ᠳᠡᠯᠡᠬᠡᠢ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2021/5/20
︵ᠬᠦᠲᠦᠯᠦᠭᠡ ᠨᠢᠭᠡ︶                                      ᠨᠠ᠊ · ᠵᠢᠷᠭᠠᠯ ︵ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤ︶          ᠳᠡᠯᠡᠬᠡᠢ ᠭᠡᠵᠦ ᠬᠡᠯᠡᠬᠦ ᠳᠤ ᠳᠡᠩᠳᠡᠭᠦᠦ ᠪᠠᠭ᠎ᠠ ᠰᠠᠨᠠᠭᠳᠠᠨ᠎ᠠ               ᠳᠡᠭᠡᠷ᠎ᠡ ᠨᠢ ᠠᠯᠬᠤᠬᠤ ᠳᠤ ᠳᠠᠩᠴᠤ ᠵᠢᠵᠢᠭᠬᠡᠨ ᠬᠠᠷᠠᠭᠳᠠᠨ᠎ᠠ              ᠳᠡᠤᠬᠡ ᠳᠤᠮᠤᠭ ᠤᠨ ᠬᠠᠭᠤᠳᠠᠰᠤ ᠶᠢ ᠳᠡᠯᠭᠡᠬᠦ ᠳᠤ ᠢᠪᠴᠤᠤᠳᠠᠨ᠎ᠠ            ᠳᠦᠷᠪᠡᠨ ᠵᠦᠭ ᠢ ᠪᠠᠷᠠᠭᠠᠯᠠᠬᠤ ᠳᠤ ᠬᠠᠷᠠᠭ᠎ᠠ ᠪᠠᠭ᠋ᠠᠨ ᠣᠶᠢᠷᠠᠲᠤᠨ᠎ᠠ                ᠳᠡᠯᠭᠡᠷ ᠰᠦᠷᠦᠭ ᠤᠨ ᠪᠠᠭᠤᠴᠠ ᠮᠢᠨᠢ ᠡᠨᠡᠤᠬᠡᠨ ᠳᠤ ᠳᠤᠲᠤᠷᠠᠨ᠎ᠠ               ᠳᠡᠯᠡᠬᠡᠢ ᠭᠡᠵᠦ ᠦᠷᠢᠶ᠎ᠡ ᠳᠠᠪᠬᠢᠭᠤᠯᠬᠤ ᠭᠠᠵᠠᠷ ᠰᠢᠤᠬᠠᠨ ᠯᠠ ᠨᠠᠯᠤᠶᠢᠨ᠎ᠠ                   ᠳᠡᠯᠡᠬᠡᠢ ᠭᠡᠵᠦ ᠬᠡᠯᠡᠬᠦ ᠳᠤ ᠠᠯᠠᠭ᠎ᠠ ᠶᠢᠨ ᠵᠢᠷᠤᠭᠠᠰᠤ ᠰᠢᠭ᠋ ᠯᠠ ᠵᠤᠷᠠᠶᠢᠨ᠎ᠠ             ᠳᠡᠯᠭᠡᠭᠰᠡᠨ ᠵᠢᠷᠤᠭ ᠰᠢᠭ᠋ ᠯᠠ ᠠᠯᠠᠭᠠᠨ ᠳᠡᠭᠡᠷ᠎ᠡ ᠮᠢᠨᠢ ᠠᠯᠢ ᠪᠦᠬᠦᠨ ᠣᠷᠤᠰᠢᠨ᠎ᠠ             ᠳᠡᠷᠲᠡᠭᠡ ᠵᠠᠭᠤᠨ ᠠᠴᠠ ᠦᠪᠯᠡᠵᠦ ᠢᠷᠡᠭᠰᠡᠨ ᠣᠣᠷ ᠰᠤᠶᠤᠯ ᠮᠢᠨᠢ ᠠᠮᠢᠯᠠᠨ᠎ᠠ           ᠳᠤᠷᠠᠶᠢᠲᠠᠯ᠎ᠠ ᠪᠢᠴᠢᠬᠦ ᠤᠬᠠᠭᠠᠨ ᠪᠢᠯᠢᠭ ᠤᠨ ᠠᠯᠲᠠᠨ ᠰᠤᠳᠤᠷ ᠭᠢᠯᠠᠯᠵᠠᠨ᠎ᠠ             ᠳᠡᠯᠡᠬᠡᠢ ᠭᠡᠵᠦ ᠠᠭᠲᠠ ᠬᠦᠯᠦᠭ ᠤᠨ ᠮᠢᠨᠢ ᠴᠢᠳᠠᠯ ᠰᠤᠷᠢᠬᠤ ᠵᠠᠮ ᠯᠠ ᠪᠢᠯᠡ             ᠳᠠᠪᠬᠢᠨ ᠪᠣᠯᠭᠢᠬᠤ ᠠᠳᠤᠭᠤᠨ ᠰᠦᠷᠦᠭ ᠤᠨ ᠮᠢᠨᠢ ᠤᠲᠤᠷ ᠵᠤᠰᠠᠭᠠᠯ ᠪᠠᠶᠢᠨᠠᠮ᠃                  ᠬᠡᠪ ᠢᠶᠠᠷ ᠢᠶᠠᠨ ᠪᠠᠶᠢᠨᠤ              ᠦᠨᠳᠦᠷ ᠰᠦᠷᠯᠢᠭ ᠠᠭᠤᠯᠠᠰ ᠮᠢᠨᠢ              ᠤᠤᠯ ᠬᠡᠪ ᠢᠶᠠᠷ ᠢᠶᠠᠨ ᠪᠠᠶᠢᠨᠤ                ᠦᠷᠭᠡᠨ ᠲᠠᠩᠰᠤᠭ ᠪᠡᠯᠴᠢᠭᠡᠷ ᠮᠢᠨᠢ              ᠦᠩᠰᠢᠭ ᠨᠤᠭᠤᠭᠠᠨ ᠢᠶᠠᠷ ᠢᠶᠠᠨ ᠪᠠᠶᠢᠨᠤ                ᠤᠷᠤᠰᠬᠠᠯ ᠵᠦᠭᠡᠯᠡᠨ ᠭᠤᠣᠯ ᠮᠢᠨᠢ             ᠤᠷᠢᠳᠤ ᠶᠢᠨ ᠬᠡᠪ ᠢᠶᠠᠷ ᠢᠶᠠᠨ ᠪᠠᠶᠢᠨᠤ            ᠣᠯᠠᠨ ᠵᠦᠢᠯ ᠤᠨ ᠤᠷᠭᠤᠮᠠᠯ ᠮᠢᠨᠢ           ᠣᠨ ᠣᠨ ᠢᠶᠠᠷ ᠢᠶᠠᠨ ᠠᠮᠢᠯᠠᠵᠤ ᠪᠠᠶᠢᠨᠤ           ᠦᠩᠭᠡᠲᠦ ᠰᠠᠶᠢᠬᠠᠨ ᠰᠣᠯᠤᠩᠭ᠎ᠠ ᠨᠢ            ᠤᠯᠠᠭᠠᠨ ᠨᠤᠭᠤᠭᠠᠨ ᠢᠶᠠᠷ ᠢᠶᠠᠨ ᠪᠠᠶᠢᠨᠤ           ᠡᠭᠦᠯᠡ ᠪᠤᠯᠤᠨ ᠵᠡᠷᠭᠡᠯᠭᠡᠨ ᠨᠢ             ᠣᠯᠠᠷᠢᠯ ᠤᠨ ᠵᠢᠮ᠎ᠡ ᠪᠠᠷ ᠢᠶᠠᠨ ᠪᠠᠶᠢᠨᠤ             ᠡᠪᠦᠯ ᠵᠤᠨ ᠳᠦᠷᠪᠡᠨ ᠤᠯᠠᠷᠢᠯ ᠨᠢ            ᠦᠪᠡᠷ ᠤᠨ ᠬᠡᠪ ᠢᠶᠠᠷ ᠢᠶᠠᠨ ᠪᠠᠶᠢᠨᠤ              ᠤᠰᠤ ᠴᠠᠰᠤ ᠴᠢᠭᠢᠭ ᠬᠤᠷ᠎ᠠ              ᠤᠨᠠᠭᠠᠨ ᠪᠠᠶᠢᠭᠠᠯᠢ ᠪᠠᠷ ᠢᠶᠠᠨ ᠪᠠᠶᠢᠨᠤ               