| | ᠵᠣᠬᠢᠶᠠᠭᠴᠢ᠄ ᠄ᠮᠡᠷᠭᠡᠨᠪᠠᠭᠠᠳᠤᠷ | | ᠤᠬᠠᠭᠠᠨ ᠤ ᠳᠡᠯᠳᠠ ᠠᠴᠠ ᠳᠦᠰᠢᠬᠡᠳ ᠪᠤᠰᠬᠠᠳᠠᠭ ᠤᠩᠭᠤᠳ ᠮᠢᠨᠢ | ᠤᠶᠤᠨ ᠤ ᠲᠤᠲᠤᠷᠠ ᠠᠴᠠ ᠤᠨᠳᠤᠷᠤᠭᠠᠳ ᠪᠠᠭᠤᠳᠠᠭ ᠤᠩᠭᠤᠳ ᠮᠢᠨᠢ | ᠤᠷᠠᠨ ᠦᠬᠡᠰ ᠢ ᠬᠤᠯᠪᠤᠭᠠᠳ ᠦᠭᠳᠡᠭ ᠤᠩᠭᠤᠳ ᠮᠢᠨᠢ | ᠤᠷᠳᠤ ᠶᠢᠨ ᠳᠠᠭᠤᠤ ᠲᠠᠢ ᠤᠶᠠᠬᠠᠨ ᠡᠬᠡᠰᠢᠭ ᠲᠠᠢ ᠤᠩᠭᠤᠳ ᠮᠢᠨᠢ ᠁ | | | ᠴᠡᠯᠡᠭᠡᠷ ᠲᠠᠯᠠ ᠶᠢᠨ ᠴᠢᠮᠡᠭ ᠪᠤᠯᠤᠭᠰᠠᠨ ᠠᠭᠤᠯᠠᠰ ᠢᠶᠠᠷ ᠠᠮᠢᠯᠠᠨᠠ | ᠴᠡᠪᠡᠷ ᠠᠭᠠᠷ ᠲᠠᠢ ᠳᠡᠨᠢᠬᠦᠬᠡᠨ ᠪᠠᠶᠢᠭᠠᠯᠢ ᠶᠢᠨ ᠠᠮᠢᠰᠬᠤᠯ ᠢᠶᠠᠷ ᠠᠮᠢᠯᠠᠨᠠ | ᠴᠡᠩᠬᠡᠭ ᠤᠰᠤ ᠲᠠᠢ ᠭᠤᠤᠯ ᠭᠤᠷᠤᠬᠠ ᠶᠢᠨ ᠤᠷᠤᠰᠬᠠᠯ ᠢᠶᠠᠷ ᠠᠮᠢᠯᠠᠨᠠ | ᠴᠡᠩᠬᠡᠷ ᠤᠭᠳᠠᠷᠭᠤᠢ ᠶᠢᠨ ᠴᠠᠭᠠᠨ ᠡᠬᠦᠯᠡᠰ ᠤᠨ ᠨᠡᠬᠦᠳᠡᠯ ᠢᠶᠠᠷ ᠠᠮᠢᠯᠠᠨᠠ | | | ᠬᠤᠯᠠ ᠳᠤ ᠰᠦᠨᠳᠡᠷᠯᠡᠬᠦ ᠴᠠᠰᠤᠲᠤ ᠬᠠᠶᠢᠷᠬᠠᠨ ᠤ ᠬᠠᠶᠢᠯ ᠢᠶᠠᠷ ᠠᠮᠢᠯᠠᠨᠠ | ᠬᠤᠰᠢᠭᠤᠷᠠᠵᠤ ᠨᠢᠰᠬᠦ ᠤᠰᠤᠨ ᠰᠢᠪᠠᠭᠤᠳ ᠤᠨ ᠳᠠᠭᠤᠨ ᠢᠶᠠᠷ ᠠᠮᠢᠯᠠᠨᠠ | ᠬᠤᠳᠤᠭ ᠢᠶᠠᠨ ᠰᠠᠬᠢᠭᠰᠠᠨ ᠨᠠᠰᠤᠲᠠᠨ ᠪᠤᠭᠤᠷᠤᠯ ᠤᠨ ᠲᠤᠮᠤᠭ ᠢᠶᠠᠷ ᠠᠮᠢᠯᠠᠨᠠ | ᠬᠤᠷᠳᠤᠨ ᠢᠶᠠᠨ ᠰᠤᠷᠢᠬᠤ ᠬᠤᠯᠠᠨ ᠵᠡᠭᠡᠷᠲᠡ ᠶᠢᠨ ᠲᠦᠪᠡᠷᠭᠡᠨ ᠢᠶᠠᠷ ᠠᠮᠢᠯᠠᠨᠠ | | | ᠦᠩᠬᠡ ᠨᠢ ᠤᠨᠠᠭᠰᠠᠨ ᠰᠢᠯᠦᠭ ᠮᠢᠨᠢ | | | ᠪᠤᠮᠠᠨ ᠤᠯᠤᠰ ᠤᠳ ᠪᠠᠭ᠋ᠠᠷᠬᠠᠳᠠᠭ ᠵᠢᠷᠤᠭ ᠪᠤᠯᠭᠠᠵᠤ ᠳᠠᠳᠠᠯᠠᠶᠠ ᠬᠡᠰᠡᠨ | ᠪᠤᠮᠪᠤᠭᠤᠷ ᠭᠤᠶᠤᠬᠠᠨ ᠠᠭᠤᠯᠠᠰ ᠢᠶᠠᠨ ᠴᠢᠮᠡᠭ ᠪᠤᠯᠭᠠᠵᠤ ᠤᠷᠠᠯᠠᠶᠠ ᠬᠡᠰᠡᠨ | ᠪᠤᠳᠤᠯ ᠤᠨ ᠬᠦᠨ ᠳᠠᠬᠢ ᠤᠳᠤᠨ ᠢᠶᠠᠨ ᠰᠤᠳᠤᠨ ᠪᠤᠯᠭᠠᠵᠤ ᠬᠡᠷᠡᠯᠳᠤᠬᠦᠯᠦᠶᠡ ᠬᠡᠰᠡᠨ | ᠪᠤᠷᠤᠭᠠᠯᠠᠵᠤ ᠢᠷᠡᠳᠡᠭ ᠬᠠᠪᠤᠷ ᠢᠶᠠᠨ ᠤᠷᠢᠬᠠᠨ ᠪᠤᠯᠭᠠᠵᠤ ᠠᠮᠢᠯᠠᠭᠤᠯᠤᠶᠠ ᠬᠡᠰᠡᠨ ᠁ | | | ᠲᠤᠷᠭᠠᠨ ᠦᠳᠦ ᠲᠠᠢ ᠲᠤᠭᠤᠰ ᠰᠢᠪᠠᠭᠤ ᠨᠢ ᠬᠦᠮᠦᠨ ᠢᠶᠠᠨ ᠦᠵᠡᠵᠦ ᠭᠠᠶᠢᠬᠠᠭᠤᠯᠳᠠᠭ ᠪᠤᠯᠤᠭᠰᠠᠨ ᠠᠴᠠ | ᠲᠤᠳᠤᠬᠠᠨ ᠳᠠᠭᠤ ᠲᠠᠢ ᠠᠯᠲᠠᠨ ᠭᠤᠷᠭᠤᠤᠯᠲᠠᠢ ᠨᠢ ᠤᠢ ᠪᠠᠨ ᠰᠢᠯᠢᠵᠦ ᠲᠤᠩᠭᠤᠳᠳᠠᠭ ᠪᠤᠯᠤᠭᠰᠠᠨ ᠠᠴᠠ | ᠲᠤᠭᠤᠷᠢᠮ ᠪᠦᠷᠢᠳᠤ ᠶᠢᠨ ᠤᠷᠠᠨ ᠬᠠᠵᠢᠨ ᠴᠤ ᠤᠰᠤᠨ ᠤ ᠠᠶᠠ ᠪᠠᠷ ᠨᠡᠬᠦᠳᠡᠯᠯᠡᠨ ᠢᠷᠡᠳᠡᠭ ᠪᠤᠯᠤᠭᠰᠠᠨ ᠠᠴᠠ | ᠲᠤᠭᠤᠷᠴᠤᠭ ᠡᠯᠡᠭᠳᠡᠭᠰᠡᠨ ᠨᠠᠶᠢᠷᠠᠭ ᠮᠢᠨᠢ ᠴᠤ ᠲᠤᠭᠤᠰᠤᠨ ᠲᠤᠯᠤᠭᠠᠢ ᠲᠠᠢ ᠡᠷᠬᠢᠴᠡᠳᠡᠭ ᠪᠤᠯᠤᠭᠰᠠᠨ ᠁ | | | ᠪᠤᠷᠤᠭᠤ ᠵᠠᠮ ᠢᠶᠠᠷ ᠠᠯᠲᠠ ᠳᠡᠭᠡᠭᠡᠭᠰᠡᠨ ᠡᠷᠲᠡᠨ ᠤ ᠲᠤᠮᠤᠭ ᠤᠨ ᠦᠯᠢᠭᠡᠷ ᠭᠠᠷᠪᠠ ᠤᠤ︖ | ᠪᠤᠴᠠᠬᠤ ᠵᠠᠮ ᠳᠠᠭᠠᠨ ᠰᠢᠷᠦᠢ ᠵᠦᠭᠡᠭᠡᠭᠰᠡᠨ ᠬᠤᠱᠤᠩ ᠱᠤᠭ ᠤᠨ ᠢᠨᠢᠶᠡᠳᠦᠮ ᠪᠤᠯᠪᠠ ᠤᠤ︖ | ᠪᠤᠬᠠᠨ ᠳᠠᠭᠠᠨ ᠢᠳᠡᠭᠡᠵᠦ ᠰᠦᠷᠦᠭ ᠴᠦᠬᠡᠷᠡᠭᠰᠡᠨ ᠨᠢᠳᠤ ᠦᠬᠡᠢ ᠭᠠᠷᠤᠵᠠ ᠢᠷᠡᠪᠡ ᠤᠤ︖ | ᠪᠤᠷᠬᠠᠨ ᠳᠠᠭᠠᠨ ᠵᠠᠯᠪᠠᠷᠢᠵᠤ ᠰᠦᠰᠦᠭ ᠠᠯᠳᠠᠭᠰᠠᠨ ᠨᠢᠭᠤᠷ ᠦᠭᠡᠢ ᠭᠠᠢ ᠲᠤᠰᠪᠠ ᠤᠤ︖ | | | ᠡᠬᠦᠯᠡᠨ ᠴᠢᠯᠦᠬᠡᠨ ᠤ ᠨᠠᠷᠠ ᠶᠢ ᠰᠡᠬᠦᠳᠡᠷ ᠢᠷᠡᠭᠡᠳ ᠬᠠᠯᠬᠠᠯᠠᠳᠠᠭ ᠠᠴᠠ | ᠦᠳᠡᠰᠢ ᠶᠢᠨ ᠬᠠᠷᠪᠤᠭᠰᠠᠨ ᠰᠤᠯᠢᠷ ᠰᠡᠬᠦᠯ ᠳᠠᠳᠠᠭᠠᠳ ᠦᠩᠬᠡᠷᠡᠳᠡᠭ ᠠᠴᠠ | ᠦᠨᠡᠨ ᠪᠤᠳᠤᠯ ᠤᠨ ᠤᠴᠢᠭ ᠦᠷᠦᠴᠡᠨ ᠤ ᠲᠤᠲᠤᠷᠡ ᠵᠠᠩᠬᠢᠷᠠᠳᠠᠭ ᠠᠴᠠ | ᠦᠩᠬᠡ ᠨᠢ ᠤᠨᠠᠭᠰᠠᠨ ᠰᠢᠯᠦᠭ ᠮᠢᠨᠢ ᠴᠤ ᠦᠨᠦᠴᠢᠨ ᠨᠢᠯᠪᠤᠰᠤ ᠲᠠᠢ ᠬᠡᠶᠤᠷᠡᠬᠦ ᠶᠤᠮ᠃ | | | | |