| ᠵᠣᠬᠢᠶᠠᠭᠴᠢ᠄ ᠮᠠᠨᠳᠣᠯᠠ | | ᠲᠡᠷᠡ ᠵᠢᠯ ᠤᠨ ᠨᠠᠮᠣᠷ ᠭᠡᠵᠣ ᠣᠷᠳᠣ ᠠᠴᠠ ᠣᠷᠳᠣ ᠰᠠᠶᠢᠬᠠᠨ ᠨᠠᠮᠣᠷ | ᠲᠡᠭᠷᠢ ᠨᠢ ᠴᠡᠯᠮᠡᠭᠦᠨ ᠲᠡᠷᠳᠡᠭᠡᠭᠢ ᠠᠭᠤᠯᠠᠰ ᠨᠢ ᠨᠠᠷᠠ ᠪᠠᠨ ᠵᠣᠯᠠᠶᠢᠳᠠᠨ ᠦᠨᠳᠡᠯᠵᠡᠭᠡᠳ | ᠲᠦᠷᠦᠭᠡᠨ ᠲᠠᠪᠠᠭ ᠲᠤ ᠱᠥᠷᠭᠦᠭᠡᠭᠳᠡᠭᠰᠡᠨ ᠡᠪᠡᠰᠦ ᠨᠢ ᠰᠢᠭᠦᠳᠡᠷᠢ ᠪᠠᠨ ᠬᠦᠪᠢᠵᠦ | ᠲᠡᠯᠡᠭᠡᠢ ᠡᠵᠢ ᠬᠤᠩᠭᠤᠷᠳᠠᠨ ᠰᠢᠷᠭᠠᠯᠳᠣᠵᠣ ᠨᠠᠮᠢᠶᠠᠳᠠᠭᠠᠳ ᠰᠠᠶᠢᠬᠠᠨ ᠴᠦ ᠨᠠᠮᠣᠷ᠃ | ᠠᠶᠢᠷᠠᠭ ᠤᠨ ᠦᠨᠦᠷ ᠲᠣᠯᠣᠭᠠᠳ ᠤᠨ ᠣᠷᠣᠢ ᠳᠤ ᠰᠡᠩᠭᠢᠨᠡᠭᠡᠳ | ᠡᠩᠭᠡᠷ ᠤᠨ ᠵᠠᠮ ᠢᠶᠠᠷ ᠨᠡᠭᠦᠳᠡᠯ ᠤᠨ ᠴᠦᠷᠬᠦᠯᠡᠭᠡ ᠠᠯᠣᠰᠷᠠᠭᠰᠠᠨ | ᠨᠠᠷᠠ ᠰᠠᠷᠠ ᠨᠢ ᠰᠢᠪᠠᠭᠤᠳ ᠲᠠᠢ ᠪᠠᠨ ᠢᠵᠢᠯᠢᠰᠢᠭᠡᠳ | ᠨᠠᠭᠤᠷ ᠤᠨ ᠲᠣᠯᠭᠢᠶᠠᠨ ᠨᠢ ᠠᠷᠯᠠᠨ ᠴᠡᠩᠭᠡᠷᠳᠡᠭᠰᠡᠨ | ᠲᠡᠷᠡ ᠵᠢᠯ ᠤᠨ ᠨᠠᠮᠣᠷ ᠪᠢ ᠨᠣᠮᠣᠬᠠᠨ ᠪᠣᠷᠣᠯᠠᠭ ᠢᠶᠠᠨ ᠣᠨᠣᠵᠣ | ᠡᠷᠳᠡᠮ ᠤᠨ ᠬᠠᠷᠭᠤᠢ ᠶᠢ ᠴᠢᠭᠯᠡᠨ ᠵᠣᠷᠢᠭᠰᠠᠨ ᠶᠣᠮ | ᠲᠡᠭᠡᠬᠦ ᠳᠡᠭᠡᠨ ᠪᠢ ᠨᠠᠮᠣᠷ ᠲᠤ ᠬᠠᠶᠢᠷᠠᠳᠠᠢ᠃ | ᠲᠡᠷᠡ ᠵᠢᠯ ᠤᠨ ᠨᠠᠮᠣᠷ ᠭᠡᠵᠣ ᠣᠷᠳᠣ ᠠᠴᠠ ᠣᠷᠳᠣ ᠰᠠᠶᠢᠬᠠᠨ ᠴᠦ ᠨᠠᠮᠣᠷ | ᠲᠡᠭᠳᠡᠭᠡᠬᠡᠢ ᠰᠢᠭ ᠲᠡᠷᠪᠡᠭᠰᠡᠨ ᠠᠩᠭᠢᠷᠬᠠᠨ ᠨᠠᠰᠣᠨ ᠤ | ᠲᠡᠩᠳᠡᠭᠦᠦ ᠬᠠᠶᠢᠷᠠᠳᠠᠢ ᠨᠣᠳᠤᠭ ᠤᠨ ᠮᠢᠨᠢ ᠣᠷᠳᠣ ᠰᠠᠶᠢᠬᠠᠨ ᠨᠠᠮᠣᠷ ᠡ | ᠲᠦᠷᠦᠭᠡᠨ ᠲᠡᠭᠡᠷᠡ ᠬᠤᠯᠠ ᠶᠢᠨ ᠰᠠᠯᠭᠢ ᠢᠷᠡᠵᠣ ᠠᠮᠠᠷᠠᠭᠠᠳ | ᠲᠦᠳᠡᠭᠡᠨ ᠵᠠᠭᠤᠷᠠ ᠣᠯᠠᠷᠢᠯ ᠤᠰᠣᠨ ᠤ ᠰᠦᠯ ᠢ ᠦᠮᠴᠢᠷᠬᠡᠨᠡ | ᠲᠡᠷᠳᠡᠭᠡ ᠠᠭᠤᠯᠠᠰ ᠤᠨ ᠣᠷᠭᠢᠯ ᠴᠠᠭ ᠬᠤᠭᠤᠴᠠᠭᠠᠨ ᠤ ᠬᠢ ᠮᠡᠳᠦ | ᠲᠠᠷᠠ ᠵᠢᠯ ᠤᠨ ᠨᠠᠮᠣᠷ ᠢ ᠲᠠᠩᠴᠣ ᠶᠡᠭᠡ ᠰᠠᠨᠠᠭᠳᠠᠭᠤᠯᠣᠨᠠᠮ | ᠬᠠᠶᠢᠷᠬᠠᠨ ᠦᠨᠳᠦᠷ ᠠᠭᠤᠯᠠᠰ ᠡᠭᠦᠯᠡᠰ ᠢᠶᠠᠨ ᠠᠷᠭᠠᠮᠵᠢᠭᠠᠳ | ᠬᠠᠷᠠᠴᠠ ᠮᠡᠯᠮᠡᠷᠡᠬᠦ ᠮᠡᠯᠮᠡᠢ ᠲᠡᠷᠡ ᠨᠠᠮᠣᠷ ᠤᠨ ᠬᠢ | ᠬᠠᠶᠠᠭᠠᠨ ᠡ᠊ᠩᠭᠡᠷ ᠤᠨ ᠭᠤᠣᠯ ᠵᠢᠷᠦᠬᠡᠨ ᠳᠤ ᠣᠷᠣᠰᠣᠭᠠᠳ | ᠬᠠᠶᠢᠷᠠ ᠶᠢᠨ ᠴᠡᠩᠭᠡᠷ ᠠᠶᠠᠯᠭᠤ ᠲᠡᠷᠡ ᠨᠠᠮᠣᠷ ᠤᠨ ᠬᠢ | ᠲᠡᠷᠡ ᠬᠤᠯᠠ ᠶᠢᠨ ᠪᠣᠳᠣᠯ ᠵᠡᠷᠭᠡᠯᠭᠡᠨ ᠳᠤ ᠡᠭᠡᠰᠢᠭᠯᠡᠭᠡᠳ | ᠲᠠᠯᠠ ᠶᠢᠨ ᠵᠦᠭᠡᠯᠡᠨ ᠰᠠᠯᠭᠢ ᠲᠡᠷᠡ ᠨᠠᠮᠣᠷ ᠤᠨ ᠬᠢ | ᠲᠡᠷᠭᠡᠯ ᠴᠠᠭᠠᠨ ᠨᠠᠭᠤᠷ ᠲᠤ ᠣᠳᠣᠳ ᠵᠢᠰᠦ ᠪᠠᠨ ᠲᠣᠯᠢᠳᠠᠭᠠᠳ | ᠲᠠᠨᠢᠯᠬᠠᠨ ᠴᠡᠴᠡᠭᠡᠰ ᠨᠢᠯᠬᠠᠷᠠᠬᠤ ᠨᠢ ᠲᠡᠷᠡ ᠨᠠᠮᠣᠷ ᠤᠨ ᠬᠢ ᠡ︕ | ᠲᠡᠷᠡ ᠵᠢᠯ ᠤᠨ ᠨᠠᠮᠣᠷ ᠭᠡᠵᠣ ᠣᠷᠳᠣ ᠠᠴᠠ ᠣᠷᠳᠣ ᠰᠠᠶᠢᠬᠠᠨ ᠨᠠᠮᠣᠷ | ᠲᠡᠭᠳᠡᠭᠡᠬᠡᠢ ᠰᠢᠭ ᠲᠡᠷᠪᠡᠭᠰᠡᠨ ᠠᠩᠭᠢᠷᠬᠠᠨ ᠨᠠᠰᠣᠨ ᠤ | ᠲᠡᠩᠳᠡᠭᠦᠦ ᠬᠠᠶᠢᠷᠠᠳᠠᠢ ᠨᠣᠳᠤᠭ ᠤᠨ ᠮᠢᠨᠢ ᠣᠷᠳᠣ ᠰᠠᠶᠢᠬᠠᠨ ᠨᠠᠮᠣᠷ ᠡ︕ |