ᠠᠮᠢᠲᠠᠨ ᠭᠤᠣᠯᠲᠠᠨ ᠵᠢᠭᠦᠷᠲᠡᠨ               ᠤᠭᠰᠠᠭ᠎ᠠ ᠪᠠᠷ ᠢᠶᠠᠨ ᠪᠠᠶᠢᠨᠤ              ᠠᠳᠤᠭᠤ ᠦᠬᠡᠷ ᠬᠤᠨᠢ ᠢᠮᠠᠭ᠎ᠠ            ᠠᠶᠢᠯ ᠬᠤᠲᠠ ᠪᠠᠷ ᠢᠶᠠᠨ ᠪᠠᠶᠢᠨᠤ             ᠤᠨᠤᠭ᠎ᠠ ᠬᠦᠯᠦᠭ ᠮᠣᠷᠢᠳ ᠨᠢ              ᠦᠤᠷᠰᠡᠭᠡ ᠪᠠᠷ ᠢᠶᠠᠨ ᠪᠠᠶᠢᠨᠤ                ᠤᠷᠭ᠎ᠠ ᠪᠣᠯᠣᠨ ᠲᠠᠰᠢᠭᠤᠷ ᠨᠢ               ᠠᠰᠬᠠᠨ ᠢᠶᠠᠷ ᠢᠶᠠᠨ ᠪᠠᠶᠢᠨᠤ                ᠦᠵᠦᠭᠦᠷ ᠪᠣᠯᠤᠨ ᠬᠤᠶᠢᠪᠢ ᠨᠢ               ᠤᠷᠢᠶᠠᠯᠲᠠ ᠪᠠᠷ ᠢᠶᠠᠨ ᠪᠠᠶᠢᠨᠤ             ᠤᠰᠤᠨ ᠲᠡᠷᠭᠡ ᠠᠭᠠᠷᠤ ᠰᠠᠭᠤᠯᠭ᠎ᠠ               ᠣᠩᠭᠤᠴᠠ ᠪᠦᠷᠢᠨ ᠢᠶᠠᠷ ᠢᠶᠠᠨ ᠪᠠᠶᠢᠨᠤ            ᠤᠶᠠᠳᠠᠯ ᠲᠠᠲᠠᠭ᠎ᠠ ᠵᠡᠯ᠎ᠡ ᠠᠷᠭᠠᠮᠵᠢᠶ᠎ᠠ           ᠡᠪᠬᠡᠭᠡ ᠲᠠᠢ ᠪᠠᠷ ᠢᠶᠠᠨ ᠪᠠᠶᠢᠨᠤ             ᠤᠲᠤᠷ ᠨᠡᠭᠦᠳᠡᠯ ᠤᠨ ᠪᠡᠯᠴᠢᠭᠡᠷ             ᠢᠵᠢ ᠭᠦᠢᠴᠡᠳ ᠢᠶᠠᠷ ᠢᠶᠠᠨ ᠪᠠᠶᠢᠨᠤ            ᠦᠨᠳᠦᠰᠦᠨ ᠬᠤᠪᠴᠠᠰᠤ ᠡᠳ᠋ᠯᠡᠯ              ᠦᠩᠭᠡ ᠣᠨᠴᠠᠯᠢᠭ ᠢᠶᠠᠷ ᠢᠶᠠᠨ ᠪᠠᠶᠢᠨᠤ            ᠤᠭᠤᠷᠠᠭ ᠰᠦ ᠶᠢᠨ ᠰᠠᠪᠠ ᠨᠢ           ᠤᠷᠤ ᠤᠷᠤ ᠪᠠᠷ ᠢᠶᠠᠨ ᠪᠠᠶᠢᠨᠤ           ᠠᠶᠢᠷᠠᠭ ᠪᠣᠯᠤᠨ ᠬᠤᠷᠤᠳ ᠨᠢ             ᠠᠩᠬᠠᠨ ᠤ ᠠᠮᠲᠠ ᠪᠠᠷ ᠢᠶᠠᠨ ᠪᠠᠶᠢᠨᠤ            ᠦᠷᠦᠮ᠎ᠡ ᠪᠣᠯᠤᠨ ᠲᠤᠰᠤ ᠨᠢ              ᠦᠨᠦᠷ ᠰᠢᠮ᠎ᠡ ᠪᠠᠷ ᠢᠶᠠᠨ ᠪᠠᠶᠢᠨᠤ              ᠣᠭᠤᠲᠠ ᠪᠣᠯᠤᠨ ᠬᠦᠨᠦᠭ ᠨᠢ             ᠠᠮᠠᠰᠠᠷ ᠪᠢᠯᠬᠠᠮ᠎ᠠ ᠪᠠᠷ ᠢᠶᠠᠨ ᠪᠠᠶᠢᠨᠤ             ᠠᠭᠠᠷᠤᠤᠯ ᠡᠭᠡᠵᠡᠭᠡᠢ ᠪᠢᠰᠢᠯᠠᠭ ᠨᠢ              ᠢᠳᠡ ᠬᠦᠴᠦ ᠪᠠᠷ ᠢᠶᠠᠨ ᠪᠠᠶᠢᠨᠤ              ᠢᠳᠡᠰᠢ ᠪᠣᠯᠤᠨ ᠤᠤᠭᠤᠰᠢ ᠨᠢ              ᠢᠵᠠᠭᠤᠷ ᠶᠤᠰᠤ ᠪᠠᠷ ᠪᠠᠨ ᠪᠠᠶᠢᠨᠤ              ᠠᠮᠤ ᠪᠤᠳᠠᠭ᠎ᠠ ᠡᠯᠳᠡᠪ ᠬᠦᠨᠡᠰᠦ              ᠡᠯᠪᠡᠭ ᠨᠦᠭᠡᠴᠡ ᠲᠠᠢ ᠪᠠᠶᠢᠨᠤ              ᠢᠷᠡᠬᠦ ᠨᠠᠮᠤᠷ ᠲᠠᠢ ᠵᠤᠯᠭᠠᠲᠠᠯ᠎ᠠ              ᠢᠯᠡᠭᠦᠴᠡ ᠦᠯᠡᠳᠡᠪᠦᠷᠢ ᠪᠠᠷ ᠢᠶᠠᠨ ᠪᠠᠶᠢᠨᠤ            ᠠᠷᠤᠭ ᠪᠣᠯᠣᠨ ᠰᠠᠪᠠᠷ ᠨᠢ               ᠠᠶᠢᠯ ᠬᠤᠲᠠ ᠪᠠᠷ ᠢᠶᠠᠨ ᠪᠠᠶᠢᠨᠤ           ᠠᠯᠲᠠᠭᠠᠨ᠎ᠠ ᠪᠤᠷᠭᠠᠰᠤ ᠴᠠᠷᠠᠰᠤᠨ ᠰᠢᠪᠡᠭᠡ           ᠤᠯᠠᠨ ᠵᠦᠢᠯ ᠢᠶᠠᠷ ᠢᠶᠠᠨ ᠪᠠᠶᠢᠨᠤ                ᠠᠷᠭᠠᠯ ᠬᠤᠷᠭᠤᠯ ᠲᠦᠯᠡᠰᠢ ᠨᠢ              ᠢᠯᠴᠢ ᠲᠠᠢ ᠢᠶᠠᠨ ᠪᠠᠶᠢᠨᠤ              ᠤᠩᠭᠠᠰᠤ ᠲᠠᠢ ᠭᠡᠷ ᠪᠠᠶᠠᠨ ᠭᠡᠳᠡᠭ             ᠤᠴᠢᠷ ᠶᠤᠰᠤ ᠪᠠᠷ ᠢᠶᠠᠨ ᠪᠠᠶᠢᠨᠤ             ᠤᠲᠤᠭ᠎ᠠ ᠲᠠᠢ ᠭᠡᠷ ᠳᠤᠯᠠᠭᠠᠨ ᠭᠡᠳᠡᠭ ᠢ             ᠤᠬᠠᠭᠠᠷᠠᠭᠰᠠᠨ ᠢᠶᠠᠷ ᠢᠶᠠᠨ ᠪᠠᠶᠢᠨᠤ              ᠡᠪᠦᠭᠡᠳ ᠡᠮᠡᠭᠡᠳ ᠤᠨ ᠰᠡᠳᠬᠢᠯ             ᠢᠨᠢᠶᠡᠳᠦ ᠪᠠᠶᠠᠷ ᠢᠶᠠᠷ ᠢᠶᠠᠨ ᠪᠠᠶᠢᠨᠤ             ᠢᠳᠡᠷ ᠵᠠᠯᠠᠭᠤᠴᠤᠳ ᠤᠨ ᠵᠢᠪᠬᠤᠭ᠎ᠠ              ᠢᠳᠡᠭᠡᠯ ᠲᠡᠭᠦᠰ ᠢᠶᠠᠷ ᠢᠶᠠᠨ ᠪᠠᠶᠢᠨᠤ           ᠦᠬᠢᠳ ᠪᠡᠷᠢᠶᠡᠳ ᠤᠨ ᠬᠠᠷᠠᠴᠠ              ᠡᠶᠡᠯᠰᠡᠭ ᠢᠶᠠᠷ ᠢᠶᠠᠨ ᠪᠠᠶᠢᠨᠤ            ᠠᠴᠢᠷ ᠬᠡᠤᠬᠡᠳ ᠤᠨ ᠴᠢᠷᠠᠢ              ᠠᠯᠢᠶ᠎ᠠ ᠳᠡᠭᠵᠢᠨ ᠢᠶᠠᠷ ᠢᠶᠠᠨ ᠪᠠᠶᠢᠨᠤ         ᠠᠪᠤ ᠳᠡᠭᠡᠳᠦ ᠶᠢᠨ ᠰᠤᠷᠭᠠᠯ              ᠤᠯᠠᠮᠵᠢᠯᠠᠯ ᠢᠶᠠᠷ ᠢᠶᠠᠨ ᠪᠠᠶᠢᠨᠤ              ᠠᠷᠢᠭᠤᠨ ᠴᠠᠶᠢᠯᠭᠠᠨ ᠰᠤᠷᠲᠠᠯ                ᠠᠲᠠᠭ᠎ᠠ ᠦᠭᠡᠢ ᠪᠠᠷ ᠢᠶᠠᠨ ᠪᠠᠶᠢᠨᠤ             ᠠᠶᠢᠯ ᠭᠡᠷ ᠤᠨ ᠵᠠᠩᠰᠢᠯ             ᠠᠩᠬᠠᠨ ᠢᠶᠠᠷ ᠢᠶᠠᠨ ᠪᠠᠶᠢᠨᠤ           ᠡᠯᠳᠡᠪ ᠡᠰᠡᠨ ᠤ ᠲᠦᠢᠳᠬᠡᠷ ᠦᠭᠡᠢ            ᠡᠶ᠎ᠡ ᠡᠪ ᠢᠶᠠᠷ ᠢᠶᠠᠨ ᠪᠠᠶᠢᠨᠤ              ᠡᠨᠡ ᠪᠦᠬᠦᠨ ᠵᠦᠢᠯᠡᠰ ᠮᠢᠨᠢ            ᠡᠭᠡᠯ ᠲᠦᠮᠡᠨ ᠤ ᠰᠢᠲᠦᠭᠡᠨ ᠶᠤᠮ             ᠠᠰᠢᠲᠠ ᠶᠢᠨ ᠰᠠᠶᠢᠬᠠᠨ ᠠᠮᠢᠳᠤᠷᠠᠯ          ᠠᠮᠤᠷ ᠵᠢᠷᠭᠠᠯᠠᠩ ᠢᠶᠠᠷ ᠢᠶᠠᠨ ᠪᠠᠶᠢᠭᠠᠰᠠᠢ︕       ︵ᠡᠬᠡ ᠪᠢᠴᠢᠭ ᠢ ᠠᠷᠤ  ᠬᠤᠷᠴᠢᠨ  ᠬᠤᠰᠢᠭᠤᠨ ᠤ  ᠠᠷᠠᠳ ᠤᠨ  ᠵᠠᠰᠠᠭ ᠤᠨ  ᠣᠷᠳᠤᠨ ᠤ  ᠮᠤᠩᠭᠤᠯ  ᠰᠦᠯᠵᠢᠶ᠎ᠡ ᠬᠠᠩᠭᠠᠪᠠ︶        
ᠢᠷᠡᠯᠲᠡ᠄ ᠠᠷᠠᠳ ᠤᠨ ᠰᠥᠯᠵᠢᠶ᠎ᠡ