷᠢᠭᠤᠨ᠂ ᠲᠠᠶᠢᠪᠤᠩ ᠳᠤ ᠲᠤᠷᠠᠳᠠᠢ᠂ ᠲᠠᠩᠰᠤᠭ ᠪᠠᠶᠠᠨ᠂ ᠡᠭᠡ ᠤᠷᠤᠨ ᠤ ᠮᠢᠨᠢ ᠢᠷᠡᠭᠡᠳᠦᠢ ᠭᠡᠵᠢᠶᠡᠳᠡ ᠭᠡᠭᠡᠨ ᠰᠠᠷᠠᠭᠤᠯ ᠭᠡᠳᠡᠭ ᠲᠤ ᠪᠢ ᠢᠳᠡᠭᠡᠨᠡ᠂ ᠪᠢᠳᠡ | ᠢᠳᠡᠭᠡᠨᠡ᠂ ᠲᠡᠯᠡᠭᠡᠢ ᠢᠳᠡᠭᠡᠨᠡ᠃ | ᠲᠦᠷᠪᠡᠨ ᠴᠠᠭ ᠢᠶᠠᠷ ᠲᠡᠯᠭᠡᠷᠡᠬᠦ ᠮᠢᠨᠦ ᠡᠭᠡ ᠤᠷᠤᠨ ᠤ ᠰᠢᠷᠭᠡᠭ ᠡᠪᠡᠰᠦ᠂ ᠮᠦᠬᠦᠯᠢᠭ ᠴᠢᠯᠠᠭᠤ ᠨᠢ ᠴᠦ ᠠᠮᠢ ᠭᠤᠤᠯ ᠲᠠᠢ᠂ ᠰᠦᠭ ᠰᠦᠨᠡᠰᠦ ᠲᠠᠢ᠃ | ᠮᠦᠷᠦᠭᠡᠳᠦᠯ ᠤᠨ ᠭᠢᠵᠠᠭᠠᠷ ᠠᠴᠠ ᠨᠤᠳᠤᠭ ᠢᠶᠠᠨ ᠰᠠᠨᠠᠭᠰᠠᠨ ᠭᠠᠯᠠᠭᠤᠳ ᠨᠢ ᠭᠠᠩᠭᠠᠷ ᠭᠤᠩᠭᠤᠷ ᠲᠤᠩᠭᠤᠳᠤᠭᠰᠠᠭᠠᠷ ᠨᠠᠭᠤᠷ ᠲᠠᠭᠠᠨ ᠪᠠᠭᠤᠬᠤ ᠳᠤ ᠬᠦᠨ ᠴᠡᠩᠭᠡᠷ | ᠤᠰᠤ ᠨᠢ ᠬᠠᠶᠢᠷᠠ ᠪᠠᠷ ᠬᠠᠯᠭᠢᠯᠠᠭᠠᠳ ᠶᠠᠭ ᠯᠡ ᠬᠤᠯᠠ ᠶᠠᠪᠤᠭᠰᠠᠨ ᠬᠦᠦ ᠪᠠᠨ ᠬᠦᠭᠡᠷᠦᠬᠦᠢ ᠡᠵᠢ ᠨᠢ ᠲᠡᠪᠡᠷᠢᠨ ᠠᠪᠴᠦ ᠮᠠᠩᠨᠠᠢ ᠲᠡᠭᠡᠷᠡ ᠨᠢ ᠦᠨᠦᠰᠭᠦ ᠮᠡᠳᠦ | ᠰᠠᠨᠠᠭᠳᠠᠬᠤ ᠪᠠᠷ ᠢᠷᠠᠭᠤ ᠨᠠᠶᠢᠷᠠᠭ ᠤᠨ ᠨᠢᠳᠦᠨ ᠳᠤ ᠡᠭᠡ ᠤᠷᠤᠨ ᠮᠢᠨᠢ ᠡᠰᠡᠨᠢᠯ ᠤᠨ ᠬᠠᠪᠤᠷ ᠪᠤᠯᠵᠦ ᠬᠠᠩᠬᠤᠯᠤᠨᠠᠮ᠃ | ᠬᠠᠪᠤᠷ ᠰᠠᠶᠢᠬᠠᠨ᠂ ᠲᠦᠮᠡᠨ ᠪᠤᠳᠠᠰ ᠦᠷᠡᠵᠢᠨ ᠲᠡᠯᠭᠡᠷᠡᠬᠦ ᠤᠷᠢᠨ ᠲᠤᠯᠠᠭᠠᠨ᠂ ᠡᠩᠭᠡ ᠮᠡᠨᠳᠦ ᠶᠢᠨ ᠬᠠᠪᠤᠷ ᠰᠠᠶᠢᠬᠠᠨ ᠡ︕ ᠴᠠᠰᠤ ᠮᠦᠰᠦ ᠬᠠᠶᠢᠯᠤᠭᠠᠳ | ᠭᠤᠤᠯ ᠪᠤᠯᠵᠦ ᠤᠷᠤᠰᠤᠨᠠ᠃ ᠡᠪᠡᠰᠦ ᠮᠤᠳᠤ ᠬᠦᠭᠡᠷᠡᠨ ᠤᠷᠭᠤᠭᠠᠳ ᠰᠢᠪᠠᠭᠤ ᠤᠶᠠᠩᠭᠠ ᠲᠠᠢ ᠵᠢᠷᠭᠢᠨᠡ᠃ ᠲᠠᠯᠠ ᠲᠦᠭᠦᠷᠡᠩ ᠪᠦᠷᠬᠦᠭᠰᠡᠨ ᠬᠤᠨᠢᠨ ᠰᠦᠷᠦᠭ | ᠬᠦᠪᠦᠩ ᠴᠠᠭᠠᠨ ᠡᠬᠦᠯᠡ ᠰᠢᠭ ᠴᠠᠶᠢᠯᠵᠠᠨ ᠨᠡᠬᠦᠳᠡᠯᠯᠡᠬᠦ ᠳᠤ ᠭᠠᠵᠠᠷ ᠤᠨ ᠬᠦᠷᠦᠰᠦᠨ ᠠᠴᠠ ᠤᠷᠭᠤᠭᠰᠠᠨ ᠵᠡᠷᠭᠡᠯᠭᠡᠨ ᠨᠢ ᠬᠤᠯᠠᠨ ᠵᠡᠭᠡᠷᠡ ᠰᠢᠭ ᠡᠮᠦᠨᠡᠬᠦᠷ ᠵᠢᠷᠢᠯᠵᠡᠨ | ᠦᠩᠭᠡᠷᠡᠬᠦ ᠪᠠᠷ ᠨᠠᠳᠠ ᠳᠤ ᠡᠷᠭᠡ ᠴᠢᠯᠦᠭᠡᠨ ᠤ ᠬᠠᠪᠤ ᠴᠡᠩᠭᠡᠯ ᠢ ᠡᠳ᠋ᠯᠡᠭᠦᠯᠤᠨᠡ᠃ | ︽ᠬᠠᠪᠤᠷ — ᠡᠶᠡ ᠵᠤᠭᠢᠴᠠᠩᠭᠤᠢ᠂ ᠡᠭᠡ ᠤᠷᠤᠨ ᠤ ᠮᠠᠨᠳᠤᠯ ᠬᠦᠭᠵᠢᠯ ᠢ ᠬᠠᠷᠠᠭᠤᠯᠤᠭᠰᠠᠨ ᠴᠡᠩᠭᠡᠷ ᠦᠩᠭᠡ ᠲᠠᠢ ᠬᠤᠷᠸᠠ︾ ᠭᠡᠰᠡᠨ ᠠᠪᠤ ᠶᠢᠨ ᠦᠭᠡ᠂ | ︽ᠠᠮᠤᠭᠤᠯᠠᠩ ᠲᠦᠷᠦ ᠶᠢᠨ ᠮᠦᠩᠭᠡ ᠶᠢᠨ ᠰᠦᠷ ᠭᠡᠷᠡᠯ ᠁︾ ᠭᠡᠰᠡᠨ ᠡᠵᠢ ᠶᠢᠨ ᠶᠠᠷᠢᠶᠠ ᠰᠤᠨᠤᠷ ᠢ ᠴᠢᠪᠠᠭᠳᠠᠨ ᠤᠢ ᠤᠬᠠᠭᠠᠨ ᠳᠤ ᠪᠠᠭᠤᠨᠠ᠃ | ᠪᠤᠷᠤᠭᠠᠨ ᠵᠦᠰᠡᠷᠡᠵᠦ ᠪᠤᠷᠤᠭᠠᠨ ᠤ ᠰᠢᠮᠠ ᠬᠦᠷᠦᠰᠦᠨ ᠳᠤ ᠰᠢᠮᠡᠳᠴᠦ᠂ ᠦᠨᠳᠦᠰᠦᠨ ᠳᠤ ᠠᠭᠤᠰᠬᠤ ᠪᠤᠷᠤᠭᠠᠨ ᠤ ᠰᠤᠪᠤᠳ ᠱᠢᠷᠦ ᠶᠢᠨ ᠮᠦᠬᠦᠯᠢᠭ ᠤᠳ | ᠠᠮᠢ ᠠᠮᠢᠵᠢᠷᠠᠯ ᠤᠨ ᠴᠡᠩᠭᠡᠷ ᠵᠤᠨ ᠤ ᠠᠶᠠᠯᠭᠤ ᠪᠤᠯᠵᠦ ᠠᠮᠢᠯᠠᠭᠠᠳ ᠠᠭᠠᠷ ᠤᠭᠳᠠᠷᠭᠤᠢ ᠳᠤ ᠬᠠᠩᠭᠢᠨᠠᠨ ᠲᠠᠭᠤᠷᠢᠰᠤᠨᠠ᠃ ᠴᠡᠴᠡᠭ ᠤᠨ ᠲᠠᠯᠠᠢ᠂ ᠴᠡᠩᠭᠡᠯ ᠤᠨ | ᠬᠤᠷᠸᠠ ᠵᠤᠨ ᠭᠡᠵᠦ ᠮᠢᠨᠦ ᠰᠤᠤ ᠪᠢᠯᠢᠭᠳᠦ ᠡᠭᠡ ᠤᠷᠤᠨ ᠤ ᠭᠡᠵᠢᠶᠡᠳᠡ ᠦᠳᠡᠯᠤᠰᠢ ᠦᠭᠡᠢ᠂ ᠵᠢᠪᠬᠤᠭᠠ ᠲᠡᠬᠦᠯᠳᠡᠷ ᠵᠢᠰᠦ ᠦᠩᠭᠡ ᠪᠠᠶᠢᠵᠦ ᠲᠠᠭᠠᠷᠠᠨᠠ᠃ ᠦᠵᠡᠬᠦ | ᠦᠭᠡᠢ ᠤᠤ︖ ᠪᠤᠷᠤᠭᠠᠨ ᠤ ᠲᠠᠷᠠᠭᠠ ᠲᠠᠳᠠᠭᠰᠠᠨ ᠲᠤᠯᠤᠭᠠᠨ ᠦᠩᠭᠡ ᠶᠢᠨ ᠰᠤᠯᠤᠩᠭᠠ ᠬᠦᠰᠡᠯ ᠢᠳᠡᠭᠡᠯ ᠤᠨ ᠪᠡᠯᠭᠡᠳᠡᠯ ᠪᠤᠯᠵᠦ ᠭᠠᠵᠠᠷ ᠲᠡᠭᠷᠢ ᠶᠢ ᠬᠤᠯᠪᠤᠭᠠᠳ | ᠰᠠᠴᠤᠷᠠᠨᠠ ᠭᠡᠵᠦ ᠳ᠋ᠠ⁈ | ︽ᠬᠤᠷᠤᠭᠤ ᠪᠠᠷ ᠢᠶᠠᠨ ᠪᠤᠤ ᠵᠢᠭᠠ︕︾ ᠭᠡᠵᠦ ᠪᠠᠭᠠ ᠳᠤ ᠡᠵᠢ ᠮᠢᠨᠢ ᠰᠠᠨᠠᠭᠤᠯᠳᠠᠭ ᠪᠠᠶᠢᠯᠠ᠃ ᠰᠠᠶᠢᠨ ᠰᠠᠶᠢᠬᠠᠨ ᠢ ᠡᠷᠭᠢᠮᠯᠡᠨ ᠬᠦᠨᠳᠤᠳᠭᠡᠳᠡᠭ ᠮᠤᠩᠭᠤᠯ | ᠡᠵᠢ ᠶᠢᠨ ᠰᠠᠨᠠᠭᠠ ᠪᠤᠷᠬᠠᠨ ᠠᠴᠠ ᠶᠠᠭᠤᠨ ᠲᠤᠳᠠᠭᠤ ᠪᠤᠢ︖ ᠡᠭᠡ ᠤᠷᠤᠨᠴᠢ ᠬᠠᠶᠢᠷᠠ ᠭᠡᠵᠦ ᠡᠨᠡ ᠪᠢᠵᠠ︖ ᠬᠤᠤᠰ ᠡᠷᠪᠡᠭᠡᠢ ᠨᠢᠳᠦᠨ ᠲᠤᠳᠤᠷᠠ | ᠨᠢᠰᠦᠨᠡ᠂ ᠵᠤᠨ ᠤ ᠦᠵᠡᠮᠦᠷᠢ ᠲᠤᠳᠤᠷᠠ ᠡᠷᠭᠡᠯᠡᠨ ᠨᠢᠰᠦᠨᠡ᠂ ᠯᠤᠭᠢᠭ ᠵᠦᠢ ᠶᠢᠨ ᠵᠦᠢᠴᠢᠯᠡᠯ ᠲᠤᠳᠤᠷᠠ ᠨᠢᠰᠦᠨᠡ᠂ ᠬᠦᠮᠦᠨ ᠠᠷᠠᠳ ᠤᠨ ᠬᠤᠯᠪᠤᠨ | ᠪᠤᠳᠤᠯᠳᠠ ᠶᠢ ᠲᠡᠯᠡᠵᠦ ᠨᠢᠰᠦᠨᠡ ᠁ | ᠵᠤᠨ — ᠵᠢᠷᠤᠭ ᠰᠢᠭ ᠰᠠᠶᠢᠬᠠᠨ︕ ᠵᠤᠯᠪᠤᠭᠠ ᠭᠡᠶᠢᠮᠤᠷᠢ ᠶᠢ ᠰᠡᠷᠭᠦᠭᠡᠭᠰᠡᠨ ᠲᠠᠭᠤᠤ ᠰᠢᠯᠦᠭ ᠤᠨ ᠶᠢᠷᠳᠢᠨᠴᠤ᠃ ᠡᠪ ᠬᠠᠮᠳᠤ ᠶᠢᠨ ᠨᠡᠶᠢᠭᠡᠮ ᠢ | ᠵᠤᠷᠢᠭᠰᠠᠨ ᠮᠢᠨᠦ ᠡᠭᠡ ᠤᠷᠤᠨ ᠤ ᠪᠠᠶᠠᠷ ᠢᠶᠠᠷ ᠪᠢᠯᠬᠠᠭᠰᠠᠨ ᠭᠠᠯᠪᠢᠷ ᠲᠦᠷᠬᠦ᠃ | ᠲᠠᠪᠤᠨ ᠲᠠᠷᠢᠶᠠ ᠬᠠᠯᠢᠭᠤᠷᠠᠵᠦ ᠲᠤᠯᠤᠭᠠᠳ ᠤᠨ ᠴᠠᠭᠠᠨᠠ ᠲᠡᠷᠡ ᠶᠡᠭᠡ ᠦᠩ ᠰᠢᠮᠡᠯᠢᠭ ᠪᠡᠯᠴᠢᠭᠡᠷ ᠲᠤ ᠦᠭᠡᠷ ᠤᠨ ᠰᠦᠷᠦᠭ ᠲᠠᠪᠠᠳᠠᠢ ᠪᠡᠯᠴᠢᠨᠡ᠃ | ᠰᠡᠷᠡᠶᠢᠭᠰᠡᠨ ᠬᠤᠶᠠᠷ ᠡᠪᠡᠷ ᠨᠢ ᠲᠡᠭᠷᠢ ᠲᠡᠭᠡᠷᠡ ᠦᠰᠦᠭ ᠪᠢᠴᠢᠨᠡ᠃ ᠲᠦᠷᠪᠡᠨ ᠲᠤᠭᠤᠷᠠᠢ ᠨᠢ ᠭᠠᠵᠠᠷ ᠲᠡᠭᠡᠷᠡ ᠵᠢᠷᠤᠭ ᠲᠠᠳᠠᠯᠠᠨᠠ᠃ ᠶᠠᠭᠠᠭᠢᠭᠰᠠᠨ ᠭᠤᠶᠤ ᠪᠤᠢ⁈ | ᠮᠠᠯᠴᠢᠳ ᠲᠡᠷᠡ ᠦᠰᠦᠭ ᠢ ᠨᠢᠳᠦᠯᠡᠵᠦ᠂ ᠲᠡᠷᠡ ᠵᠢᠷᠤᠭ ᠢ ᠬᠠᠷᠠᠵᠦ ᠪᠡᠶᠡ ᠰᠡᠳᠭᠢᠯ ᠨᠢ ᠬᠦᠩᠭᠡᠷᠡᠨᠡ᠃ ᠪᠢᠯᠢᠭ ᠤᠬᠠᠭᠠᠨ ᠨᠢ ᠴᠤᠭᠤᠷᠠᠨᠠ᠃ | ᠦᠳᠡ ᠶᠢᠨ ᠭᠤᠤᠯ ᠳᠤ ᠠᠳᠤᠭᠤᠳ ᠵᠡᠭᠦᠷᠮᠡᠭᠯᠡᠵᠦ ᠵᠤᠭᠰᠤᠬᠤ ᠳᠤ ᠤᠷᠭᠠ ᠶᠢᠨ ᠲᠤᠯᠤᠭᠠᠢ ᠳᠤ ᠨᠠᠷᠠ ᠤᠶᠢᠷᠠᠳᠤᠭᠠᠳ ᠤᠰᠤᠨ ᠤ ᠵᠢᠭᠠᠰᠤ ᠦᠭᠡᠳᠡ ᠪᠠᠨ | ᠴᠤᠯᠭᠢᠨᠠ᠃ ᠲᠠᠯᠠ ᠶᠢᠨ ᠲᠡᠨᠵᠢᠨ ᠳᠤ ᠤᠨᠠᠭᠠ ᠲᠠᠭᠠ ᠲᠤᠭᠯᠠᠬᠤ ᠳᠤ ᠬᠠᠶᠢᠯᠠᠰᠤᠨ ᠪᠤᠳᠠᠨ ᠲᠡᠭᠡᠷᠡ ᠰᠠᠭᠤᠭᠰᠠᠨ ᠭᠤᠯᠢᠶᠠ ᠴᠦ ᠠᠳᠠᠭᠠᠷᠬᠠᠭᠰᠠᠨ ᠰᠢᠭ ᠤᠳᠬᠠ | ᠪᠢᠳᠡᠬᠦᠦ ᠵᠢᠷ ᠵᠢᠷ ᠵᠢᠷᠭᠢᠨᠡ᠃ | ︽ᠠᠯᠳᠠᠨ ᠰᠢᠷᠭᠠᠯ ᠨᠠᠮᠤᠷ ᠭᠡᠵᠦ ᠪᠤᠷᠬᠠᠨ ᠡᠭᠡ ᠤᠷᠤᠨ ᠤ ᠪᠠᠶᠠᠨ ᠬᠦᠴᠦᠷᠭᠡᠭ ᠤᠨ ᠪᠡᠯᠭᠡᠳᠡᠯ ᠴᠦ ᠶᠤᠮ ᠤᠤ︖︾ ᠭᠡᠵᠦ ᠰᠠᠨᠠᠬᠤ ᠬᠤᠷᠤᠮ | ᠤᠭᠳᠠᠷᠭᠤᠢ ᠪᠠᠷ ᠮᠦᠩᠬᠦᠨ ᠴᠠᠭᠠᠨ ᠨᠢᠰᠭᠡᠯ ᠬᠦᠩᠭᠢᠨᠡᠳᠡᠯᠡ ᠨᠢᠰᠦᠭᠰᠡᠭᠡᠷ ᠦᠩᠭᠡᠷᠡᠨᠡ᠃ ᠪᠢ ᠨᠢᠳᠦ ᠪᠠᠨ ᠵᠤᠷᠢᠭᠤᠳᠠ ᠠᠨᠢᠬᠤ ᠳᠤ ᠰᠢᠨᠡ ᠬᠦᠳᠡᠭᠡ ᠲᠤᠰᠬᠤᠨ ᠤ | ᠭᠡᠷ ᠪᠠᠷᠢᠯᠭᠠ᠂ ᠵᠠᠮ ᠬᠠᠷᠢᠯᠴᠠᠭᠠ᠂ ᠶᠠᠳᠠᠭᠤ ᠠᠴᠠ ᠪᠠᠨ ᠠᠩᠭᠢᠵᠢᠷᠠᠭᠰᠠᠨ ᠡᠷᠦᠭᠡ ᠶᠢᠨ ᠦᠭᠡᠳᠡ ᠲᠠᠢ ᠴᠢᠷᠠᠢ ᠂ ᠨᠠᠮ ᠡᠭᠡ ᠤᠷᠤᠨ ᠳᠠᠭᠠᠨ ᠲᠠᠯᠠᠷᠬᠠᠭᠰᠠᠨ ᠦᠭᠡ | ᠭᠡᠯᠡᠯᠭᠡ ᠬᠠᠷᠠᠭᠠᠨ ᠳᠤ ᠲᠤᠳᠤᠷᠠᠵᠦ᠂ ᠰᠤᠨᠤᠷ ᠲᠤ ᠲᠤᠭᠤᠯᠳᠠᠬᠤ ᠰᠢᠭ ᠪᠤᠯᠬᠤ ᠶᠢ ᠪᠤᠤ ᠭᠡᠯᠡ᠃ ︽ᠲᠠᠷᠢᠵᠦ ᠠᠷᠴᠢᠬᠤ᠂ ᠬᠠᠳᠤᠵᠦ ᠬᠤᠷᠢᠶᠠᠬᠤ ᠬᠦᠷᠳᠡᠯᠡ ᠪᠦᠷ | ᠮᠠᠰᠢᠨ ᠢᠶᠠᠷ ᠶᠤᠮ᠃ ᠤᠳᠤ ᠶᠢᠨ ᠲᠠᠷᠢᠶᠠᠴᠢᠳ ᠦᠩᠭᠡᠷᠡᠭᠰᠡᠨ ᠢ ᠪᠤᠳᠤᠪᠠᠯ ᠵᠢᠷᠭᠠᠵᠦ ᠪᠤᠢ ᠁︾᠂ ︽ᠮᠠᠯ ᠤᠨᠤᠭᠠ ᠶᠢ ᠪᠡᠯᠴᠢᠭᠡᠷ ᠲᠤᠨᠢ ᠲᠠᠯᠪᠢᠭᠠᠳ | ᠭᠡᠷ ᠲᠡᠭᠡᠨ ᠰᠠᠭᠤᠵᠦ ᠺᠤᠮᠫᠢᠥ᠋ᠲ᠋ᠧᠷ ᠢᠶᠠᠷ ᠬᠠᠷᠠᠬᠤ ᠪᠤᠯᠵᠠᠢ ᠁︾ ᠭᠡᠰᠡᠨ ᠨᠠᠮᠤᠷ ᠤᠨ ᠶᠠᠷᠢᠶᠠ ᠠᠭᠠᠷ ᠰᠦᠯᠡᠵᠦ ᠬᠠᠩᠭᠢᠨᠠᠨ ᠴᠤᠤᠷᠢᠶᠠᠳᠤᠬᠤ ᠰᠢᠭ | ᠲᠤᠭᠤᠯᠳᠠᠬᠤ ᠶᠢ ᠶᠠᠭᠠᠭᠢᠨᠠᠮ᠃ | ᠲᠡᠯᠡᠭᠡᠢ ᠳᠤ ᠭᠠᠭᠴᠠᠬᠠᠨ ᠡᠭᠡ ᠤᠷᠤᠨ ᠮᠢᠨᠦ︕ | ᠴᠠᠰᠤ ᠨᠢ ᠠᠳᠠᠯᠠ ᠬᠦᠮᠦᠨ ᠲᠤᠳᠤᠷ ᠲᠠᠢ᠂ ᠨᠢᠴᠦᠬᠦᠨ ᠵᠤᠭᠰᠤᠬᠤ ᠮᠤᠳᠤᠨ ᠤ ᠪᠠᠨ ᠨᠠᠪᠴᠢ ᠶᠢ ᠤᠷᠤᠯᠠᠨ ᠰᠡᠳᠭᠢᠯ ᠢ ᠨᠢ ᠠᠷᠭᠠᠳᠠᠨᠠ᠃ ᠮᠢᠨᠦ ᠡᠭᠡ | ᠤᠷᠤᠨ ᠤ ᠶᠠᠭᠤ ᠪᠦᠬᠦᠨ ᠪᠤᠶᠠᠨᠰᠠᠭ ᠮᠦᠷᠳᠡᠭᠡᠨ ᠦᠭᠭᠢᠶᠡᠮᠦᠷ ᠬᠠᠶᠢᠷᠠ ᠲᠠᠢ᠃ ᠮᠦᠨ ᠴᠦ ᠭᠡᠨ ᠠᠯᠢ ᠪᠠᠨ ᠭᠠᠳᠠᠭᠤᠷᠴᠢᠯᠠᠬᠤ ᠦᠭᠡᠢ ᠬᠠᠷᠢᠯᠴᠠᠨ ᠲᠡᠮᠵᠢᠵᠦ | ᠲᠤᠰᠠᠯᠠᠳᠠᠭ ᠢ ᠮᠡᠳᠡᠷᠡᠨᠡ᠃ | ︽ᠠᠭᠤᠯᠠ ᠴᠢᠯᠠᠭᠤ ᠪᠠᠨ ᠲᠠᠭᠠᠷᠠᠴᠢᠬᠠᠬᠤ ᠪᠤᠢ︖︾ ᠭᠡᠮᠡᠨ ᠴᠠᠰᠤ ᠨᠢ ᠬᠠᠯᠠᠭᠤᠬᠠᠨ ᠲᠡᠪᠡᠷᠢᠵᠦ ᠰᠦᠷ ᠢ ᠨᠢ ᠨᠡᠮᠡᠳᠡᠭ ᠪᠦᠭᠡᠳ ᠭᠤᠤᠯ ᠮᠦᠷᠡᠨ᠂ ᠨᠠᠭᠤᠷ | ᠤᠰᠤ᠂ ᠵᠢᠭᠠᠰᠦ ᠵᠢᠷᠠᠭᠠᠬᠠᠢ ᠪᠠᠨ ᠵᠢᠷᠦᠭᠡᠨ ᠠᠴᠠ ᠪᠠᠨ ᠰᠠᠨᠠᠵᠦ ᠬᠠᠷᠠᠮᠨᠠᠬᠤ ᠳᠠᠭᠠᠨ ᠴᠠᠰᠤ ᠨᠢ ᠮᠦᠰᠦ ᠬᠤᠪᠢᠯᠵᠦ᠂ ᠪᠠᠭᠢᠯᠡᠨ ᠬᠠᠮᠠᠭᠠᠯᠠᠨᠠ᠃ ︽ᠵᠢᠩᠭᠢᠨᠢ | ᠬᠠᠶᠢᠷᠠ ᠳᠤ ᠤᠷᠴᠢᠯᠠᠩ ᠵᠢᠷᠭᠠᠨᠠ︾ ᠭᠡᠳᠡᠭ ᠢᠶᠠᠷ᠂ ᠭᠤᠨᠠᠨ ᠦᠭᠡᠷ ᠤᠨ ᠡᠪᠡᠷ ᠲᠡᠯᠪᠡ ᠬᠦᠯᠳᠡᠮᠡᠷ ᠭᠤᠷᠪᠠ ᠶᠢᠰᠤ ᠶᠢᠨ ᠬᠦᠢᠳᠡᠨ ᠳᠤ ᠭᠤᠤᠯ ᠤᠨ ᠤᠰᠤᠨ ᠠᠴᠠ | ᠬᠠᠯᠠᠭᠤᠨ ᠠᠭᠤᠷ ᠰᠠᠪᠰᠠᠯᠠᠬᠤ ᠨᠢ ᠲᠡᠷᠡ ᠡ︕ ᠮᠢᠨᠦ ᠬᠤᠯᠪᠤᠨ ᠪᠤᠳᠤᠯᠳᠠ ᠳᠤ ᠲᠡᠷᠡ ᠨᠢ ᠡᠭᠡ ᠤᠷᠤᠨ ᠤ ᠬᠠᠶᠢᠷᠠ ᠪᠤᠯᠵᠦ ᠬᠠᠮᠤᠭ ᠪᠡᠶᠡ ᠶᠢ | ᠲᠤᠯᠠᠭᠠᠴᠠᠭᠤᠯᠤᠨᠠ᠃ ᠭᠡᠬᠦ ᠳᠡᠭᠡᠨ ᠢᠷᠠᠭᠤ ᠨᠠᠶᠢᠷᠠᠭᠴᠢ ᠦᠯᠵᠠᠶᠢᠳᠡᠬᠦᠰ ᠤᠨ ᠬᠦᠰᠡᠷ ᠬᠤᠷᠠᠭᠰᠠᠨ ᠨᠠᠪᠴᠢ ᠶᠢ ᠪᠤᠷᠬᠠᠨ ᠭᠡᠵᠦ ᠪᠤᠳᠤᠬᠤ ᠪᠠᠷ ᠲᠡᠭᠡᠬᠦᠷ ᠨᠢ | ᠠᠯᠬᠤᠬᠤ ᠵᠤᠷᠢᠭ ᠦᠭᠡᠢ ᠵᠤᠭᠰᠤᠭᠰᠠᠨ ᠲᠦᠷᠢ ᠲᠦᠷᠬᠦ ᠠᠴᠠ ᠪᠢ ᠴᠠᠰᠤᠨ ᠤ ᠲᠡᠭᠡᠬᠦᠷ ᠱᠠᠵᠢᠭᠢᠨᠠᠳᠠᠯᠠ ᠠᠯᠬᠤᠬᠤ ᠠᠴᠠ ᠵᠢᠷᠦᠭᠡ ᠡᠪᠡᠳᠦᠭᠡᠳ ᠬᠦᠯ ᠢᠶᠠᠨ ᠲᠠᠳᠠᠨᠠ | ᠃ ᠤᠴᠢᠷ ᠨᠢ ᠰᠢᠷᠭᠡᠭ ᠴᠠᠰᠤ ᠴᠦ ᠮᠢᠨᠦ ᠡᠭᠡ ᠤᠷᠤᠨ ᠤ ᠬᠢ︕ ᠭᠠᠵᠠᠷ ᠤᠨ ᠬᠦᠷᠦᠰᠦ ᠨᠢ ᠴᠦ ᠡᠪᠡᠰᠦ ᠮᠤᠳᠤᠨ ᠤ ᠪᠠᠨ ᠦᠨᠳᠦᠰᠦ ᠶᠢ ᠬᠠᠯᠠᠭᠤᠬᠠᠨ ᠲᠡᠪᠡᠷᠢᠵᠦ | ᠡᠪᠦᠯ ᠢ ᠦᠡᠭᠭᠡᠷᠡᠭᠦᠯᠤᠨᠡ᠃ ᠲᠡᠶᠢᠮᠦ ᠠᠴᠠ ᠤᠷᠭᠤᠮᠠᠯ ᠤᠨ ᠦᠨᠳᠦᠰᠦ ᠪᠦᠬᠦᠨ ᠡᠭᠡ ᠭᠠᠵᠠᠷ ᠲᠠᠭᠠᠨ ᠡᠷᠭᠡᠯᠡᠬᠦ ᠪᠠᠷ ᠪᠠᠷᠠᠬᠤ ᠦᠭᠡᠢ ᠡᠷᠭᠢᠬᠦ ᠬᠠᠪᠤᠷ ᠢᠶᠠᠨ | ᠵᠡᠭᠦᠳᠦᠯᠡᠵᠦ ᠦᠶᠦᠭ ᠵᠢᠷᠭᠠᠨᠠ ᠳ᠋ᠠ᠃ | ᠴᠠᠰᠤ — ᠬᠠᠶᠢᠷᠠ᠃ ᠡᠪᠦᠯ ᠢ ᠲᠤᠯᠠᠭᠠᠯᠠᠭᠰᠠᠨ ᠠᠷᠢᠭᠤᠨ ᠲᠠᠷᠬᠠᠨ ᠬᠠᠶᠢᠷᠠ᠃ ᠡᠭᠡ ᠤᠷᠤᠨ ᠤ ᠡᠩᠭᠡ ᠮᠡᠨᠳᠦ᠂ ᠡᠷᠡᠬᠦᠯ ᠰᠠᠷᠠᠭᠤᠯ᠂ ᠦᠭᠡᠳᠡ | ᠡᠰᠡᠷᠡᠭ ᠢ ᠪᠡᠯᠭᠡᠳᠡᠭᠰᠡᠨ ᠦᠪᠡᠷᠮᠢᠴᠡ ᠭᠤᠸᠠ ᠨᠢᠭᠡᠨ ᠭᠡᠯᠪᠡᠷᠢ ᠶᠢᠨ ᠮᠦᠩᠬᠦᠨ ᠴᠡᠴᠡᠭ ᠶᠤᠮ ᠰᠠᠨ᠃ | ︽ᠲᠦᠷᠪᠡᠨ ᠴᠠᠭ ᠢᠶᠠᠷ ᠴᠡᠴᠡᠭ ᠰᠢᠭ ᠲᠡᠯᠭᠡᠷᠡᠵᠦ ᠬᠦᠭᠵᠢᠨᠡ ᠳ᠋ᠡ︾ ᠭᠡᠵᠦ ᠬᠤᠯᠠ ᠶᠢ ᠬᠠᠷᠠᠨ ᠤᠮᠤᠭᠰᠢᠨ ᠪᠠᠶᠠᠰᠬᠤ ᠳᠤ ᠡᠭᠡ ᠤᠷᠤᠨ ᠤ ᠮᠢᠨᠢ | ᠦᠩᠭᠡᠷᠡᠭᠰᠡᠨ ᠲᠡᠦᠭᠡ ᠪᠤᠳᠤᠭᠳᠠᠨᠠ᠃ ᠲᠦᠮᠡᠨ ᠨᠢᠳᠦ ᠲᠠᠢ ᠲᠡᠭᠷᠢ ᠴᠦ ᠠᠷᠠᠳ ᠢᠶᠠᠨ ᠭᠡᠰᠡᠨ ᠠᠷᠢᠭᠤᠨ ᠰᠠᠨᠠᠭᠠ᠂ ᠠᠯᠤᠰ ᠤᠨ ᠪᠤᠳᠤᠯ ᠢ ᠨᠢ ᠲᠠᠭᠠᠯᠠᠬᠤ ᠳᠠᠭᠠᠨ | ᠡᠳᠦᠷ ᠪᠦᠷᠢ ᠰᠢᠵᠢᠷᠳᠦᠨ ᠲᠤᠶᠠᠭᠠᠷᠠᠨᠠ᠃ ᠲᠡᠯᠡᠭᠡᠢ ᠭᠢᠵᠠᠭᠠᠷ ᠦᠭᠡᠢ ᠭᠡᠭᠡᠨ ᠰᠠᠷᠠᠭᠤᠯ ᠢᠷᠡᠭᠡᠳᠦᠢ ᠶᠢ ᠨᠢ ᠪᠠᠭ᠋ᠠᠷᠬᠠᠬᠤ ᠳᠠᠭᠠᠨ ᠤᠶᠠᠩᠭᠠᠯᠠᠨ ᠲᠠᠭᠤᠯᠠᠨᠠ᠃ | ᠮᠦᠩᠭᠡ ᠶᠢᠨ ᠬᠤᠳᠤᠭ ᠲᠠᠢ ᠡᠭᠡ ᠤᠷᠤᠨ — ᠡᠵᠢ ᠮᠢᠨᠦ᠃ |