ᠵᠣᠬᠢᠶᠠᠭᠴᠢ᠄ ᠪᠠ᠊ · ᠣᠳᠽᠡᠷ | | ᠠᠩᠬᠠᠨ ᠤ ᠴᠠᠰᠤ ᠪᠤᠵᠠᠷ ᠪᠤᠷᠳᠠᠭ ᠢ ᠤᠬᠢᠶᠠᠶᠠ ᠬᠡᠮᠡᠷ | ᠠᠩᠬᠠᠨ ᠤ ᠴᠠᠰᠤ ᠬᠡᠶᠢᠰᠦᠭᠰᠡᠨ ᠰᠠᠯᠬᠢ ᠶᠢ ᠳᠠᠷᠤᠶᠠ ᠬᠡᠮᠡᠷ | ᠠᠩᠬᠠᠨ ᠤ ᠴᠠᠰᠤ ᠬᠠᠰ ᠤᠨ ᠪᠡᠶᠡ ᠶᠢ ᠠᠷᠢᠭᠤᠳᠬᠠᠶᠠ ᠬᠡᠮᠡᠷ | ᠠᠩᠬᠠᠨ ᠤ ᠴᠠᠰᠤ ᠨᠤᠲᠤᠭ ᠤᠰᠤ ᠶᠢ ᠮᠥᠩᠭᠦᠯᠡᠶᠡ ᠬᠡᠮᠡᠷ | ᠠᠷᠴᠢᠵᠤ ᠠᠷᠢᠯᠭᠠᠶᠠ ᠬᠡᠮᠡᠷ ᠲᠣᠭᠤᠰᠤ ᠪᠦᠬᠦᠨ ᠢ | ᠠᠭᠠᠷ ᠠᠴᠠ ᠯᠠᠪᠰᠠᠯᠠᠨ ᠯᠠᠪᠰᠠᠯᠠᠨ ᠪᠠᠭᠤᠭᠰᠠᠨ ᠨᠢ ᠭᠤᠶᠤᠬᠠᠨ | ᠠᠩᠭᠠᠭᠰᠠᠨ ᠪᠦᠬᠦᠨ ᠢ ᠤᠰᠤᠯᠠᠶᠠ ᠬᠡᠮᠡᠷ | ᠶᠠᠭᠠᠷᠠᠯᠲᠠᠢ ᠪᠠᠷ ᠨᠠᠮᠢᠷᠠᠨ ᠨᠠᠮᠢᠷᠠᠨ ᠪᠠᠭᠤᠭᠰᠠᠨ ᠨᠢ ᠦᠵᠡᠮᠵᠢᠲᠠᠢ | ᠶᠠᠭᠠᠬᠢᠭᠰᠠᠨ ᠲᠠᠭᠠᠯᠠᠮᠵᠢᠲᠠᠢ ᠰᠠᠶᠢᠬᠠᠨ ᠴᠠᠰᠤ ᠪᠣᠢ︖ | ᠶᠠᠮᠠᠷᠬᠠᠨ ᠴᠢᠮᠠ ᠲᠠᠢ ᠠᠳᠠᠯᠢᠬᠠᠨ ᠶᠤᠮ ᠪᠣᠢ︖ | ᠠᠩᠬᠠᠨ ᠤ ᠴᠠᠰᠤ ᠨᠢᠭᠤᠷ ᠢ ᠮᠢᠨᠢ ᠢᠯᠪᠢᠬᠦ ᠶᠤᠮ | ᠠᠯᠤᠰ ᠤᠨ ᠨᠤᠲᠤᠭ ᠮᠢᠨᠢ ᠨᠠᠮᠠ ᠪᠠᠨ ᠰᠠᠨᠠᠭᠰᠠᠨ ᠪᠠᠶᠢᠬᠠ | ᠠᠩᠬᠠᠨ ᠤ ᠴᠠᠰᠤ ᠶᠠᠭᠠᠷᠠᠵᠤ ᠴᠢᠮᠠ ᠪᠠᠨ ᠬᠥᠭᠡᠷᠦᠭᠦ᠋ᠢᠯᠡᠭᠰᠡᠨ ᠪᠣᠯ | ᠲᠦᠷᠦᠯᠬᠢ ᠨᠤᠲᠤᠭ ᠢ ᠮᠢᠨᠢ ᠡᠷᠬᠡ ᠦᠭᠡᠢ ᠰᠠᠨᠠᠭᠳᠠᠭᠤᠯᠤᠭᠰᠠᠨ ᠪᠠᠶᠢᠬᠠ | ᠠᠩᠬᠠᠨ ᠤ ᠴᠠᠰᠤ ᠭᠡᠵᠢᠭᠡ ᠶᠢ ᠮᠢᠨᠢ ᠢᠯᠪᠢᠬᠦ ᠶᠤᠮ | ᠠᠯᠤᠰ ᠲᠤ ᠪᠠᠶᠢᠭᠠ ᠡᠵᠢ ᠮᠢᠨᠢ ᠨᠠᠮ ᠠ ᠪᠠᠨ ᠰᠠᠨᠠᠭᠰᠠᠨ ᠪᠠᠶᠢᠬᠠ | ᠥᠭᠡᠳᠡ ᠠᠴᠠ ᠮᠢᠨᠢ ᠭᠦᠶᠦᠨ ᠭᠦᠶᠦᠨ ᠬᠦᠷᠦᠭᠡᠳ ᠢᠷᠡᠳᠡᠭ | ᠦᠨᠳᠦᠰᠦ ᠵᠠᠯᠭᠠᠳᠠᠭ ᠬᠦᠭᠡᠷᠦᠭᠦᠢ ᠵᠢᠭᠠᠯ ᠣᠮᠪᠤᠯᠤ ᠪᠠᠨ ᠰᠠᠨᠠᠯᠠ | ᠠᠩᠬᠠᠨ ᠤ ᠴᠠᠰᠤ ᠠᠯᠵᠢᠶᠠᠯ ᠶᠠᠳᠠᠷᠠᠯ ᠢ ᠲᠠᠶᠢᠯᠵᠦ ᠦᠭᠭᠦᠭᠰᠡᠨ ᠶᠤᠮ | ᠠᠯᠤᠰ ᠲᠤ ᠪᠠᠶᠢᠭᠠ ᠰᠡᠳᠭᠢᠯ ᠢ ᠮᠢᠨᠢ ᠳᠠᠮᠵᠢᠭᠤᠯᠤᠭᠰᠠᠨ ᠪᠠᠶᠢᠬᠠ | ᠠᠩᠬᠠᠨ ᠤ ᠴᠠᠰᠤ ᠨᠠᠮᠢᠷᠠᠨ ᠨᠠᠮᠢᠷᠠᠨ ᠪᠠᠭᠤᠨᠠ | ᠠᠯᠵᠢᠶᠠᠯ ᠶᠠᠳᠠᠷᠠᠯ ᠢ ᠲᠠᠶᠢᠯᠬᠤ ᠪᠠᠷ ᠪᠠᠭᠤᠨᠠ | ᠠᠯᠢᠪᠠ ᠰᠡᠳᠭᠢᠯ ᠤᠨ ᠶᠠᠳᠠᠷᠠᠯ ᠵᠦᠳᠡᠷᠡᠯ ᠢ ᠴᠢᠨᠢ ᠠᠷᠴᠢᠶᠠ ᠬᠡᠮᠡᠨ | ᠠᠯᠢᠪᠠ ᠮᠠᠭᠤ ᠮᠠᠭᠤᠬᠠᠢ ᠶᠢ ᠴᠢᠨᠢ ᠠᠷᠢᠯᠭᠠᠶᠠ ᠬᠡᠮᠡᠨ | ᠠᠯᠢᠪᠠ ᠪᠤᠵᠠᠷ ᠪᠦᠬᠦᠨ ᠢ ᠴᠢᠨᠢ ᠤᠬᠢᠶᠠᠵᠤ ᠦᠭᠭᠦᠶᠡ ᠬᠡᠮᠡᠨ | ᠠᠯᠢᠪᠠ ᠪᠦᠬᠦᠨ ᠢ ᠴᠢᠨᠢ ᠠᠷᠢᠭᠤᠨ ᠴᠡᠪᠡᠷᠬᠡᠨ ᠪᠣᠯᠭᠠᠶᠠ ᠬᠡᠮᠡᠨ | ᠠᠯᠤᠰ ᠤᠨ ᠠᠯᠤᠰ ᠢ ᠵᠣᠷᠢᠨ ᠵᠣᠷᠢᠨ ᠯᠠᠪᠰᠠᠯᠠᠨ ᠪᠠᠭᠤᠨᠠ᠂ | ᠠᠰᠤᠷᠤ ᠲᠡᠭᠷᠢ ᠶᠢᠨ ᠥᠭᠭᠢᠶᠡᠮᠦᠷ ᠬᠤᠷᠠ ᠬᠡᠰᠢᠭ | ᠠᠩᠬᠠᠨ ᠤ ᠴᠠᠰᠤ ᠦᠨᠡᠬᠡᠷ ᠭᠤᠶᠤ ᠰᠠᠶᠢᠬᠠᠨ ᠡ︕ | ᠠᠲᠠᠷ ᠲᠠᠯᠠ ᠪᠠᠨ ᠮᠦᠩᠭᠡᠯᠡᠭᠡᠳ ᠬᠤᠴᠢᠭᠰᠠᠨ ᠨᠢ ᠰᠠᠶᠢᠬᠠᠨ | ᠠᠮᠢᠲᠠᠨ ᠤᠷᠭᠤᠮᠠᠯ ᠢᠶᠠᠨ ᠤᠮᠲᠠᠯᠠᠭᠠᠳ ᠤᠰᠤᠯᠠᠭᠰᠠᠨ ᠨᠢ ᠰᠠᠶᠢᠬᠠᠨ | ᠠᠷᠠᠳ ᠲᠦᠮᠡᠨ ᠢᠶᠠᠨ ᠪᠠᠶᠠᠰᠬᠠᠭᠰᠠᠨ ᠨᠢ ᠰᠠᠶᠢᠬᠠᠨ ᠡ︕ | ᠠᠰᠢᠳᠠ ᠶᠢᠨ ᠵᠣᠯ ᠵᠢᠷᠭᠠᠯ ᠢᠶᠠᠨ ᠪᠡᠯᠭᠡᠳᠡᠭᠡᠳ ᠰᠠᠶᠢᠬᠠᠨ ᠡ︕ | ᠠᠰᠤᠷᠤ ᠲᠡᠭᠷᠢ ᠶᠢᠨ ᠥᠭᠬᠢᠶᠠᠮᠥᠷ ᠬᠤᠷᠠ ᠬᠡᠰᠢᠭ | ᠠᠩᠬᠠᠨ ᠤ ᠴᠠᠰᠤ ᠦᠨᠡᠬᠡᠷ ᠭᠤᠶᠣ ᠰᠠᠶᠢᠬᠠᠨ ᠡ︕ |